დღე: დეკემბერი 7, 2023

აზერბაიჯანის პრეზიდენტის, ილჰამ ალიევის განცხადებით, როცა საქართველო ევროკავშირის წევრი გახდება აზერბაიჯანს ეყოლება “კიდევ ერთი ახლო მეგობარი” ევროკავშირში, რომელიც დაიცავს. მან საქართველოს ევროკავშირში გაწევრიანების გზაზე წარმატება უსურვა. ,,ჩემი რეგულარული ვიზიტები საქართველოში და საქართველოს პრემიერ-მინისტრის რეგულარული ვიზიტები აზერბაიჯანში არა მხოლოდ თანამშრომლობის ნიშნებია, არამედ ამ ვიზიტების დროს ძალიან მნიშვნელოვანი საკითხები განიხილება. რაც შეეხება საქართველოს მისწრაფებას გახდეს ევროკავშირის წევრი, ჩვენ შეგვიძლია გავიგოთ ეს და ვუსურვოთ საქართველოს წარმატება და მივულოცოთ ჩვენს ქართველ მეგობრებს ეს ახალი განვითარებები და სტატუსი [რეკომენდაცია სტატუსის მიღებაზე] რომელიც მათ მიიღეს”, – განაცხადა ალიევმა.

რუსეთის უკრაინაზე გამარჯვება მოსკოვს ნატო-ს წევრებზე თავდასხმის მდგომარეობაში დატოვებს, – ამის შესახებ აშშ-ის პრეზიდენტმა, ჯო ბაიდენმა განაცხადა. „თუ პუტინი უკრაინას დაიპყრობს, ის იქ არ შეჩერდება. პუტინი თავს დაესხმება ნატო-ს წევრებს და შემდეგ ჩვენ გვეყოლება ამერიკელი ჯარისკაცები, რომლებიც რუს ჯარისკაცებთან იბრძვიან. ჩვენ არ შეგვიძლია, პუტინს გამარჯვების საშუალება მივცეთ“, – განაცხადა ბაიდენმა.  

აშშ-მ უკრაინას 175 მილიონი დოლარის ოდენობის ახალი სამხედრო დახმარება გამოუყოალი სამხედრო დახმარება გამოუყო. ამის შესახებ ინფორმაციას აშშ-ის  სახელმწიფო მდივანი ენტონი ბლინკენი ავრცელებს. დახმარების პაკეტი მოიცავს საჰაერო თავდაცვის სისტემებისა და HIMARS-ის სარაკეტო სისტემებისთვის საჭირო საბრძოლო მასალას და ა.შ. „თუ კონგრესი არ მიიღებს ეროვნული უსაფრთხოებისთვის დამატებითი დაფინანსების მოთხოვნას, ეს იქნება უსაფრთხოების სფეროში ერთ-ერთი ბოლო პაკეტი, რომელიც ჩვენ შეგვეძლება, მივაწოდოთ უკრაინას“, – ნათქვამია ბლინკენის განცხადებაში.