დღე: ოქტომბერი 24, 2023

საფრანგეთის პრეზიდენტი ემანუელ მაკრონი ისრაელში ჩავიდა. მედიის ინფორმაციით, მაკრონი თელ ავივში იმისთვის ჩავიდა, რომ  ფრანგი ხალხის სოლიდარობა გამოხატოს  ისრაელელი ხალხის მიმართ. მაკრონი ისრაელის პრეზიდენტ ისააკ ჰერცოგს, პრემიერ-მინისტრ ბენიამინ ნეთანიაჰუს და ოპოზიციის ლიდერ ბენი განცს შეხვდება.

თეთრი სახლის სპიკერის, ჯონ კირბის განცხადებით, ზოგიერთ შემთხვევაში ირანი აქტიურად უწყობდა ხელს ერაყსა და სირიაში აშშ-ის სამხედრო ბაზებზე სარაკეტო და უპილოტო საფრენი აპარატებით თავდასხმებს. „ბოლო ერთი კვირაა, მსგავსი თავდასხმები გახშირებულია, განსაკუთრებით კი ბოლო რამდენიმე დღეა. აშშ არ დაუშვებს, რომ მისი ინტერესები რეგიონში უპასუხოდ დარჩეს“, – აღნიშნა კირბიმ. მისივე თქმით, აშშ ღრმადაა შეშფოთებული ამ თავდასხმების მნიშვნელოვანი ესკალაციის პოტენციალით უახლოეს დღეებში.