დღე: ოქტომბერი 24, 2022

,,ევროპის გაფართოება არის გარდაუვალი და საჭიროც. ეს მოვისმინეთ დღეს ჩვენ ორმხრივ შეხვედრებზე. არა მხოლოდ საქართველოს სჭირდება, რომ გახდეს ევროკავშირის წევრი, არამედ ევროპასაც სჭირდება, რომ ჰყავდეს ისეთი პარტნიორი და წევრი ოჯახში როგორიც საქართველოა. ამისთვის საჭიროა ინსტიტუციური რეფორმების დასრულება და იმ საქმის ბოლომდე მიყვანა, რაც ჩვენ ჩვენს საზოგადოებასთან ერთად დავიწყეთ და ბოლო წლების განმავლობაში განსაკუთრებით აქტიურად ვასრულებთ ამ სამუშაოს“,-ამის შესახებ ვიცე-სპიკერმა არჩილ თალაკვაძემ განაცხადა, რომელიც საპარლამენტო დელეგაციასთან ერთად, ხორვატიაში, ყირიმის საერთაშორისო პლატფორმის პირველ საპარლამენტო სამიტში მონაწილეობს. არჩილ თალაკვაძის თქმით, ორმხრივ შეხვედრებზე ევროპელ პარტნიორებთან განხილული იყო საქართველოს პროგრესი, ასევე, რეკომენდაციების შესრულების საკითხი და…

მეტი...

საქართველოს პრეზიდენტის ადმინისტრაცია აზერბაიჯანის პრეზიდენტის, ილჰამ ალიევის საქართველოში ვიზიტთან დაკავშირებით განცხადებას ავრცელებს და აღნიშნავს, რომ სალომე ზურაბიშვილი არ ყოფილა ინფორმირებული ილჰამ ალიევის საქართველოში ვიზიტის შესახებ. „საქართველოს პრეზიდენტი მიესალმება აზერბაიჯანის რესპუბლიკის პრეზიდენტის, ბატონი ილჰამ ალიევის სამუშაო ვიზიტს საქართველოში. საკითხის მნიშვნელობიდან გამომდინარე, საქართველოს პრეზიდენტის ადმინისტრაცია მიზანშეწონილად მიიჩნევს საზოგადოებას აცნობოს, რომ პრეზიდენტი არ ყოფილა ინფორმირებული ჩვენი მეზობელი და მეგობარი ქვეყნის პრეზიდენტის, ბატონი ილჰამ ალიევის საქართველოში სამუშაო ვიზიტის შესახებ. საქართველოს პრეზიდენტის სურვილისა და მზაობის მიუხედავად, სამწუხაროდ, პრეზიდენტებს შორის ვერ შედგა შეხვედრა, რომელიც ქვეყანაში ყველა სახელმწიფო მეთაურის ვიზიტისას ტრადიციულად იმართება. საქართველოს პრეზიდენტი კიდევ ერთხელ გამოხატავს მზაობასა…

მეტი...

,,ვფიქრობ, მართლმსაჯულების რეფორმამ უნდა გადაჭრას ის ძირითადი და მთავარი გამოწვევები, რაც დგას სასამართლოს წინაშე, მაგალითად, ზოგიერთ სასამართლოში არის ძალიან ბევრი დაგროვილი საქმე, ზოგან არის მოსამართლეების ნაკლებობა და რაც მთავარია, მოქალაქეებმა უნდა მიიღონ სათანადო მხარდაჭერა მართლმსაჯულების კუთხით, – ამის შესახებ საქართველოში აშშ-ის ელჩმა, კელი დეგნანმა განაცხადა. კელი დეგნანი ლევან მურუსიძისა და დიმიტრი გვრიტიშვილის იუსტიციის უმაღლესი საბჭოს მოსამართლე წევრებად დაამტკიცებას გამოეხმაურა. „ამის შეფასებას გააკეთებს ალბათ ევროკავშირის კომისია. რაც შეეხება თავად მართლმსაჯულების რეფორმას, ეს არის ერთ-ერთი მნიშვნელოვანი რეფორმა და არა მხოლოდ ნაწილი იმ 12 რეკომენდაციისა. ამაზეა საუბარი ასოცირების ხელშეკრულებაშიც და ეს ძალიან მნიშვნელოვანი…

მეტი...

,,მე არ ვეძებ თავისუფლებას, მე ის ისედაც მაქვს, მე ვეძებ სამართლიანობას და თქვენი ვალია მაპოვნინოთ სამართლიანობა და სამართალი,” – ამის შესახებ  „მთავარი არხის“ დამფუძნებელმა, ნიკა გვარამიამ თბილისის სააპელაციო სასამართლოში განაცხადა, სადაც  მისი საქმის დასკვნითი პროცესი გაიმართა. გვარამიას თქმით, მას ზუსტად იგივე რეაქცია ექნებოდა სხვა დროს რომ მიღებულიყო ეს გადაწყვეტილება და  ზუსტად იგივე რეაქცია ექნებოდა ჯარიმა რომ ყოფილიყო პატიმრობის ნაცვლად. „რა შემიძლია გითხრათ თქვენ პერსონალურად? – თქვენი გადასაწყვეტია, თქვენი პროფესიული სინდისი რას გიკარნახებთ. სინდისს ვერ დააძალებთ, ისევე, როგორც ბოდიშის მოხდას ვერ დააძალებთ ადამიანს იმიტომ, რომ ეს მისი პერსონალური დამოკიდებულებაა. ისე ვერ…

მეტი...

„ნებისმიერი რამ, რაც ჰყოფს საქართველოს და უკრაინას ან ხელს უწყობს უთანხმოებას საქართველოსა და უკრაინას შორის, სარგებელს აძლევს მხოლოდ და მხოლოდ რუსეთს“,– ამის შესახებ საქართველოში აშშ-ის ელჩმა კელი დეგნანმა განაცხადა. ელჩის თქმით, მას არ სურს უკრაინის პრეზიდენტის ადმინისტრაციის მრჩეველის, ალექსეი არესტოვიჩის განცხადებაზე ისაუბროს. „არ მსურს, არესტოვიჩის ნაცვლად გავცე პასუხი, ვერ გავცემ პასუხს, იგი არის უკრაინის მთავრობის წევრი. მე გეტყვით აშშ-ის პოზიციას. ჩვენ თანიმდევრულად და მტკიცედ ვუჭერთ მხარს საქართველოს ევროპულ მისწრაფებებს, რაც გულისხმობს ევროკავშირისა და ნატო-ს წევრობას, ვწევთ ყველანაირ ძალისხმევას, რომ საქართველომ მიაღწიოს თავის ამ მიზნებს. ვფიქრობ, ახლა არსებობს რეალური შესაძლებლობა ამისა, თუკი…

მეტი...

„უნდა შევეშვათ კონსოლიდაციას წარსულის გარშემო. ეს სირცხვილია და ჩამორჩენილობის ნიშანია. კონსოლიდაცია უნდა მოხდეს მომავლის გარშემო, რომელიც აქ არის კართან და გვიკაკუნებს და ჩვენ არ ვაღებთ“, – ამის შესახებ  „მთავარი არხის“ დამფუძნებელმა, ნიკა გვარამიამ თბილისის სააპელაციო სასამართლოში განაცხადა, სადაც  მისი საქმის დასკვნითი პროცესი მიმდინარეობს. გვარამიას თქმით, მას იმედი აქვს, რომ გამოვა ციხიდან, რადგან მისი ბედი მხოლოდ ქართული სასამართლოს წინაშე არ წყდება, წინ არსებობს სტრასბურგის სასამართლოა. „რაც შეეხება ჩემს ყოფნას იზოლაციაში, გალიაში თუ რა დავარქვა ამას არ ვიცი, მე არ ვოცნებობ თავისუფლებაზე – ეს მაქვს. იმედი მაქვს, რომ გამოვალ, იმიტომ, რომ ჩემი…

მეტი...

თბილისის მერი  საკრებულოს ოპოზიციონერი დეპუტატების მოთხოვნას ეხმაურება, რომლის თანახმადაც, კახა კალაძე ვაკის პარკში მომხდართან დაკავშირებით საკრებულოს რიგგარეშე სხდომაზე უნდა მივიდეს. კალაძის თქმით, საკრებულოში მაშინ მივა და გასცემს ყველანაირ შეკითხვას პასუხს, როცა ამის დრო და აუცილებლობა იქნება. „კახა კალაძეს არასდროს არ დაუხევია უკან ოპოზიციასთან თანამშრომლობაზე, არასდროს. აი, თუნდაც ახალი არჩეული იყო საკრებულო, როდესაც ვიყავი მისული, მაშინვე დავაფიქსირე ჩემი მზაობა თანამშრომლობასთან, მაგრამ თანამშრომლობა ცალმხრივი ვერ იქნება. შესაბამისად, ჩვენ გვახსოვს მათი დამოკიდებულება, განცხადებები, შეურაცხყოფები, ცილისწამება. თუ კი რაიმე სიბინძურე შეიძლება ადამიანმა მოიფიქროს, ყველაფერს კადრულობენ. საკრებულოში მისვლას რაც შეეხება, ამას გადავწყვეტ მე. მივალ, როცა საჭიროა…

მეტი...

„ხალხის ძალა“ ფართოვდება, დღეს მოძრაობას 200-მდე ახალი წევრი შეემატა – ესენი არიან საკრებულოს წევრები და თანამდებობის პირები უკლებლივ ყველა მუნიციპალიტეტიდან, – ამის შესახებ მოძრაობის ლიდერებმა დღეს გამართულ პრესკონფერენციაზე განაცხადეს. მათივე განცხადებით, “ხალხის ძალის” პირველი ამოცანა ქვეყნისთვის “მეორე ფრონტის” გახსნის თავიდან არიდება იყო, რაც წარმატებით მოახერხეს. „ბოლო პერიოდში განვითარებულმა მოვლენებმა და საჯარო განცხადებებმა კიდევ ერთხელ მკაფიოდ დაადასტურა, რამდენად სწორი და ხალხის ინტერესებიდან გამომდინარე მიღებული გადაწყვეტილება იყო, როცა საზოგადოებრივი მოძრაობა „ხალხის ძალა“ ჩამოვაყალიბეთ და ჩვენს ერთ-ერთ მთავარ ამოცანად დავისახეთ, საქართველოს მოსახლეობას ღიად ველაპარაკოთ იმ საფრთხეებისა და გამოწვევების შესახებ, რომელთა წინაშეც დღეს ჩვენი…

მეტი...

დედაქალაქის მერი კახა კალაძე ვაკის პარკში მომხდარ ტრაგედიას კიდევ ერთხელ გამოეხმაურა და აღნიშნა, რომ ეს დღე დედაქალაქის ისტორიაში უმძიმესი და პირადად მისთვის, გამანადგურებელი იყო. კახა კალაძის თქმით, დედაქალაქში მცხოვრები მოქალაქეების წინაშე აქვს პასუხისმგებლობა და ვალდებულება, გააგრძელოს საქმიანობა ისე, როგორც ეს ქალაქის განვითარებისთვისაა აუცილებელი. „კიდევ ერთხელ მინდა, შევეხო იმ ტრაგედიას, რომელიც 11 დღის წინ დატრიალდა. უმძიმესი დღე დედაქალაქის ისტორიაში, უმძიმესი დღე ოჯახისთვის, პირადად ჩემთვის – ტრაგედია, რომელმაც გამანადგურა. პარალელურად, უნდა აღვნიშნო, რომ მაქვს უდიდესი პასუხისმგებლობა აღებული, პასუხისმგებლობა ამ ქალაქში მცხოვრები ადამიანების წინაშე, პასუხისმგებლობა იმ ასეულობით ათასი ადამიანის წინაშე, რომელმაც ნდობა გამომიცხადა.…

მეტი...

,,ქარიც გვესალმება, თავს ვგრძნობ სახლში,”- ამის შესახებ აზერბაიჯანის პრეზიდენტმა ილჰამ ალიევმა  საქართველოს პრემიერ-მინისტრ ირაკლი ღარიბაშვილთან შეხვედრის შემდეგ ერთობლივი განცხადებებისას აღნიშნა. მისივე თქმით, დღევანდელი ვიზიტი შეიტანს წვლილს მოძმე ერების ურთიერთობების კიდევ უფრო განვითარებაში. ,,ბედნიერები ვართ, რომ თქვენს ლამაზ ქვეყანაში ჩამოვედით. ქარი ბაქოს მაგონებს, ამით დასტურდება, რომ ქარიც გვესალმება, თავს ვგრძნობ სახლში. მიხარია, რომ კვლავ ვიმყოფები თქვენს ქვეყანაში. ხშირად გვაქვს შეხვედრები საქართველოს პრემიერ-მინიტრ ირაკლი ღარიბაშვილთან. გასულ წელს, ბატონი ირაკლი ორჯერ იყო ჩამოსული აზერბაიჯანში. საერთაშორისო ღონისძიებებზეც ვხვდებით ერთმანებთს და დარწმუნებული ვარ, დღევანდელი ვიზიტიც შეიტანს წვლილს მოძმე ერების ურთიერთობების კიდევ უფრო განვითარებაში. ეს ყველაფერი…

მეტი...

საქართველოს პრემიერ-მინისტრი ირაკლი ღარიბაშვილი აზერბაიჯანის რესპუბლიკის პრეზიდენტს ილჰამ ალიევს შეხვდა. საქართველოში აზერბაიჯანის რესპუბლიკის პრეზიდენტის სამუშაო ვიზიტის ფარგლებში გამართულ პირისპირ შეხვედრაზე საქართველოსა და აზერბაიჯანის რესპუბლიკას შორის არსებულ განსაკუთრებულ მეგობრულ ურთიერთობებსა და სტრატეგიულ პარტნიორობას გაესვა ხაზი. აღინიშნა ორ ქვეყანას შორის არსებული სტრატეგიულ პარტნიორობის მაღალი დონე და აქტიური პოლიტიკური დიალოგი. ხაზი გაესვა სავაჭრო-ეკონომიკური მიმართულებით ინტენსიურ თანამშრომლობას. ირაკლი ღარიბაშვილმა აღნიშნა, რომ რეგიონში მშვიდობა და სტაბილურობა ეკონომიკურ განვითარებას უზრუნველყოფს. ითქვა, რომ საქართველო და აზერბაიჯანის რესპუბლიკა საგარეო პოლიტიკის მიმართულებით მჭიდროდ თანამშრომლობენ და არსებული გამოწვევების დასაძლევად გაერთიანებული ძალებით მუშაობენ. გამოითქვა ორ ქვეყანას შორის ორმხრივი პოლიტიკური, ეკონომიკური, კულტურული…

მეტი...

„ნაციონალური მოძრაობის“ თავმჯდომარე ნიკა მელია საქართველოს პარლამენტის თავმჯდომარე შალვა პაპუაშვილის მიერ ევროსაბჭოს საპარლამენტო ასამბლეის პრეზიდენტისთვის წერილობით მიმართვას ეხმიანება. მისი თქმით, საუბარი იმაზე, თითქოს სააკაშვილის ფაქტორი გახდა შემაკავებელი მთლიანად რეზოლუციისთვის, არის ძალიან დიდი ტყუილი. „ეს მორიგი ყალბი არგუმენტია, რომელსაც ტრადიცია ჩაუყარა „ქართულმა ოცნებამ“ – ყველა მნიშვნელოვან გადაწყვეტილებებში საპირისპირო პოზიციის დაფიქსირებისას, „ოცნება“ ეძებს მიზეზს თუ როგორ გაიმართლოს თავი. სინამდვილეში მათ მხარი არ დაუჭირეს რეზოლუციას ერთადერთი ძალიან მძიმე მიზეზის გამო – რუსეთის ტერორისტულ სახელმწიფოდ აღიარება იყო მიუღებელი „ქართული ოცნებისთვის“ და მოიყვანეს სისრულეში თავიანთი განზრახვა. მათ თავისუფლად შეეძლოთ რეზოლუციისთვის მხარი დაეჭირათ და მხოლოდ შესწორებისთვის არ გამოეთქვათ…

მეტი...