დღე: ოქტომბერი 14, 2022

,,ოპოზიციის რადიკალური ჯგუფი მხოლოდ იმით არის დაკავებული, რომ დააზიანონ საქართველოს ევროპული მომავალი,”- ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა. მისი თქმით, რაც უფრო მალე გაერთიანდებიან გარკვეული ოპოზიციური პარტიები, მით უფრო მალე გახდება საზოგადოებისთვის ნათელი, რომ  ერთ ჯგუფს წარმოადგენენ. „სინამდვილეში, აქ არანაირი პარტიული მრავალფეროვნება არ არსებობს, ეს არის იდეოლოგიის, ერთი მისწრაფების მქონე პოლიტიკოსების ჯგუფი. ამიტომ, რაც უფრო მალე გაერთიანდებიან, მით უფრო ნათელი იქნება საზოგადოებისთვის, რომ ჩვენ საქმე გვაქვს ერთ ჯგუფთან, რომელიც გამოირჩევა რადიკალიზმით და მათთვის მნიშვნელოვანია მხოლოდ საკუთარი დღის წესრიგი, ძალაუფლება. ამას მხოლოდ მივესალმები. კარგი იქნება, რაც უფრო გამსხვილდება ჯგუფები…

მეტი...

„ნაციონალური მოძრაობის“ მხრიდან ჩვენ ამას შეჩვეული ვართ, მათთვის საქართველოს რეპუტაცია არაფრად ღირს, როდესაც ისინი საუბრობენ საკუთარ ლიდერზე, – ასე ეხმაურება საქართველოს პარლამენტის თავმჯდომარე შალვა პაპუაშვილი ევროპის საბჭოს საპარლამენტო ასამბლეის რეზოლუციას. პაპუაშვილის თქმით, არ არის სასიამოვნო მომენტი, როდესაც ასეთი მნიშვნელოვანი რეზოლუციის გამოყენება ხდება პარტიული ინტერესებისთვის. „ადამიანის, რომლის ბრალეულობაც დადასტურებული აქვს თავად ევროპის საბჭოს, ადამიანის უფლებათა ევროპულ სასამართლოს, რომელმაც თავის გადაწყვეტილებაში „გირგვლიანი საქართველოს წინააღმდეგ“, პირდაპირ ხელი დაადო სააკაშვილს, ადამიანს, რომელიც უზრუნველყოფდა, რომ სამართლიანი სასჯელი არ შეფარდებოდა დამნაშავე პირებს, სამართალი არ აღსრულებულიყო გირგვლიანის მკვლელების წინააღმდეგ. არ არის სასიამოვნო მომენტი, როდესაც ასეთი მნიშვნელოვანი რეზოლუციის გამოყენება…

მეტი...

,,როცა ადამიანს საყვედურად ვეუბნებით, რომ რაღაც არ უნდა გაგეკეთებინა, მაშინ უნდა ვუთხრათ, რომ რაღაც სხვაგვარად უნდა გაეკეთებინა და მე არ მგონია, რომ ქალაქის მერს სათითაოდ, თითოეული ექსპერტიზის საფუძვლიანობის შემოწმება ეკისრებოდეს ვალდებულებად,”- ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა. სარჯველაძის თქმით, დედაქალაქის მერის გადადგომის საფუძველი არ არის. ,,ერთი დღეა გასული ტრაგედიიდან და ადამიანურად ძნელია, რომ თუ ნატამალი სისხლი მაინც გაქვს ორგანიზმში, შეუძლებელია საღი პოზიციები ჩამოიყალიბო, ვიღაცები ცდილობენ ამ ცხელი ვითარების სათავისოდ გამოყენებას და ეს უზნეობაა. საღად შევაფასოთ, გაივლის დრო და შეგვეძლება ყველას რაღაცნაირად, ცივად მიუდგეთ ამ საკითხს და შევაფასოთ რამდენიმე…

მეტი...

საქართველოს მესამე პრეზიდენტი, მიხეილ სააკაშვილი ევროპის საბჭოს რეზოლუციაში მის მოხსენიებას ეხმაურება. სააკაშვილის თქმით, რეზოლუციაში მისი, როგორც პუტინის პირადი პატიმრის მოხსენიება, სიტუციის ზუსტი აღწერაა. ,,ევროპის საბჭოს ისტორიულ რეზოლუციაში ჩემი, როგორც პუტინის პირადი პატიმრის ჩართვა – სიტუაციის ზუსტი აღწერაა, მაგრამ ვერ ვიტყვი, რომ მახარებს. ეს აზიანებს საქართველოს საერთაშორისო რეპუტაციას და მიმაჩნია, რომ ამ რთულ ვითარებაში საქართველოს ვნებს მეტი შინაგანი კონფრონტაცია და პირიქით, სჭირდება კონსოლიდაცია და საერთო ენის გამონახვა”, – წერს მიხეილ სააკაშვილი. ცნობისთვის,ევროსაბჭოს საპარლამენტო ასამბლეამ 13 ოქტომბერს მიიღორეზოლუცია, სადაც ნათქვამია, რომ:„ასამბლეა ასევე მოუწოდებს, გადაიხედოს სხვა პოლიტიკური პატიმრების საქმეები, რომლებიც პრეზიდენტ პუტინის წინააღმდეგ გამოდიან რუსეთში…

მეტი...

ვაკის პარკში მომხდარ ტრაგედიას, რომელსაც 13 წლის მარიტა მეფარიშვილის სიცოცხლე ემსხვერპლა მიხეილ სააკაშვილი ეხმაურება და გარდაცვლილის  მშობლებს სამძიმარს უცხადებს. ,,ჩემი შვილი ედუარდი ცეკვაზე 55-ე სკოლაში დადიოდა, ჩემი ალისა ძალიან ხშირად თამაშობს ვაკის პარკში. შეძრწუნებული ვარ იმით, რაც მოხდა და რაც ნებისმიერ ჩვენგანს შეიძლება დამართნოდა. ჩემი გულწრფელი, მამობრივი სამძიმარი მშობლებს.”- აცხადებს სააკაშვილი.

მეტი...

თბილისის მერის მოადგილის ანდრია ბასილაიას განმარტებით, ვაკის პარკში მდებარე შადრევნის რეაბილიტაციის პროცესი აგვისტოში დასრულდა და მას შემდეგ სისტემის ტესტირება აქტიურ რეჟიმში მიმდინარეობდა. მისი თქმით, მუნიციპალიტეტი ნებისმიერი პროექტის განხორციელებისას ყოველთვის უსაფრთხოების მაღალ სტანდარტს ითხოვს. „მოგეხსენებათ, ძალიან ბევრი ობიექტი გვაქვს ქალაქში და უსაფრთხოებასთან დაკავშირებული პრობლემები არსად გვქონია. ამ შემთხვევაშიც, გათვალისწინებული იყო კონკრეტული „რელე“, რომელსაც უნდა ემუშავა ძაბვის ცვალებადობის დროს. ახლა გამოძიების საგანია, რატომ არ იმუშავა ამ ხელსაწყომ. ამასთან, რეალურად შადრევნის რეაბილიტაცია დასრულდა აგვისტოს ბოლოს, რის შემდეგაც, როგორც მუნიციპალიტეტის, ისე კონტრაქტორი კომპანიის თანამშრომლები ყოველდღიურ რეჟიმში იყვნენ ჩართულ შადრევანში, აქტიურად აკეთებდნენ სისტემის ტესტირებას და…

მეტი...

,,ევროსაბჭოს საპარლამენტო ასამბლეის მიერ მიღებულ რეზოლუციაში არის ერთი უსამართლო ჩანაწერი, მთავარია, პარტნიორებმა იციან ყველაფერი სააკაშვილის საქმის შესახებ, ”– ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა. კობახიძის თქმით, პარტნიორებმა იციან, რომ  სააკაშვილი ექიმების მეთვალყურეობის ქვეშ არის, დანარჩენი კი პოლიტიკური სპეკულაციებია. ,,56 ხმით 600-კაციან ასამბლეაში შეაპარეს რაღაც ცვლილება, სადაც მოხსენიებულია მიხეილ სააკაშვილი. ეს არის ზოგადად სამწუხარო მოვლენა, თუმცა არაფერი გვიკვირს ჩვენ მას შემდეგ, რაც ევროპარლამენტმა 300-ზე მეტი ხმით მიიღო სრულიად უსამართლო რეზოლუცია რამდენიმე თვის წინ. არაფერი განსაკუთრებული. არის ერთი უსამართლო ჩანაწერი, რომელიც მოხვდა PACE-ს რეზოლუციაში. მთავარია, რომ პარტნიორებმა იციან ყველაფერი…

მეტი...

,,ლაშა ფურცხვანიძისთვის ბრალის წარდგენას არ ველოდები, არ არის საკმარისი მტკიცებულებები,”- ამის შესახებ კომპანია “გრინსერვის პლუსის” დირექტორის, ლაშა ფურცხვანიძის ადვოკატმა, ტარიელ კიკნაძემ განაცხადა. მისი თქმით, ფურცხვანიძე პასუხისმგებლობას გრძნობს, თუმცა მას არ უთხვამს, რომ დამნაშავეა. ,,დასრულდეს პროცესი და ყველაფერს გეტყვით შემდეგ. მე ვარ ლაშა ფურცხვანიძის ადვოკატი. რა თქმა უნდა, პასუხისმგებლობას ეს კაცი გრძნობს,მაგრამ მას არ უთქვამს, რომ მე დამნაშავე ვარო”,- განაცხადა ტარიელ კიკნაძემ. ცნობისთვის, ლაშა ფურხვანიძე ,,გრინსერვის პლიუსის” დირექტორია, კომპანიის, რომელმაც ვაკის პარკის ტერიტორიაზე სარეაბილიტაციო სამუშაოები ჩაატარა. გუშინდელი ტრაგედიის შემდეგ, უკვე თითქმის 24 საათია ლაშა ფურცხვანიძე ვაკე-საბურთალოს პოლიციის მთავარ სამმართველოში იკითხება.

მეტი...

საქართველოს ჯანდაცვის მინისტრი ზურაბ აზარაშვილი „ნიუს ჰოსპიტალსში“ იმყოფებოდა, სადაც ვაკის პარკში დაშავებული ბავშვი მოინახულა. მინისტრის განცხადებით დაშავებულმა ბავშვებმა შესაძლოა, კლინიკები მალე დატოვონ. „ვუსამძიმრებ პატარა ანგელოზის ოჯახს და სრულიად საქართველოს. რაც შეეხება ლაზარეს მდგომარეობას, მნიშვნელოვნად გაუმჯობესებულია გუშინდელის შემდეგ. ძალიან დიდი იმედებით გამოვედი კლინიკიდან. დიდხანს ვისაუბრეთ ექიმთან, რეანიმატოლოგთან, ასევე ოჯახის წევრებსაც ვესაუბრე. ვფიქრობ, რომ ძალიან მალე ის დატოვებს კლინიკას. ჩვენი მხრიდან რაც არის საჭირო, ყველაფრისთვის მზად ვართ და ყველაფერს გავაკეთებთ. რაც შეეხება მესამე ბავშვს ანდრიას, ის შეიძლება, ერთი საათის განმავლობაში გაეწეროს იაშვილის კლინიკიდან და თავს კარგად გრძნობს“, – განაცხადა აზარაშვილმა.  

მეტი...

მწერალ ბესო სოლომანაშვილის ფეისბუქ პოსტს,  კულტურის მინისტრი თეა წულუკიანი ეხმიანება და აცხადებს, რომ მინისტრი ამბობს, რომ კახა კალაძის შვილისადმი მიწერილი ასეთი სიტყვების შემდეგ სოლომანაშვილს მწერალი, ბრჭყალებში შეიძლება ეწოდოს. „იცნობდეთ: ამ პოსტის მერე – მწერალს ბრჭყალებში, და მდაბიო სვეწილას ბრჭყალების გარეშე და საბჭოურ ენაზე! რა ოხერია მაინც ეს საბჭოური მენტალიტეტი! თავისუფლებისა და ინტელექტუალიზმით აღვსილი ატიტიუდის მანტიაში რომ გამოახვევს ხოლმე მისი პატრონი შუბივით! ეს შუბიც რა მოღალატეა?! ხან სად გამოყოფს ცხვირს, ხან – სად. ფუი, შეგირცხვა ის ნამუსი, რაც არც არასდროს გაგაჩნდა!“- წერს თეა წულუკიანი სოციალურ ქსელში. ცნობისათვის, გახმაურებული პოსტი ბესო სოლომანაშვილმა დაწერა:…

მეტი...

,,მინდა კიდევ ერთხელ მივუსამძიმრო გარდაცვლილი ახალგაზრდა მარიტას ოჯახს, მის ახლობლებს, მის მეგობრებს, ჩვენს საზოგადოებას ეს დატრიალებული უბედურება,” – ამის შესახებ საქართველოს პრემიერ-მინისტრმა ირაკლი ღარიბაშვილმა სვეტიცხოველში განაცხადა, სადაც სვეტიცხოვლობის დღესასწაულთან დაკავშირებით წირვას დაესწრო. „გუშინ სამწუხაროდ, დიდი უბედურება დატრიალდა. დღეს ჩვენ არ გვაქვს საზეიმო განწყობა. მე მინდა, კიდევ ერთხელ მივუსამძიმრო გარდაცვლილი ახალგაზრდა მარიტას ოჯახს, მის ახლობლებს, მის მეგობრებს, ჩვენს საზოგადოებას ეს დატრიალებული უბედურება. ღმერთმა ნათელში ამყოფოს მისი სული და გაანათლოს“, – განაცხადა პრემიერმა.

მეტი...