დღე: ოქტომბერი 5, 2022

რუსეთის ფედერაციის პრეზიდენტის, ვლადიმერ პუტინის განკარგულებით, ზაპოროჟიეს ატომური ელექტროსადგურის ობიექტები რუსეთის ფედერალურ საკუთრებაში გადადის. განკარგულებას ხელი უკვე მოეწერა. „რუსეთის ფედერაციის მთავრობამ უნდა უზრუნველყოს, რომ ზაპოროჟიეს ატომური ელექტროსადგურის ატომური ობიექტები და მისი საქმიანობის განსახორციელებლად საჭირო სხვა ქონება ფედერალურ საკუთრებაში იყოს მიღებული“, – აღნიშნულია პუტინის ხელმოწერილ დოკუმენტში.

ოკუპანტი ქვეყნის პრეზიდენტი უკრაინელი ერის მიმართ  მიმართ პატივისცემას ადასტურებს და აცხადებს, რომ მათ არასდროს მოექცევა ისე, როგორც უკრაინა რუსულ კულტურას ექცევა. „ყოველთვის, დღევანდელი დღეების ტრაგედიის მიუხედავად, ჩვენ უდიდესი პატივისცემით ვეპყრობით უკრაინულ ერს, უკრაინულ კულტურას, უკრაინულ ენას, ლიტერატურას და ასე შემდეგ. ჩვენ არასდროს დაგვიშვია ის, რასაც უკრაინაში აკეთებენ რუსული კულტურისა და რუსული ენის მიმართ. ჩვენი მხრიდან ჩვენ სხვა გზით წავალთ – პატივისცემით მოვეპყრობით ყველაფერ უკრაინულს”, – აცხადებს რუსეთის ფედერაციის პრეზიდენტი.  

„რუსეთის ატომური მუქარის მიუხედავად, უკრაინისადმი ევროკავშირის მხარდაჭერა უცვლელია“ –  აცხადებს ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი. როგორც დიპლომატმა ევროპარლამენტში სიტყვით გამოსვლისას აღნიშნა, ომი უკვე ახალ ფაზაში შევიდა. „ომი ახალ ფაზაში გადავიდა და ცხადია რომ ეს სახიფათო ფაზაა.  საშინელ სცენარს ვხედავთ, რომელზეც თვალები არ უნდა დავხუჭოთ. ეს ატომური სახელმწიფოს მონაწილეობით ჩვეულებრივი ომის სცენარია. ატომური სახელმწიფოსი, რომელიც სცენარს შორდება და ატომური იარაღის გამოყენებით იმუქრება. ეს მართლაც შემაშფოთებელი სცენარია, რომელშიც ჩვენ უნდა ვაჩვენოთ, რომ უკრაინისადმი ჩვენი მხარდაჭერა ურყევია”, – აღნიშნა ბორელმა. მისივე შეფასებით, პუტინი ზამთარს ელოდება, რომ უკრაინას…

,,ჩვენ მხარს დავუჭერთ ჩვენს უკრაინელ მეგობრებთან იმდენხანს, რამდენ ხანსაც საჭირო იქნება. უკრაინას შეუძლია გაიმარჯვოს, უკრაინამ უნდა გაიმარჯვოს და უკრაინა გაიმარჯვებს“,”-ამის შესახებ დიდი ბრიტანეთის პრემიერ-მინისტრმა, ლიზ ტრასმა განაცხადა. მისივე თქმით, უკრაინის ტერიტორიის დათმობას არანაირი სამშვიდობო შეთანხმება არ უნდა ითვალისწინებდეს. „უკრაინელი ხალხი იბრძვის არა მხოლოდ მათი უსაფრთხოებისთვის, არამედ ყველა ჩვენგანის უსაფრთხოებისთვის. ეს არის ბრძოლა თავისუფლებისა და დემოკრატიისთვის მთელ მსოფლიოში. პუტინის მიერ უკრაინის ტერიტორიის უკანონო ანექსია მიმართულია დემოკრატიის დამხობისა და საერთაშორისო სამართლის დარღვევისკენ,“- განაცხადა პრემიერ-მინისტრმა.    

,,უკრაინის წინააღმდეგ ჩადენილი აგრესიისთვის უნდა შეიქმნას სპეციალური ტრიბუნალი, რათა დაისაჯონ ისინიც, ვისზეც, სამწუხაროდ, ხელი არ მიუწვდება სისხლის სამართლის საერთაშორისო სასამართლოს და მსოფლიოს ყველა სხვა სასამართლო ინსტიტუტს“,- ამის შესახებ უკრაინის პრეზიდენტმა  ვოლოდიმირ ზელენსკიმ განაცხადა. მისივე თქმით,  უკრაინაში ჩადენილი დანაშაულებისთვის რუსეთის პოლიტიკურ და სამხედრო ლიდერებს პასუხი უნდა აგებინონ. „ჩვენ პასუხისგებაში უნდა მივცეთ ისინი, ვისი გადაწყვეტილებითაც დაიწყო ეს ყველაფერი. ისინი, ვინც თავდაპირველი დანაშაული ჩაიდინა. დანაშაული, რომელშიც თავმოყრილია ის ბოროტება, რაც რუსმა ოკუპანტებმა გამოავლინეს. და ჩვენ ჯერ კიდევ არ გვაქვს ისეთი ინსტიტუციური საფუძველი, რომ აგრესიის დანაშაულისთვის პასუხი აგებინოს რუსეთის პოლიტიკურ და სამხედრო ხელმძღვანელობას“, –…

,,პუტინი  ელოდება “გენერალური ზამთრის” მოსვლას, რომელიც ყოველთვის ამთავრებდა რუსეთის არმიის გადარჩენას,”- ამის შესახებ საგარეო და უსაფრთხოების საკითხებში ევროკავშირის უმაღლესმა წარმომადგენელმა ჯოზეფ ბორელმა განაცხადა. ბორელის თქმით, მხარდაჭერა უკრაინისადმი ურყევი უნდა იყოს, რადგან უკრაინის უსაფრთხოება განუყოფლად არის დაკავშირებული ევროპის უსაფრთხოებასთან. ,,პუტინი ფიქრობს, რომ დემოკრატიები სუსტია, რომ საზოგადოებრივი აზრის სისტემები ცივ ზამთარს ვერ გადაურჩებიან. ის ელოდება “გენერალური ზამთრის” მოსვლას, რომელიც ყოველთვის ამთავრებდა რუსეთის არმიის გადარჩენას. ის ელოდება სიცივეს, გაზის მიწოდების შეფერხებას, მაღალ ფასებს და დაბალ ტემპერატურას, რათა შეარყიოს ჩვენი ნება, გავაგრძელოთ უკრაინის მხარდაჭერა. ეს ის ადგილია, სადაც ევროპელებს ვთხოვთ გაიგონ, რა არის სასწორზე.…

ლუგანსკის სამხედრო საოლქო ადმინისტრაციის ხელმძღვანელის სერგეი გაიდაის ინფორმაციით, უკრაინის შეიარაღებულმა ძალებმა ლუგანსკის ოლქში რამდენიმე დასახლებული პუნქტი გაათავისუფლეს. გაიდაის განცადებით, ლუგანსკის ოლქის დეოკუპაცია დაიწყო. „ახლა უკვე ოფიციალურად – ლუგანსკის ოლქის დეოკუპაცია დაიწყო. რამდენიმე დასახლებული პუნქტი უკვე გათავისუფლებულია რუსული არმიისგან და იქ უკრაინის შეიარაღებული ძალები უკვე უკრაინულ დროშას წევენ“ , – წერს გაიდაი.

შვედმა დეპუტატმა ევროპარლამენტში, ირანელი ქალების სოლიდარობის ნიშნად, თმა მოიჭრა. „ვიდრე ირანელი ქალები არ იქნებიან თავისუფალნი, ჩვენ თქვენ გვერდით ვიქნებით“, – განაცხადა ევროპარლამენტის წევრმა სტრასბურგში გამართულ სესიაზე, რომელზეც ირანში არსებული ვითარება განიხილებოდა. ცნობისთვის, ორ კვირაზე მეტია, რაც ირანში საპროტესტო გამოსვლები მიმდინარეობს. დემონსტრაციები 22 წლის მაჰსა ამინის გარდაცვალებას მოჰყვა. ახალგაზრდა ქალი მაჰსა ამინი თეირანში ჰიჯაბის ტარების წესის დარღვევისთვის დააკავეს. ის 16 სექტემბერს საავადმყოფოში გარდაიცვალა. თვითმხილველები აცხადებენ, რომ ქალს დაკავებისას სცემეს.

ევროკავშირის ელჩებმა რუსეთის წინააღმდეგ სანქციების მერვე პაკეტი შეათანხმეს. სანქციების მერვე პაკეტის ფარგლებში ევროკავშირის წევრი ქვეყნები შეთანხმდნენ, რუსულ ნავთობზე ფასის ზედა ზღვარი დააწესონ. სანქციების ახალი პაკეტი  ასევე მოიცავს ექსპორტსა და იმპორტზე დამატებით შეზღუდვებს, აგრეთვე ინდივიდუალურ საქნციებს რუსეთის მთავრობის წარმომადგენლების წინააღმდეგ. ევროკომისიის ხელმძღვანელმა ურსულა ფონ დერ ლაიენმა დაადასტურა სანქციების დამტკიცება. მოსალოდნელია, რომ ახალი პაკეტი ოფიციალურად 6 ოქტომბერს გამოქვეყნდება.

,,არ ვფიქრობ, რომ რაიმეს აღება თქვენი ქვეყნის სპეციფიკის გათვალისწინების გარეშე, კარგად იმუშავებს,”– ამის შესახებ საქართველოში აშშ-ის ელჩმა, კელი დეგნანმა განაცხადა. ელჩის თქმით, ყველა ქვეყანას საკუთარი მიდგომა აქვს და საქართველოშიც ადგილობრივ გარემოებებზე უნდა იყოს მორგებული დეოლიგარქიზაციის შესახებ კანონი. „დეოლიგარქიზაციის შესახებ საკითხი ნებისმიერ ქვეყანაში არის, თუ როგორ უმკლავდება არასათანადო გავლენას ნებისმიერი ადამიანის მხრიდან ქვეყნის პოლიტიკურ და ეკონომიკურ პროცესებში, ნებისმიერ საკითხზე, რითაც არის მცდელობა, გავლენა მოახდინონ მთავრობის ფუნქციონირებაზე ან საზოგადოებაზე ფულის ან გავლენის საშუალებით. ეს არის ბევრი ქვეყნისთვის აქტუალური საკითხი, მათ შორის ჩემი ქვეყნისთვის. არის ბევრი გზა, რითაც ქვეყნები უმკლავდებიან არასათანადო გავლენას პოლიტიკურ სექტორში.…

,,ვიწყებთ უკრაინის ნატოში გაწევრიანების პროცესს და მივიყვანთ ბოლომდე ,”- ამის შესახებ უკრაინის რადას ფრაქცია „ხალხის მსახურის“ ლიდერმა, დავით არახამიამ განაცხადა. არახამიას თქმით, უკრაინის ნატოში გაწვრიანების პროცესი დაწყებულია და და უკან დასახევი გზა აღარ არსებობს. ,,ჩვენ ვიწყებთ უკრაინის ნატოში გაწევრიანების პროცესს და მივიყვანთ ბოლომდე –  ჩვენი ოფიციალური განცხადება უკვე ნატოს შტაბ-ბინაშია, ბრიუსელში. მანამდე, 4 მარტს, საშინელი ამბების მწვერვალზე, პრეზიდენტმა გვითხრა, რომ ომის დასრულებამდე ნატო-სა და ევროკავშირის წევრები გავხდებოდით. სიმართლე გითხრათ, მაშინ ვერ წარმოვიდგენდი. ომამდე, არაფორმალურ შეხვედრებზე, დასავლელი ელჩები, ჩანაწერების გარეშე, პირდაპირ ამბობდნენ, რომ არ სურდათ რუსეთთან დაპირისპურება ჩვენი განზრახვების გამო. მაგრამ…