დღე: ოქტომბერი 24, 2022

,,რუსეთთან მოლაპარაკებები არ იქნება და ის აუცილებლად იზოლირებული აღმოჩნდება, – ამის შესახებ უკრაინის პრეზიდენტის აპარატის უფროსმა, ანდრეი ერმაკმა განაცხადა. მისივე თქმით,  რუსეთის დიდი ხანია არავის ეშინია, რადგან ისინი სუსტი, მხდალები არიან და ოცნებობენ მოლაპარაკებებზე, რათა შეაჩერონ თავიანთი კოლაფსი. “ბინძური მანიპულაციები ზაპოროჟიეს ატომურ ელექტროსადგურთან, კახოვკის ჰიდროელექტროსადგურთან დაკავშირებული ბინძური დაშინება, ბინძური ტერორისტული თავდასხმა უკრაინელ სამხედრო ტყვეებზე ოლენივკაში, ასევე ბინძური ომი მშვიდობიან მოსახლეობასთან და ტერორი ბრძოლის ველზე მარცხის შემდეგ, ბინძური სახელმწიფო, სახელად რუსეთი“, – განაცხადა ერმაკმა.    

იტალიის პრემიერ-მინისტრის, ჯორჯია მელონის განცხადებით, ყველაფერს გააკეთებს იტალიასა და საქართველოს შორის ურთიერთობების გასაძლიერებლად. იტალიის პრემიერი მადლობას უხდის საქართველოს პრემიერ-მინისტრ ირაკლი ღარიბაშვილს, თანამდებობაზე  დანიშვნასთან დაკავშირებით მოლოცვისთვის. ,,იტალიის პრემიერმინისტრის თანამდებობაზე ჩემ დანიშვნასთან დაკავშირებით მოლოცვვისთვის ვუხდი მადლობას საქართველოს პრემიერ-მინისტრ ირაკლი ღარიბაშვილს. ყველაფერს გავაკეთებთ იტალიასა და საქართველოს შორის ურთიერთობების გასაძლიერებლად და თქვენი ერის მიერ არჩეულ ხაზზე დახმარების აღმოსაჩენად,”- წერს იტალიის პრემიერ-მინისტრი ”ტვიტერზე”.

საქართველოს პარლამენტის თავმჯდომარე შალვა პაპუაშვილი  ევროსაბჭოს საპარლამენტო ასამბლეის პრეზიდენტს – მარტინუს ტაინი კოქსს ოფიციალური წერილით მიმართავს და აცხადებს, რომ რეზოლუციის ტექსტში სააკაშვილის მოხსენიება ცვლის რეზოლუციის არსსა და სულისკვეთებას, ძირს უთხრის ევროსაბჭოს საპარლამენტო ასამბლეის ფასეულობებს და ორგანიზაციის სანდოობას. პაპუაშვილი პრეზიდენტს მიხეილ სააკაშვილის მიმართ აღძრულ სს საქმეებზეც წერს და განუმარტავს, რომ ამ საქმეებში, პოლიტიკური მოტივაცია არ არსებობს. ასევე, აღნიშნავს, რომ საქართველოს მესამე პრეზიდენტის გათავისუფლების მოთხოვნა აზიანებს ევროსაბჭოს საპარლამენტო ასამბლეის სანდოობას ქართულ საზოგადოებაში. ბატონო პრეზიდენტო, საქართველოს პარლამენტსა და ევროსაბჭოს საპარლამენტო ასამბლეას შორის არსებული მრავალწლიანი პარტნიორობა მაძლევს შესაძლებლობას, მოგმართოთ N2463-ე რეზოლუციის („უკრაინის წინააღმდეგ რუსეთის ფედერაციის აგრესიის…

რუსეთის თავდაცვის მინისტრის მცდელობას, უკრაინა „ბინძური ბომბის“ გამოყენების მცდელობაში დაადანაშაულოს, მსოფლიოს ლიდერები არ ენდობიან. აღნიშნულ საკითხზე საკუთარ პოზიციას აშშ-ის სახელმწიფო მდივანიც აფიქსირებს. რუსეთის განცხადების შემდეგ, რომ უკრაინა შესაძლოა, „ბინძური ბომბის“ გამოყენებას გეგმავდეს, სატელეფონო საუბარი შედგა აშშ-ის სახელმწიფო მდივან ენტონი ბლინკენსა და უკრაინის საგარეო საქმეთა მინისტრ დმიტრო კულებას შორის. ენტონი ბლინკენმა კულებასთან საუბარში აღნიშნა, რომ აშშ უარყოფს რუსეთის ცრუ მცდელობას და ეს იმის მომასწავებელია, რომ რუსეთი ცდილობს, აღნიშნული ესკალაციის საბაბად გამოიყენოს. ენტონი ბლინკენმა დმიტრო კულებასთან საუბრისას აშშ-ის მხარდაჭერა უკრაინის სუვერენიტეტის, დამოუკიდებლობისა და ტერიტორიული მთლიანობისადმი კიდევ ერთხელ დაადასტურა და მორიგ დახმარებაზე ესაუბრა.…

რუსეთის ფედერაციის მცდელობას, რომ მსოფლიო დაარწმუნოს უკრაინის მხრიდან „ბინძური ბომბის“ გამოყენების მზადებასთან დაკავშირებით, „ომის შემსწავლელი ინსტიტუტიც“ აფასებს.  როგორც ორგანიზაციაში აცხადებენ, რუსეთის თავდაცვის მინისტრის მცდელობა სხვა არაფერია, თუ არა უკრაინისთვის იმიჯის შელახვა და სამხედრო დახმარების შემცირება. „რუსეთის თავდაცვის მინისტრი სერგეი შოიგუ, რომელმაც აშშ-ის, საფრანგეთის, ბრიტანეთისა და თურქეთის თავდაცვის მინისტრებთან სატელეფონო საუბრის დროს განაცხადა, რომ უკრაინა „ბინძური ბომბის“ გამოყენებას გეგმავს, სავარაუდოდ, ცდილობდა შეენელებინა, ან შეეწყვიტა დასავლეთის სამხედრო დახმარება უკრაინის მიმართ“ – განმარტავენ ორგანიზაციაში. „ომის შემსწავლელი ინსტიტუტი“ საფრთხეს რუსეთის მხრიდან უფრო ხედავს, ვიდრე უკრაინის მხრიდან. „შოიგუს ბრალდებები, სავარაუდოდ, არ ასახავს რუსეთის მზადებას უკრაინაში არასტრატეგიული…

ბორის ჯონსონი არ აპირებს პრემიერ-მინისტრობისთვის იბრძოლოს და ძველ პოზიციას ისევ დაუბრუნდეს. როგორც ყოფილი პრემიერი განმარტავს, „კონსერვატიული პარტიის“ ლიდერობისთვის ბრძოლაში მონაწილეობას არ მიიღებს. ჯონსონი დეტალებზე არ საუბრობს, თუმცა, განმარტავს, რომ კენჭისყრისთვის საჭირო დეპუტატების მხარდაჭერის მიუხედავად, მივიდა დასკვნამდე, რომ ეს უბრალოდ არ იქნება სწორი, რადგან მისი თქმით, ეფექტურ მართვას ვერ მოახერხებ, თუ არ გყავს ერთიანი პარტია პარლამენტში. მან ასევე დასძინა, რომ 2024 წლის საპარლამენტო არჩევნებში გამარჯვებისთვის კარგი შესაძლებლობა აქვს. შეგახსენებთ, რომ ბრიტანეთი პრემიერ-მინისტრის გარეშეა დარჩენილი, რადგანაც ლიზ ტრასმა თანამდებობა დატოვა.

რუსეთის მხრიდან „ბინძური ბომბის“ ამოქმედების პროპაგანდასთან დაკავშირებით უკრაინული მხარე განცხადებას ავრცელებს და ბუდაპეშტის მემორანდუმის მე-4 პუნქტის დაცვას ითხოვს. განცხადებას უკრაინის თავდაცვის მინისტრი, ოლექსი რეზნიკოვი ავრცელებს. „უკრაინის არმია ათავისუფლებს ჩვენს მიწას რუსული სიბინძურისგან. “ბინძური ბომბის” იდეა ჩვენთვის ამაზრზენია. ვიწვევთ გაერო-სა და ატომური ენერგიის საერთაშორისო სააგენტოს სადამკვირვებლო მისიებს, უკრაინაში ჩამოვიდნენ. მსოფლიომ უნდა უპასუხოს რუსეთის ბირთვულ შანტაჟს. ჩვენ მოვითხოვთ ბუდაპეშტის მემორანდუმის მე-4 პუნქტის დაცვას“, – აცხადებს რეზნიკოვი. ბუდაპეშტის მემორანდუმის მიხედვით, ხელმომწერები ადასტურებენ თავიანთ ვალდებულებას, მოითხოვონ გაერო-ს უშიშროების საბჭოს დაუყოვნებლივი ქმედება უკრაინის, როგორც „ბირთვული იარაღის გაუვრცელებლობის შესახებ ხელშეკრულების“ ბირთვული იარაღის არმქონე მონაწილე სახელმწიფოს, დასახმარებლად. ინფორმაციისთვის, რუსეთის თავდაცვის…

რუსეთის თავდაცვის მინისტრის მცდელობას, რომ დაერწმუნებინა მსოფლიო თითქოს უკრაინა ბირთვული ბომბის გამოყენებას აპირებს, მსოფლიო ლიდერები ეხმიანებიან. აშშ-ის, გაერთიანებული სამეფოსა და საფრანგეთის საგარეო საქმეთა მინისტრები აღნიშნულ ბრალდებას  ცრუ ბრალდებას უწოდებენ და რუსეთს თითს უქნევენ. „ჩვენ, საფრანგეთის, გაერთიანებული სამეფოს და შეერთებული შტატების საგარეო საქმეთა მინისტრები, ვიმეორებთ ჩვენს ურყევ მხარდაჭერას უკრაინის სუვერენიტეტისა და ტერიტორიული მთლიანობის მიმართ და გავაგრძელებთ, მხარი დავუჭიროთ უკრაინის ძალისხმევას, დაიცვას საკუთარი ტერიტორია იმდენ ხანს, რამდენიც საჭირო იქნება. თითოეული ჩვენი ქვეყნის თავდაცვის მინისტრი რუსეთის თავდაცვის მინისტრს სერგეი შოიგუს, მისივე თხოვნით ესაუბრა. ჩვენმა ქვეყნებმა გარკვევით განაცხადეს, რომ ყველანი უარვყოფთ რუსეთის ცხადად ცრუ…

უკრაინის პრეზიდენტის განცხადებით, ევროპაში ბირთვული იარაღის გამოყენება მხოლოდ ერთ სუბიექტს შეუძლია და ეს არის რუსეთის პრეზიდენტი. მისი ინფორმაციით, რუსეთის თავდაცვის მინისტრი სერგეი შოიგუ აწყობს სატელეფონო კარუსელს, ურეკავს საგარეო საქმეთა მინისტრებს და  ბინძური ბირთვული ბომბის შესახებ ესაუბრება. „დიახ, სწორედ რუსეთმა მოაწყო რადიაციული კატასტროფის შანტაჟი ზაპოროჟიეს ატომურ ელექტროსადგურზე; სწორედ რუსული რაკეტების ტრაექტორია უკრაინის ბირთვული ობიექტების თავზე; სწორედ რუსმა სამხედროებმა დანაღმეს კახოვკის ჰიდროელექტროსადგურის კაშხალი, აგრეგატები და აფეთქების მუქარით შანტაჟს აწყობენ; სწორედ რუსეთია ის, რომელიც იყენებს ფოსფორის საბრძოლო მასალებს, აკრძალულ ქვეითსაწინააღმდეგო ნაღმებს და იარაღების მთელ სპექტრს სამოქალაქო ინფრასტრუქტურის წინააღმდეგ. უკრაინა ყოველთვის აღდგენისკენაა მიმართული“, –…

საფრანგეთის პრეზიდენტი აცხადებს, რომ  უკრაინაში მშვიდობის შესაძლებლობა არსებობს. ემანუელ მაკრონს იმედი აქვს, რომ  სამშვიდობო შეთანხმება გაფორმდება. „ნეიტრალურობის შენარჩუნება ნიშნავს უძლიერესთა მსოფლიო წესრიგის მიღებას და მე ამას არ ვეთანხმებიმშვიდობის პერსპექტივა არსებობს. ის გარკვეულ  მომენტში აუცილებლად დადგება და ეს ყველაფერი დამოკიდებულია მოვლენების მიმდინარეობაზე. სამშვიდობო შეთანხმების პირობები კი უკრაინელმა ხალხმა და მისმა ლიდერებმა უნდა  გადაწყვეტონ“ – აცხადებს მაკრონი. შეგახსენებთ, რომ ამ ეტაპისთვის, უკრაინის პრეზიდენტი რუსეთის მოქმედ პრეზიდენტთან რაიმე სახის მოლაპარაკებას გამორიცხავს.