თვე: აპრილი 2019

პანკისის ხეობაში მომხდარ დაპირისპირებასთან დაკაშირებით, შინაგან საქმეთა სამინისტრომ გამოძიება სისხლის სამართლის კოდექსის 353-ე პრიმა და 187-ე მუხლებით დაიწყო. საუბარია, პოლიციელზე თავდასხმასა და ცეცხლის წაკიდებით ნივთის დაზიანებაზე. „ხეობაში მცირე ჰესის მშენებლობის განახლებასთან დაკავშირებით, უსაფრთხოების და მართლწესრიგის უზრუნველყოფის მიზნით დილის რვა საათიდან მობილიზებული იყო კახეთის სამხარეო პოლიციის 35 თანამშრომელი. ადგილობრივი მოსახლეობის გარკვეული ჯგუფი თავს დაესხა პოლიციას, დაუშინა ჯოხები და ქვები, რის შემდეგაც, დამატებითი საპოლიციო ძალების მობილიზება მოხდა. ადგილზე მყოფი მოქალაქეების გარკვეულმა ნაწილმა წინააღმდეგობა გაუწია სამართალდამცველებს. დაზიანდა პოლიციის ტექნიკა, დაშავდნენ პოლიციის თანამშრომლები და მოქალაქეები. ჯამში, სამედიცინო დახმარება გაუწიეს 55 ადამიანს, მათ შორის 38…

23 აპრილს ვნების შვიდეული დაიწყება. როგორც სამების საკათედრო ტაძარში დღეს გამოაცხადეს, მომავალი კვირიდან, მაცხოვრის უკვდავსაყოფად, ლიტურგიული მსახურებები შესრულდება. ვნების შვიდეულის განრიგი კი შემდეგია: 22 აპრილს, 08:00 საათზე – პირველ შეწირული ლიტურგია. საღამოს, 17:00 საათზე, წმინდა სერობის და ცისკრის ლოცვა; 23 აპრილს, 08:00 საათზე – პირველშეწირული ლიტურგია, 18:00 საათზე, შვიდგზის ზეთისცხება; 24 აპრილს, 08:00 საათზე – პირველშეწირული ლიტურგია, 17:00 საათზე, სერობა და ცისკრის ლოცვა; 25 აპრილს, 10:00 საათზე – ბასილი დიდის საღმრთო ლიტურგია; საიდუმლო სერობის გახსენება და ფეხთბანვა. მსახურებას შეასრულებს უწმინდესი და უნეტარესი სრულიად საქართველოს კათოლიკოს პატრიარქი, მცხეთა-თბილისის მთავარეპისკოპოსი, ბიჭვინთისა და…

ვინ არის ახალგაზრდა ქალი რომელიც 10 ბავშვით ქუთაისის საავადმყოფოში გადაიყვანეს, ამ დრომდე გაურკვეველია. ქალი ამტკიცებს, რომ ბავშვების დედაა, ბავშვები ამბობენ, რომ ქალი მათი დედა არ არის. საქმეზე ძიება სს კანონმდებლობით დაიწყო. ფაქტი კი ერთია, ქალი რომელიც თავს ბავშვების დედად ასაღებს, ერთ წელში რამდენიმე შვილს ვერ გააჩენდა. გამოძიებას ეჭვების სწორედ იმიტომ გაუჩნდა, რომ 4 შვილი ერთიდაიგივე წელს არის დაბადებული, თუმცა, ისინი ტყუპები არ არიან. ამბავი იმით დაიწყო, რომ ქალი 10 შვილთა ერთად, ზუგდიდის საავადმყოფოში მოხდა. მიზეზი – მძიმე ინტოქსიკაცია. ზუგდიდიდან კი ისინი ქუთაისში გადაიყვანეს. შსს-ს ინფორმაციით, ბავშვები საქართველოში მიმდინარე წლის 8…

თბილისში, ჭავჭავაძის ქუჩაზე მომხდარი უბედური შემთხვევის გამო, რომელსაც 2 დასაქმებულს სიცოცხე შეეწირა, სამშენებლო კომპანიის დირექტორს პატიმრობა შეუფარდეს. შპს „ხიმინჯ სერვის 2”-ის დირექტორ ოთარ ცნობილაძის ადვოკატი 10 000 ლარიან გირაოს ითხოვდა, თუმცა, თბილისის საქალაქო სასამართლომ, აღკვეთის ღონისძიების სახით პატიმრობა განუსაზღვრა. ბრალდებულის ადოკატის განცხადებით, ოთარ ცნობილაძე მომხდარ ფაქტთან დაკავშირებთ უდანაშაულოა, რადგანაც, უსაფრთხოების ნორმების დაცვაზე თავად დასამებულებს უნდა ეზრუნათ. შეგახსენებთ, რომ ტრაგედია თბილისში 31 მარტს მოხდა. სამშენებლო სამუშაოებისას ჩამოწოლილმა მიწამ 2 დასაქმებულის სიცოცხლე იმსხვერპლა. საქმეზე გამოძიება საქართველოს სისხლის სამართლის კოდექსის 240-ე მუხლით მიმდინარეობს.

დეკანოზ გიორგი კიკვიძეს განცხადებით, სიტვა „ბრწყინვალე,“ მხოლოდ აღდგომის დღესასწაულს შეიძლება ვუწოდოთ. როგორც მამაომ „მედიაცენტრ მთავარს“ განუცხადა, ადამიანები ხშირად სხვადასხვა საეკლესიო დღესასწაულებს, მათ შორის შობას და ბზობას „ბრწყინვალეს“ უწოდებენ, რაც არასწორია. „სიტყვა ბრწყინვალე მისადაგება მხოლოდ აღდგომის დღესასწაულს. ჩვენ ხშირად ვამბობთ შობის ბრწყინვალე დღესასწაული, ბზობის ბრწყინვალე დღესასწაული, რაც სწორი არ გახლავთ. მხოლოდ აღდგომას ეკუთვნის სიტყვა ბრწყინვალე,“-განაცხადა მამაომ „მედიაცენტრ მთავართან“. მამაო მრევლს მოუწოდებს, ბზობის დღესასწაულთან დაკავშირებით აუცილებელი არ არის ტაძარში ბზის დიდი ბუჩქებით მივიდნენ და ამ დღესასწაულისთვის ბზის პატარა ტოტიც საკმარისია. საქართველოს მართლმადიდებელი ეკლესია ერთ-ერთ მთავარ საუფლო დღესასწაულს  -ბზობას, კვირას, 21 აპრილს აღნიშნავს.

„ყველაზე მტკივნეული ჩემთვის რეორგანიზაცია და კადრების შემცირება იყო. ახლაც ვფიქრობ ზოგიერთ ძვირფას მოხელეზე, რომლებიც ადმინისტრაციამ დაკარგა…“ – პრეზიდენტის ადმინისტრაციის უფროსი ლაშა ჟვანია საპატრიარქოს უბრუნდება. როგორც ჟვანია აცხადებს, პრეზიდენტის ადმინისტრაციას 1-ელი მაისიდან დატოვებს და საპატრიარქოში დაბრუნდება. „მედიაცენტრი მთავარი“ ლაშა ჟვანიას პოზიციას უცვლელად მის მიერ გავრცელებულ ფოტოს გთავაზობთ. „ამ ფოტოზე ჩემთვის და ჩვენი ქვეყნისთვის ორი ძვირფასი ადამიანია აღბეჭდილი. შუაში, – ჯვარი გოლგოთაგამოვლილი, ღვთისმშობელი, სვეტიცხოველი და საქართველოსთვის წამებული და გაბრწყინებული ჩვენი ერის შვილები. ფოტო საპრეზიდენტო არჩევნების წინა ღამეს არის გადაღებული. არ ვიცოდი, თუ მეორე დღეს პრეზიდენტი მის უწმიდესობას სთხოვდა, რომ მე მეხელმძღვანელა მისი…

„ყველა, ვინც ამ თემით სპეკულირებს და იქ მყოფი ადამიანების გაჭირვებით სარგებლობს, პირდაპირ იმას ემსახურება, რომ შეგვიჩერონ უვიზო მიმოსვლა, რაც ასეთი დიდი შრომის ფასი დაგვიჯდა“ – ასე აფასებს ევროპასთან ინტერგაციის კომიტეტის თავმჯდომარე თამარ ხულორდავა საფრანგეთში, კარვებში მყოფ საქართველოს მოქალაქეებს ქმედებებს, რომლებიც მონპელიეში თავშესაფარს ითხოვენ. როგორც დეპუტატი აცხადებს, ის, რაც საფრანგეთში ხდება, საქართველოს ძალიან აზარალებს. „ის, რაც ახლა მონპელიეში ხდება არის ძალიან დამაზიანებელი მოვლენა. ჩვენი მოქალაქეები აქციას მართავენ საფრანგეთში. ამბობენ, რომ პოლიტიკურ თავშესაფარს არ ითხოვენ, თუმცა უნდათ საქართველო არ იყოს აღიარებული “უსაფრთხო ქვეყნად”. ეს იცით რას ნიშნავს? თუ უსაფრთხო ქვეყანა არ ვართ,…

“სურსათის ეროვნული სააგენტო”, აღდგომის დღესასწაულის მოახლოებასთან დაკავშირებით, სამომხმარებლო ბაზარზე კონტროლს ამკაცრებს. როგორც სააგენტოში “მედიაცენტრ მთავარს” განუცხადეს,  კვერცხის უვნებლობა და ვარგისიანობა მკაცრად გაკონტროლდება. “სააგენტოს ინსპექტირების ჯგუფები კვერცხის ადგილობრივ საწარმოებს, საბითუმო, მსხვილ და მცირე სავაჭრო ობიექტებს მთელი ქვეყნის მასშტაბით ამოწმებენ. ადგილობრივი მეფრინველეობის ფერმებში განხორციელებული ინსპექტირებისას, შემოწმდა წარმოების პროცესი. კრიტიკული შეუსაბამობის არცერთი შემთხვევა არ დაფიქსირდა. სარეალიზაციო ქსელში ასევ მოწმდება თუ რამდენად არის დაცული ეტიკეტირების მოთხოვნები, ვარგისიანობის ვადა, შენახვისა და რეალიზაციის პირობები,”- განაცხადეს “სურსათის ეროვნულ სააგენტოში”. ინფორმციისთვის, მიმდინარე პერიოდში, სახელმწიფო კონტროლი 70- ზე მეტ ობიექტში განხორციელდა და შენახვის პირობების დარღვევის ერთეული შემთხვევა დაფიქსირდა. რაც შეეხება არსებულ კანონმდებლობას, 2013 წლის მაისში…

საქართველოს საპატრიარქო, მედიაში სიძულვილის ენის გამოყენებასა და შეურაცხმყოფელ განცხადებებთან დაკავშირბით სამუშაო ჯგუფის შექმნას გეგმავს. როგორც მამა ანდრიამ განაცხადა, ჯგუფში არასამთავრობო სექტორიც შევა და მხოლოდ სასულიერო პირებით არ შემოიფარგლება. „საპატრიარქოში სამუშაო ჯგუფს შექმნა ნამდვილად იგეგმება. საუბარი არ არის მხოლოდ სასულიერო პირებზე. მის შემადგენლობაში არასამთავრობო ორგანიზაციები და სხვა დაინტერესებული პირებიც იქნებიან, რომლებიც ამ პრობლემებით არიან დაკავებულები.ვაპირებთ, საერთაშორისო გამოცდილების გაანალიზება მოხდეს, კერძოდ, იქ, მსგავს პრობლემას როგორ არეგულირებენ, რომ სატელევიზიო სივრციდან დიდი ოდენობით აგრესია, ძალადობა და უხამსობა არ მოდიოდეს,” – განუცხადა მამა ანდრია ჯაღმაიძემ „მედიაცენტრ მთავარს“. არც საკანონმდებლო ორგანოში და არც საპატრიარქოში გამორიცხავენ, რომ…

ენერგეტიკის სექტორში დასაქმებულების დაანონსებულ საპროტესტო აქციას, კომპანია სს „ენერგო-პრო ჯორჯია“ ეხმაურება. როგროც კომპანიამ “მედიაცენტრ მთავარს” განუცხადა, კომპანიის პროფკავშრების მიერ ორგანიზებულ პროტესტში 37 დელეგატი მიიღებს მონაწილეობას, რომლებიც კრების ჩატარების მიზეზით, პროფკავშირის ხელმძღვანელობამ ოფიციალურად მოითხოვა. “ მიუხედავად დაანონსებული მასშტაბური აქციისა, კომპანიის პროფკავშირების ხელმძღვანელობამ, ოფიციალური მოწერილობის საფუძველზე, მოითხოვა, თავისი 37 დელეგეტის გაგზავნა თბილისში დილის 10:00 საათზე თითქოს კრების ჩატარების მიზეზით. სავარაუდოდ, სწორედ ისინი იქნებიან დღევანდელ აქციაზე,”- განაცხადეს კომპანიაში. კომპანიის მენეჯმენტმა მადლობა გადაუხა თანამშრომლებს თანადგომისთვის. შეგახსენებთ, რომ დღეს 13:00 საათზე, ენერგეტიკის სექტორში დასაქმებულები „ენერგო-პრო ჯორჯიას“ შენობასთან გამაფრთხილებელ აქციას მართავენ. მათი ძირითადი მოთხოვნები, ხელფასების 50%…

„არ ვაპირებ, ბაგრატიონთა დინასტია და საქართველოს სამეფო სახლის სახელი დავუტოვო გადაშენების პირას მყოფ უმცროს შტოს“ – ამ შინაარსის განცხადებას დავით ბაგრატიონი ავრცელებს და მედიას ურჩევს, მასთან დაკავშირებული ყველა ინფორმაცია გადაამოწმოს. დავით ბაგრატიონის განცხადებას „მედიაცენტრი მთავარი“ უცვლელად გთავაზობთ: „მინდა, სრული ნდობა გამოვუცხადო პოლიციას, გამოძიებას და ქართულ მართლმსაჯულებას. ნათელი მოვფინო იმ ადამიანების სიცრუის ქარხანას, რომელთაც მხოლოდ საკუთარი ეკონომიკური და პიარ ინტერესები ამოძრავებდათ ამ ამბავში და ბაგრატიონების დინასტიაზე, ბავშვებზე და საკუთარ თავებზეც კი არ უფიქრიათ. მათ წარმოშვეს ძალიან რთული და დიდი ბზარი ჩვენს ურთიერთობაში. მინდა ვთხოვო მედიას, რომ წინასწარ გადაამოწმონ ყველა ის ინფორმაცია,…

ენერგეტიკოსები მედიაცისთვის ჯანდაცვის სამინისტროს მიმათავენ და ძირითადი მოთხოვნების სამმხრივ ფორმატში განხილვას ითხოვენ. ჯანდაცვის სამინისტრო – „ენერგო-პრო ჯორჯია“ – დასაქმებულები – ამ ფორმატით დისკუსიას “საქართველოს ენერგეტიკის მუშაკთა პროფკავშირები“ დღეს დაანონსებულ აქციაზე მოითხოვენ, თუმცა, მანამდე კი სამომავლო გეგმებზე „მედიაცენტრ მთავარში“ ისაუბრეს. „ვცდილობთ, დისკუსის გამართვა მედიაციის ფორმატში გავაგრძელოთ. სამწხაროა, რომ „ენერგო-პრო ჯორჯიას“ ადმინისტრაციამ არ გამოხატა სურვილი, აღნშნული საკითხები დისკუსიის ფორმატში მოგვარებულიყო. დღევანდელი კანონმდებლობით, გვაქვს შესაძლებლობა, რომ საკითხში სახელმწიფო ჩავრთოთ. ამ შემთხვევაში, საუბარია ჯნდაცვის სამინისტროზე. სწორედ ის უნდა იყოს მედიატორი, რომ საკუთხი სამმხრივ ფორმატში გადავიდეს. ვინაიდან დამსაქმებელი პრდაპირ დიალოგს თავს არიდებს, ჩვენ ვიყენებთ კანონით…

ხელფასების 50% -იანი ზრდა 4500 მუშაკისთვის; უსაფრთხოების მაქსიმალური დაცვა; ზეგანაკვეთური შრომის ანაზღაურება; ზეწოლის და დაშინების აღკვეთა – ამ ძირითადი მოთხოვნებით, დღეს 13:00 საათზე, ენერგეტიკის სექტორში დასაქმებულები „ენერგო-პრო ჯორჯიას“ შენობასთან გამაფრთხილებელ აქციას მართავენ. ძირითადი მოთხოვნები და შემდგომი გეგმები მათ „მედიაცნტრ მთავარში“ გააჟღერეს და ისიც დაიბარეს, რომ მიზნის მიღწევამდე არ გაჩერდებიან. „ეს არ არის ერთჯერადი აქცია დღეს ვიკრიბებით მისთვის, რომ „ენერგო-პრო ჯორჯიას“ ჩვენი ძალა და შესაძლებლობები დავანახოთ. აქცია პერმანენტულ ხასიათს მიიღებს და მანამ გაგრძელდება, სანამ შედეგი არ დადგება,“ – განაცხადა “საქართველოს ენერგეტიკის მუშაკთა“ პროფკავშირების თავმჯდომარე ამირან ზენაიშვილმა „მედიაცენტრ მთავარში.“

ძვირადღირებული ავტომობილები: „პორშე კაიანი“, „მერსედეს ჯიელი“ და „X5“, – ეს იმ ქონების ჩამონათვალია, რომელიც, ამჯერად სამეფო ოჯახის დაპირისპირების მიზეზი გახდა. დედოფალ ანას მხარემ აღნიშნული ქონება 180 000 ლარად შეაფასა და ყოფილ მეუღეს მისი ნახევარი – 90 000 ლარი მოსთხოვა. დავით ბაგრატიონი ყოფილი მეუღლისთვის ქონების გაყოფას იმ მიზეზით არ აპირებს, რომ მანქანები მას მეუღლესთან თანაცხოვრების პერიოდში არ შეუძენია. ვინ ტყუის და აქვს თუ არა თაღლითობას ადგილი სამეფო კარზე, ეს სასამართლომ უნდა გაარკვიოს, რომელსაც საბოლოო ვერდიქტის გამოტანამდე დაახლოებით 2 კვირა დარჩა. როგორც ირკვევა, დავით ბაგრატიონ-მუხრანბატონს, საკუთრებაში არა მხოლოდ ჩამოთვლილი ავტომანქანები, არამედ სხვა,…

როგორ ჩავანაცვლოთ ძველი, ნაკურთხი და გამხარი ბზა ახლით ისე, რომ არ შევცოდოთ? ამ საკითხზე „მედიაცენტრ მთავარს“ დეკანოზი გიორგი კიკვიძე ესაუბრა. დეკანოზის თქმით, გასული წლის ნაკურთხი ბზა და სხვა ნარჩენები, რომელსაც შეხება ჰქონდა საეკლესიო მსახურებასთან, ერთად უნდა მოგროვდეს და სუფთა ადგილას დაიწვას. “ნებისმიერი სიწმინდე, არ შეიძლება, საერთო ნაგავს შეერიოს . ბზა იქნება ეს თუ სხვა რაიმე, არის მადლის მატარებელი. შესაბამისად, ჩვენ ამით კრძალვას გამოვხატავთ და მას საერთო ნაგავში, საყოფაცხოვრებო ნაგავში არ ვურევთ და განსაკუთრებულ ადგილას ვანადგურებთ,”-განუცხადა დეკანოზმა “მედიაცენტრ მთავარს”. მამა გიორგის თქმით, სანთლის ნამწვავები, კანდელის მონარჩენი ძაფები, ყვავილები და სხვა ყველა…