დღე: აპრილი 1, 2019

თბილისის მერია ჭავჭავაძის გამზირზე, შრომის უსაფრთხოების დაცვის მოთხოვნით შეკრებილ აქციის მონაწილეებს ეხმაურება და აცხადებს, რომ დედაქალაქის მერი მზადაა უახლოეს დღეებსი შეხვდეს აქციის მონაწილეთა ჯგუფს და დანიხილოს მათი წინადადებები. “დედაქალაქის მერი კახა კალაძე მზადაა, უახლოეს დღეებში შეხვდეს აქციის მონაწილეების მიერ შედგენილ რამდენიმეკაციან ჯგუფს, კომპეტენციის ფარგლებში განიხილოს წინადადებები და გააცნოს ის ღონისძიებები, რომელსაც თბილისის მერია შრომის უსაფრთხოების დაცვის კუთხით ახორციელებს”, – ნათქვამია თბილისის მერიის მიერ გავრცელებულ განცხადებაში.

მეტი...

ჭავჭავაძის #5-თან მომხდარი ტრაგედიის გამო დაწყებული საპროტესტო გამოსვლა დაკავებაში გადაიზარდა. შინაგან საქმეთა სამინისტრო აქციის 4 მონაწილის დაკავებას ადასტურებს. დაკავების მიუხედავად, აქცია გრძელდება და მსვლელობის მონაწილეები კახა კალაძის სახლისკენ დაიძრნენ. როგორც შსს-ში „მედიაცენტრ მთავარს“ განუცხადეს, დაკავებულია 4 ადამიანი. მათ საზოგადოებრივი წესრიგისა და პოლიციელის კანონიერი მოთხოვნის დაუმორჩილებლობას ედავებიან. საპროტესტო აქციის მონაწილეებს სოლიდარობა სახალხო დამცველმაც გამოუცხადა. აქციის მონაწილეები შრომის უსაფრფხოების ნორმების დაუცველობას აპრიტესტებენ. ისინი ქუჩაში 2 ადამიანის უბედური შემთხვევით გარდაცვალების გამო გამოვიდნენ. ჭავჭავაძის გამზირზე მიმდინარე აქციისას დაკავებულებს შორის არიან „თეთრი ხმაურის“ წევრი დავით სუბელიანი და კონსტიტუციონალისტი ვახუშტი მენაბდე. ამ წუთებში, აქციის მონაწილეები პროტესტის…

მეტი...

“ივანიშვილი დიდი სიმპათიით სარგებლობს, რადგან მოსახლეობა მასში იმ კაცს ხედავს, რომლის საშუალებითაც სააკაშვილის ჩამოშორება გახდა შესაძლებელი მაშინ, როცა ჩვენ ავტორიტარული სახელმწიფოდ გადაქცევის გზას ვადექით და მოსახლეობა დარწმუნებულია, რომ სხვა ამას ვერავინ შეძლებდა”, – ამის შესახებ საქართველოს პრეზიდენტმა სალომე ზურაბიშვილმა გერმანულ გამოცემა „შპიგელთან“ ისაუბრა.სალომე ზურაბიშვილმა უცხოურ გამოცემასთან ინტერვიუში აღნიშნა, რომ ივანიშვილს არ უნდოდა პოლიტიკაში დარჩენა, მაგრამ პარტია, რომელიც მან შექმნა, სიტუაციას ვეღარ აკონტროლებდა. “მასთან გამართული მცირერიცხოვანი საუბრების შემდეგ, ვფიქრობ, რომ მას ნამდვილად არ უნდოდა პოლიტიკაში დარჩენა, რადგან ის მას არ მოსწონს. მაგრამ პარტიამ, რომელიც მან დატოვა, სიტუაციის კონტროლქვეშ მოქცევა ვეღარ შეძლო…

მეტი...

6 აპრილს საქართველო მეექვსედ უერთდება გაეროს ინიციატივას,  რომელიც მსოფლიოში სპორტის საშუალებით მშვიდობის დამკვიდრებისა და განვითარებისკენაა მიმართული და აღინიშნება როგორც სპორტის   საერთაშორისო დღე, სახელწოდებით – „საერთაშორისო სპორტის დღე მშვიდობისა და განვითარებისათვის“ (International day of Sport for Peace and Development). ამასთან დაკავშირებით, 2 აპრილიდან საქართველო უერთდება ე.წ. “თეთრი ბარათის” („#WhiteCard”) კამპანიას, რომელშიც აქტიურ მონაწილეობას მიიღებენ სხვადასხვა სპორტული ფედერაციის წარმომადგენლები, მოქმედი და ვეტერანი სპორტსმენები, ოლიმპიური, მსოფლიოს და ევროპის ჩემპიონები, ჩაერთვებიან საქართველოს რეგიონები. ეს არის მშვიდობისა და სპორტის ციფრული კამპანია, რომლის მიზანია სპორტში პოზიტიური ღირებულებების წახალისება. ის არის სპორტში ე.წ. “წითელი ბარათის” საპირისპირო სიმბოლო და გამოხატავს ჩართულობას,…

მეტი...

საქართველოს პირველი პრეზიდენტის, ზვიად გამსახურდიას ვაჟის, კონსტანტინე გამსახურდიას განცხადებით, რაც დროს გადის, პრეზიდენტის გარდაცვალების საქმეზე დამატებითი მტკიცებულებების მოძიება, ძნელდება. სრულფასოვანი გამოძიება ჯერ კიდევ არ ჩატარებულა, არ არიან დაკითხულნი ის ადამიანები, ვინც რაღაც ფასეული იცოდა ამ საქმეზე. როგორც კონსტანტინე გამსახურდიამ “მედიაცენტრ მთავარში” გამართულ პრესკონფერენციაზე განაცხადა, ​თითქმის ორკვირიანი შიმშილობის აქციის შემდეგ, გამსახურდიას შვილებმა ხელისუფლებისგან მიიღეს დაპირება, რომ პრეზიდენტის საქმე გამოძიებული იქნება, წინააღმდეგ შემთხვევაში გეგმავს ევროსასამართლოს მიმართოს.  კონსტანტინე გამსახურდიას თქმით, ზვიად გამსახურდიას საქმე 9 ტომისგან შედგებოდა, დღეს უკვე 19 ტომია. ეს იყო სპეცსამსახურების ოპერაცია, მას აქვს საიდუმლო ჩარჩოები და იქ შეღწევაა საჭირო. “თუ იქ…

მეტი...

სატრანსპორტო საშუალების ნარკოტიკული, ფსიქოტროპული და ახალი ფსიქოაქტიური ნივთიერების ზემოქმედების ქვეშ მართვა დღეიდან სისხლის სამართლის წესით დასჯადი ხდება. კანონში შეტანილი ცვლილების თანახმად, ნარკოტიკული ნივთიერების ზემოქმედების ქვეშ სატრანსპორტო საშუალების მართვისთვის გათვალისწინებულია ჯარიმა, ან ერთ წლამდე თავისუფლების აღკვეთა. ასევე, სამი წლის ვადით სხვადასხვა უფლებების, მათ შორის, სატრანსპორტო საშუალების მართვის უფლების ჩამორთმევა. როგორც შინაგან საქმეთა სამინისტროში “მედიაცნტრ მთავარს” განუცხადეს, კანონის აღსრულების მიზნით, საპატრულო პოლიციის დეპარტამენტის პატრულ-ინსპექტორებმა უკვე გაიარეს შესაბამისი გადამზადება. ამასთან, დეპარტამენტი სრულად აღჭურვილია პორტატული გერმანული ნარკოტესტერებით, რომელიც ნარკოტიკული, ფსიქოტროპული და ახალი ფსიქოაქტიური ნივთიერების ზემოქმედებას ნერწყვის საშუალებით ადგენს. მათივე ინფორმაციით, კანონით გათვალისწინებული საფუძვლის არსებობისას, საპატრულო…

მეტი...

საქართველოში დღეიდან, ნებისმიერი სისქის პლასტიკის პარკების წარმოება, იმპორტი და რეალიზაცია იკრძალება. რეგულირების წესის დარღვევა გამოიწვევს მეწარმე სუბიექტის დაჯარიმებას 500 ლარის ოდენობით და შესაბამისი პროდუქციის კონფისკაციას. კანონდარღვევის განმეორებით ჩადენის შემთხვევაში, სანქციის ოდენობა გაორმაგდება. როგორც საქართველოს გარემოს დაცვისა და სოფლის მეურნეობის სამინისტროში “მედიაცენტრ მთავარს” განუცხადეს, პარკების მწარმოებლებს საქართველოს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი გააკონტროლებს. იმპორტზე ზედამხედველობას ფინანსთა სამინისტროს საბაჟო სამსახური გაწევს. რეალიზატორებს კი ადგილობრივი თვითმმართველობის ორგანოები შეამოწმებენ. აღსანიშნავია, რომ საქართველოს მთავრობის ტექნიკური რეგლამენტის მიხედვით, 2018 წლის პირველი ოქტომბრიდან 15 მიკრონზე ნაკლები სისქის პლასტიკის პარკების წარმოება, იმპორტი და რეალიზაცია…

მეტი...

საპარლამენტო უმრავლესობის ყოფილი წევრი, დეპუტატი ბექა ნაცვლიშვილი თბილისში, ჭავჭავაძის გამზირზე მომხდარ ტრაგედიას ეხმიანება და აცხადებს, რომ ყველა საკანონმდებლო ცვლილება,რომელიც სოციალური პოლიტიკის, შრომის უსაფრთხოებისა და სამშენებლო თუ სხვა რეგულაციების თვალსაზრისით ხორციელდება, მოკლებულია საზოგადოების წინაშე არსებული საჭიროებების სისტემურ გააზრებას და მხოლოდ ევროკავშირთან გაუაზრებლად აღებული ვალდებულებების ფორმალურ, მექანიკურ შესრულებას ემსახურება. დეპუტატის მოსაზრებით, განვითარების არსებული გზა იწვევს ერთეულების გამდიდრებას სხვისი ექსპლუატაციის, ჯანმრთელობისა და სიცოცხლის ხარჯზე. ეს კი საზოგადოებისა და პოლიტიკური კლასის გაუცხოვების მთავარი მიზეზია. ბექა ნაცვლიშვილი სამძიმარს უცხადებს დაღუპულთა ოჯახებს. მისი თქმით, მომხდარმა უბედურმა შემთხვევამ კიდევ ერთხელ გამოააშკარავა სახელმწიფოს უპასუხისმგებლობა და უსუსურობა საკუთარი მოქალაქეების კეთილდღეობისა…

მეტი...

სამეფო ტახტის მემკვიდრე დავით ბაგრატიონის ადვოკატი, ლევან ჩხეიძე აცხადებს, ყოფილ მეუღლეებს შორის ნორმალური ურთიერთობა არსებობს. მათ სამოქალაქო შეთანხმებას მოაწერეს ხელი. დაარეგულირეს ურთიერთობა, რომ კვირაში 3 დღესა და არდადეგებს ბავშვი მამასთან გაატარებს, ხოლო კვირის 4 დღეს, დედასთან. დაარეგულირეს ალიმენტის საკითხიც და ერთმანეთის მიმართ ყოველგვარ ქონებრივ მოთხოვნაზე უარი თქვეს. “საკმაოდ ცივილური ურთიერთობა აქვთ, ტელეფონით კომუნიკაცია აქვთ ბავშვთან დაკავშირებით. მისი ინტერესებიდან გამომდინარე. ბავშვს ყველაზე მეტად მამასთან ყოფნა მოსწონს, რადგან ის ანებივრებს, დედა კი ეუბნება ისწავლეო. მამები ასეთები ვართ”, – აცხადებს ლევან ჩხეიძე.  როგორც მან “მედიაცენტრ მთავარს” განუცხადა, დავით ბაგრატიონისა და ანა ბაგრატიონ-გრუზინსკის ქორწინება…

მეტი...