დღე: აპრილი 3, 2019

გამოკითხული მოსახლეობის 55,2% მიიჩნევს, რომ საქართველოში არ არის პოლიტიკური პარტია, რომელიც მისთვის მნიშვნელოვან პრობლემებს მოაგვარებს. ამის შესახებ კავკასიის კვლევითი რესურსების ცენტრის (CRRC) მიერ, ღია საზოგადოების ფონდისა და საერთაშორისო ორგანიზაცია International IDEA ერთობლივი პროექტის ფარგლებში ჩატარებულ კვლევაში წერია. კვლევის მიხედვით, მოსახლეობის მხოლოდ 10%-ია პოლიტიკური პარტიების საქმიანობით სრულად კმაყოფილი, ხოლო 46,3% უფრო კმაყოფილია, ვიდრე უკმაყოფილო. ამასთან, გამოკითხულთა 66%-ს არასდროს წაუკითხავს პოლიტიკური პარტიის საარჩევნო პროგრამა. კითხვაზე – ხმის მიცემისას, უფრო მნიშვნელოვანია პარტიის საარჩევნო პროგრამა თუ ლიდერების ვინაობა – მოსახლოების 38,5% პირველს ასახელებს, ხოლო 45,8% მეორეს. რესპონდენტთა 60,7% მიიჩნევს, რომ არჩევნებში კაცს გამარჯვების უფრო…

სახალხო დამცველის ნინო ლომჯარიას 2018 წლის ანგარიშის თანახმად, ადამიანით ვაჭრობა (ტრეფიკინგი) ადამიანის უფლებათა დარღვევის სერიოზული ფორმაა, რომლის მსხვერპლიც საქართველოში ხშირად ქალები და ბავშვები ხდებიან. სახალხო დამცველის აპარატის კვლევით, ეთნიკური უმცირესობის წარმომადგენლები და ტრანსგენდერი ადამიანები ტრეფიკინგის და სექსუალური ექსპლოატაციის წინაშე განსაკუთრებით მოწყვლადი ჯგუფია. “2018 წლის განმავლობაში, ტრეფიკინგის 21 სავარაუდო ფაქტზე დაიწყო გამოძიება. დაზარალებულის სტატუსი მიენიჭა 6 ქალს, ხოლო მსხვერპლის სტატუსი 2 ქალს,”- წერია სახალხო დამცველის ანგარიშში.

საპარლამენტო უმრავლესობის წევრი რატი იონათამიშვილი შესაბამის უწყებებს მოუწოდებს შეისწავლონ,  რატომ არის ტელეკომპანია “რუსთავი 2”-ის და ყოფილი სახელისუფლებო პარტია „ერთიანი ნაციონალური მოძრაობის“ მიერ კომუნიკაციების მარეგულირებელ კომისიაში და აუდიტის სამსახურში წარდგენილი წინასაარჩევნო პოლიტიკური რეკლამების ანგარიშებს შორის კრიტიკული სხვაობა. როგორც დეპუტატი აცხადებს, კომუნიკაციების მარეგულირებელი კომისიის მიერ დღეს, გავრცელებული ანალიზიდან გახდა ცნობილი, რომ გრიგოლ ვაშაძის შტაბმა და ტელეკომპანია “რუსთავი 2”-მა აუდიტის სამსახურსა და კომუნიკაციების მარეგულირებელ კომისიაში ერთმანეთისგან აცდენილი ანგარიშები გაგზავნეს. კერძოდ, “რუსთავი 2” მარეგულირებელ კომისიას აჩვენებს, რომ გრიგოლ ვაშაძემ 244,193 ლარით მეტი გადაუხადა მას, ვიდრე ეს ვაშაძის შტაბმა აუდიტის სამსახურს წარუდგინა. „მესმის, რომ “რუსთავი 2” “ნაციონალური მოძრაობის” პარტიული საკომუნიკაციო არხია,…

სახალხო დამცველის აპარატის კვლევით, ბავშვის დაბადებისას, არასრულწლოვან მშობელთა რაოდენობა საკმაოდ მაღალია. კვლევით, ადრეულ ასაკში ქორწინება და ნიშნობა საქართველოსთვის ერთ-ერთ მნიშვნელოვან გამოწვევად რჩება. რაც შეეხება სტატისტიკას, 2017 წლის მონაცემებით, ქვეყანაში 835 არასრულწლოვანი მშობელი დაფიქსირდა, რაც 2018 წელთან შედარებით შემცირებულია, თუმცა, კვლავ მაღალია ბავშვის დაბადებისას არასრულწლოვან მშობელთა რაოდენობა. “მიუხედავად იმისა, რომ 18 წლამდე პირთა ქორწინების რეგისტრაცია არ ხორციელდება, პრობლემად რჩება ფაქტობრივი თანაცხოვრების შემთხვევები. 2017 წლის მონაცემთან შედარებით (835 არასრულწლოვანი მშობელი), შემცირებულია, თუმცა კვლავ მაღალია ბავშვის დაბადებისას არასრულწლოვან მშობელთა რაოდენობა, კერძოდ, 2018 წელს მშობლად 715 არასრულწლოვანი დედა და 23 არასრულწლოვანი მამა დარეგისტრირდა,”- ვკითხულობთ…

ევროსაბჭოს სტატისტიკით, საქართველოში პატიმართა რაოდენობა საკმაოდ მაღალია და ის მეორე ადგილს იკავებს. ევროპის ციხეებში პატიმარტა სტატისტიკა ევროსაბჭომ გამოაქვეყნა. 2018 წლის იანვრის ჩათვლით არსებულ ვითარებას ასახავს. სტატისტიკით, საქართველოს ციხეებში, 2018 წლის ჩათვლის 9407 პატიმარი იმყოფებოდა, თითქმის იგივე რაოდენობა, რაც 2016-ში იყო. პატიმრების მაღალი რაოდენობით პირველ ადგილს რუსეთი იკავებს – 418,3 პატიმარი 100 ათას მოსახლეზე, მეორე ადგილზე საქართველოა (252,2). შემდეგ არიან: აზერბაიჯანი (235), მოლდოვა (215,2), ჩეხეთის რესპუბლიკა (208,8), პოლონეთი (194,4) და ესტონეთი (191,4). გასულ წელთან შედარებით, უცხო ქვეყნის მოქალაქე პატიმრების ზრდის კუთხით საქართველო ლიდერია და 35%-ს იკავებს. რაც შეეხება ქალ პატიმრებს, მათი…

უზენაესი სასამართლოდან გათავისუფლებული მოსამართლე, თამარ ლალიაშვილი აცხადებს, რომ წინა ხელისუფლების მიერ, ლევან მურუსიძის უზენაესი სასამართლოს მოსამართლედ დანიშვნის მიზანი ის იყო, რომ მოლაშვილის, გირგვლიანის თუ სხვა გახმაურებულ საქმეებზე მას უკანონო გადაწყვეტილებები გამოეტანა. მისვე შეფასებით, მურუსიძის უკანონო გადაწყვეტილებების შედეგია ის უზარმაზარი სანქციები, რომლებიც ჯერ კიდევ ეკისრება სახელმწიფოს. “ძალიან ბევრი გახმაურებული საქმეა, სადაც ავტორი არის ლევან მურუსიძე რომლის უკანონო გადაწყვეტილებების გამო, სახელმწიფო თითქმის ყოველწიურად 10 და 100 ათასობით ლარით ჯარიმდება”, – აცხადებს თამარ ლალიაშვილი.   მისივე თქმით, მას უზენაესი მოსამართლის თანამდებობაზე მუშაობის 4 წლიანი ვადა ჰქონდა დარჩენილი, როცა 2004 წელს, უკანონოდ გაათავისუფლეს და მის…

ლევან მურუსიძის ხელმოწერით, უზენაესი სასამართლოდან უკანონოდ გათავისუფლებული მოსამართლისთვის სახელმწიფოს 2 მილიონ ლარზე მეტის გადახდა მოუწევს. ყოფილმა მოსამართლე თამარ ლალიაშვილმა სტრასბურგის სასამართლოში დავა მოიგო. საქართველოს სახელმწიფოს მისთვის 10 000 ევროს გადახდა დაეკისრა, ამას ემატება 4 წლის მანძილზე ხელფასის განაცდური, პენსია და კომპენსაცია, რომლისთვისაც დავა მალე დაიწყება, – აღნიშნულ თემაზე თამარ ლალიაშვილმა “მედიაცენტრ მთავარში” გამართულ პრესკონფერენციაზე ისაუბრა. “ჩვენი ბრძოლა დაიწყო წინა ხელისუფლების პირობებში – 2004 წლიდან და 2006 წლის აგვისტომდე გრძელდებოდა. იმ რეფორმების შედეგს, რაც მაშინ განხორციელდა, დღესაც ვიმკით და ვხედავთ რა მდგომარეობაშია სასამართლო. მოსამართლეთა დიდმა ნაწილმა ვერ გაუწია მაშინ ხელისუფლებას წინააღმდეგობა…

საქართველოს გენერალურ პროკურატურა, ზუგდიდის N6-ე საჯარო სკოლის დირექტორ ია კერზაიას გარდაცვალების საკითხს ეხმაურება. პროკურატურაში აცხადებენ, რომ ვიდრე ია კერზაიას სიკვდილის მიზეზად დანაშაულებრივი ქმედება არ გამოიკვეთება, გამოძიება მოკლებულია შესაძლებლობას, მისი რომელიმე ახლო ნათესავი დაზარალებულად ცნოს, რაც ბაჩანა შენგელიასთვისაც ცნობილია. პპროკურატურის ინფორმაციიით, გამოიკითხა 90-მდე მოწმე, გამოძიების ფარგლებში მიმდინარეობს ყველა გარემოების, მათ შორის ქალაქ ზუგდიდის N6 საჯარო სკოლაში ჩატარებული ინსპექტირების ამსახველი სრულყოფილი დოკუმენტაციისა და ზუგდიდის რესურს-ცენტრთან დაკავშირებული გარემოებების შესწავლა. ასევე, ჩატარებულია ბაჩანა შენგელიას მიერ წარმოდგენილი, ჟურნალისტების მიერ სხვადასხვა პირთა გამოკითხვის ამსახველი დაუმონტაჟებელი ვიდეომასალის დათვალიერება. განხორციელდა სკოლაში არსებული დარღვევების თაობაზე მიღებული საჩივარ-განცხადების ავტორის იდენტიფიცირების…