დღე: დეკემბერი 31, 2021

საქართველოს პრეზიდენტმა, სალომე ზურბიშვილმა, 14 პატიმარი შეიწყალა. “9 მსჯავრდებული პენიტენცირ დაწესებულებას დღესვე დატოვებს, 1 მსჯავრდებულს შეუმცირდა პენიტენციურ დაწესებულებაში მოსახდელად დარჩენილი სასჯელი, დარჩენილი 4 მსჯავრდებული შეწყალებულ იქნა სხვადასხვა სახის სასჯელისაგან, როგორიცაა პირობითი სასჯელის შემდგომი მოხდა, პირობითი სასჯელის ვადის შემცირება, შინაპატიმრობის სასჯელისგან გათავისუფლება, სატრანსპორტო საშუალების მართვის უფლების შეზღუდვისგან გათავისუფლება. შეწყალების აქტი საქართველოს პრეზიდენტმა 2021 წლის 31 დეკემბერს გამოსცა”,- ნათქვამია პრეზიდენტის ადმინისტრაციის მიერ გავრცელებულ ინფორმაციაში.

მიხეილ სააკაშვილის ჯანმრთელობის მდგომარეობა ისევ რთულადაა, როგორც მისი ადვოკატი აცხადებს, რუსთავის ციხეში შესვლის საშუალება ჯერჯერობით არ ეძლევა მესამე პრეზიდენტის პირად ექიმს. “მიხეილ სააკაშვილი კვლავაც ვერ იღებს საკვებს და მისი წონა ახლა უფრო ნაკლებია, ვიდრე იყო შიმშილობის დასრულების დროს და სუსტად არის ბუნებრივია. ამასთან, ყურადღებაა გასამახვილებელი იმაზე, რომ მასთან პირად ექიმს არ ეძლევა დაშვების საშუალება.” – განაცხადა შოთა თუთბერიძემ.

პარტია „საქართველოსთვის“ სამეგრელოს ორგანიზაციის ხელმძღვანელს, ზუგდიდის საკრებულოს წევრს, მალხაზ თორიას და მის არასრულწლოვან შვილს თავს დაესხნენ და სცემეს, ამის შესახებ პარტია “საქართველოსთვის” პოლიტ საბჭოს წევრმა კახა ქემოკლიძემ საგანგებო ბრიფინგზე განაცხადა. როგორც ჩანს, ეს წინასაახალწლო პერიოდი განსაკუთრებით მძიმედ უნდა დაგვამახსოვროს “ოცნების” ხელისუფლებამ. ჩვენი წევრისთვის აკაკი ბართაიასთვის იარაღის ჩადების და დაჭერის შემდეგ, რომელიც დღემდე უკანონო პატიმრობაშია,  გუშინ, გვიან საღამოს, ჩვენი პარტიის ერთ-ერთ ლიდერზე, სამეგრელოს რეგიონული ორგანიზაციის ხელმძღვანელსა და ზუგდიდის მუნიციპალიტეტის საკრებულოს წევრზე – მალხაზ თორიასა და მის არასრულწლოვან შვილზე განხორციელდა ფიზიკური თავდასხმა” – განაცხადა კახა ქემოკლიძემ. მისი თქმით, თავდასხმა 30 დეკემბერს, დაახლოებით…

სახელმწიფო ინსპექტორის სამსახურის გაუქმებას გამოეხმაურა საქართველოს ყოფილი პრემიერ-მინისტრი, გიორგი გახარია, რომელმაც განაცხადა, რომ ხელისუფლება საშიშ გზავნილს აძლევს დამოუკიდებელ საჯარო მოხელეებს და მოქალაქეებს დაუცველს ტოვებს. გახარია მადლობას უხდის ლონდა თოლორაიასა და მის გუნდს. “მთავრობამ გააუქმა დამოუკიდებელი ინსპექტორის სამსახური, ხელისუფლება საშიშ გზავნილს აძლევს დამოუკიდებელ საჯარო მოხელეებს და ტოვებს მოქალაქეებს დაუცველს სახელმწიფოს მხრიდან ძალადობის პირისპირ. შეუძლებელია ქართულ ოცნებას ეს გაუვიდეს”, –  წერს ყოფილი პრემიერი.

საქართველოს მესამე პრეზიდენტი, მიხეილ სააკაშვილი, რუსთავის ციხიდან წინასაახალწლო მილოცვაში სოფო ნიჟარაძესა და თავის ქალიშვილ, ელის მარია სააკაშვილზე, საუბრობს. “მოგესალმებით რუსთავის ციხიდან, ფიზიკურად დასუსტებული, მაგრამ მორალურად მხნე! სამშობლოს თავისუფლებისა და ჩვენი ხალხის ღირსეული მომავლისთვის ბრძოლა გრძელდება! თუმცა, დღეს მინდა მიმავალი წლის მთელი სიმძიმე გვერდით გადავდო. 31 დეკემბერი განსხვავებული დღეა. დღე, რომელიც ყველას გვაერთიანებს და ერთნაირად გვიყვარს დიდსა თუ პატარას. ის მხოლოდ საუკეთესო მოგონებებსა და კეთილ სურვილებს აცოცხლებს. ამიტომაც, მინდა მოგილოცოთ განურჩევლად ყველას, რადგან ეს დღე ყველასია – იწყება ახალი წელი და ჩნდება ახალი შანსი შეცვალო, გააუმჯობესო, გააკეთილშობილო! მიდის ძველი წელი და გეძლევა…