საქართველოს პრემიერ- მინისტრმა აქციის მონაწილეებს, რომლებიც “რუსულ კანონს” აპროტესტებენ, კოლექტიური ნაცმოძრაობის პარტიები უწოდა. ირაკლი კობახიძის განცხადებით, კარგი, რაც უკავშირდება ამ აქციებს, არის ის, რომ ყველა ერთ ქვაბში იყრება.
„ერთი რაც არის ძალიან კარგი, რაც უკავშირდება ამ აქციებს, არის ის, რომ ერთ ქვაბში იყრება ყველა ის სუბიექტი, რომელიც სინამდვილეში, ერთ ქვაბში ისედაც არის მოთავსებული. ეს არის კოლექტიური ნაცმოძრაობის პარტიები, „ნაცმოძრაობა“ ლელო, გახარიას პარტია და ა.შ. ესენი არიან მდიდარი ენჯეოები, სხვა სუბიექტები, რომლებიც მათთან არიან დაკავშირებულები, კეზერაშვილის მიერ დაფინანსებული ექსტრემისტული ახალგაზრდული დაჯგუფებები და ა.შ. ყველა ერთ ქვაბში ჩაიყარა და საზოგადოება ხედავს იმას, თუ სინამდვილეში, ვის და რას წარმოადგენს კოლექტიური ნაცმოძრაობა“, – განაცხადა პრემიერმა.
