დღე: ოქტომბერი 29, 2021

სახელმწიფო უსაფრთხოების სამსახური ავრცელებს სასამართლო განჩინების საფუძველზე მოპოვებულ სკანდალურ ჩანაწერს, რომელიც, სუსის ინფორმაციით, სააკაშვილის საპრეზიდენტო ბიბლიოთეკაშია ჩაწერილი. საუბარში, სავარაუდოდ ბესიკ წერედიანი ამბობს, რომ მიხეილ სააკაშვილის გლდანის ციხეში ეტაპირებისას ქაოსი და გზების ბლოკირება უნდა მოხდეს.  “ციხეს ვერ აიღებ, ამას სჭირდება პარტიის რესურსი. გუშინ გვქონდა ამაზე საუბარი, მაგრამ როგორ გადაწყდება ეს არის – მიიყვან მანქანებს, 100-150 მანქანას, ჩაკეტავ. გლდანის ციხის ირგვლივ არის გზები, უბრალოდ უნდა ჩახერგო ერთი 500-600 კაცი სჭირდება მობილიზებული. ვერ იზამენ ვერაფერს, როგორც კი დასჭირდება გადაყვანა. მე დარწმუნებული ვარ, რომ ჩვენ მაინც მაიდანი მოგვიწევს ბოლოს, იმიტომ, რომ ესენი არჩევნებით არსად წავლენ, თუ არ ჩამოიშალა სისტემა,…

გაშინებდნენ სააკაშვილით, აი, ჩამოვა და ყველას დაერევაო, სინამდვილეში უხმაუროდ ჩამოვედი, თავი ავარიდე პროვოკაციას – ხვალ თქვენ გადაწყვეტთ, ღარიბაშვილის მიერ საჯაროდ გამოტანილი სასიკვდილო განაჩენი აღსრულდება ჩემს მიმართ, თუ მეუფე გრიგოლის წინასწარმეტყველება, რომ მე კიდევ გამოვადგები ჩემს სამშობლოს, – ამის შესახებ საქართველოს მესამე პრეზიდენტის, მსჯავრდებულ მიხეილ სააკაშვილის საზოგადოებისადმი მიმართვაშია აღნიშნული. როგორც სააკაშვილი განმარტავს, მას არ სურს არცერთი თანამდებობა. „რატომ ვშიმშილობ? იმიტომ, რომ ჩემი ხმა ჩაახშეს სატელეფონო ზარების აკრძალვით, ჩემს პოზიციას ხმამაღლა ვერ გამოვხატავ, იმიტომ, რომ სასამართლოში არ მივყავარ უკვე ერთი თვე. ფანჯრიდან ერთხელ გადმოვიხედე და მთელი სართული დაგმანეს, შორიდან დაიწყეს ჩემი ტარება იმიტომ, რომ არ…

ტელეკომპანია “იმედმა” ოპოზიციური პარტიის – “ნაციონალური მოძრაობის” წინასაარჩევნო პოლიტიკური რეკლამა ეთერში არ გაუშვა. როგორც რადიო თავისუფლებას პარტიაში უთხრეს, არხმა მათ უარი როგორც ფასიანი, ისე უფასო საეთერო დროის დათმობაზე უთხრა. სწორედ იმ მიზეზით, რომ “იმედმა” არ გაუშვა ოპოზიციური პარტიის წინასაარჩევნო რეკლამა, კომუნიკაციების კომისიამ მას სამართალდარღვევათა ოქმი შეუდგინა. “პარტიამ მაუწყებელს ორჯერ მიმართა სარეკლამო რგოლების განთავსების მოთხოვნით, თუმცა, „იმედს“ რგოლები ეთერში არ განუთავსებია”, – აღნიშნავენ კომისიაში. კომისია აქვე განმარტავს, რომ კანონი “იმედს” ყოველ სამ საათში 7,5 წუთის წინასაარჩევნო რეკლამისთვის უფასოდ გამოყოფას ავალდებულებდა, რომელიც თანაბრად და არადისკრიმინაციულად უნდა დაეთმო არჩევნებში მონაწილე პარტიებისთვის. კომისიამ არხს…

ხშირად გვესმის საუბარი, რომ პრეზიდენტი სააკაშვილი ჩვეულებრივი პატიმარია. მე ასე ვიტყოდი, რომ კანონის წინაშე ყველა თანასწორია, უნდა იყოს კიდევაც თანასწორი, მაგრამ ჩვეულებრივი პატიმრების მიმართ საერთაშორისო ყურადღება არ არის მოპყრობილი. ესე იგი, არაჩვეულებრივი პატიმარია, – ამის შესახებ მეუფე გრიგოლმა რუსთავის მე-12 პენიტენციურ დაწესებულებაში პატიმრობაში მყოფი საქართველოს ყოფილი პრეზიდენტის, მიხეილ სააკაშვილის მონახულების შემდეგ განაცხადა. მისი თქმით, მიხეილ სააკაშვილი სუსტად გრძნობს თავს და ეს ეტყობა, სახის ფერზეც. „შევხვდი, ვესაუბრე პრეზიდენტ სააკაშვილს. ბუნებრივია, ამდენი დღის შიმშილობის შემდეგ სუსტად გრძნობს თავს, რაც მე შევატყვე. მხნეობას არ კარგავს. ეტყობა სახის ფერზეც, მოძრაობა ცოტა შენელებულია, რომ ვიცით,…

„მთავარი არხი“ კომპანია „იფსოსთან“ თანამშრომლობას წყვეტს და მიზეზებს განმარტავს. როგორც „მთავარი არხის“ გენერალური დირექტორი ნიკა გვარამია სოციალურ ქსელში წერს, „იფსოსი“ აღარ ჩაატარებს ეგზიტპოლს „მთავარი არხის“ სახელით. გვარამიას განცხადებას: „ვაცხადებთ ჩვენს პოზიციას, კომპანია „იფსოსის“ მიერ გუშინ, 28 ოქტომბერს, ჩვენს შორის არსებული კონტრაქტის უხეშად და არაკეთილსინდისიერად დარღვევის ფაქტზე: კომპანია „იფსოსის“ მიერ მოწოდებული ზუგდიდის ნედლი ციფრები დამატებითი შეწონვის, (ჩვენთან ცნობილია, როგორც ალოკაცია) გარეშე არის შემდეგი: ანზორ მელია: 52.3% მამუკა წოწერია: 43.3% უარი პასუხზე/არ ვიცი: 4.4% ნარჩენი 4.4%-ის გადანაწილება იმგვარად, რომ 49/51 მივიღოთ „ოცნების“ კანდიდატის სასარგებლოდ, იმედია, მარტივად გასაგებია, რომ აბსურდია. სულ რომ 4.4%…

საპარლამენტო უმრავლესობის წევრის შალვა პაპუაშვილის განცხადებით, „იფსოსი“ და „მთავარი არხი“ არათუ ერთმანეთისგან გამიჯნული კომპნიაა, არამედ ისინი სისტემატურად ერთად აყალბებდნენ შედეგებს და გადაბრალება კიდევ უფრო დიდი სკანდალია. ამის შესახებ მან „ქართული ოცნების“ ოფისში გამართულ ბრიფინგზე განაცხადა. „იცით თქვენ, რომ ზუგდიდში, განსხვავებულმა მონაცემებმა გაყიდა ის, რომ ეს გაყალბების კვალი ბოლომდე ვერ იქნა წაშლილი. სწორედ ამან მოგვცა მინიშნება იმაზე, რომ გაყალბებას ჰქონდა ადგილი. დღეს ვნახეთ ტელეკომპანია „მთავარის“ გენერალური დირექტორის გამოხმაურება, რომელიც ცდილობს გადააბრალოს ეს კომპანია „იფსოს“. სინამდვილეში საქმე არის შემდეგში – ეს არათუ ერთმანეთისგან გამიჯნული ორი კომპანიაა, სინამდვილეში უკვე სისტემატურად ხდება გაყალბება და ეს გვაქვს სახეზე…

კარგად მესმის, რამხელა პატივი და კიდევ უფრო დიდი პასუხისმგებლობაა, მეორე ვადით განვაგრძო დაწყებული საქმე და ბოლომდე მივიყვანო ყველა რეფორმა და პროექტი, განვახორციელო ის გეგმები, რაც ასე სჭირდება თბილისს, – ამის შესახებ „ქართული ოცნების“ თბილისის მერობის კანდიდატმა, კახა კალაძემ მოსახლეობისადმი მიმართვაში განაცხადა. როგორც კალაძემ აღნიშნა, წინასაარჩევნო პერიოდის განმავლობაში, თავად ერთადერთი კანდიდატი იყო, რომელიც საუბრობდა მხოლოდ თბილისსა და მის საჭიროებებზე. „არ მომბეზრდება გავიმეორო, თუ რამხელა პატივია, როდესაც თბილისელები ამ ულამაზეს ქალაქზე ზრუნვის საქმეს განდობენ. ეს ქალაქი ზუსტად ასახავს ჩვენი ერის ხასიათს – მუდმივ სწრაფვას თავისუფლებისა და განვითარებისაკენ, მის მრავალფეროვნებასა და შემწყნარებლობას. თბილისი ნათელი…

ცესკო-ს ინფორმაციით, თვითმმართველობის არჩევნების მეორე ტურისთვის ქვეყნის მასშტაბით 1 830 საარჩევნო უბანი იმუშავებს, ამომრჩეველთა საერთო რაოდენობა კი შეადგენს 2 088 722-ს. ამის შესახებ ცენტრალური საარჩევნო კომისიის თავმჯდომარემ, გიორგი კალანდარიშვილმა შემაჯამებელ ბრიფინგზე განაცხადა. „ხვალ, 30 ოქტომბერს, მუნიციპალიტეტის ორგანოთა არჩევნების მეორე ტური იმართება. თქვენ ირჩევთ მერებს ხუთ თვითმმართველ ქალაქსა და 15 მუნიციპალიტეტში, ხოლო 24 საარჩევნო ოლქში საკრებულოების 42 მაჟორიტარ წევრს. ამიტომ დღეს ჩვენს მოქალაქეებს, რომლებიც რეგისტრირებული ხართ იმ საარჩევნო ოლქებში, სადაც იმართება მეორე ტური, მინდა მოგიწოდოთ, რომ ხვალ დილის 08:00 საათიდან იაქტიუროთ, მიხვიდეთ საარჩევნო უბნებზე და განახორციელოთ თქვენი კონსტიტუციური უფლება და მიიღოთ კენჭისყრაში მონაწილეობა.…

ფოთში, ოპოზიციის შეთანხმებული მერობის კანდიდატი გიგი უგულავა წინასაარჩევნო შემაჯამებელ მიმართვას ავრცელებს. მისი თქმით, ახლა მოქმედების დროა და ფოთელ ამომრჩეველს სწორი გადაწყვეტილების მიღებას ურჩევს. „ჩემო ფოთელებო, ჩვენ ბევრი ვისაუბრეთ ამ თვეების განმავლობაში ფოთის პრობლემებზე, მის პერსპექტივებზე. ახლა მოქმედების დროა. 30 ოქტომბერს თქვენ ხელში გადმოდის გადაწყვეტილების მიღების სადავეები. ახლა თქვენ უნდა გადაწყვიტოთ კვლავ მივცემთ საშუალებას ოლიგარქებს ხახუბიებს, ლატარიებს ძიძგნონ, დაინაწილონ ქალაქი და სამადლოდ თევზის სუნი გვაკმარონ, შევეგუებით ამ უთავბოლოდ გადათხრილ ქუჩებს, რომელსაც ბოლო არ უჩანს, შევეგუებით ქალაქს დატოვებულს საავადმყოფოს გარეშე, პერსპექტივისა და მომავლის გარეშე, თუ შემოვაბრუნებთ პორტს ქალაქისკენ, ხოლო ქალაქს ზღვისკენ, მივცემთ ფოთს ახალ…

პატიმრობის და შიმშილობის 29-ე დღეს მსჯავრდებული ექსპრეზიდენტი პატრიარქის კურთხევით, ფოთისა და ხობის მიტროპოლიტმა, გრიგოლ ბერბიჭაშვილმა მოინახულა. სასულიერო პირმა მსჯავრდებულ სააკაშვილს წმინდა წერილი გადასცა. “რა მიზნით შეიძლება სასულიერო პირი მივიდეს პატიმართან – ეს კანონით ნებადართული საკითხია და ვალდებულებაც და უფლებაც. აი, წმინდა წერილი მიმაქვს, განსაკუთრებულად სჭირდება ადამიანს, რომელიც იზოლირებულია დანარჩენი სამყაროსგან. მე უნდა გადავცე ის, რასაც სინდისი გვკარნახობს,”- განაცხადა მიტროპოლიტმა გრიგოლმა.

ჩვენი მიზანია თავისუფალი, გამჭვირვალე და სამართლიანი არჩევნებისთვის უსაფრთხო გარემოს უზრუნველყოფა, – ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელ „ტვიტერში“ წერს. მთავრობის მეთაურის თქმით, ევროკავშირისა და ნატო-სკენ მიმავალ გზაზე საქართველოს დემოკრატიული პროცესების მიმართ ევროპარლამენტის ჩართულობა და მტკიცე მხარდაჭერა არსებითად მნიშვნელოვანია. „საქართველო საარჩევნო პროცესის მეორე რაუნდის ფარგლებში ევროპარლამენტის დაინტერესებას და მხარდაჭერას აფასებს. ჩვენი მიზანია თავისუფალი, გამჭვირვალე და სამართლიანი არჩევნებისთვის უსაფრთხო გარემოს უზრუნველყოფა. ევროკავშირისა და ნატო-სკენ მიმავალ გზაზე საქართველოს დემოკრატიული პროცესების მიმართ ევროპარლამენტის ჩართულობა და მტკიცე მხარდაჭერა არსებითად მნიშვნელოვანია“,- წერს ირაკლი ღარიბაშვილი სოციალურ ქსელ „ტვიტერში“.