დღე: ოქტომბერი 4, 2021

მიხეილ სააკაშვილი არის ბედნიერი ადამიანი, რომ აქვს პატივი იყოს იქ, სადაც ახლა არის და იცოდეს, რომ მისი თავგანწირვით და თავდადებით ბევრი რამ შეიცვლება ამ ქვეყანაში უკეთესობისკენ, მადლობა მას ამისთვის, – ამის შესახებ „ნაციონალური მოძრაობის“ თბილისის მერობის კანდიდატმა, ნიკა მელიამ რუსთავის ციხესთან გამართულ აქციაზე განაცხადა. მისი თქმით, მიხეილ სააკაშვილმა მოქალაქეებს მაგალითი მისცა, როგორ უნდა იბრძოლონ. ნიკა მელიას განცხადებით, 30 ოქტომბრის არჩევნები ახალი საპარლამენტო არჩევნების ჩატარების გარანტია იქნება. „არავინ აძალებდა მიშას, ჩამოსულიყო და შესულიყო იქ, სადაც ახლა არის, მაგრამ ბიძინა ივანიშვილზე ბევრად თავისუფალია ახლა მიხეილ სააკაშვილი. არაფერი ისე არ აძლიერებს პოლიტიკურ პატიმარს,…

მიხეილ სააკაშვილის მიერ საქართველოს სახელმწიფო საზღვრის უკანონო კვეთის საქმეზე ფოთის პორტის ორი თანამშრომელი დააკავეს. დაკავებულია მამა-შვილი – ზურაბ და შალვა წოწორია. ისინი წლების განმავლობაში ფოთის პორტში მუშად მუშაობენ. სააკაშვილის საქმეზე დაკავებულ კიდევ ერთ პირს, ელგუჯა ცომაიას დანასაულის დაფარვის ბრალდებით სასამართლომ დღეს წინასწარი პატიმრობა შეუფარდა. მამა-შვილის დაკავების შესახებ ოფიციალურ განცხადებას შინაგან საქმეთა სამინისტრო ავრცელებს, თუმცა ჯერჯერობით უცნობია, სააკაშვილის შემოყვანის სანაცვლოდ მიიღეს თუ არა ფინანსური სარგებელი საქმეში ბრალდებულებმა. “შინაგან საქმეთა სამინისტრომ, მიხეილ სააკაშვილის მიერ საქართველოს სახელმწიფო საზღვრის უკანონო გადაკვეთის ფაქტთან დაკავშირებით მიმდინარე გამოძიების ფარგლებში კიდევ ორი პირი 1984 წელს დაბადებული შ.წ. და…

„ნაციონალური მოძრაობის“ ქუთაისის მერობის კანდიდატმა ხატია დეკანოიძემ რუსთავის #12 სასჯელაღსრულების დაწესებულება დატოვა. მან ჟურნალისტებს საქართველოს მესამე პრეზიდენტის მიხეილ სააკაშვილის წერილი წაუკითხა, სადაც ის ციხესთან შეკრებილ მხარდამჭერებს მიმართავს. „მადლობა ჩემო დებო და ძმებო. მესმის თქვენი ხმა საპყრობილეში და ბრძოლის სურვილს მიათმაგებს, “ვაწვებით” გამარჯვებამდე“, – წერს მიხეილ სააკაშვილი. ცნობისთვის, რუსთავის #12 სასჯელაღსრულების დაწესებულებასთან, სადაც მიხეილ სააკაშვილი იმყოფება „ნაციონალური მოძრაობისა“ და მისი მხარდამჭერების აქცია – თავისუფლება მიშას იმართება.

ელგუჯა ცომაიას, რომლის ბინაშიც საქართველოს მესამე პრეზიდენტი მიხეილ სააკაშვილი დააკავეს, სასამართლომ აღკვეთის ღონისძიების სახით პატიმრობა შეუფარდა. დღევანდელ პროცესზე დაცვის მხარე ცომაიას აღკვეთის ღონისძიების გარეშე დატოვებას მოითხოვდა, ბრალდების მხარე კი პატიმრობას. ცნობისთვის, სამართალდამცველებმა ელგუჯა ცომაია 1 ოქტომბერს დააკავეს. მას ბრალდება საქართველოს სისხლის სამართლის კოდექსის 375-ე მუხლის მეორე ნაწილით (მძიმე დანაშაულის წინასწარ შეუპირებლად დაფარვა) წარედგინა, რაც სასჯელის სახედ და ზომად 1-დან 4 წლამდე თავისუფლების აღკვეთას ითვალისწინებს. გამოძიების ინფორმაციით, ელგუჯა ცომაიამ იცოდა, რომ უკრაინის მოქალაქე მიხეილ სააკაშვილი მძიმე დანაშაულის ჩადენისთვის იძებნებოდა საქართველოს სამართალდამცავი ორგანოს თანამშრომლების მიერ, „მიუხედავად ამისა, თავისი აქტიური მოქმედებით, 2021 წლის 30 სექტემბერს მას დასამალად და…

„ნაციონალური მოძრაობისთვის“ ხელისუფლების გადაბარების პროცესი დაწყებულია. ეს „ქართულ ოცნებას“ ჩაფიქრებული და მომზადებული ჰქონდა ჯერ კიდევ 2018 წლის საპრეზიდენტო არჩევნების დროს, მაგრამ მაშინ ჩვენ აქტიურად ჩავერთეთ საარჩევნო პროცესში და „ქართულ ოცნებას“ არ მივეცით ხელისუფლების გადაბარების საშუალება, – ამის შესახებ „პატრიოტთა ალიანსის“ ლიდერმა, ირმა ინაშვილმა განაცხადა. მისი თქმით, მიხეილ სააკაშვილი ციხეს მალე დატოვებს. „ამ დღიდან მოყოლებული, ჩვენ გამალებით გვებრძვის „ქართული ოცნება“ და მუდმივად გვიყალბებს შედეგებს. ყველას ესმის, რომ წარმოუდგენელია ჩვენ პარტიას ჰქონდეს 1,5 პროცენტი. ჩვენ წლებია მუდმივად ვამხელთ „ქართულ ოცნებას“ „ნაციონალური მოძრაობის“ პოლიტიკურ გაცოცხლებას და საბოლოო ჯამში, ხელისუფლების გადაბარებაში. 20 ქალაქში მეორე ტურია გამოცხადებული და…

არავითარ ბერკეტებზე საუბარი არ იქნება, სააკაშვილმა სასჯელი ბოლომდე უნდა მოიხადოს და მოიხდის, – ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებს განუცხადა, რითაც უპასუხა კითხვას იმის შესახებ, რა ბერკეტები შეიძლება ჰქონდეს უკრაინის პრეზიდენტს ვლადიმერ ზელენსკის მიხეილ სააკაშვილთან დაკავშირებით. კობახიძემ ასევე ისაუბრა ოპოზიციის გაჯანსაღების პროცესზე და აღნიშნა, რომ ამის საუკეთესო შესაძლებლობაა იმ პირობებში, როდესაც „ნაციონალური მოძრაობის“ „ბელადი“ ციხეშია. „ეს უნდა იყოს თანმიმდევრული პროცესი და ამისთვის, ბუნებრივია, ყველა ლეგიტიმური ინსტრუმენტი უნდა გამოვიყენოთ. იმ პირობებში, როდესაც მათი ბელადი დამსახურებულად ციხეშია 9 წლის შემდეგ, რაც მას კონკრეტული სასჯელი შეეფარდა, ამის საუკეთესო შესაძლებლობა არსებობს და შესაბამისად, ეს შანსი უნდა გამოვიყენოთ“,…

“ქართული ოცნების” თავმჯდომარე ირაკლი კობახიძე გიორგი გახარიას პარტიასთან “ქართული ოცნების” თანამშრომლობას გამორიცხავს. კობახიძე დარწმუნებულია, რომ პარტია “საქართველსთვის” მალე ჩამოიშლება. “გახარიას პარტიასთან, მოღალატეს პარტიასთან, რა თქმა უნდა, გამორიცხულია თანამშრომლობა, მაგრამ რაც შეეხება მის პოლიტიკურ პარტიას, ის აუცილებლად მოიშლება ერთი მარტივი მიზეზის გამო: ჩვენ ვაანონსებდით, რომ არჩევნების შემდეგ ეს ადამიანი დაემალებოდა საზოგადოებას და თქვენ იცით, რომ მეორე დღეა არჩევნების დასრულების შემდეგ და ის უბრალოდ არ ჩანს, ელემენტარული, მადლობაც არ უთხრა იმ 100 000 ადამიანს, ვინც მის პარტიას დაუჭირა მხარი. ბოლივით აორთქლდა, რაც კიდევ ერთხელ მეტყველებს იმაზე, რომ მან ყველაზე კარგად იცის, რომ…

„ნაციონალური მოძრაობის“ წევრი ეკა ხერხეულიძე „მთავარი არხის“ ეთერში აცხადებს, რომ საქართველოს ექსპრეზიდენტი მიხეილ სააკაშვილი, ბათუმში ყოფნის დროს პატრულმა გააჩერა, დააჯარიმა, მაგრამ ვერ იცნო. „სააკაშვილმა მითხრა ბათუმის კამერებიდან მგონია რომ გამომყვნენო და ეს მგონია რეალური მიზეზი, რომ ის დაიჭირეს. მითხრა, რომ ბულვარშიც იარა და საერთოდ პატრულმა გააჩერა, დააჯარიმა და ვერ იცნეს. ჰყავთ მძღოლი დაჭერილი და ჰკითხონ. პატრულმა გააჩერა, დააჯარიმეს, რაღაც სიჩქარის გამო… და მიშა ამბობს ესეც იქნება კამერებზეო. ბათუმზე ძალიან გულდაწყვეტილია…“, – აცხადებს ეკა ხერხეულიძე.

მიხეილ სააკაშვილის საქართველოში შემოყვანის საქმეზე კიდევ ორი პირი დააკავეს. გამოძიება მათ დანაშაულის დაფარვის ედავება. “დაკავებულია კიდევ ორი პირი დანაშაულის დაფარვის ფაქტზე, რის შესახებაც საზოგადოებისთვის უახლოეს მომავალში გახდება ცნობილი. თავად მსჯავრდებული მიხეილ სააკაშვილის შემოსვლის მარშრუტი არის გამოძიებისთვის ცნობილი და მიმდინარეობს გამოძიება. ასევე, დაწყებულია გამოძიება 344-ე მუხლით, რაც გულისხმობთ მიგრანტის სახელმწიფო საზღვარზე უკანონო შემოყვანას და სათანადო პირობების შექმნას,” – აცხადებს პროკურორი ლევან ვეფხვაძე.

არათუ მხოლოდ არ მოვდუნდით, არამედ კიდევ უფრო მეტად ვიბრძოლეთ. „ქოცური“ ხელისუფლების დღეები დათვლილია, – ამის შესახებ მსჯავრდებულის, საქართველოს ყოფილი პრეზიდენტის მიხეილ სააკაშვილის მიმართვაშია აღნიშნული, რომელსაც ადვოკატი, დიმიტრი საძაგლიშვილი ავრცელებს. როგორც წერილშია ნათქვამი, „ნაციონალურ მოძრაობას” ბოლო რეფერენდუმზე „ძალიან მაგარი შედეგი აქვს”. „ძალიან მაგარი შედეგები გვაქვს ამ ბოლო რეფერენდუმზე. ადგილობრივ არჩევნებში ეს მთავრობა ყოველთვის იგებდა უმარტივესად, ზედმეტი დაძაბვაც არ სჭირდებოდათ ხოლმე. ახლა, როცა ეგონათ, რომ საბოლოოდ გატეხეს ხალხი, ყველა დიდ ქალაქში არის მეორე ტური, აქედან რამდენიმეში წინ არის „ნაციონალური მოძრაობა”. ეს ნიშნავს მხოლოდ ერთს – არათუ მხოლოდ არ მოვდუნდით, არამედ კიდევ უფრო მეტად ვიბრძოლეთ. „ქოცური“…

ვიცე-პრემიერმა და კულტურის მინისტრმა თეა წულუკიანმა მთავარი არხის ჟურნალისტს, რომელიც მთავრობის სხდომაზე მისთვის კითხვის დასმას ცდილობდა ასეთი სიტყვებით მიმართა: “განერვიულებულია მთავარი არხის ჟურნალისტი, იმიტომ რომ დამარცხდა და ნუ გწყინთ. ნუ ნერვიულობთ, წინ კიდევ ბევრი ნერვიულობა გელით” – უთხრა მან ჟურნალიტს. წულუკიანის თქმით, წინ 30 ოქტომბერია, მეორე ტური და ჟურნალისტს ურჩია რომ “ცოტა ნერვები შემოინახოს”. კითხვაზე, როდის დააბრუნებს ის მთავარი არხის მიკროფონს, წულუკიანი პასუხობს, რომ ჟურნალისტ ემა გოგოხიას ის შეუძლია ნებისმიერ დროს წაიღოს. “ქალბატონ ემას შეუძლია ეს მიკროფონი ჩემგან ნებისმიერ დროს წაიღოს. ან მე თუ მოვხვდები სამეგრელოში, რა თქმა უნდა, ის…

პარტია “კანონი და სამართალის” ლიდერმა მიხეილ სააკაშვილის მხარდასაჭერად ჩამოსულ ემიგრანტებთან ერთად ბრიფინგი გამართა. თაკო ჩარკვიანის განცხადებით, საქართველოს მესამე პრეზიდენტის გათავისუფლების მოთხოვნით ემიგრანტებმა ხელმოწერების შეგროვება დაიწყეს. პარტიის ლიდერი მოქალაქეებს მოუწოდებს დღეს მათ რუსთავის ციხესთან დაანონსებულ აქციას შეუერთდნენ.

“ქართულ ოცნებაში” მიიჩნევენ, რომ ექსპრემიერი გიორგი გახარია რთული დილემის წინაშე დგას, რადგან მისი ამომრჩეველი პოტენციურად “ქართული ოცნების” მიმართ უფროა პოზიტიურად განწყობილი, ვიდრე “ნაციონალური მოძრაობის.” მიხეილ სარჯველაძის შეფასებით, იმ შემთხვევაში, თუ გიორგი გახარია საწინააღმდეგოდ მოიქცევა და მეორე ტურში ენმ-ს დაუჭერს მხარს, ეს ვერ იქნება თანხვედრაში თავისი ამომრჩევლის განწყობებთან.  “ბატონი გახარია, ჩემი აზრით დგას ძალიან რთული დილემის წინაშე, აქამდეც იდგა, მაგრამ გაცილებით გაურთულდა საქმე. მისი საკუთარი ელექტორატის განწყობა, მერწმუნეთ, ერთმნიშვნელოვნად არის საიმისოდ, რომ მეორე ტურში მათ პოტენციურად მხარი დაუჭირონ “ქართულ ოცნებას”. ეს პოტენციურად ის ელექტორატია, რომელიც “ქართული ოცნების” მიმართ უფროა პოზიტიურად განწყობილი, ვიდრე…

ე.წ. კორტების საქმეზე მსჯავრდებულებმა ირაკლი ფირცხალავამ და გიორგი ცააძემ მიხეილ სააკაშვილისთვის სოლიდარობის ნიშნად შიმშილობა დაიწყეს. შეგახსენებთ, რომ მიხეილ სააკაშვილი 1-ელ ოქტომბერს თბილისში დააკავეს, რუსთავის ციხეში გადაყვანის შემდეგ კი მან შიმშილობა დაიწყო. რაც შეეხება ირაკლი ფირცხალავასა და გიორგი ცააძეს, ისინი სასჯელს ე.წ. კორტების საქმეზე იხდიან. ცნობისთვის, 2006 წლის 2 მაისს, შინაგან საქმეთა სამინისტროს კრიმინალური პოლიციის მიერ კორტებთან ჩატარებულ სპეცოპერაციას ზურაბ ვაზაგაშვილისა და ალექსნადრე ხუბულოვის სიცოცხლე ემსხვერპლა. სპეცოპერაციიდან 9 წლის შემდეგ, 2015 წლის 2 თებერვალს პროკურატურამ განზრახ მკვლელობის, მტკიცებულებათა ფალსიფიკაციისა და განზრახ უკანონო დაკავების ბრალდებებით 11 ყოფილი და მოქმედი პოლიციელი დააკავა. მათგან ირაკლი ფირცხალავასა და გიორგი ცააძეს…

„ხინჩეგაშვილი რომ წერა-კითხვის უცოდინარია ყველაზე მეტად მისმა ამომრჩეველმა იცის, მაგრამ მათი “გამტყუნება” არასწორია, რადგან ენმ-მა არანაკლები ერთუჯრედიანი შესთავაზა ამომრჩეველს,“ – ამის შესახებ სოციალურ ქსელში ირაკლი ოქრუაშვილი წერს. „გამარჯვებული საქართველოს“ ლიდერი თვლის, რომ ორივე მხარემ სუსტი კანდიდატი შესთავაზა გორის ამომრჩეველს: „გორელებზე ღადაობას რაც შეეხება ხინჩეგაშვილის არჩევის გამო! ხინჩეგაშვილი რომ წერა-კითხვის უცოდინარია ყველაზე მეტად მისმა ამომრჩეველმა იცის, მაგრამ მათი “გამტყუნება” არასწორია, რადგან ენმ-მა არანაკლები ერთუჯრედიანი შესთავაზა ამომრჩეველს. როდესაც ასეთი არჩევანის წინაშე დგები ანუ ორი შტერიდან უნდა აირჩიო, მარტივად, ციფრებს შორის აკეთებ არჩევანს, უფრო მეტიც, “გლეხური ვირეშმაკობით” იღებ გადაწყვეტილებას. სულ სხვა პრობლემაა, რომ…

პარტია „გამარჯვებული საქართველოს“ დამფუძნებელი ირაკლი ოქრუაშვილი, სოციალურ ქსელში კახა კალაძის ციტატას აქვეყნებს, – „შეიძლება რაღაც დავაკელი“- ოქრუაშვილი ჭავჭავაძის გამზირზე მიანიშნებს: „ჭავჭავაძის გამზირი უფრო მეტად უნდა დაგევიწროვებინა ქლიბო და თან ისე, რომ მარტო წაღმა-უკუღმა კი არა, რვიანებით რომ გვევლო,“ – წერს ოქრუაშვილი.

საქართველოს მესამე პრეზიდენტს, მიხეილ სააკაშვილს დღეს ადვოკატები პირველად შეხვდებიან.  უფლებადამცველები რუსთავში მდებარე სასჯელაღსრულების მე-12 დაწესებულებაში რამდენიმე წუთში მივლენ.  დღეს ადვოკატები, ასევე შეხვდებიან ბინის მესაკუთრეს, სადაც მიხეილ სააკაშვილი დააკავეს. მას ბრალი დანაშაულის დაფარვისთვის აქვს წარდგენილი.

„თქვენ სულ მალე დასრულდებით “ქოცთა ხროვა” მერწმუნეთ,“ – ამის შესახებ სოციალურ ქსელში მალხაზ მაჩალიკაშვილი წერს. შვილმოკლული მამა თვლის, რომ „ოცნება“ დამარცდა დედაქალაქში: „გეყოფათ ბლაყუნი და აზრზე მოდით, თქვენ თბილისი წააგეთ და ამით დასრულდით კიდეც, მეორე ყველაზე თქვენთვის მიუღებელი და ასევე თქვენთვის ყველაზე სულის მხუთავი წაგების შემთხვევაში პანკისის ხეობა მოგებულია. ჩემთან დუისში მეორე ტურია დანარჩენ, სოფლებში სუფთად მოგებული, ამისთვის მადლობა ჩემს ყველზე ღირსეულ უღალატო ძმას კარლო მუხაურს და იმ ყველა მხარდამჭერს, „ალლაჰ რეზ ხილვ მასაარან, რომლებმაც ღირსება უფრო მაღალ საფეხურზე დააყენა, ვიდრე შიში, თქვენ სულ მალე დასრულდებით “ქოცთა ხროვა” მერწმუნეთ,“ – წერს მაჩალიკაშვილი.