დღე: ოქტომბერი 2, 2021

Edison Research-ის ეგზიტპოლის შედეგებით, რომელიც ტელეკომპანია „ფორმულას“ დაკვეთით ჩატარდა, თბილისში არჩევნების მეორე ტური იქნება. კერძოდ, ორგანიზაციის გამოკითხვით, კანდიდატებს შორის ხმები ასე ნაწილდება: „ქართული ოცნება“, კახა კალაძე – 43%, „ნაციონალური მოძრაობა“, ნიკა მელია – 39%, პარტია „საქართველოსთვის“, გიორგი გახარია – 7%. „ხალხისთვის“, ანა დოლიძე – 4%, „ლელო“, ანა ბიბილაშვილი – 2%, „პატრიოტთა ალიანსი“, გიორგი ლომია – 1% “ჩვენი გაერთიანებული საქართველო”, რიჩარდ ოკბუნუჯუ -1% კვლევა Edison Research-მა ტელეკომპანია “ფორმულას” დაკვეთით ჩაატარა და ის 18:00 საათის მდგომარეობით არსებულ მონაცემებს ასახავს.

Ipsos-ის მიერ, ტელეკომპანია „მთავარის“ დაკვეთით ჩატარებული ეგზიტპოლის შედეგების მიხედვით, თვითმმართველობის არჩევნებში. კერძოდ, ორგანიზაციის წინასწარი გამოკითხვის შედეგებით, პარტიებს შორის ხმები ასე გადანაწილდა: „ქართული ოცნება“ – 38, 6 % „ნაციონალური მოძრაობა“ – 33 % გიორგი გახარიას პარტია „საქართველოსთვის“ – 7,6 % „გირჩი – მეტი თავისუფლებისთვის“ – 4,8 % „ლელო“ – 4 % „ევროპული საქართველო“ – 1 % რაც შეეხება თბილისში მერის არჩევნებს, აღნიშნული ორგანიზაციის მიერ ჩატარებული ეგზიტპოლების შედეგების მიხედვით, 50 %-იანი მხარდაჭერა ვერც ერთმა კანდიდატმა ვერ მიიღო, რაც იმას ნიშნავს, რომ იქნება მეორე ტური. კერძოდ, კანდიდატებს შორის ხმები ასე ნაწილდება: „ქართული ოცნება“, კახა…

ტელეკომპანია „იმედის“ დაკვეთით, „გორბის“ მიერ ჩატარებული ეგზიტპოლების შედეგები ცნობილია. ეგზიტპოლების თანახმად, 18:00 სააათისთვის ხმები შემდეგნაირად გადანაწილდა: „ქართული ოცნება“ – 47,6% „ნაციონალური მოძრაობა“ – 27,1% „საქართველოსთვის“ – 6,8% „ლელო“ – 2,8% „გირჩი – მეტი თავისუფლება“ 2,8%; „ევროპული საქართველო“ – 2,6%; „ლეიბორისტული პარტია“ – 1,8%; „პატრიოტთა ალიანსი“- 1,6%; „მესამე ძალა“ – 1,3%; „მოქალაქეები“ -1%; ახალი პოლიტიკური ცენტრი „გირჩი“ – 0,9% სხვა – 3,7%

“ქართული ოცნების” აღმასრულებელი მდივნის, მამუკა მდინარაძის განცხადებით, ოპოზიციამ მარნეულში პროვოკაციის მოწყობა სცადა და ის, ვინც “ქართული ოცნების” მხარდამჭერად გაასაღეს, მისი თქმით, სინამდვილეში “ნაცმოძრაობის” მხარდამჭერები არიან.  მამუკა მდინარაძემ ასევე, მათ მხარდამჭერებს ბოლო წუთამდე აქტიურობისკენ მოუწოდა.  “მარნეულში პროვოკაციის მოწყობა ოპოზიციამ რამდენიმეგან მოახერხა. ამ საქმით დაკავებულები იყვნენ კახა კვეკვესკირი და ჯაბა ქამადაძე თუ საჯაია. ეს ორი ადამიანი ადმინისტრაციული გადაცდომის გამო დაკავებულები არიან, ამ ინციდენტების ეპიცენტრი 22-ე საარჩევნო ოლქის 48-ე უბანი იყო. ამ უბანზე, ერთ-ერთმა ტელევიზიამ გაუშვა კადრები, სადაც ჩანს სავარაუდო ჩაყრის ფაქტი. ეს ქალბატონი კი, რომელიც ამას აკეთებს “ნაციონალური მოძრაობის” კომისიის წევრია, მისი სახელია იზოლდა ქველაძე. მე მას არაფერს…

ოკუპირებულმა სამხრეთ ოსეთმა შესაძლოა, საქართველოში დაკავებული მიხეილ სააკაშვილის ექსტრადირება მოითხოვოს, – რუსული მედიის ინფორმაციით, ამის შესახებ ოკუპირებული ცხინვალის ე.წ. „საგარეო მინისტრმა“ დიმიტრი მედოევმა განაცხადა. „სამხრეთ ოსეთს“ აქვს უფლება, მოითხოვოს საქართველოს ყოფილი პრეზიდენტის, მიხეილ სააკაშვილის ექსტრადიცია იმ ადგილზე, სადაც დანაშაული იქნა ჩადენილი. ვგულისხმობ 2004 და 2008 წლების დანაშაულებებს, რომელიც დანაშაულებად ითვლება გენოციდის დანაშაულის თავიდან აცილებისა და დასჯის შესახებ გაეროს 1948 წლის კონვენციის მიხედვით“,- აღნიშნა მედოევმა. მისივე თქმით, „სააკაშვილის საქართველოდან ექსტრადირების შემთხვევაში“, მას ელოდება სამართლიანი სასამართლო პროცესი და შესაბამისი გადაწყვეტილება.

მთელი დღის განმავლობაში სადამკვირვებლო მისიის წარმომადგენლები საარჩევნო უბნებზე მიდიან და თავად აკვირდებიან ხმის მიცემის პროცესს. დამკვირვებლები აგროვებენ ინფორმაციას, რომელსაც არჩევნების შემდეგ საკუთარ დასკვნებში ასახავენ. “ამ დროისთვის შეგვიძლია ვთქვათ, რომ პროცესი მშვიდ ვითარებაში მიმდინარეობს. დღეს 6 საარჩევნო უბანს ვესტუმრეთ და ვხედავთ, რომ არჩევნები კარგადაა ორგანიზებული. არ მომხდარა არანაირი ძალადობა და ამასთან, დაცულია კოვიდ რეგულაციები. უბნებს გარეთაც მშვიდი სიტუაციაა, არ ყოფილა პროვოკაციები,”- აცხადებს დამკვირვებელი ლიეიტუვადან რეინს ტოჩელოვსკი. ამასთან, უკრაინელი დამკვირვებლებიც ამბობენ, რომ სიტუაცია მშვიდია და სერიოზული დარღვევები, რამაც შეიძლება გავლენა მოახდინოს თავისუფალ არჩევნებზე, არ შეუმჩნევიათ.  “სიტუაცია საკმაოდ მშვიდია, შესაძლოა მთავარი პრობლემა იყოს, რომ 12 საათის შემდეგ ბევრი ხალხი მოვიდა ხმის მისაცემად,…

მორიგი ინციდენტი გლდანში – 45-ე საარჩევნო უბნიდან 3 დამკვირვებელი პოლიციის დახმარებით გააძევეს. საარჩევნო უბნის კომისიის თავმჯდომარე მათ დებოშის მოწყობაში ადანაშაულებს. დამკვირვებლებიდან ერთი “ქართული ოცნების”, ორი კი ოპოზიციური პარტიის წარმომადგენელია. “ერთ-ერთი დამკვირვებელი, რომელიც დილიდან იყო მოსული, ჩასაფრებული და თავიდანვე მომართული, რომ შემოეტანა დესტაბილიზაცია, ერთ-ერთ რეგისტრატორს ჯერ სახაზავის გამო დაუწერა საჩივარი, მერე იმის გამო, რომ დროულად, 10 წუთის ვადაში ფორმა, სპეციალური შესავსები ვერ მივაწოდეთ. რამდენიმე საჩივარი დაწერა. ყველა გავაძევეთ – “ქართული ოცნების” წარმომადგენელიც და ოპოზიციისაც,” – განაცხადა კომისიის თავმჯდომარემ.

ჩვენს ხელთ არსებული ინფორმაციით, ოპოზიცია იმარჯვებს რეფერენდუმში, თანაც იმარჯვებს დამაჯერებლად, – ამის შესახებ  „ნაციონალური მოძრაობის“ ლიდერმა ნიკა მელიამ განაცხადა. მისივე თქმით, ოპოზიცია განსაკუთრებით დამაჯერებლად იმარჯვებს თბილისში. ნიკა მელიამ ამომრჩეველს მოუწოდა, იაქტიურონ, მივიდნენ საარჩევნო უბნებზე და კენჭისყრის პროცესში მონაწილეობა მიიღონ. „ოპოზიცია განსაკუთრებით დამაჯერებლად იმარჯვებს თბილისში, როგორც რეფერენდუმის ნაწილში, ასევე თბილისის მერის არჩევნების ნაწილში. ახლა მთავარია, დარჩენილ საათებში მივიდეთ და გავზარდოთ ეს სხვაობა ქართველ ხალხსა და „ქართულ ოცნებას“ შორის, კიდევ უფრო მკაფიო გავხადოთ ქართველი ხალხის პასუხი. ეს არის ძალიან მნიშვნელოვანი, რათა „ქართულ ოცნებას“ არ მიეცეს შესაძლებლობა, მანიპულაციების შედეგად რაიმე სახის გავლენა მოახდინოს…

პარლამენტის თავმჯდომარე აღიარებს, რომ მის მიერ საარჩევნო უბანზე “ქართული ოცნების” სიმბოლოიანი პირბადით მისვლა ნამდვილად დარღვევა იყო. კახა კუჭავა განმარტავს, რომ, უბანზე მისვლამდე არ დააკვირდა, რომელი პირბადე გაიკეთა. “დილით, 8 საათზე, შევეცადე, ტრადიციულად, პირველი მივსულიყავი უბანზე. ნამდვილად არ მივაქციე ყურადღება, რომელი პირბადე გავიკეთე. ფაქტია, რომ ეს დარღვევა იყო. ვიცი, შესაბამისი რეაგირება იქნება და როგორც ვატყობ, ჯარიმის გადახდაც მომიწევს,” – განაცხადა კახა კუჭავამ.

პარლამენტის თავმჯდომარის, კახა კუჭავას შეფასებით, თვითმმართველობის არჩევნები მშვიდ და დემოკრატიულ არჩევნებში მიმდინარეობს. “არჩევნები მშვიდ გარემოში მიმდინარეობს. მიხარია, რომ ჩვენი მოწოდება, რომ მაქსიმალური სიმშვიდე შევინარჩუნოთ და ყველამ გამოხატოს თავიანთი არჩევანი, სრულდება. რა თქმა უნდა, პატარა დარღვევები იქნება, ეს ყველა არჩევნებზე ხდება, მაგრამ რაც ყველაზე მთავარია სიმშვიდე არის ის, რასაც მოვუწოდებდით და საქართველოს მასშტაბით 3 თუ 4 მცირე ინციდენტი იყო. წყნარად, დემოკრატიულ გარემოში მიმდინარეობს არჩევნები, რაც, რა თქმა უნდა, მისასალმებელია,” – განაცხადა კახა კუჭავამ. კუჭავას თქმით, მნიშვნელობა არ აქვს ვისგან შეიძლება მოდიოდეს დარღვევა, რეაგირება იქნება შესაბამისი.

ადგილობრივი თვითმმართველობის არჩევნებში საკუთარი პოზიცია საქართველოს ლეიბორისტული პარტიის თავმჯდომარემაც დააფიქსირა. შალვა ნათლაშვილის განცხადებით, დღევანდელ კენჭისყრას რეჟიმის დასრულება უნდა მოჰყვეს. “ბრძნული ნათქვამი, ჟრუანტელის მომგვრელი – ქართველო ხელი ხმალს იკარ, დღეს არის აქტუალური. დღეს არ არის ჩვეულებრივი არჩევნები, ჩვეულებრივი კენჭისყრა ვინმეს უპირატესობაზე ან ნაკლოვანებებზე. დღეს ქართველი ხალხის ჰიმნი უნდა გაიგოს მხოფლიომ და შეგედად ამ რეჟიმის დამთავრება უნდა მოჰყვეს. შესაბამისად, უნდა ძალა, რომელიც ამ ქაოსს დაამთავრებს,”- აცხადებს საქართველოს “ლეიბორისტული” პარტიის თავმჯდომარე შალვა ნათლაშვილი.

სააკაშვილი უნდა გასამართლდეს სამართლიანად და თავისუფალი სასამართლოს პირობებში, – ამის შესახებ „ქართული ოცნების“ ერთ-ერთმა ლიდერმა მამუკა მდინარაძემ განაცხადა, რითაც შეაფასა საქართველოში ამერიკის ელჩის კელი დეგნანის განცხადება, რომლის მიხედვითაც, ყოფილი პრეზიდენტის მიხეილ სააკაშვილის საქმე საქართველოს სასამართლოს და მართლმსაჯულების სისტემის ტესტი იქნება. მამუკა მდინარაძე განმარტავს, რომ კელი დეგნანის განცხადება არ მოუსმენია. „არ მომისმენია, მაგრამ სავარაუდოდ, მიმდინარე საქმეებზე საუბრობს ალბათ, საზღვრის კვეთაზე, ორი თუ სამი საქმეა კიდევ, სადაც ბუნებრივია მართლმსაჯულება უნდა იყოს სამართლიანად. ამის უფლება ყველას აქვს, მათ შორის მიხეილ სააკაშვილსაც, რაც არ უნდა ცუდი და ბინძური წარსული ჰქონდეს მას, სააკაშვილი უნდა გასამართლდეს სამართლიანად და თავისუფალი სასამართლოს პირობებში. მართლმსაჯულება უკვე…

“ქართული ოცნების” აღმასრულებელმა მდივანმა “ოცნების” ოფისში გამართულ ბრიფინგზე ყველას შეახსენა, რომ საარჩევნო უბნიდან 100 მეტრის რადიუსში აკრძალულია აგიტაცია, ამ პერიმეტრის გარეთ კი კანონის ფარგლებში, ნებისმიერი ქმედება, მათ შორის ელექტორატის მობილიზება, არ არის კანონდარღვევა. “ერთი რამ მინდა განსაკუთრებით ხაზგასმით აღვნიშნო, თქვენთვის – ჟურნალისტების და ნებისმიერი იმ ადამიანის გასაგონად, ვისაც მართლა გულწრფელად შეიძლება ამის შესახებ ინფორმაცია არ ჰქონდეს. დადგენილია იმ უპრეცენდენტო საარჩევნო რეფორმის ფარგლებში შესაბამისი სპეციალური ნორმა, რომლის მიხედვითაც 100 მეტრის რადიუსში აკრძალულია ყველანაირი აგიტაცია, ამომრჩევლის აღრიცხვა და ა.შ. ეს უნდა დაიცვას ყველამ. ასევე მოვუწოდებ ყველა ადამიანს, ეს ჩვენი მხარდამჭერი იქნება, ჩვენი…

ცენტრალური საარჩევნო კომისია არჩევნების პროცესში ჩართულ მხარეებს საარჩევნო უბნების დახურვის შემდეგ კანონმდებლობით განსაზღვრულ პროცედურებს შეახსენებს. როგორც ცესკოს სპიკერმა ნათია იოსელიანმა ბრიფინგზე განაცხადა, ცენტრალური საარჩევნო კომისია არჩევნების შედეგების პირველად მონაცემებს მას შემდეგ გამოაცხადებს, როდესაც ცესკოში შესული იქნება ოქმების ის მინიმალური რაოდენობა, რომელიც საჭიროა კენჭისყრის წინასწარი შედეგების გამოსაცხადებლად. „საარჩევნო უბნები კანონმდებლობის თანახმად 20:00 საათზე დაიხურება. რის შემდეგაც წილისყრით გამოვლინდებიან მთვლელები, კომისიის წევრები დაითვლიან ხელმოწერების რაოდენობას ყველა სახის ამომრჩეველთა სიებში, გარკვეული სახის დოკუმენტაცია დაილუქება, ამის შემდეგ დაიწყება საარჩევნო ყუთების გახსნა და ბიულეტენების დათვლა. 3 200 საარჩევნო უბანზე, სადაც რეგისტრირებულ ამომრჩეველთა რაოდენობა 300-ზე მეტია, ხმის…

საკუთარი არჩევანი გააკეთა ზურაბ გირჩი ჯაფარიძემ. ხმის მიცემისს შემდეგ პარტიის ”გირჩი – მეტი თავისუფლება” თავმჯდომარემ, ლაგოდეხის მუნიციპალიტეტის მერობის კანდიდატმა  მედიასთან კომენტარი. “ხმა მივეცი იმ ხალხის წინააღმდეგ, ვინც ვითომ რაღაც განსხვავებული ცხოვრებით ცხოვრობს, ვითომ “კაი ბიჭურს” და “ქურდულს” რომ აწვებიან და ახლა სუსის “შესტიორკებად” არიან გადაქცეული, ამ ხალხის წინააღმდეგ მივეცი ხმა. კიდევ იმათ წინააღმდეგ მივეცი ხმა, ვითომ სასულიერო პირები რომ ჰქვიათ და კანში და ჯიპებში რომ ვეღარ ეტევიან.“ – განაცხადა ზურაბ ჯაფარიძემ.

საკუთარი არჩევანი დააფიქსირა საქართველოს პრეზიდენტმა. სალომე ზურაბიშვილმა მედიასთან მოკლე კომენტარი გააკეთა და იმედი გამოთქვა, რომ ქვეყანაში პოლარიზაცია დასრულდება. “ადგილობრივი არჩევნები არის მნიშვნელოვანი დემოკრატიულ პროცესებში. ეს არის ის არჩევნები, სადაც მოქალაქეებს მართლა შეუძლიათ რომ აირჩიონ თავ-თავიანთ ადგილზე ისინი, ვინც ადგილობრივ საკითხებს გადაუწყვეტენ. აქ ნაკლებად უნდა იყოს პოლარიზაცია და ეს არჩევნები არის, ზოგადად, როდესაც უნდა დასრულდეს პოლარიზაცია, ამის იმედი მაქვს და მე ამას მივეცი ხმა – დეპოლარიზაციას,”-განაცხადა საქართველოს პრეზიდენტმა.