ფეისბუკმა კორპორაციული სახელი შეიცვალა და მას „მეტა“ დაარქვა. ამით ის აგრესიულ დისტანცირებას ცდილობს კრიზისში მყოფი სოციალური მედიის ბიზნესისგან და საკუთარ თავს წარმოგვიჩენს, როგორც ახალი ციფრული სამყაროს, სახელად „მეტავერსის“ შემქმნელს.
75-წუთიან ონლაინპრეზენტაციაზე, კომპანიის აღმასრულებელმა დირექტორმა მარკ ცუკერბერგმა მომხმარებლებს შეახსენა, რომ კომპანიამ ზრდით გადაუსწრო მის ყველაზე პოპულარულ და პრობლემურ სოციალურ მედია აპლიკაციას — პლატფორმას, რომელსაც კვლავ ფეისბუქი ერქმევა. ცუკერბერგის განცხადებით, კომპანია გეგმავს, რომ ფოკუსირდეს ახალ კომპიუტერულ ტალღაზე: ვირტუალურ სამყაროზე, სადაც ადამიანები თავისუფლად დაიარებიან ავატარების სახით, ესწრებიან ვირტუალურ ბიზნესშეხვედრებს, შოპინგობენ ვირტუალურ მაღაზიებში და სოციალიზაციას ახდენენ ვირტუალურ თავშეყრის ადგილებში.
