დღე: ოქტომბერი 5, 2021

პარლამენტმა „ნაციონალური მოძრაობის“ თავმჯდომარეს, ნიკანორ მელიას სადეპუტატო უფლებამოსილება შეუწყვიტა. პლენარულ სხდომაზე გადაწყვეტილებას მხარი დაუჭირა 79-მა დეპუტატმა, წინააღმდეგი არავინ წასულა. ნიკანორ მელიამ საპარლამენტო მანდატის დატოვების თხოვნით პარლამენტს 29 ივლისს თავად მიმართა. „ნაციონალური მოძრაობის“ თავმჯდომარე ნიკანორ მელიამ მაშინ ბრიფინგი გამართა, რომელზეც განაცხადა: „პირადად მე, მთლიანად მივდივარ ოქტომბრის რეფერენდუმის ბრძოლაში და ვტოვებ იქაურობას. ეს ნიშნავს, რომ მე ვტოვებ საპარლამენტო მანდატს და თავიდან ბოლომდე ელენესთან, მეგობრებთან, ქართველ ხალხთან ერთად გადავდივარ უმნიშვნელოვანეს რეფერენდუმში მონაწილეობის მისაღებად“. სადეპუტატო უფლებამოსილების შეწყვეტის თაობაზე ნიკანორ მელიას მიმართვა თავდაპირველად საპროცედურო საკითხთა კომიტეტმა განიხილა და მისთვის მანდატის შეწყვეტის გადაწყვეტილება მიიღო.

მიხეილ სააკაშვილის დაბრუნების საკითხს აქვს ადამიანური და პოლიტიკური მხარე, – აცხადებს თემის კომენტირებისას „ევროპული საქართველოს“ ყოფილი წევრი დავით ბაქრაძე. ბაქრაძის თქმით, დაპატიმრებული მიხეილ სააკაშვილი მხოლოდ და მხოლოდ ზრდის ქვეყანაში პოლარიზაციის და ტემპერატურის ხარისხს. „რაც უნდა დიდი განსხვავებები ყოფილიყო ბოლო წლებში ჩვენს შორის და ეს განსხვავებები დღესაც არის, ადამიანურად, არ შემიძლია, ჩემი მხარდაჭერა და თანადგომა არ გამოვხატო მის მიმართ, არ დავაფასო მისი გადაწყვეტილება, ჩამოსულიყო ქვეყანაში, თუნდაც დაჭერისა და პატიმრობის ფასად. რაც შეეხება ამ საკითხის პოლიტიკურ მხარეს, პოლიტიკურად ეს არის ძალიან დიდი გამოწვევა ქართული სახელმწიფოსთვის. იმიტომ, რომ დაპატიმრებული მიხეილ სააკაშვილი მხოლოდ და…

მუხროვანის სამხედრო ამბოხების ბრალდებით, ქუჩაში ჩაცხრილულმა პოლკოვნიკ გია კრიალაშვილის დამ – ლია კრიალაშვილმა „მედიაცენტრ მთავარში“ პრესკონფერენცია გამართა, სადაც მიხეილ სააკაშვილის დაკავებაზე ისაუბრა. როგორც ლია კრიალაშვილმა განაცხადა, მისი ძმა ქუჩაში სრულიად უდანაშაულო ჩაცხრილეს მაშინ, როცა დამნაშავე მიხეილ სააკაშვილი მშვიდად და უპრობლემოდ აიყვანეს. „მას შემდეგ რაც ეს მასხარა, მაწანწალა, ბოროტი კაცი აიყვანეს, გიას სახლს არავინ ახსენებს. რატომღაც, ახსენებენ ვალერი გელაშვილს და დანარჩენებს. გიას საქმე რატომღაც მიივიწყეს. მიშას პირველი სიტყვები იყო „მიწიდან ამოიღეთ კრიალაშვილიო“ და სწორედ ეს იყო მისი ლიკვიდაციის ბრძანება“ – განაცხადა ლია კრიალაშვილმა „მედიაცენტრ მთავარში“.   მისივე თქმით, თუ მიხეილ სააკაშვილი საკადრის…

სოციალურ ქსელებში საქართველოს ყოფილი პრეზიდენტის, მიხეილ სააკაშვილის დაკავების ამსახველი ვიდეო ვრცელდება. ვიდეოკადრები თბილისში, იმ სახლშია გადაღებული, სადაც მიხეილ სააკაშვილი დააკავეს. ყოფილმა პრეზიდენტმა, მიხეილ სააკაშვილმა პირველ ოქტომბერს „ფეისბუქში“, საკუთარ გვერდზე გამოაქვეყნა პოსტი, რომლითაც მიანიშნა, რომ არალეგალურად შემოვიდა ქვეყანაში. მოგვიანებით, მან გაავრცელა ვიდეომიმართვა, რომელშიც ასევე მიანიშნა, რომ იმყოფებოდა ბათუმში. მან კიდევ ერთი ვიდეო გაავრცელა, სადაც განაცხადა, რომ ვიდეო ბათუმის ბულვარში იყო გადაღებული. პირველ ოქტომბერს, საღამოს, მთავრობის ადმინისტრაციაში გამართულ საგანგებო ბრიფინგზე პრემიერ-მინისტრმა, ირაკლი ღარიბაშვილმა განაცხადა, რომ მიხეილ სააკაშვილი დააკავეს. შსს-მ დღის ბოლოს მიხეილ სააკაშვილის სასჯელაღსრულების დაწესებულებაში გადაყვანის ვიდეოკადრები გაავრცელა.

მინდა მეორე ტურში მყოფ ოპოზიციის კანდიდატებს საჯაროდ შევთავაზო, რომ შეძლების ფარგლებში ჩავერთო და დავეხმარო მათ კამპანიას“,- ამის შესახებ ოპოზიციონერმა დეპუტატმა დავით ბაქრაძემ განუცხადა. როგორც ბაქრაძე განმარტავს, თვითმმართველობის არჩევნების მეორე ტურში ოპოზიციის მხარდაჭერა გადამწყვეტია. „მეორე ტური პრინციპულად გადამწყვეტია და სწორედ მეორე ტური განსაზღვრავს, დარჩება თუ არა ამ ქვეყანაში დღევანდელი ხელისუფლება. ამიტომ, ნებისმიერი ოპოზიციური პარტიისთვის, მეორე ტურში აქტიური გამოჩენა და გასული ოპოზიციური პარტიების კანდიდატების მხარდაჭერა აბსოლუტურად აუცილებელია. მე პარტიულად არ ვმონაწილეობ ამ არჩევნებში, მაგრამ ცალსახად მინდა განვაცხადო, რომ მეორე ტურში მხარს ვუჭერ ყველა ოპოზიციის კანდიდატს. მინდა მოვუწოდო საზოგადოებას, მივიდნენ და ხმა მისცენ ოპოზიციის…

მინდა მოვუწოდო კობახიძე იქნება თუ სხვა, როცა ღირსეულ სახელმწიფო მოხელეებთან მიმართებით ვინმე უღირსი ბრალდებების გაჟღერებას ცდილობს, პირში წყალი გამოივლონ,- ასე ეხმიანება პარტია “საქართველოსთვის” წევრი, დეპუტატი გიორგი ხოჯევანიშვილი მის ძმასთან, ალექსანდრე ხოჯევანიშვილთან დაკავშირებით ირაკლი კობახიძის მიერ გაკეთებულ განცხადებას. ხოჯევანიშვილი არ გამორიცხავს მისი ძმის წინააღმდეგ გამოძიება დაიწყოს, თუმცა აცხადებს, რომ მსგავსი ბრალდებები მორიგი ტალახის სროლაა და რაიმე კითხვის დასმაც კი ალოგიკურია. „გამორიცხული არაფერია, მაგრამ ამ ადამიანს არც ერთ ეტაპზე მსგავს საქმიანობასთან შეხება არ ჰქონია, არც სამსახურებრივად ეხებოდა. შესაბამისად, უნდა დაველოდოთ მოვლენების განვითარებას, ეს არის მორიგი ტალახის სროლა, რომელსაც ჩვენ უკვე მივეჩვიეთ. აღნიშნულ საკითხზე პირველივე დღეს, როცა გამოძიების…

შეშფოთებას ბუნებრივია, აქვს საფუძველი, თუმცა, დარწმუნებული ვარ, გამოძიება ყველაფერს ნათელს მოჰფენს, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა. მისი თქმით, გამოძიება ნათელს მოჰფენს ყველაფერს. „გავრცელებულ ინფორმაციებს შორის იყო ორი საუბარი, სადაც ორივე მხარეს იყო დიპლომატიური სექტორის წარმომადგენელი. ერთ-ერთი იყო თანაშემწე, მეორე USAID-ის წარმომადგენელი და ა.შ. ორი იყო ასეთი სავარაუდო საუბარი და რა თქმა უნდა, ძალიან მნიშვნელოვანია, რომ განსაკუთრებით ეს ორი ფაქტი იყოს გამოძიებული. აქედან გამომდინარე, შეშფოთებას ბუნებრივია, აქვს საფუძველი, თუმცა, დარწმუნებული ვარ, გამოძიება ყველაფერს ნათელს მოჰფენს. ალეკო ხოჯევანიშვილს კანონიერად ჰქონდა ასეთი ინფორმაცია მოპოვებული თუ უკანონოდ, ამას უნდა გაეცეს სათანადო პასუხი. აქედან გამომდინარე…

ჩემი აზრით, ქართველი ხალხი იმსახურებს, რომ კიდევ სამი წლის განმავლობაში, „ქართული ოცნებისა“ და „ნაციონალური მოძრაობის“ სახით ეს გენიალური დუეტი ჰყავდეს – გილოცავთ ქართველ ხალხზე ამ ბრწყინვალე გამარჯვებას, – აღნიშნული განცხადება პარლამენტის პლენარულ სხდომაზე პოლიტიკურ ჯგუფ “გირჩის“ ლიდერმა იაგო ხვიჩიამ გააკეთა. როგორც ხვიჩიამ განაცხადა, “ქართული ოცნებისა“ და “ნაციონალური მოძრაობის“ ერთობლივმა ტრიუკმა ამჯერადაც იმუშავა და “ქართულ ოცნებას“ არჩევნები მერვედ მოაგებინა. “მიხეილ სააკაშვილი საქართველოში თქვენ ჩამოიყვანეთ, საქართველოს მოსახლეობას თვალწინ აუფრიალეთ და ამით არჩევნები თქვენ და “ნაციონალურმა მოძრაობამ“ ურთიერთშეთანხმებით წაიღეთ. ახლა მიხეილ სააკაშვილი ციხეში ცოტა ხნით ზის და შემდეგ უკრაინაში ან სხვაგან დაადეპორტებთ. ამ ტრიუკმა ამჯერად იმუშავა და…

საქალაქო სასამართლომ სააკაშვილის საქმის ფარგლებში დანაშაულის დაფარვის მუხლით ბრალდებულ მამა-შვილს პატიმრობა შეუფარდა. ფოთის პორტის თანამშრომელ მამა-შვილს ბრალი, მძიმე დანაშაულის წინასწარ შეუპირებლად დაფარვის მუხლით წარუდგინეს და 4 წლამდე თავისუფლების აღკვეთა ემუქრებათ.  შეგახსენებთ, ამ დრომდე არ ვრცელდება ოფიციალური ინფორმაცია, თუ როგორ და რა გზით შემოვიდა მიხეილ სააკაშვილი საქართველოში. 

“ქართული ოცნების” თავმჯდომარე, ირაკლი კობახიძე შარლ მიშელის განცხადებას გამოეხმაურა და აღნიშნა, რომ “ქართული ოცნება” სასამართლო რეფორმასთან დაკავშირებით ერთგული რჩება. “ძირითადად საუბარია ალბათ სასამართლო რეფორმაზე. სასამართლო რეფორმასთან დაკავშირებით ჩვენ ვთქვით ასეთი რაღაც, რომ მიუხედავად ამ შეთანხმების ხელმოწერისა, 19 აპრილამდე გაკეთდა ეს განცხადება, ჩვენ მზად ვიყავით, რომ სასამართლო რეფორმაზე გვემუშავა ოპოზიციასთან ერთად. შესაბამისად, ეს ჩვენი განცხადება და დაპირება არის ძალაში. ამაზე გვექნება საუბარი, თუ იქნება წარმოდგენილი სათანადო წინადადებები, რა თქმა უნდა, ყველაფერს განვიხილავთ,” – განაცხადა ირაკლი კობახიძემ. პარლამენტის ერთ-ერთი ვიცე-სპიკერის, არჩილ თალაკვაძის შეფასებით, შარლ მიშელი მიმართავს ოპოზიციას რომ აღიაროს არჩევნების შედეგები და…

პარლამენტის საშემოდგომო სესიის გახსნაზე, პლენარულ სხდომაზე ერთ-ერთი მთავარი განსახილველი საკითხი, “ნაციონალური მოძრაობის” თავმჯდომარის, ნიკა მელიასთვის პარლამენტის წევრის უფლებამოსილების ვადამდე ადრე შეწყვეტა იქნება. მმართველი გუნდის ერთ-ერთი ლიდერის, არჩილ თალაკვაძის განცხადებით, თუ კენჭისყრის დაწყებამდე ნიკა მელია არ გაიწვევს უკან თავის მოთხოვნას, პარლამენტი საკითხს განიხილავს და შესაბამის გადაწყვეტილებას მიიღებს. “საქართველოს პარლამენტმა ერთხელ უკვე მიიღო კონსტრუქციული და სახელმწიფოებრივი გადაწყვეტილება მანდატების შეწყვეტასთან დაკავშირებით და უარი თქვა უარი თქვა მანდატების მასობრივ შეწყვეტაზე, რასაც შემდეგ მოჰყვა მოლაპარაკება და ის შედეგი, რომ დღეს ოპოზიცია არის პარლამენტში. რაც შეეხება ნიკანორ მელიას, წინასაარჩევნო კამპანიის დროს მან ხელახლა მიმართა პარლამენტს მანდატის შეწყვეტის მოთხოვნით. კენჭისყრა ამ…

„მიშას პირველი სიტყვები იყო, მიწიდან ამოიღეთ კრიალაშვილიო,“ – ამის შესახებ „მედიცენტრ მთავარში“ მოკლული პოლკოვნიკის გია კრიალაშვილის დამ, ლია კრიალაშვილმა განაცხადა. ლია კრიალაშვილი ხელისუფლებისგან ყოფილი პრეზიდენტის გასამართლებას მისი ძმის მკვლელობისთვისაც ითხოვს: “მივესალმები მის დაჭერას და ციხეში ყოფნას, მთელი საქართველო გამოვალთ გარეთ თუ ის სასჯელს არ მოიხდის, 6 წელი მიშასთვის არაფერი არ არის, ვანოც იყო დაკავებული და გაათავისუფლეს, ჩემი ძმის საქმეზე ვანო არ იყო დაკავებული და არც მიშას ასამართლებენ ამის გამო, როგორც ვხედავ, ჩემი ძმა იმიტომ გახდა სამიზნე, რომ არასოდეს ეგუებოდა უსამართლობას, რაც ეს მაწანწალა დაიჭირეს გიას სახელს არავინ ახსენებს, მხოლოდ გელაშვილიი…

საქართველოს პარლამენტის თავმჯდომარე კახა კუჭავა ოფიციალური ვიზიტით უკრაინაში გაემგზავრა. ინფორმაციას პარლამენტის პრესსამსახური ავრცელებს. ვიზიტის ფარგლებში კახა კუჭავა, კიევში, ბაბინ იარის, უკრაინაში ჰოლოკოსტის ყველაზე მძიმე გამოვლინების მსხვერპლთა ხსოვნისადმი პატივის მიგების ცერემონიაში მიიღებს მონაწილეობას. ცერემონიაში მონაწილეობას ასევე მიიღებენ ისრაელის და გერმანიის პრეზიდენტები, ავსტრიის, ჩეხეთის რესპუბლიკის, შვედეთის, სლოვაკეთისა და პოლონეთის პარლამენტების თავმჯდომარეები. 2021 წელს ამ ტრაგედიის 80 წლისთავი აღინიშნება.

პრაქტიკულად დადასტურდა ის, რასაც ვამბობდით, რომ გიორგი გახარიამ შეასრულა „ნაციონალური მოძრაობის“ დაკვეთა და გეგმა – განაცხადა საპარლამენტო უმრავლესობის წევრმა, სოზარ სუბარმა საქართველოს პირველი არხის გადაცემაში „დღის თემა“. „როდესაც გიორგი გახარიამ ჩაიდინა ის წარმოუდგენელი ღალატის აქტი, მთელი ოპოზიცია იყო გახარებული, განსაკუთრებით, რადიკალური ოპოზიცია და ამბობდნენ, ეს ადამიანი და მისი პარტია მთლიანად წაიღებს და დაჯდება „ქართული ოცნების“ ხმებზეო. ჩვენ ვამბობდით, დიახ, ალბათ ასე იქნება, ნახევარზე მეტს ალბათ, ჩვენგან წაიღებს, მაგრამ მეორე მხრივ, რაღაც გარკვეულ ნაწილს ოპოზიციასაც წაართმევს-თქო. დღევანდელი გადასახედიდან, ოპოზიცია რომ მართალი ყოფილიყო, ცხადი იყო, ქვეყნის მასშტაბით, დაახლოებით, 55%-იანი მხარდაჭერა გვექნებოდა და თბილისშიც იგივე,…