დღე: ოქტომბერი 12, 2021

რა რეალობა დადგება ქვეყანაში იმ შემთხვევაში, თუ  ვაქცინაციის ტემპმა არ მოიმატა და უფრო მეტი ადამიანი არ აიცრა – ინფექციური პათოლოგიის და შიდსის ცენტრის ბოქსირებული განყოფილების უფროსის მარინა ენდელაძის განცხადებით, ამის ფონზე სპეციალისტები ინფიცირებულთა მაჩვენებლის მკვეთრ მატებას ელოდებიან.   “რა თქმა უნდა, ველოდებით ძალიან მკვეთრ მატებას, იმიტომ, რომ დღევანდელი მონაცემები მართლაც რომ საგანგაშოა და ამდენი ინფიცირებულის კონტაქტებიც რა თქმა უნდა, მოიმატებს და იქნება ზრდა კიდევ უფრო. ახლა თითქოს ვამთავრებთ ამ ტალღას თუ იწყება ახალი, არ ვიცი და ამ პერიოდში ასეთი სერიოზული მატება ძალიან საგანგაშოა და ძალიან საყურადღებოა. ეს უკვე დაეტყო ჰოსპიტალურ სექტორს,…

მედიცინის მეცნიერებათა დოქტორი, დავით გაგუას კლინიკის გენერალური დირექტორი დავით გაგუა ორსულებს “ფაზიერის” ვაქცინაციის რეკომენდაციას აძლევს. მისი განმარტებით, ვაქცინა ორსულებს რეანიმაციისგან და სიკვდილისგან იცავს. “არამარტო ჩემი, ეს არის ყველა მეან-გინეკოლოგის მოწოდება, როცა “ფაიზერმა” გაიარა ავტორიზაცია, უსაფრთხოება არის დაცული ყველა დონეზე, არის ცალსახა მოწოდება, ყველა ორსული უნდა აიცრას. ვაქცინამ შესაძლოა სრულად ვერ დაგვიცვას დაავადებისგან, მაგრამ მძიმე მიმდინარეობისგან, რეანიმაციისგან და სიკვდილისგან დაგვიცავს. ამიტომ მე ყველა ორსულს მოვუწოდებ, აუცილებლად გაიკეთონ “ფაიზერის” ვაქცინაცინა,”- განაცხადა დავით გაგუამ.

დაავადებათა კონტროლის ცენტრის ხელმძღვანელმა ამირან გამყრელიძემ, საკოორდინაციო საბჭოს სხდომის შემდეგ გამართულ ბრიფინგზე განაცხადა, რომ ყველა ინდიკატორი გაუარესებულია, დადებითობის მაჩვენებელი 10%-ს ასცდა, რეპროდუქციის ინდექსი კი,1.43-მდეა ასული.  მისივე თქმით, სიკვდილიანობის მაჩვენებელი შემცირებულია, თუმცა – მაინც მაღალი. “ყველა ინდიკატორი გაუარესებულია, დადებითობის მაჩვენებელი 10%-ს ასცდა, 1,43-მდეა ასული რეპროდუქციის ინდექსი. დღეს 37 გარდაცვლილია. ჩვენთვის დაწესებულ შიდა ზღურბლით, დაახლოებით, არის 9 გარდაცვლილი მილიონ მოსახლეზე, ანუ, დღის განმავლობაში, დაახლოებით, 29 გარდაცვლილი. რა თქმა უნდა, არავითარი დამშვიდების საფუძველი არ გვაქვს. დაახლოებით, 18 სექტემბრიდან, თანდათანობით, და განსაკუთრებით ოქტომბერში, მცირდება ყოველდღიურ აცრათა მაჩვენებელი. თუ აცრის მაჩვენებლის გაზრდას ვერ მოვახერხებთ, მეხუთე ტალღა ქვეყნისთვის უფრო რთული იქნება,” – აღნიშნა ამირან გამყრელიძემ.

ჯანდაცვის მინისტრის პირველი მოადგილის თამარ გაბუნიას განცხადებით, “12-დან 15 წლამდე ბავშვებში, აცრა რეკომენდებულია მხოლოდ ქრონიკული დაავადებების მქონე ბავშვებისთვის. “12-დან 15 წლამდე ასაკის ბავშვებში, აცრა რეკომენდებულია მხოლოდ ქრონიკული დაავადებების მქონე ბავშვებისთვის. რაც შეეხება მათ, ვინც პირველი დოზა უცხოეთში ჩაიტარეს, მათ ჩვენ მეორე დოზას შევთავაზებთ,” – აცხადებს თამარ გაბუნია.

საქართველოში “ბუსტერ” დოზით ვაქცინაცია იწყება – ვის შეეძლება დამატებითი აცრის გაკეთება – ჯანდაცვის მინისტრის პირველი მოადგილის თამარ გაბუნიას განცხადებით, პირებს, რომლებსაც ჩატარებული აქვთ ნებისმიერი ვაქცინის 2 დოზა, მეორე აცრის ჩატარებიდან 6 თვეში, შეუძლიათ ჩაიტარონ “ბუსტერ” დოზა. “ცვლილებები ვაქცინაციაზე არის ის, რომ ბუსტერ დოზა დაიშვება 6 თვის შემდეგ 50 წლის ზემოთ პირებში, ასევე იმ პირებში, ვისაც რაიმე ქრონიკული დაავადება აქვთ. პირებს, რომლებსაც ჩატარებული აქვთ ნებისმიერი ვაქცინის 2 დოზა, მეორე აცრის ჩატარებიდან 6 თვეში, შეუძლიათ ჩაიტარონ ბუსტერ დოზა. ეს ტარდება, როგორც “ფაიზერის”, ასევე “სონავიკა” და “სინოფარმის” ვაქცინით. თუმცა, ბუსტერ დოზა არ ტარდება “ასტრაზენეკას” ვაქცინით,”- აცხადებს თამარ გაბუნია. 

ქვეყანაში ეპიდსიტუაცია კვლავ მძიმდება – ვირუსის გავრცელების რისკები, რომ მაღალია ამას ჯანდაცვის უწყებაში ადასტურებენ. COVID-კლინიკები კვლავ მობილიზებულია მძიმე პაციენტების მისაღებად.  სპეციალისტების შეფასებით, თუ აცრების ტემპი არ მოიმატებს, შედეგი მძიმე იქნება. “ჩვენ აუცილებლად გვექნება კიდევ ერთი პიკი, ამ ყველაფრის შეჩერება კი ძალიან რთული იქნება, თუკი მოსახლეობა ვაქცინირებული არ იქნება. დღეს რაღაც სახალხო პროტესტს უცხადებენ ვაქცინას, მაშინ, როდესაც სახელმწიფოს ნამდვილად აქვს იმის საშუალება, რომ მილიონამდე ადამიანი აიცრას. ჩვენ ძალიან დიდი აფეთქების წინაშე ვართ. პირადი გამოცდილებით ვიტყვი, რომ ორჯერადად აცრილს დამემართა კორონავირუსი და ათიათასჯერ მსუბუქად გადავიტანე, ამიტომ, მადლობელი ვარ იმის, რომ ავიცერი. ეს არის ყველაზე მთავარი. ყველაზე ცუდი შეიძლება მოხდეს ის, რომ შესაძლოა…

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 7,98 პროცენტს შეადგენს. ამის შესახებ მონაცემები მთავრობის სპეციალურ ვებგვერდ stopcov.ge-ზე გამოქვეყნდა. დადებითობის დღევანდელი მაჩვენებელი არის 10,01 პროცენტი, ხოლო ბოლო 14 დღის – 6,58 პროცენტი. დღეს საქართველოში კორონავირუსის 4 775 ახალი შემთხვევა გამოვლინდა, გამოჯანმრთელდა 1 623 პაციენტი. გუშინ, 11 ოქტომბერს საქართველოში კორონავირუსის 1 530 შემთხვევა გამოვლინდა, 1 848 პაციენტი გამოჯანმრთელდა, 23 კი გარდაიცვალა.

დაავადებათა კონტროლის ეროვნული ცენტრის ინფრომაციით, ბოლო 24 საათში კორონავირუსის საწინააღმდეგო ვაქცინით 6 817 ადამიანი აიცრა. მათივე ცნობით, 12 ოქტომბრის მონაცემებით, ჯამში სულ ქვეყანაში 1 881 662 აცრაა ჩატარებული. შეგახსენებთ, რომ ბოლო 24 საათში გამოვლინდა ვირუსით ინფიცირების 4 775 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 640 358-ს.

კორონავირუსის ახალი შემთხვევებიდან თბილისში გამოვლინდა 1 359, იმერეთში – 1 060, სამეგრელო-ზემო სვანეთში – 493, – ამის შესახებ ინფორმაციას მთავრობის ადმინისტრაციის პრესსამსახური ავრცელებს. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 47 723 კვლევა ტესტით, მათ შორის 33 118 კვლევა ანტიგენის ტესტით და 14 605 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 4 775 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 640 358-ს. რაც შეეხება დადებითობის მაჩვენებელს, 11 ოქტომბრის მდგომარეობით, დადებითობის დღიური მაჩვენებელი არის…

საქართველოში ბოლო 24 საათში კორონავირუსით 37 პაციენტი გარდაიცვალა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ქვეყანაში ვირუსით გარდაცვლილთა საერთო რაოდენობა 9 252-ს შეადგენს. ბოლო 24 საათში „კოვიდ-19“ 4 774 პირს დაუდასტურდა, 1 623 პაციენტი გამოჯანმრთელდა. გუშინ, 11 ოქტომბერს საქართველოში კორონავირუსის 1 530 შემთხვევა გამოვლინდა, 1 848 პაციენტი გამოჯანმრთელდა, 23 კი გარდაიცვალა.

საქართველოში კორონავირუსის 4 774 ახალი შემთხვევა გამოვლინდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ქვეყანაში ბოლო 24 საათში 1 623 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 37 პაციენტი. ამასთან, 11 ოქტომბრის მდგომარეობით, საქართველოში კორონავირუსის 1 530 ახალი შემთხვევა გამოვლინდა, გამოჯანმრთელდა 1 848 პაციენტი, გარდაიცვალა 23.