„გამორიცხულია სააკაშვილის ვადაზე ადრე გათავისუფლება, ასევე გამორიცხულია მისი გადაცემა უკრაინისთვის“ – ირაკლი ღარიბაშვილი

პრემიერ-მინიტრი პატიმრობაში მყოფი მესამე პრეზიდენტის გათავისუფლების საკითხთან დაკავშირებით მორიგ განცხადებას აკეთებს და აბობს, რომ ვადაზე ადრე გათავისუფლებაც და უკრაინისთვის გადაცემაც გამორიცხულია.

 როგორც მთავრობის მეთაურმა აღნიშნა, წინაღმდეგ შემთხვევაში, ეს ნიშნავს, რომ მთავრობა კანონს პატივს არ სცემს და არ აღასრულებს თავის მოვალეობას.

 „აბსოლუტურად არანაირი კომუნიკაცია, არანაირი თხოვნა უკრაინის მხრიდან არ ყოფილა. გამორიცხულია სააკაშვილის ვადაზე ადრე გათავისუფლება, ასევე გამორიცხულია მისი გადაცემა უკრაინისთვის. ეს ნიშნავს, რომ იმავე დღეს ჩვენ ყველამ, მთავრობამ უნდა დავწეროთ განცხადება და წავიდეთსახლებში ან ერთი ან მეორე რომ გავაკეთოთ. იმიტომ, რომ ეს ნიშნავს, რომ კანონს საერთოდ არ ვცემთ პატივს და არ აღვასრულებთ ჩვენს მოვალეობას. უნდათ რომ დადგან თეატრი. მაგიტომ უნდა, რომ გადავიდეს კერძო კლინიკაში, რომ იქ ყოველ დღე იყოს ეს ქაოსი, დაპირისპირება. როგორ წარმოუდგენიათ, რომც გადავიყვანოთ, რომელი გიჟი დაიჯერებს, რომ ჩვენ სააკაშვილს ვინმეს გავატანთ, თუნდაც კერო კლინიკიდან. ჩვენ ყველა საშუალება გვაქვს ამისთვის, სრული მზაობა. ეს არის სრული სისულელე, მაგრამ მე ვამბობ რომ ჩვენ, როგორც ქვეყნის მმართველები, თუნდაც ასეთ რისკს არ გავწევთ და მისივე მხარდამჭერებს არ დავაყენებთ საფრთხის ქვეს“, – განაცხადა ირაკლი ღარიბაშვილმა.

მსგავსი თემები