თვე: აგვისტო 2022

ევროკავშირის უმაღლესი წარმომადგენელი საგარეო საქმეთა და უშიშროების პოლიტიკის სფეროში, ჯოზეფ ბორელი აცხადებს, რომ ევროკავშირი უკრაინული არმიისთვის დამატებითი სამხედრო წვრთნების ჩატარებას გეგმავს. მისივე თქმით, ევროკავშირი გააგრძელებს, როგორც სამხედრო, ასევე ფინანსურ დახმარებას უკრაინისთვის. ,,დღევანდელი შეხვედრის მთავარი თემა უკრაინაში არსებული ვითარება იქნება, სამწუხაროდ, გაუმჯობესება არ გვაქვს, რუსეთი აგრძელებს მშვიდობიანი მოქალაქეების დაბომბვას, სამხედრო ტყვეების დისკრიმინაციას, ატომური ბომბით და ატომური ენერგოსადგურით მანიპულაციას, ვითარება ძალიან რთულია უკრაინას ჩვენი დახმარება და მხარდაჭერა სჭირდება. ჩვენ გავაგრძელებთ, როგორც სამხედრო, ასევე ფინანსურ დახმარებას. დღეს უკრაინის თავდაცვის მინისტრი შემოგვიერთდება, რაც მნიშვნელოვანია, უკრაინული არმიისთვის დამატებითი სამხედრო წვრთნების ჩატარებას ვგეგმავთ, რაც ამ არმიას…

ერაყის დედაქალაქში უსაფრთხოების ძალებსა და გავლენიანი შიიტი სასულიერო პირის მუქთადა ალ სადრის მომხრეებს შორის შეტაკებებისას სულ მცირე 15 ადამიანი დაიღუპა. დაპირისპირება ბაღდადის ქუჩებში ღამის განმავლობაში გრძელდებოდა. დაშავებულია 350 ადამიანი. არეულობის ფონზე, ევროკავშირი ყველა მხარეს თავშეკავებისა და სიმშვიდისკენ მოუწოდებს. „ევროკავშირის ყველა მხარეს მოუწოდებს, გამოავლინონ მაქსიმალური თავშეკავება და შეინარჩუნონ სიმშვიდე. სასიცოცხლოდ მნიშვნელოვანია, რომ ყველა აქტორმა თავიდან აიცილოს ნებისმიერი ქმედება, რომელმაც შესაძლოა, ძალადობა გამოიწვიოს. ჩვენ კიდევ ერთხელ ვაცხადებთ, რომ ყველა კანონი უნდა იყოს პატივცემული და ინსტიტუტების ერთიანობა დაცული. ყველა მხარემ უნდა იმუშაოს დაძაბულობის დეესკალაციისთვის და ჩაერთოს პოლიტიკურ დიალოგში კონსტიტუციის ფარგლებში, რაც აზრთა სხვადასხვაობის გადაჭრის ერთადერთი საშუალებაა. ევროკავშირის ადასტურებს…

პოლონეთის პრემიერ-მინისტრს მატეუშ მორავეცკისა და საფრანგეთის პრეზიდენტ ემანუელ მაკრონს შორის მოლაპარაკებები გაიმართა. პოლონეთის პრემიერმა მაკრონს უკრაინის ფინანსური და სამხედრო დახმარების დაჩქარებისკენ მოუწოდებს. ​ მისი თქმით, ომში მყოფი სახელმწიფო თავის მოკავშირეებს უნდა ეყდრნობოდეს. ,,ჩვენი შეხვედრის მნიშვნელოვანი ნაწილი უკრაინაში არსებულ ვითარებას დაეთმო. მე ვისაუბრე იმაზე, რასაც ჩვენი მხრიდან ვხედავთ და ასევე ვთხოვე პრეზიდენტს უზრუნველყოს იარაღის სწრაფი მიწოდება, გაზრდილი ფინანსური მხარდაჭერა. ომში მყოფი სახელმწიფო თავის მოკავშირეებს უნდა ეყრდნობოდეს“, –  განაცხადა მორავეცკიმ. შეგახსენებთ, მატეუშ მორავეცკი ოფიციალური ვიზიტით საფრანგეთში 29 აგვისტოს იმყოფებოდა.

უკრაინის პრეზიდენტის ვოლოდიმირ ზელენსკის განცხადებით,  რუსეთი მოლაპარაკებებისთვის მზად არ არის და არც სურვილი აქვს. მისივე თქმით, უკრაინას თავისი ტერიტორიების დაბრუნება სურს. „თუმცა ნებისმიერი მოლაპარაკებებისთვის საჭიროა, რომ ორივე მხარეს სურდეს. ეს არის რუსეთის ხელისუფლების კიდევ ერთი საჯარო ტყუილი. ისინი არ არიან მზად მოლაპარაკებებისთვის, მათ ეს არ სურთ. მათი გაგებით, მოლაპარაკებები – ეს არის ულტიმატუმი, რომელშიც ჩვენ უნდა ვაღიაროთ, რომ დონბასი და ყირიმი რუსეთის ტერიტორიებია“, – განაცხადა უკრაინის პრეზიდენტმა. უკრაინის პრეზიდენტის განცხადებით, რუსეთი ძლევამოსილობაზე ლედენდა უნდა დავივიწყოთ. „ამ დიდი სახელმწიფოებრიობის შესახებ ლეგენდა უნდა დავივიწყოთ. ჩვენ ამას ბრძოლის ველზე ვაჩვენებთ“, – აღნიშნა ვოლოდიმირ ზელენსკიმ.

უკრაინის პრეზიდენტის ოფისის ხელმძღვანელის, ანდრეი ერმაკის განცხადებით, უკრაინისთვის უსაფრთხოების გარანტიების საკითხებზე მომუშავე საერთაშორისო ჯგუფი რეკომენდაციების დოკუმენტზე მუშაობას ასრულებს. „ჩვენ გადავდივართ ამ სასტიკი ომის ახალ ეტაპზე. ჩვენს ფრონტებზე განვითარებული მოვლენების ფონზე, დროა, უკრაინის პარტნიორებმა გადადგან ახალი მტკიცე ნაბიჯები, რომლებიც უზრუნველყოფს უკრაინის უსაფრთხოებას. ამ გარანტიებმა უნდა ჩამოაყალიბონ ევროპულ კონტინენტზე უსაფრთხოების ახალი წესრიგი და შეუძლებელი გახადონ ახალი ომი ევროპის ცენტრში“, – განაცხადა ერმაკმა. ერმაკის თქმით, ორ თვეზე ნაკლებ დროში შემუშავდა რეკომენდაციების ხარისხიანი, კომპლექსური პროექტი.

„სიენენის“ ინფორმაციით, უკრაინელმა სამხედროებმა ქალაქ ხერსონის მახლობლად რუსი ოკუპანტებისგან ოთხი სოფელი გაათავისუფლეს. სამხედროებმა ახალი დმიტროვკა, არხანგელსკოე, ტომინა ბალკა და პრავდინო გაათავისუფლეს. მათივე ცნობით, უკრაინელმა სამხედროებმა იერიში მიიტანეს დონეცკისა და ლუგანსკის ე.წ. რესპუბლიკის ქვეითებზე, რომლებიც გაიქცნენ. უკრაინის შეიარაღებულმა ძალებმა ოკუპანტების თავდაცვის ხაზი სამ ადგილას გაარღვიეს. გამოცემის ცნობით, უკრაინელმა სამხედროებმა რუსი ოკუპანტების სამხედრო მანქანებიც გაანადგურეს, ზოგი მათგანი კი ტყვედ აიყვანეს.    

ამერიკის შეერთებული შტატების ყოფილი პრეზიდენტი ამტკიცებს, რომ მან 2020 წლის საპრეზიდენტო არჩევნებში გაიმარჯვა. შესაბამისად, ან პრეზიდენტად აღიარებას, ან ხელახალ არჩევნებს ითხოვს. საქმე ეხება მარკ ცუკერბერგის განცხადებას, რომლის მიხედვითაც, სოციალურმა ქსელმა 2020 წლის საარჩევნო პერიოდში, ჯო ბაიდენის ვაჟის სკანდალთან დაკავშირებული სტატიის გაზიარება FBI-დან მიღებული გაფრთხილების შემდეგ აკრძალა. ტრამპი კი აცხადებს, რომ ეს არჩევნებში ჩარევაა, წინააღმდეგ შემთხვევაში, ის გაიმარჯვებდა. „გამოძიების ფედერალურმა ბიურომ დამარხა ჰანტერ ბაიდენის ლეპტოპის შესახებ ისტორია არჩევნების წინ, რადგან იცოდნენ, რომ თუ ამას არ გააკეთებდნენ, ტრამპი მარტივად გაიმარჯვებდა. ეს არის მასიური თაღლითობა. გამოსავალი: გამოცხადდეს კანონიერი გამარჯვებული ან/და ეს იქნება მინიმალური გამოსავალი –…

პრეზიდენტ ზელენსკის განცხადებით, უკრაინულ მხარეს, პარტნიორებთან ერთად ყველაფერი გათვლილი აქვს და გეგმას მიჰყვება. როგორც პრეზიდენტი აღნიშნავს, არავინ აპირებს ამ გეგმების გასაჯაროებას. მთავარი გეგმა კი საკუთარის დაბრუნება და მტრის განდევნაა. „ვის სურს გაიგოს, როგორი გეგმები გვაქვს? კონკრეტიკას ვერ გაიგებთ. რადგან ეს ომია.  ოკუპანტებმა უნდა იცოდნენ, რომ ჩვენ მათ საზღვართან განვდევნით, ჩვენს საზღვრამდე, რომლის ხაზი არ შეცვლილა. ოკუპანტებმა ეს კარგად იციან. თუ მათ გადარჩენა სურთ,  დროა რუსი სამხედროები გაიქცნენ. წადით სახლში. თუ რუსეთში, სახლში დაბრუნების გეშინიათ, მაშინ ასეთი ოკუპანტები ტყვედ ჩაბარდნენ და ჩვენ უზრუნველვყოფთ ჟენევის კონვენციის ყველა ნორმის შესრულებას“, – აცხადებს პრეზიდენტი.  

„უკრაინის შეიარაღებული ძალები, ჩვენი დაზვერვა, ჩვენი თავდაცვის ძალები თავის საქმეს აკეთებენ“ – აცხადებს უკრაინის პრეზიდენტი და რუს ჯარისკაცებს ურჩევს, თუ გადარჩენა უნდათ, გაიქცნენ. „ჩვენ პატივი მივაგეთ ჩვენი მეომრების ხსოვნას, რომლებმაც სიცოცხლე გასწირეს ჩვენის სახელმწიფოსთვის და დამოუკიდებლობისთვის. ხსოვნის ეს დღე ზაფხულის ბოლოს, 29 აგვისტოს აღინიშნება. ეს ომი, რომელიც რუსეთის მიერ ჩვენი ყირიმის ოკუპაციით, დონბასის დაპყრობის მცდელობით დაიწყო, უნდა დასრულდეს სწორედ იქ – გათავისუფლებულ ყირიმში, დონბასის გათავისუფლებულ ქალაქებში, ჩვენი სამხედროების უკრაინის სახელმწიფო საზღვარზე გასვლით. ჩვენ ყოველთვის გვახსოვს ეს მიზანი. ჩვენ ის არ გვავიწყდება. უკრაინის შეიარაღებული ძალები, ჩვენი დაზვერვა, ჩვენი თავდაცვის ძალები თავის საქმეს…

გასული ღამე უკრაინელებისთვის საკმაოდ დაძაბული და „შედეგიანიც“ იყო. უკრაინულმა ძალებმა, ქვეყნის სამხრეთით 80-ზე მეტი რუსი სამხედრო და მათი 30 ერთეული ტექნიკა გაანადგურეს. უკრაინული მხარის ინფორმაციით, რუსული ძალები ძირითადად ავიაციას იყენებდნენ. ოკუპანტებმა უკრაინას არაერთხელ შეუტიეს, თუმცა, ყველა შეტევა წარუმატებლად დასრულდა. უკრაინულმა ძალებმა კი რუსების 13 სამეთაურო პუნქტს დაარტყა  ხერსონის, ბერისლავისა და კახოვკის ტერიტორიებზე. რუსმა სამხედროებმა კი შეტევა განახორციელეს ნიკოპოლისა და კრივოი-როგის მიმართულებით. დაზიანდა სახლები, სამოქალაქო ობიექტები, ეკლესია. როგორც უკრაინული მხარე იუწყება, მტერმა სერიოზული დანაკარგი განიცადა. კერძოდ, „მტრის ზარალი შეადგენს 82 რაშისტსა და 30 ერთეულ აღჭურვილობას, მათ შორის S-300 საზენიტო სარაკეტო სისტემას,…

​ზაპოროჟიეს ატომურ ელექტროსადგურზე შექმნილ ვითარებასთან და არსებულ საფრთხეებთან დაკავშირებით უკრაინის პრეზიდენტი კიდევ ერთხელ საუბრობს. როგორც ვოლოდიმირ ზელენსკი აცხადებს, პასუხისმგებლობა თავად „როსატომის“ ხელმძღვანელობასაც ეკისრება. „ნორმალური არაა, როდესაც „როსატომის” წინააღმდეგ დღემდე არ მოქმედებს დამბლოკავი სანქციები ზაპოროჟიეს ატომურ ელექტროსადგურზე რადიაციული შანტაჟის გამო, რაზეც პასუხისმგებლობა ეკისრებათ სადგურზე მყოფ “როსატომის” კონკრეტულ თანამშრომლებს. არც ისაა  ნორმალური, რომ რუსეთის მოქალაქეებს ევროპულ ქვეყნებში ვიზის მიღება თავისუფლად შეუძლიათ როგორც დასასვენებლად, ისე “შოპინგისთვის“ – აცხადებს პრეზიდენტი. მისივე შეფასებით, ევროპული კომპანიებიც არ იქცევიან სწორად, რადგანაც, დღემდე ვერ ჩამოყალიბებულან, დატოვონ თუ არა რუსული ბაზარი. „ბანდიტებისთვის არანაირი დათმობა არ უნდა იყოს. მათთვის საჭიროა მხოლოდ…

უკრაინის შეიარაღებული ძალები ხერსონში კონტრიერიშზე გადავიდნენ. კახოვკას შეიარაღებული ძალების ოპერატიული ჯგუფის ინფორმაციით, უკრაინას დროებით ოკუპირებული დაბრუნების ბრწყინვალე შანსი აქვს. „ხერსონის ოლქის დროებით ოკუპირებულ ტერიტორიაზე ვითარება უკიდურესად მძიმეა. დიდმა და საშინელმა HIMARS-მა გაანადგურა თითქმის ყველა დიდი ხიდი (ანტონოვსკის რკინიგზა, გზა და ნოვოკახოვკა). დარჩა მხოლოდ საფეხმავლო გადასასვლელები. რუსეთის არმია მოწყვეტილია იარაღის მიწოდების არხებს ყირიმის ტერიტორიიდან. უკრაინისთვის ეს ტერიტორიების დაბრუნების ბრწყინვალე შანსია”- აღნიშნავენ ოპერატიულ ჯგუფში. ქალაქში ისმის აფეთქებებისა და სროლის ხმა. ადგილობრივი მედიის ცნობით, რუსი ოკუპანტები ტერიტორიიდან გარბიან. აფეთქებების ხმა ისმის მიკოლაევშიც. ქალაქში საჰაერო განგაშია გამოცხადებული.