თვე: აგვისტო 2022

რუსეთის უსაფრთხოების სამსახურის მტკიცებით, დარია დუგინას მკვლელობა ნატალია ვოვკთან ერთად, ”უკრაინული დივერსიული და ტერორისტული ჯგუფის კიდევ ერთმა წევრმა” ბოგდან პეტროვიჩმა დაგეგმა. მათივე ცნობით, უკრაინის მოქალაქემ რუსეთი დუგინას აფეთქებამდე ერთი დღით ადრე დატოვა. ,,შემდგომი ღონისძიებების დროს დადგინდა, რომ დარია დუგინას მკვლელობა ნატალია ვოვკთან ერთად მოსკოვში მოამზადა უკრაინული დივერსიული და ტერორისტული ჯგუფის კიდევ ერთმა წევრმა, უკრაინის მოქალაქე ბოგდან პეტროვიჩ ციგანენკომ, დაბადებული 1978 წელს, რომელიც. ჩავიდა რუსეთში ესტონეთის გავლით 2022 წლის 30 ივლისს და დარია დუგინას აფეთქებამდე ერთი დღით ადრე დატოვა რუსეთის ტერიტორია“, – ნათქვამია განცხადებაში. შეგახსენებთ, ალექსანდრ დუგინის შვილი, დარია დუგინა 20…

უკრაინის შეიარაღებული ძალების მთავარსარდალი, ვალერი ზალუჟნი სუვერენიტეტისა და თავისუფლებისთვის ბრძოლაში დაღუპული დამცველების ხსოვნის დღესთან დაკავშირებით ვიდეომიმართვას ავრცელებს. ზალუჟნის თქმით, ყოველდღე უნდა ახსოვდეს ხალხს ფასი, რომელიც უკრაინელებმა გადაიხადეს და იხდიან თავისუფლებისთვის. „დღეს არის უკრაინის დამცველების ხსოვნის დღე, რომლებიც უკრაინის დამოუკიდებლობის, სუვერენიტეტისა და ტერიტორიული მთლიანობისთვის ბრძოლაში დაიღუპნენ. ფაქტობრივად, ყოველდღე უნდა გვახსოვდეს ფასი, რომელიც ჩვენმა ხალხმა გადაიხადა და იხდის თავისუფლებისთვის. არ არსებობს შესაბამისი სიტყვები, როდესაც საქმე დანაკარგებს ეხება, რადგან ეს არის კონკრეტული ადამიანების გატეხილი ბედი, რომლებიც მთელი სამყარო იყვნენ მათი ახლობლებისთვის“, – განაცხადა ზალუჟნიმ.  

უკრაინის გენერალური შტაბის ინფორმაციით, ომის დაწყებიდან დღემდე, უკრაინაში 47 100 რუსი ჯარისკაცი მოკლეს. გენშტაბის ცნობით, ოკუპანტების სამხედრო დანაკარგი ასეთია:​ 1947 ტანკი, 4269 ჯავშანმანქანა, 1060 საარტილერიო სისტემა, 279 ზალპური ცეცხლის რეაქტიულ სისტემა, 149 საჰაერო თავდაცვის სისტემა, 234 თვითმფრინავი, 203 ვერტმფრენი,  828 უპილოტო საფრენი აპარატი, 101 ერთეულ სპეცტექნიკა, 196 ფრთოსანი რაკეტა. მონაცემები მოიცავს 24 თებერვლიდან 29 აგვისტომდე პერიოდს.

გერმანიის საგარეო საქმეთა მინისტრის, ანალენა ბერბოკის განცხადებით, უკრაინაში ომი, შესაძლოა, „წლების განმავლობაში გაგრძელდეს“. „სამწუხაროდ, უნდა ვივარაუდოთ, რომ მომავალ ზაფხულს უკრაინას ახალი მძიმე იარაღი ჯერ კიდევ დასჭირდება თავისი მეგობრებისგან“, – განაცხადა ანალენა ბერბოკმა. მისიევე თქმით,  გერმანია უკრაინას დაეხმარება, ვიდრე ამის საჭიროება იქნება. „უკრაინა იცავს ჩვენს თავისუფლებასაც, ჩვენს მშვიდობასაც. ჩვენ მათ ვუწევთ როგორც ფინანსურ, ასევე სამხედრო დახმარებას და ამას გავაკეთებთ იმდენხანს, რამდენხანსაც საჭირო იქნება. წერტილი!“ – აღნიშნა გერმანიის საგარეო საქმეთა მინისტრმა.

ევროკავშირის უმაღლესი წარმომადგენელისაგარეო პოლიტიკისა და უსაფრთხოების საკითხებში, ჯოზეფ ბორელი აცხადებს, რომ მიმდინარე კვირაში დაგეგმილ შეხვედრაზე, ევროკავშირის საგარეო საქმეთა მინისტრებმა ნაკლებად სავარაუდოა, ერთხმად დაუჭირონ მხარი რუსეთის ყველა მოქალაქისთვის სავიზო აკრძალვის დაწესებას. „არ მგონია, რომ რუსეთის სამოქალაქო მოსახლეობასთან ურთიერთობის გაწყვეტა ხელის შემწყობი იქნება და არ მგონია, რომ ამ იდეას საჭირო ერთსულოვნება ექნება“, – განაცხადა ბორელმა. მისივე  თქმით, თავად ყველა რუსისთვის ვიზების გაცემის შეწყვეტის მომხრე არ არის. ,,ვფიქრობ, უნდა განვიხილოთ საშუალება, რომ ვიზები რუსების ნაწილმა მიიღოს და რა თქმა უნდა, არა ოლიგარქებმა. უფრო შერჩევითი უნდა ვიყოთ, მაგრამ მე არ ვარ ყველა რუსისთვის ვიზების…

ნორვეგიის  საგარეო საქმეთა სამინისტროს ინფორმაციით, ქვეყანა ევროკავშირის მიერ რუსეთისთვის დაწესებული სანქციების მეშვიდე პაკეტს უერთდება, რომელიც რუსული ოქროს შესყიდვას კრძალავს. აღნიშნული გადაწყვეტილება ძალაში 27 აგვისტოდან შევიდა. სანქციების საკითხი  ქვეყნის პარლამენტმა დამოუკიდებლად განიხილა და დაამტკიცა.

„გარდიანის“ ინფორმაციით, ევროკავშირი რუსეთთან გამარტივებული სავიზო რეჟიმის შეთანხმების შეჩერებისთვის ემზადება. გამოცემის ცნობით,  გადაწყვეტილებას ევროკავშირი მიმდინარე კვირაში მიიღებს. გადაწყვეტილების შედეგად, რუსეთის მოქალაქეები ევროკავშირის ვიზის მიღებას გამარტივებული წესით ვეღარ შეძლებენ, გაიზრდება სავიზო მოსაკრებელიც. როგორც გამოცემა  იუწყება, აღნიშნული გადაწყვეტილება რუსეთის მოქალაქეებისთვის ევროკავშირში ტურისტული მიზნებით მოგზაურობის შეზღუდვისკენაა მიმართული. წლის ბოლომდე ევროკავშირი, რუსეთთან გამარტივებული სავიზო რეჟიმის გაუქმების გარდა, დამატებითი ნაბიჯების გადადგმასაც აპირებს.    

უკრაინის პრეზიდენტმ  თავდაცვისა და უსაფრთხოების სექტორის წარმომადგენლებთან დახურული თათბირი გამართა. მისი თქმით, თათბირის  შედეგებს ოკუპანტები იგრძნობენ. „ყველა საკითხი, რომლებიც ჩვენ განვიხილეთ, მნიშვნელოვანია, თუმცა დახურულია, დეტალებში ვერ შევალ. თუმცა, ოკუპანტები იგრძნობენ მათ შედეგებს ჩვენი დამცველების შემდგომ ქმედებებში“, – აღნიშნა ზელენსკიმ. უკრაინის პრეზიდენტის თქმით, რუსეთის მიერ განხორციელებულმა დარტყმებმა დონბასი თითქმის სრულად გაანადურა დაა დააცარიელა. „ახლა დონბასი თითქმის სრულად განადგურებული და დაცარიელებულია რუსეთის დარტყმების გამო. ამაყი უკრაინული დონეცკი დამცირებულია რუსეთის ოკუპაციით, გაძარცვულია. რუსეთმა დონეცკში ყველაზე საშინელი რამ მიიტანა. ესაა სოცოცხლის ფასის სრული იგნორირება, აბსოლუტური უპატივცემლობა ყველას მიმართ. ოკუპანტებმა მოიტანეს დეგრადაცია და სიკვდილი. მათ…

უკრაინული მხარის ინფორმაციით, ზაპოროჟიეს ატომური ელექტროსადგური, რუსული ძალების მიერ სამხედრო ბაზადაა გადაქცეული. „ათწლეულების განმავლობაში, ბირთვული უსაფრთხოება უკრაინის მთავარ პრიორიტეტად რჩება. განსაკუთრებით კი ჩვენი ტრაგიკული წარსულის გათვალისწინებით. რუსმა ოკუპანტებმა ზაპოროჟიეს ატომური ელექტროსადგური სამხედრო ბაზად აქციეს, რომელიც საფრთხეს უქმნის მთელ კონტინენტს. რუსი სამხედროები უნდა გავიდნენ ქარხნიდან – მათ იქ არაფერი ესაქმებათ“, – აცხადებს უკრაინის საგარეო საქმეთა მინისტრი დმიტრო კულება. შეგახსენებთ, რომ ზაპოროჟიეს ატომური ელექტროსადგურს რუსი სამხედროები აკონტროლებენ. ის რამდენჯერმე გახდა შეტევის ობიექტი.

რუსეთის პრეზიდენტის,  ვლადიმერ პუტინის განკარგულებით, რომელსაც მან  ხელი უკვე მოაწერა და ძალაშია, უკრაინის მოქალაქეებს რუსეთში სრული თავისუფლება ექნებათ. ეს კი იმას ნიშნავს, რომ  რუსეთში შესულ უკრაინის მოქალაქეებს შეუძლიათ,  განუსაზღვრელი ვადით იცხოვრონ რუსეთში. მათ მუშაობის უფლებასაც აძლევენ. სიახლე  ოკუპირებულ ტერიტორიებზე – დონეცკისა და ლუგანსკის ოლქში მაცხოვრებლებსაც ეხება.  

მეუფე იაკობის შეფასებით, მნიშვნელოვანია, ქართველებმა ერთად დაჯდომა ისწავლონ. მისი შეფასებით, თუ ევროპა 12 პუნქტიანი გეგმის შესრულებას გვთხოვს, საქართველოს შეუძლია, 10 წლიანი ვადა მოითხოვოს  იმ პარტიების წინააღმდეგ, რომლებსაც ერთად დაჯდომა არ უნდათ. როგორც ბოდბელი მიტროპოლიტი აღნიშნავს, ცუდი ეპისტოლეები ევროპაში და ამერიკაში დაიწყო. მან „ქართული ოცნებიდან“ გასულ დეპუტატების განცხადებებზეც ისაუბრა. „ერთი რამ ვიცი, რომ ცუდი ეპისტოლე ევროპაში დაიწყო. ამერიკელების მხრიდან დაიწყო. შემდეგ კი შესაბამისი რეაქციები მოჰყვება ხოლმე იმ ქვეყანაშიც. ამიტომ, თავიდანვე როცა იწყება ასეთი რაღაცები, ნებისმიერ ქვეყანაში უნდა აღკვეთონ იქაც და აქაც. ამერიკელებთან ნორმალური ურთიერთობა გვაქვს. ამერიკასაც ნორმალური ურთიერთობა აქვს ჩვენს მიმართ. თუ…