დღე: აგვისტო 25, 2022

უკრაინამ ქვეყნიდან გაყვანილი 53 უკრაინელი ბავშვი უკან დააბრუნა. ინფორმაციას უკრაინის ვიცე-პრემიერი ირინა ვერეშჩუკი ადასტურებს. ვერეშჩუკის ინფორმაციით, გატაცებულ ბავშვებთან დაკავშირებით, რუსეთის ფედერაციის წინააღმდეგ სარჩელს ამზადებენ, რომელიც საერთაშორისო სასამართლოშიც წავა. „ყოველ კონკრეტულ შემთხვევაში ვიღებთ ინფორმაციას, აღვრიცხავთ და თუ რუსეთის ფედერაციის ტერიტორიაზე უკრაინელ ბავშვს აღმოვაჩენთ, ყველაფერს ვაკეთებთ მის დასაბრუნებლად”, – აღნიშნა ვიცე-პრემიერმა.  

მეტი...

,,ვლადიმერ პუტინმა ეს ომი უკვე წააგო, მაგრამ უკრაინას ის ჯერ არ მოუგია, – ამის შესახებ უკრაინის მესამე პრეზიდენტმა, ვიქტორ იუშჩენკომ  განაცხადა. იუშჩენკოს თქმით, უკრაინელებმა მთელ მსოფლიოს აჩვენეს, რომ ბრძოლა შეუძლიათ. „ბოლო სამი დღეა, ჩვენი სამხედროების წარმატება იმედისმომცემია. ეს ყველაფერი იმაზე მიუთითებს, რომ ჩვენ ახლა ვიმყოფებით ისეთ სიტუაციაში, როდესაც პუტინმა უკვე წააგო ერთმნიშვნელოვნად, მაგრამ ჩვენ ჯერ არ მოგვიგია“, – აღნიშნა იუშჩენკომ.  

მეტი...

ვლადიმერ პუტინი სამხედრო მოსამსახურეების რაოდენობას ზრდის. რუსეთის პრეზიდენტმა შეიარაღებული ძალების 137 000 სამხედროთი გაზრდის შესახებ განკარგულებას ხელი უკვე მოაწერა. ცვლილების შედეგად, რუსეთის ფედერაციის შეიარაღებული ძალების სრული შემადგენლობა იქნება 2 039 758, მათ შორის 1 150 628 იქნება სამხედრო მოსამსახურე. ამ დრომდე, რუსეთის შეიარაღებული ძალები 1 902 758 ჯარისკაცისა და ოფიცრისგან შედგებოდა, საიდანაც  1 013 628 სამხედრო მოსამსახურე იყო.

მეტი...

დიდი ბრიტანეთის თავდაცვის სამინისტრო სატელიტიდან გადაღებულ ფოტოებს აქვეყნებს, რომლებზეც ჩანს, რომ რუსეთის ჯარები ზაპოროჟიეში, ატომური ელექტროსადგურის მეხუთე რეაქტორიდან 60 მეტრშია განთავსებული. „ვიდრე რუსეთი ატომური ელექტროსადგურის სამხედრო ოკუპაციას ახდენს, რეაქტორების ექსპლუატაციის მთავარ რისკად რეაქტორების გაგრილების სისტემა რჩება“, – ნათქვამია განცხადებაში. დაზვერვის ცნობით, სანამ სადგური რუსეთის მიერაა ოკუპირებული, ძირითად რისკებს შორის, სავარაუდოდ, რჩება რეაქტორების გაგრილების სისტემების შეფერხება, მისი სარეზერვო ელექტრომომარაგების დაზიანება, ზეწოლის ქვეშ მომუშავე მუშების შეცდომები.

მეტი...

,,ომის შეწყვეტასთან დაკავშირებით რუსეთთან მოლაპარაკებები ახლა მომგებიანი არ არის არც უკრაინისთვის და არც ევროპისთვის,” – ამის შესახებ უკრაინის პრეზიდენტის ადმინისტრაციის უფროსის მრჩეველმა, მიხაილ პოდოლიაკმა განაცხადა. პოდოლიაკის თქმით, ნებისმიერი დროებითი ხელშეკრულება, სამომავლოდ რუსეთის მხრიდან აგრესიის გაგრძელების წინაპირობა გახდება. „ეს იქნება ნაცრისფერი ზონა, რომელიც მუდმივად გაიზრდება და დააწვება ევროპას. ევროპა იძულებული იქნება მუდმივად განახორციელოს უფრო მეტი ინვესტიცია აქ, რომ როგორმე დაგვეხმაროს სიცოცხლისუნარიანობაში. ეს გრძელვადიან პერსპექტივაში არ არის ხელსაყრელი ევროპისთვის“, – აღნიშნა პოდოლიაკმა.  

მეტი...

გაერო-ს 50-ზე მეტი წევრი ქვეყანა, მათ შორის საქართველო, შეუერთდა განცხადებას, რომელიც უკრაინის მიმართ მხარდაჭერას გამოხატავს და  რუსეთის აგრესიას კიდევ ერთხელ გმობს. „ყველა სახელმწიფოს გაერო-ს წესდების მეორე მუხლით აქვს ვალდებულება, რომ საერთაშორისო ურთიერთობებში თავი შეიკავონ მუქარისა და ძალის გამოყენებისგან სხვა სახელმწიფოს პოლიტიკური დამოუკიდებლობის ან ტერიტორიული მთლიანობის წინააღმდეგ და მოაგვარონ საერთაშორისო დავები მშვიდობიანი გზით. მუქარისა და ძალის გამოყენების შედეგად ტერიტორიების მითვისება კანონიერად არ იქნება აღიარებული. მოვუწოდებთ რუსეთს, შეწყვიტოს საერთაშორისო კანონმდებლობის წინაშე აღებული ვალდებულებების სრული უგულებელყოფა“, – ნათქვამია განცხადებაში. დოკუმენტს ხელს აწერენ ევროკავშირის წევრი სახელმწიფოები, ასევე აშშ, დიდი ბრიტანეთი, შვეიცარია, თურქეთი, კანადა, მოლდოვა…

მეტი...

ესპანეთი უკრაინას საზენიტო ბატარეას და რაკეტებს გადასცემს – აღნიშნულ ინფორმაციას ქვეყნის თავდაცვის სამინისტრო ავრცელებს. მადრიდის სამხედრო დახმარების უახლესი ტვირთი, 1 000 საველე საარტილერიო საბრძოლო მასალას, ათას ტონა დიზელის საწვავს, სხვადასხვა ჯავშანმანქანასა და 30 000 ზამთრის ფორმას მოიცავს. ამასთან, ესპანეთი უკრაინულ ჯარებს საზენიტო ბატარეის გამოყენებაში გაწვრთნის.  

მეტი...

გერმანიის საგარეო საქმეთა მინისტრის ანალენა ბერბოკის განცხადებით, რუსეთთან მოლაპარაკების აზრს ვერ ხედავს. მისივე  თქმით, დასავლეთის ქვეყნებმა ყველაფერი გააკეთეს ომის თავიდან ასაცილებლად, თუმა რუსეთის პრეზიდენტმა საპასუხოდ ჩაშალა სამშვიდობო მოლაპარაკებები და უკვე ნახევარი წელია ანადგურებს უდანაშაულო ქვეყანას. „ჩვენ დიდი ყურადღება არ მივაქციეთ ბალტიისპირეთის და აღმოსავლეთ ევროპის ქვეყნების შიშებს. აუცილებელია ახალი ევროპული და აღმოსავლეთ ევროპული პოლიტიკა“, – აღნიშნა ანალინა ბერბოკმა. ანალენა ბერბოკი აღნიშნავს, რომ რუსეთს ჰუმანიტარულ დერეფნებთან დაკავშირებითაც კი არ სურს მოლაპარაკებების წარმოება, ასეთ სიტუაციაში კი  უკრაინის იარაღით მომარაგების გარდა სხვა გამოსავალი არ რჩება.  

მეტი...

უკრაინის თავდაცვის მინისტრი, ოლექსი რეზნიკოვის განცხადებით, წლის ბოლომდე უკრაინელებს ფრონტზე არსებული ვითარების შესახებ კარგი ამბებია მოსალოდნელი. „მე ვარ ინფორმირებული ოპტიმისტი ან კარგად ინფორმირებული, ამიტომ მაქვს გარკვეული პოზიტიური იმედი, რომ წელს იქნება კარგი, სასიამოვნო სიახლე მთელი უკრაინული საზოგადოებისთვის და მსოფლიოსთვის. მნიშვნელოვანია ხალხმა ნახოს გამარჯვება“, – აღნიშნა რეზნიკოვმა. უკრაინის თავდაცვის მინისტრის განცხადებით, უკრაინას მეტი დახმარება სჭირდება. „ჩვენ ასევე გვჭირდება სხვა ტიპის რესურსები – ეს არის იარაღი, საბრძოლო მასალა, ფული სახელმწიფოს დასაფინანსებლად და ბევრი სხვა. ჩვენ გვაქვს შანსი, უფრო სწრაფად მოვიგოთ ომი. დანამდვილებით შემიძლია დავამოწმო, რომ ჩვენი პარტნიორები მზად არიან ითანამშრომლონ ჩვენთან არა…

მეტი...

დნეპროპეტროვსკის ოლქში, “ჩაპლინოს” რკინიგზის სადგურზე რუსეთის მიერ განხორციელებული სარაკეტო თავდასხმის შედეგად დაღუპულთა რიცხვი 25-მდე გაიზარდა. გარდაცვლილთა შორის ორი ბავშვია – 11 წლის მოზარდი სახლის ნგრევის შედეგად დაიღუპა, 6 წლის ბავშვი კი რკინიგზის სადგურთან ავტომანქანის დაწვის დროს. შემთხვევის შედეგად  31 ადამიანი დაშავდა. პრეზიდენტის აპარატის უფროსის მოადგილის ცნობით, ადგილზე სამაშველო და სამძებრო სამუშაოები დასრულებულია.

მეტი...

უკრაინის გენერალური პროკურატურის ინფორმაციით, რუსეთის სამხედრო აგრესიის შედეგად უკრაინაში უკვე 376 ბავშვი დაიღუპა, 733-ზე მეტი კი დაშავდა. უწყების ცნობით, ყველაზე მეტი ბავშვი დაზარალდა დონეცკის რეგიონში – 388, ხარკოვის ოლქში – 202, კიევის ოლქში – 116, ჩერნიგოვის ოლქში – 68, ნიკოლაევის ოლქში – 67, ლუგანსკის ოლქში – 61, ხერსონის ოლქში – 55, ზაპოროჟიეს ოლქში – 41. რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 2 328 სასწავლო დაწესებულება, საიდანაც 289 სრულად განადგურდა.  

მეტი...

,,დღეს გადარჩენის ომი გვაქვს და ამ ომში გადავრჩებით, ამ გოლიათს ხერხემალში გადავამტვრევთ“- ამის შესახებ უკრაინის თავდაცვის მინისტრმა, ოლექსი რეზნიკოვმა განაცხადა. მისივე თქმით, უკრაინა ენდობოდა თავის მეზობელს, რომელთანაც ბუდაპეშტის მემორანდუმს მოაწერა ხელი და საკუთარ ჯარზე არ ზრუნავდა. „დღეს ჩვენ ქვეყნის გადარჩენისთვის ვიბრძვით. კიდევ ერთხელ ვადასტურებთ დამოუკიდებლობის უფლებას. ჩვენ 30 წელზე მეტია დამოუკიდებლად ვცხოვრობთ, ჩვენს საზღვრებში შევქმენით აბსოლუტურად დამოუკიდებელი ქვეყანა, ამიტომ დღეს შეიძლება მეტს ვიხდით იმის გამო, რომ საკუთარ არმიაზე არ ვზრუნავდით. ერთადერთი შეცდომა, რომელიც დანამდვილებით შემიძლია დავასახელო – ძალიან ვენდობოდით მეზობელს, რომელმაც ჩვენთან ბუდაპეშტის მემორანდუმი გააფორმა. ეს არის საერთაშორისო შეთანხმება და…

მეტი...

,,რუსეთმა მსოფლიო რადიაციული კატასტროფის ზღვარზე დააყენა,”- ამ სიტყვებით უკრაინის პრეზიდენტმა ვოლოდიმირ ზელენსკიმ გაერო-ს უშიშროების საბჭოს საგანგებო სხდომაზე ვიდეომიმართვისას მიმართა. პრეზიდენტის თქმით, ზაპოროჟიეს ელექტროსადგურზე მუდმივი კონტროლი საერთაშორისო ატომურმა სააგენტომ უნდა აიღოს, რუსეთმა კი, უპირობოდ უნდა შეწყვიტოს ბირთვული შანტაჟი და სადგურის ტერიტორია დატოვოს. ზელენსკიმ ასევე აღნიშნა, რომ „რუსმა სამხედროებმა ევროპის უმსხვილესი ბირთვული ელექტროსადგურის ტერიტორია საბრძოლო მოქმედებების ზონად აქციეს”.        

მეტი...