დღე: აგვისტო 17, 2022

სუს- ის ყოფილი მაღალჩინოსანი სოსო გოგაშვილი რუსთავის მე-12 სასჯელაღსრულების დაწესებულების 306-ე საკნიდან მორიგ წერილს ავრცელებს. წერილში გოგაშვილი შინაგან საქმეთა მინისტრ ვახტანგ გომელაურთან საშხაპიდან გამართულ საუბრის დეტალებს იხსენებს. გოგაშვილის თქმით, გომელაურმა მას უთხრა გაეჩერებინა ყველანაირი აქტივობა და მიეცა მათთვის სასურველი ჩვენებები აფგან მუხთარლისა და არჩევნების გაყალბების საქმესთან დაკავშირებით. ,,მე-12 პენიტენციურ დაწესებულებაში ჩემი შემოსვლისთანავე მე განიმარტეს, რომ მქონდა უფლება კვირაში ორჯერ – ხუთშაბათისა და კვირის დღეებში 09:30-დან 18:30 საათების შუალედში მესარგებლა საშხაპით. ბუნებრივია მე ვსარგებლობდი აღნიშნული უფლებით კანონით დადგენილი წესით, რისთვისაც მე მჭირდება დაახლოებით 15 წუთი. მიმდინარე წლის 28 ივლისს, ხუთშაბათ დღეს,…

,,უადგილო და არაკორექტულია, როდესაც საელჩო პარლამენტს პრაქტიკულად ბრძანების ტონით მიმართავს, უნდა გააკეთოთ ეს და ეს, კარგი იქნება, თუ ჩვენი მეგობრული ურთიერთობა დღეიდან გაგრძელდება იმ ფარგლებში, რა ფარგლებსაც ქვეყნის სუვერენიტეტის პატივისცემა ითვალისწინებს, – ამის შესახებ ,,ქართული ოცნებიდან” გასულმა დეპუტატმა  სოზარ სუბარმა განაცხდა. სუბარის თქმით, როდესაც ქვეყნის მთავარი სტრატეგიული პარტნიორის ელჩი პარლამენტის წევრებზე კითხვას სვამს , ვინ არიან და რას წარმოადგენენ, ეს სრულიად გამაოგნებელი და დამამცირებელი დამოკიდებულებაა. „როდესაც პარლამენტის წევრებზე და მართლა დემოკრატიულად არჩეულ პარლამენტის წევრებზე კითხვას სვამს დემოკრატიული ქვეყნის ელჩი და ჩვენი მთავარი სტრატეგიული პარტნიორის ელჩი, ვინ არიან და რას წარმოადგენენ,…

,,ვფიქრობ, კელი დეგნანის დამოკიდებულება არის ფიქსაცია იმისა, რომ ის არის მხარე, რადგან ის არათუ დიპლომატიური ენით არ საუბრობს, არამედ დაიწყო საუბარი უკვე „ნაციონალური მოძრაობის“ ენით და მისი მესიჯბოქსი არის უკვე წინა პლანზე წამოსული,”- ამის შესახებ „ხალხის ძალის“ წევრმა, დიმიტრი ხუნდაძემ განაცხადა. ხუნდაძის თქმით, ძალიან ბევრი აცდენები აქვს ამერიკის ელჩს. „კელი დეგნანმა განაცხადა, თითქოს არ გვიცნობს. ვფიქრობ, რომ მისი ყოველდღიური მეხსიერებიდან ჩვენ არ ამოვდივართ, მაგრამ ჩვენს ურთიერთგანსხვავებაში არ არის საქმე. ვფიქრობ, რომ მისი დიპლომატიური ენა აბსოლუტურად სცდება აქამდე ყველასათვის დადგენილ სტანდარტს. ის ამბობს, რომ უარგუმენტო იყო ის კითხვები, რასაც ყოველდღიურად გაურბის და დღეს პრაქტიკულად საბოლოოდ დაადასტურა,…

,,არ მგონია, რომ რაიმე შეთქმულების თეორიების ძიება რამეში წაგვადგება, რადგან ყველაფერი ღიად, გამჭვირვალედ ითქვა იმასთან დაკავშირებით, ვის რა პოზიციები აქვს და ვინ რა თემაზე საუბრობს, – ასე აფასებს  საპარლამენტო უმრავლესობის წევრი, მიხეილ სარჯველაძემ აშშ-ის ელჩის, კელი დეგნანის განცხადებას. სარჯველაძის თქმით, ყველაფერი ღიად, გამჭვირვალედ ითქვა იმასთან დაკავშირებით, ვის რა პოზიციები აქვს და ვინ რა თემაზე საუბრობს. „ვერ მივცემ თავს უფლებას, კრიტიკული მოსაზრებები შემოგთავაზოთ ამ საკითხების ირგვლივ, თუმცა საკითხის დასმა იმასთან დაკავშირებით, ვის წარმოადგენენ, ამ ოთხი ადამიანის მხრიდან მკაფიოდ იქნა ახსნილი, რატომ გადაწყვიტეს მათ ცალკე მოღვაწეობა, რათა მათ საჯაროდ ესაუბრათ პრობლემების შესახებ,…

,,ეს განცხადება ფაქტობრივად იმის აღიარებაა, რომ ჩვენს ბოლო წერილებში მითითებული მტკიცებულებები არის მართალი, რადგან არც ერთ მათგანზე ქალბატონ ელჩს არ უპასუხია და კონტრაგუმენტი არ წარმოუდგენია,”- ასე ეხმიანება “ქართული ოცნებიდან” გასული დეპუტატი გურამ მაჭარაშვილი, საქართველოში აშშ-ის ელჩის კელი დეგნანის დღევანდელ განცხადებას. მაჭარაშვილის თქმით, მმართველი გუნდიდან წასული დეპუტატების მიზანია  საზოგადოებამ სწორად დაინახოს სიმართლე, რა ხდება საქართველოს საწინააღმდეგოდ თუ სასარგებლოდ. ,,საინტერესოა, რა არის, მისი აზრით, შეთქმულება – ის, რომ საელჩოს წარმომადგენელმა დაიბარა მოსამართლე და ანგარიში მოსთხოვა და ჩვენ ეს კითხვა დავსვით, ეს შეთქმულებაა? თუ ის, რომ საელჩო ამბობს, რომ 30 წელი გადაიხადა იმისთვის…

“ქართული ოცნებიდან” წასული დეპუტატის, გურამ მაჭარაშვილის განცხადებით,  ამერიკის შეერთებული შტატების საელჩო ომის რიტორიკას ცოცხალი თავით არ ემიჯნება. მისივე თქმით, საელჩო რადიკალურ ოპოზიციაში ნაკლს და ნეგატივს ვერ ხედავს. ,,სუბიექტურია ამერიკის საელჩო იმ შემთხვევაში, როდესაც მხოლოდ ერთ მხარეში ხედავს თავისი გადმოსახედიდან ნაკლს და ნეგატივს, ხოლო რადიკალურ ოპოზიციაში ამას ვერ ხედავს. აქედან გამომდინარეობს ბუნებრივია ეს ლოგიკა. რასაც საქართველოს საზოგადოება ემიჯნება, ეს არის ომის რიტორიკა და არეულობა ქვეყანაში, ამას არ ემიჯნება ცოცხალი თავით ამერიკის საელჩო. სამწუხაროდ, შეურაცხმყოფელი კითხვებით მიმართავს ხალხის მიერ არჩეულ დეპუტატებს, გაუგებარს უწოდებს და რაღაც შეთქმულებებზე საუბრობს. საინტერესოა, რა არის შეთქმულება მისი…

,,ვეთანხმები ქალბატონ კელის, როგორც სხვა შემთხვევებში – ამ ოთხეულის, უფრო სწორად „ქართული ოცნების“ ქმედება, რომელმაც ეს ყველაფერი „დაამენეჯმენტა” არც დიპლომატიურ ეტიკეტში და არც ადამიანურ ურთიერთობებში არ წერია, – ასე ეხმიანება “გირჩის”ლიდერი იაგო ხვიჩია აშშ-ის ელჩის კელი დეგნანის განცხადებას, სადაც ის “ქართული ოცნებიდან” წასული დეპუტატების ბრალდებებს, “უგუნურ, კონსპირაციულ თეორიებად” მოიხსენიებს. ხვიჩიას თქმით,  ,,ოცნებიდან” წასული დეპუტატების ქმედებები თავისი მნიშვნელობით ყველაზე ახლოსაა სიტყვა “ტროლინგთან”. ,,მთელი ეს ქმედებები თავისი მნიშვნელობით ყველაზე ახლოსაა სიტყვა “ტროლინგთან”. როდესაც ასე, ჩვეულებრივი “ტროლივით” იქცევი ამერიკის საელჩოსთან, უცნაურად გამოიყურება და რაც უფრო მეტ კომენტარს გააკეთებ ასეთი ტიპის საქციელზე, მით ნაკლები…

,,ქართული ოცნებიდან” წასული დეპუტატი სოზარ სუბარი, აშშ-ს საელჩოს მიერ  სასამართლო რეფორმისთვის შემუშავებულ რეკომენდაციებთან დაკავშირებით, ,,ფეიქბუქში” განცხადებას ავრცელებს. სუბარის თქმით, კარგი იქნება თუ მისი კოლეგები მკაფიოდ დააფიქსირებენ თავის პოზიციას საელჩოს ინსტრუქციებში გამოთქმულ პრობლემებზე. „გუშინ სასამართლოს თემაზე ჩვენს მიერ გამოქვეყნებულ წერილს საკმაოდ კრიტიკული გამოხმაურება მოჰყვა პარლამენტის არაერთი წევრისგან, ამიტომ, კარგი იქნება, თუ ჩვენი კოლეგები მკაფიოდ დააფიქსირებენ თავის პოზიციას საელჩოს ინსტრუქციებში გამოთქმულ პრობლემებზე: – ეთანხმებით თუ არა აშშ-ის საელჩოს ინსტრუქციას, რომ საქართველოს პარლამენტმა უნდა შეცვალოს ხუთი კონსტიტუციური ნორმა, თანაც ის ნორმები, რომლებიც ვენეციის კომისიის მიერ უკვე არის სამართლიანად და უხარვეზოდ შეფასებული? მიგაჩნიათ თუ…

აშშ-ს საელჩო საქართველოს პარლამენტს სასამართლო რეფორმასთან დაკავშირებით რეკომენდაციებით მიმართავს. „ამერიკის შეერთებული შტატების საელჩო თბილისში ქვემოთ მოცემულ რეკომენდაციებს წარუდგენს პარლამენტს, სასამართლოს, სამოქალაქო საზოგადოებას და მართლმსაჯულების სისტემის სხვა დაინტერესებულ მონაწილეებს. რეკომენდაციები ეყრდნობა საელჩოს კომუნიკაციას პარლამენტთან და სხვა საკვანძო მხარეებთან. რეკომენდაციები, ასევე ითვალისწინებს ვენეციის კომისიის, ეუთოს, ევროპის მოსამართლეთა საკონსულტაციო საბჭოს (CCJE) და სხვა საერთაშორისო ორგანიზაციების მოსაზრებებს. ზოგადი რეკომენდაციები სასამართლო რეფორმის საერთაშორისო შეფასება: შეფასება უნდა განხორციელდეს საერთაშორისო ექსპერტების დახმარებით, ინკლუზიური და წარმომადგენლობითი პროცესის შედეგად და დემოკრატიის სამიტზე საქართველოს მიერ გაცხადებული ვალდებულებების შესაბამისად. მომავალში განსახორციელებელ რეფორმებზე რეკომენდაციების შემუშავების მიზნით, შეფასებამ უნდა მოიცვას არა მხოლოდ საკანონმდებლო ხარვეზები,…

,,ბრალდებები, რომლებიც მათ ბოლო დროს გააკეთეს აშშ-ისა და სხვების მიმართ, არის უგუნური, კონსპირაციის თეორიები, რომელსაც საფუძველი არ აქვს,”- ასე შეაფასა, საქართველოში ამერიკის შეერთებული შტატების ელჩმა, კელი დეგნანმა  „ქართული ოცნებიდან“ წასული დეპუტატების, „ხალხის ძალის“ წევრების მიერ გავრცელებული განცხადება. ელჩის თქმით, ნებისმიერი ბრალდება, რომლითაც  პასუხისმგებლობას პოლარიზაციაზე აკისრებენ დასავლეთს, არის გადაბრალების მცდელობა დასავლელ პარტნიორებზე. ,,რაც შეეხება ამ ჯგუფს, არ ვარ დარწმუნებული, რას წარმოადგენს ეს ჯგუფი, აშშ საქართველოს ბევრი წელია, ეხმარება დემოკრატიული ინსტიტუტების მშენებლობაში, ეს ასევე მოიცავს მრავალფეროვან პარლამენტს, რომელიც წარმოადგენს ქართველ ხალხს. არ ვარ დარწმუნებული, რას წარმოადგენს ეს ჯგუფი, რამდენად განსხვავებულები არიან მთავრობისგან.…

საქართველოში ამერიკის შეერთებული შტატების საელჩო სასამართლო რეფორმასთან დაკავშირებით რეკომენდაციებს აქვეყნებს.  რეკომენდაციები ეყრდნობა საელჩოს კომუნიკაციას პარლამენტთან და სხვა საკვანძო მხარეებთან. რეკომენდაციები, ასევე, ითვალისწინებს ვენეციის კომისიის, ეუთოს, ევროპის მოსამართლეთა საკონსულტაციო საბჭოსდა სხვა საერთაშორისო ორგანიზაციების მოსაზრებებს. რეკომენდაციების თანახმად, სასამართლოს ყველა გადაწყვეტილება უნდა გამოქვეყნდეს და ხელმისაწვდომი იყოს ფართო საზოგადოებისთვის. ,,სასამართლოს ყველა გადაწყვეტილება უნდა გამოქვეყნდეს და ხელმისაწვდომი იყოს საზოგადოებისთვის განსახილველად, გარდა ისეთი გამონაკლისი შემთხვევებისა, როცა გადაწყვეტილების გამოუქვეყნებლობა გამართლებულია მსხვერპლის დაცვის, ან მიმდინარე გამოძიების ინტერესით. რამდენადაც შესაძლებელია, გადაწყვეტილებები სენსიტიური საქმეების შემთხვევაშიც უნდა გამოქვეყნდეს დაშტრიხული სახით, ან გამოძიების ეტაპის დასრულების შემდგომ,”- აღნიშნულია დოკუმენტში. ამასთან, დოკუმენტის თანახმად, დემოკრატიის…

სახელმწიფო უსაფრთხოების სამსახურის ყოფილი მაღალჩინოსანი სოსო გოგაშვილი ციხიდან წერილს ავრცელებს, რომლითაც  შინაგან საქმეთა მინისტრს, ვახტანგ გომელაურს მიმართავს. წერილში გოგაშვილი  თემირლან მაჩალიკაშვილის საქმის დეტალებს საუბრობს და გომელაურს  ნამოქმედარზე პასუხისმგებლობის აღებისკენ მოუწოდებს. “ვახო, ერთხელ მაინც იქნებ გეყოს კაცური გამბედაობა და შენს ნამოქმედარზე აიღო პასუხიმგებლობა. შენ აღარ ხარ ,,ლიჩნიკი’’, შენ ხარ შსს მინისტრი, პოლიტიკური თანამდებობის პირი და მმართველი ბანდის პოლიტსაბჭოს წევრი. ვიცი, რომ წლების მანძილზე პრაქტიკაში კარგად მოირგე შენი გაფუჭებულის სხვაზე გადაბრალება, სხვისი დასჯა და შენი თანამდებობის, ასევე არაოფიციალური კოლოსალური შემოსავლის შენარჩუნება, რომელიც ყოველთვიურად უტოლდება 10 000 რიგითი პოლიციელის შემოსავალს. სხვის ნაცვლად ვერ…