დღე: აგვისტო 23, 2022

ევროპული საბჭოს პრეზიდენტმა, შარლ მიშელმა „ყირიმის პლატფორმაზე“ სიტყვით გამოსვლისას განაცხადა, რომ კრემლის მხრიდან ცინიკური ნაბიჯია, იარაღად გამოიყენოს შიმშილი და უკრაინის მიმართ საერთაშორისო მხარდაჭერა შეასუსტოს. მიშელმა სიტყვით გამოსვლისას შეშფოთება გამოვთქვა   ზაპოროჟიეს ატომური ელექტროსადგურის უწყვეტი დაბომბვის გამო. „რუსეთმა ყირიმი გამოიყენა უკრაინის სხვა ნაწილებიდან მარცვლეულის მოსაპარად. ყირიმში რუსეთის სამხედრო ყოფნამ მოახდინა უკრაინის შავი ზღვის პორტების ბლოკადა და ვხედავთ ამის სასტიკ შედეგებს, უკრაინის ეკონომიკის დაზიანება და გლობალური სურსათის უსაფრთხოების კრიზისი, განსაკუთრებულად დაუცველ ქვეყნებში. ვიტყვი მკაფიოდ, ეს არის კრემლის მიერ წინასწარგანზრახულად და ცინიკურად იარაღად შიმშილის გამოყენების მცდელობა. ჩვენ ასევე შეშფოთებას გამოვთქვამთ ზაპოროჟიეს ატომური ელექტროსადგურის უწყვეტი დაბომბვის…

,,უკრაინამ აირჩია დიალოგის გზა, თუმცა, სამწუხაროდ, რუსეთმა აირჩია ომი და კიდევ ერთხელ დაარღვია ფუნდამენტური ნორმები,”-  ამის შესახებ საფრანგეთის პრეზიდენტმა „ყირიმის პლატფორმის“ საერთაშორისო კონფერენციაზე სიტყვით გამოსვლისას განაცხადა. მაკრონის თქმით, საფრანგეთი, ევროკავშირი და უკრაინის სხვა მოკავშირეები მხარს დაუჭერენ უკრაინის თავდაცვას. „ყირიმის პლატფორმის ფარგლებში ჩვენ ერთი წლის წინაც შევიკრიბეთ და დავგმეთ რუსეთის მიერ ყირიმის ანექსია. უკრაინამ აირჩია დიალოგის გზა, თუმცა, სამწუხაროდ, რუსეთმა აირჩია ომი და კიდევ ერთხელ დაარღვია ფუნდამენტური ნორმები, დაიწყო ფართომასშტაბიანი აგრესია უკრაინის წინააღმდეგ. საფრანგეთი, ევროკავშირი და უკრაინის სხვა მოკავშირეები მხარს დაუჭერენ უკრაინის თავდაცვას, რადგან ეს სამართლიანი ბრძოლაა თქვენი სუვერენიტეტისა და ტერიტორული…

პუტინის იდეოლოგის და გარემოცვის ერთ-ერთი უახლოესი წევრის, ალექსანდრ დუგინის ქალიშვილი დღეს დაკრძალეს. დაკრძალვის ცერემონიალზე პოლიტიკოსები პოლიტიკურ განცხადებებს ერთმანეთის მიყოლებით აკეთებდნენ. რთული იყ გარჩევა დაკრძალვა და სამძიმარი იყო თუ შურისძიებით სავსე  პოლიტიკური ტრიბუნა. ერთ-ერთი „გამომსვლელი“ და „სამძიმრის გამომხატველი“რუსი პოლიტიკოსი, სერგეი მირონოვი იყო, რომელმაც მკვლელობაში პირდაპირ პრეზიდენტი ზელენსკი დაადანაშაულა. „როგორც მკვლელობის შემსრულებლები, ისე დამკვეთები არიან კიევში. ეს მკვლელობა თავად ვოლოდიმირ ზელენსკის დაგეგმილი ტერაქტია. მას წინ სამხედრო ტრიბუნალი ელის. ეს ფაშისტი საკუთარ ბუნაგში უნდა მოვსპოთ. მისი ბუნაგი კი კიევშია. უკრაინის სრული განადგურება ზელენსკის განადგურების გარეშე შეუძლებელია,“   – აღნიშნა მირონოვმა დაკრძალვის ცერემონიალზე. უფრო მეტიც,…

„ჩვენი ხალხი არასდროს ყოფილა ასე ახლოს და ჩვენი ერთგულება თავისუფალი და დემოკრატიული უკრაინისადმი არასდროს ყოფილა ასეთი ძლიერი“, – ამის  შესახებ ურსულა ფონ დერ ლაიენმა ევროკომისიის პრეზიდენტმა, კიევში მიმდინარე „ყირიმის პლატფორმის“ სამიტზე განაცხადა. მისივე თქმით, ,,უკრაინისთვის ევროკავშირის კარის დახურვის მცდელობით, პუტინმა მიიღო საწინააღმდეგო შედეგი მიიღო”. „ევროკავშირი უკრაინის უახლოესი მეგობარი და საერთაშორისო სამართლის დამცველია. ჩვენ არასდროს ვაღიარებთ რუსეთის მიერ ყირიმისა და სევასტოპოლის უკანონო ანექსიას. ჩვენ თქვენთან ვართ. ჩვენ თავიდანვე თქვენთან ერთად ვიყავით ამ ეგზისტენციალურ ბრძოლაში“, – განაცხადა ევროკომისიის პრეზიდენტმა.

პოლონეთის პრეზიდენტის, ანჯეი დუდას განცხადებით, ხალხის მიერ არჩეული ყველა ლიდერის მოვალეობაა, უკრაინას მხარი დაუჭიროს. მისივე თქმით, უკრაინა იბრძვის სამართლიანობისა და მშვიდობისთვის მსოფლიოში, რომ საერთაშორისო კანონის უზენაესობა აღდგეს. „როდესაც ადამიანი მიიღებს გადაწყვეტილებას წარმოადგინოს მთელი ერი, მაშინ მან უნდა გაითვალისწინოს, რომ ეს ზოგჯერ დაკავშირებულია საფრთხეებთან. ჟურნალისტებო თქვენ გეშინიათ აქ ყოფნის? ამ მოედანზე რომ ხართ? ჩვენ აქ ვართ დღეს, რათა ჩვენმა უკრაინელმა ძმებმა ნახონ, რომ მათ გვერდით ვართ, არა მხოლოდ სულისკვეთებით, არამედ ფიზიკურადაც. პოლონეთის დელეგაცია აქაა და წარმოადგენს პოლონეთის მთავრობას. დღეს ჩვენ ვზეიმობთ უკრაინასთან ერთად და ვაჩვენებთ, რომ უკრაინა თავისუფალია, სუვერენულია, დამოუკიდებელია და იბრძვის. ის იბრძვის რუსეთის აგრესიის…

,,უკრაინას დავეხმარებით საბჭოთა დროის აღჭურვილობიდან გადავიდეს თანამედროვე აღჭურვილობაზე”-  ამის შესახებ ნატო-ს გენერალურმა მდიოვანმა, იენს სტოლტენბერგმა „ყირიმის პლატფორმაზე“ სიტყვით გამოსვლისას განაცხადა. „ნატო უკრაინის გვერდით დგას დამოუკიდებლობიდან მოყოლებული. ჩვენ მნიშვნელოვნად გავზარდეთ ჩვენი მხარდაჭერა ყირიმის უკანონო ანექსიის შემდგომ. ეს დაეხმარა უკრაინას გაეხადა შეიარაღებული ძალები უფრო ძლიერი, უკეთ გაწვრთნილი, ვიდრე იყვენენ 2014 ში. თებერვლიდან მოყოლებული ნატო-ს მოკავშირეებმა აღმოუჩინეს უპრეცენდენტო სამხედრო, ფინანსური და ჰუმანიტარული დახმარება. ნატო არის უკრაინის თავდაცვის საკონტაქტო ჯგუფის ნაწილი, რომელსაც მეთაურობს აშშ. მე პირადად ჩავრთე ლიდერები და მოვუწოდე, მიაწოდონ უკრაინას მეტი იარაღი, მეტი საბრძოლო მასალა და უფრო სწრაფად. ნატო-ს მადრიდის სამიტზე ჩვენ…

,,დღეს პუტინი ცდილობს უკრაინის ტერიტორიების და მთელი უკრაინის მიტაცებას, როგორც ეს გააკეთა ყირიმში. ახლა ყველაზე მნიშვნელოვანია, დავდგეთ ერთად და დავიცვათ საერთაშორისო სამართლის ფუნდამენტური პრინციპებ” – ამის შესახებ დიდი ბრიტანეთის მოქმედმა პრემიერ-მინისტრმა ბორის ჯონსონმა „ყირიმის პლატფორმაზე“ სიტყვით გამოსვლისას განაცხადა. მისივე თქმით, პუტინის თავდასხმის ფონზე, უნდა გაგრძელდეს უკრაინის სამხედრო, ჰუმანიტარული, ეკონომიკური და დიპლომატიური მხარდაჭერა, ვიდრე რუსეთი არ დაასრულებს ომს. „მსურს, განსაკუთრებული მადლობა გადავუხადო პრეზიდენტ ვოლოდიმირ ზელენსკის, რათა გაგვაერთიანა და ყურადღება გაგვამახვილებინა რუსეთის მიერ ყირიმის უკანონო ანექსიაზე, რადგან 2014 წელს ამ ტერიტორიის მიტაცება იყო მიმდინარე ომის მომასწავებელი. უნდა გამოვიჩინოთ მოკრძალება, რათა ვაღიაროთ, რომ…

,,გერმანია მხარს დაუჭერს უკრაინას ფინანსურად და გააგრძელებს იარაღის მიწოდებას,”- ამის  შესახებ, გერმანიის კანცლერმა, ოლაფ შოლცმა ყირიმის პლატფორმის სამიტზე სიტყვით გამოსვლისას განაცხადა. მისივე თქმით, გერმანია პარტნიორებთან ერთად გააგრძელებს უპრეცენდენტო სანქციების მხარდაჭერას. „ეს სამიტი აჩვენებს, რომ დღეს უკრაინის პარტნიორები არიან უფრო ერთიანნი, ვიდრე ოდესმე. გერმანია მტკიცედ დგას უკრაინის გვერდით და იქნება იქამდე, ვიდრე ჩვენი მხარდაჭერა დასჭირდება. ჩვენ პარტნიორებთან ერთად გავაგრძელებთ უპრეცენდენტო სანქციების მხარდაჭერას. ჩვენ მხარს დავუჭერთ უკრაინას ფინანსურად, გავაგრძელებთ იარაღის მიწოდებას. ჩვენ ავამოქმედეთ ახალი პაკეტი, რომელიც მოიცავს თანამედროვე საჰაერო თავდაცვის სისტემებს, სარაკეტო სისტემებს, ტონობით საბრძოლო მასალას, დრონების საწინააღმდეგო სისტემებს და ჯავშანტექნიკას. ჩვენი ჰოსპიტლები განაგრძობენ დაჭრილი…

„ყველაფერი დაიწყო ყირიმში და დასრულდება ყირიმში“, – ამის შესახებ უკრაინის პრეზიდენტმა, ვოლოდიმირ ზელენკსიმ „ყირიმის პლატფორმაზე“ სიტყვით გამოსვლისას განაცხადა. მისივე თქმით,  რუსეთის მიერ ანექსირებულ ყირიმ აუცილებლად დაიბრუნებს უკრაინა. „რუსულ შეიარაღებასთან ერთად ნახევარკუნძული სერიოზული გარემოსდაცვითი საფრთხეების წინაშე დადგა, რადგან მოხდა ბუნების უპრეცედენტო განადგურება, ასევე განადგურდა მოქალაქეთა სოციალური ცხოვრება, ეკონომიკა დაეცა, ძეგლების დემონტაჟი მოხდა და როდესაც რუსეთის შავი ზღვის ფლოტმა, რომელიც დისლოცირებულია ოკუპირებულ ყირიმში, დაბლოკა ჩვენი პორტები, ამან გამოიწვია გლობალური კრიზისი. რუსეთმა ასევე დაარღვია ადამიანების უფლებები, ყირიმელების უფლებები, რომლებიც არიან უნიტარული უკრაინის სახელმწიფოს მოქალაქეები. მიუხედავად ამისა, უკრაინა არის საკმარისად ძლიერი, რომ დაინახოს უკრაინული ყირიმის პერსპექტივა“,…

,,ყირიმი არის და იქნება უკრაინა, ისევე როგორც გდანსკი და ლუბლინი ეკუთვნის პოლონეთს, ისევე როგორც ნიცა ეკუთვნის საფრანგეთს, კიოლნი კი გერმანიას”, – ამის შესახებ პოლონეთის პრეზიდენტმა ანჯეი დუდამ განაცხადა. მისივე თქმით, რუსეთი ვალდებული სრულად გაათავისუფლოს უკრაინა მის საერთაშორისოდ აღიარებულ საზღვრებში, ყირიმის ჩათვლით. „რუსეთთან ჩვეულებრივ რეჟიმში ურთიერთობას ვერ გავაგრძელებთ. რა თქმა უნდა, იმ დროს როდესაც რუსეთს უკრაინაში ომი აქვს გაჩაღებული, როდესაც მას უკრაინის ტერიტორიები ოკუპირებული აქვს, დასავლეთის მხრიდან პოლიტიკის ნამდვილი გადასინჯვა „Nord Stream 2”-ის გაჩერება კი არა, მისი დემონტაჟი, ლიკვიდაცია იქნება. მარიუპოლის, ბუჩას, კიევის, ხარკოვის შემდეგ, რუსეთი ვალდებულია, არამხოლოდ თებერვლის წინა პოზიციებს დაუბრუნდეს,…

ჟურნალისტის კითხვის საპასუხოდ, რას გააკეთებს უკრაინა, თუ რუსეთი კიევზე დარტყმას ისევ  შეეცდება, ვოლოდიმირ ზელენსკიმ განაცხადა, რომ ამ შემთხვევაში რუსეთი მძლავრ პასუხს მიიღებს. მისივე თქმით, კიევზე იერიშის საფრთხე მუდმივად არსებობს. ,,რას გააკეთებს უკრაინა, თუ კიევს თავს დაესხმება?(რუსეთი) ისევე როგორც ახლა. იმიტომ, რომ ჩემთვის, როგორც პრეზიდენტისთვის და ყველა უკრაინელისთვის, კიევი, ჩერნიგოვი, დონბასი ერთი და იგივეა, ყველა ჩვენი უკრაინელი ცხოვრობს იქ. ხარკოვი, ზაპოროჟიე… და პასუხი იგივე იქნება, რაც ამ ქალაქებში. დაგვარტყამენ – პასუხს მიიღებენ, მძლავრ პასუხს“, – განაცხადა ვოლოდიმირ ზელენსკიმ.

კრემლის პროპაგანდისტმა ალექსანდრ დუგინმა,  შვილის პანაშვიდზე სიტყვით გამოსვლისას განაცხადა, რომ დარია დუგინა რუსეთის გამარჯვებისთვის დაიღუპა. ,,ის ჩვენი გამარჯვებისთვის დაიღუპა, რუსეთის გამარჯვებისთვის, ჩვენი ქვეყნის, ჩვენი სახელმწიფოს მართლმადიდებლობისთვის. ბავშვობიდან მისი პირველი სიტყვა, რომელიც, რა თქმა უნდა, ჩვენ ვასწავლეთ, იყო რუსეთი: ჩვენი სახელმწიფო, ჩვენი ხალხი, ჩვენი იმპერია. მას არაფრის ეშინოდა და ტრადიციის ფესტივალზე, როცა ბოლოს ვისაუბრეთ, მან მე მითხრა: “მამა, მე თავს მეომრად, გმირად ვგრძნობ. მე მინდა რომ ასე ვიყო, სხვა ბედი არ მსურს. მინდა ვიყო ჩემს ხალხთან, ჩემს ქვეყანასთან”, – განაცხადა ალექსანდრ დუგინმა. ალექსანდრ დუგინის შვილი, დარია დუგინა 20 აგვისტოს საკუთარ ავტომობილში…

„ჩვენ არასდროს ვაღიარებთ სხვის ფერებს ჩვენს მიწასა და ცაზე,”- ამის შესახებ უკრაინის პრეზიდენტმა, ვოლოდიმირ ზელენსკიმ კიევში უკრაინის სახელმწიფო დროშის დღისადმი მიძღვნილ ღონისძიებაზე გააკეთა. მისივე თქმით, უკრაინული დროში აფრიალდება  დროებით ოკუპირებულ ყველა ტერიტორიაზე. „ჩვენ არასდროს ვაღიარებთ სხვის ფერებს ჩვენს მიწასა და ცაზე. ცისფერი და ყვითელი უკრაინული დროშა ისევ იფრიალებს იქ, სადაც ის უნდა იყოს აღმართული კანონიერად – დროებით ოკუპირებულ ყველა ქალაქსა და დასახლებაში, მათ შორის მელიტოპოლში, თავისუფლების მოედანზე, სადაც არ შეიძლება იყოს მათი დროშები, ვინც ამ ომს წააგებს. ხერსონში, თავისუფლების მოედანზე, სადაც არ შეიძლება იყოს მათი დროშები, ვინც არ იციან, რას ნიშნავს თავისუფლება. ყველაგან იქნება ცისფერ-ყვითელი დროშა“,…

ევროკომისიის პრეზიდენტის ურსულა ფონ დერ ლაიენის განხადებით, რუსეთის პრეზიდენტმა ვლადიმერ პუტინმა ევროპაში ომის საშინელებები დააბრუნა. მისივე თქმით, რუსული პროპაგანდა ამახინჯებს რეალობას და ავრცელებს შეთქმულების თეორიებს. „წელს პუტინმა დააბრუნა ომის საშინელებები ევროპაში. უკრაინის მოქალაქეების სიცოცხლეს სწირავენ, რათა დაიცვან ის ღირებულებები, რომლებზეც დაფუძნებულია ჩვენი კავშირი“, – განაცხადა ურსულა ფონ დერ ლაიენმა.  

აშშ-ის სახელმწიფო დეპარტამენტი ამერიკის მოქალაქეებს, უკრაინის დატოვებისკენ მოუწოდებს. აშშ-ის საგარეო უწყების ინფორმაციით, რუსეთი  უკრაინის სამოქალაქო ინფრასტრუქტურასა და სამთავრობო ობიექტებზე სარაკეტო დარტყმებს გეგმავს. მათივე ცნობით, რუსული დარტყმები მუდმივ საფრთხეს წარმოადგენს მოქალაქეებისთვის და სამოქალაქო ინფრასტრუქტურისთვის. უკრაინაში აშშ-ის საელჩომ მოუწოდა ამერიკის მოქალაქეებს, ახლავე დატოვონ უკრაინა და გამოიყენონ სახმელეთო ტრანსპორტი, თუ უსაფრთხო იქნება.

უკრაინის პრეზიდენტი ვოლოდიმირ ზელენსკი ყოველდღიურ ვიდეო მიმართვას ავრცელებს, სადაც აღნიშნავს, რომ რუსეთის მიერ უკრაინის წინააღმდეგ 3,5 ათასი ფრთოსანი რაკეტა იქნა გამოყენებული. პრეზიდენტი უკრაინელებს, რომლებიც სხვა ქვეყნებში ცხოვრობენ მოუწოდებს, გაავრცელონ სიმართლე რუსეთის დანაშაულების შესახებ. „სხვადასხვა ფრთოსანი რაკეტის საერთო რაოდენობა, რომლებიც რუსეთმა ჩვენს წინააღმდეგ გამოიყენა, უკვე 3,5 ათასს უახლოვდება. რუსული არტილერიის დარტყმების დათვლა უბრალოდ შეუძლებელია – იმდენად ბევრია, იმდენად ინტენსიურია. ამავდროულად, ტერორისტი სახელმწიფო არ წყვეტს თამაშს საერთაშორისო სტრუქტურებთან და კიდევ ერთხელ თავხედურად მოიწვია გაერო-ს უშიშროების საბჭო, რათა განიხილოს საკუთარი პროვოკაციები, საკუთარი ტერორი ზაპოროჟიეს ატომურ ელექტროსადგურზე“, – განაცხადა ზელენსკიმ.