თვე: დეკემბერი 2019

“ჩასაფრებასთან დაკავშირებით, მოგახსენებთ, რომ ჩასაფრებას, ჩემი დაცვის ქვეშ მყოფის მხრიდან, ადგილი არ ჰქონია,” – ამის შესახებ ცოტნე გამსახურდიას დაჭრისთვის, განზრახ მკვლელობის მცდელობის ბრალდებით დაკავებული ტატო ღარიბაშვილის ადვოკატმა, რომან ნადირაძემ “მედიაცენტრ მთავარში” გამართულ პრესკონფერენციაზე განაცხადა. მისი განმარტებით, ეს არ იყო წინასწარი განზრახვით ჩადენილი დანაშაული და ინციდენტიც სპონტანურად მოხდა: “იმ ფაქტთან დაკავშირებით, რომ ცოტნეს ჩაუსაფრდნენ და დახვდნენ, მოწმეთა ჩვენებებიც ცოტა სხვაგვარად მეტყველებს. გამოძიების კომპენტენციაში არ ჩავერევი, მაგრამ ჩასაფრებასთან დაკავშირებით, მოგახსენებთ, რომ ჩასაფრებას, ჩემი დაცვის ქვეშ მყოფის მხრიდან, ადგილი არ ჰქონია. 15-20 წუთიც, რაზეც საუბრობენ, არის ზოგადი ვერსია. შესაბამისად, ვერ დაგიდასტურებთ, რომ ამდენ…

“დღეისათვის ტატო ღარიბაშვილის ჯანმრთელობის მდგომარეობა საკმაოდ მძიმეა, ფეხზე, რომელზეც ოპერაცია აქვს გაკეთებული, დაფიქსირებული აქვს დაზიანებები და საჭიროებს ოპერაციას”, – ამის შესახებ ცოტნე გამსახურდიას დაჭრისთვის, განზრახ მკვლელობის მცდელობის ბრალდებით დაკავებული ტატო ღარიბაშვილის ადვოკატმა რომან ნადირაძემ “მედიაცენტრ მთავარში” გამართულ პრესკონფერენციაზე განაცხადა. მისი თქმით, დაცვის მხარე დღესვე, სასჯელაღსრულების დეპარტამენტში ბრალდებულის მონახულებას აპირებს და ითხოვს სათანადო რეაგირებას, აღნიშნულ ფაქტთან დაკავშირებით: “ახლა მივდივარ სასჯელაღსრულების დეპარტამენტში. დღეისათვის ტატო ღარიბაშვილის ჯანმრთელობის მდგომარეობა საკმაოდ მძიმეა, ფეხზე, რომელზეც ოპერაცია აქვს გაკეთებული, აქვს დაზიანებები, რაც ექსპეტრიზითაც დადასტურდა და საჭიროებს ოპერაციას. გარდა ამისა, მას არ აქვს ყავარჯნები, რომლის გარეშეც ვერ გადაადგილდება…

დამოუკიდებელი საქართველოს პირველი პრზიდენტის ვაჟი კონსტანტინ გამსახურდია „მედიაცენტრ მთავართან“ ინტერვიუში აცხადებს, რომ ცოტნე გამსახურდიას ოჯახის სურვილია მან უცოეთში გააგრძელოს მკურნალობა, თუმცა, სხვა საკითხებთან ერთად, გასარკვევია, ვინ დაფარავს მკურნალობის ხარჯებს. „ყველაფერი უცვლელია, ცოტნეს მდგომარეობა იგივე რჩება, სტაბილურად მძიმე, არც გაუარესებაა და არც უკეთესობა. ოჯახს სურვილი გვაქვს, რომ მისი გადაყვანა უცხოეთში მოხდეს, თუმცა, ეს საკითხი სხვა გარემოებებზეა დამოკიდებული. ერთი – ჯანმრთელობის მდგომარეობა, მეორე – თავად კლინიკა როგორ გადაწყვეტს და მესამე -ვინ დაფარავს საზღვარგარეთ მკურნალობის ხარჯებს. ალბათ, ხელისუფლება გადაიხდის“ – განაცხადა კონსტანტინე გამსახურდიამ „მედიაცენტრ მთავართან“ ინტერვიუში.   

“ძალიან რთულ დროს ვცხოვრობთ. კაცობრიობა მივიდა უფსკრულთან და ჩაიხედა მასში”, – ამის შესახებ სრულიად საქართველოს კათოლიკოს-პატრიარქმა, ილია მეორემ საპატრიარქოში განაცხადა, სადაც წმინდა საყდრის სახელმწიფო მდივანი, კარდინალი პიეტრო პაროლინი მიიღო. ილია მეორეს თქმით, პიეტრო პაროლინის საქართველოში ვიზიტი ძალიან მნიშვნელოვანია და სწორედ ამ ისტორიული ურთიერთობის გაგრძელებაა.  „ურთიერთობა ვატიკანსა და საქართველოს შორის მრავალი საუკუნე გრძელდებოდა. მეოთხე საუკუნეში სახელმწიფო რელიგიად გამოცხადდა ქრისტიანობა, მირიანის მეფობის დროს და მეხუთე საუკუნეში ავტოკეფალური გახდა, ცნობილი კანონისტი მალსაბონი, რომელიც შემდგომ იყო ანტიოქიის პატრიარქი წერს, რომ საქართველოს ეკლესია და კვიპროსის ეკლესია გახდა დამოუკიდებელი ავტოკეფალური ნეტარი პეტრეს დროს. მეთერთმეტე საუკუნეში საქართველოს მეთაურს ეწოდა პატრიარქის…

ახალქალაქისა და კუმურდოს მიტროპოლიტის, მეუფე ნიკოლოზის განცხადებით, მსჯავრდებული დეკანოზის შეწყალების შესახებ სინოდმა პრეზიდენტს თხოვნით მიმართა და ყველაფერი გააკეთა, რისი გაკეთებაც შეეძლო, თუმცა რატომ არ იწყალებს პრეზიდენტი დეკანოზს, არ იცის. “ჩვენ ხომ ვთხოვეთ და გავაკეთეთ ყველაფერი რაც შეგვეძლო, რატომ არ იწყალებს არ ვიცი, ბევრად უფრო მძიმე შემთხვევებია და მარტო მამალაძე არ არის, ჩვენ სხვაზეც ვთხოვთ შეწყალებას,” – აღნიშნა მეუფე ნიკოლოზმა. ცნობისთვის, პრეზიდენტის ადმინისტრაციაში განაცხადეს, რომ პრეზიდენტი პატიმართა შეწყალების აქტს საშობაოდ გამოსცემს.

“ყველა კონფესიის წარმომადგენელი ერთი პრობლემის წინაშე გაერთიანდა, რის შედეგადაც, დღეს მე ვარ თბილისში”, – ამის შესახებ ექიმმა, ვაჟა გაფრინდაშვილმა თბილისში ვიზიტად მყოფ ვატიკანის სახელმწიფო მდივანთან, კარდინალ პიეტრო პაროლინისთან შეხვედრის შემდეგ განაცხადა. „დღეს პადრე ჯუზეპემ აქ მოგვიწვია კარდინალთან შესახვედრად. ნამდვილად, მე რაც არ მქონდა ინფორმაცია, დღეს გადმომცეს. მგონი, ეს ერთადერთი შემთხვევა იყო, როდესაც ყველა კონფესიის წარმომადგენელი გავერთიანებულვართ ერთ პრობლემაზე მსჯელობით. ეს არ არის ჩემი წარმატება, ეს არის ჩვენი ყველას წარმატება. გაერთიანება მოხდა რაღაცით, პრობლემის გარშემო და ამ გაერთიანების შედეგად ვარ მე დღეს აქ, თბილისში“,- აღნიშნა ვაჟა გაფრინდაშვილმა. კარდინალი პიეტრო პაროლინი საქველმოქმედო ფონდ საქართველოს კარიტასის დიდუბის ცენტრს ეწვია, სადაც კათოლიკური ეკლესიის…

პრეზიდენტის გადაწყვეტილებას, რომ წინასაახალწლოდ პატიმრების შეწყალება არ მოხდება, დეკანოზ გიორგი მამალაძის ადვოკატი მიხეილ რამიშვილი გამოეხმაურა. რამიშვილის თქმით, პრეზიდენტის გადაწყვეტილება, მხოლოდ იმის მანიშნებელია, რომ მამალაძის შეწყალების პოლიტიკური ნება არ არსებობს. “პასუხისმგებლობის მოხსნა საპატრიარქოს მხრიდან, ვითომ რეკომენდაცია გადასცეს პრეზიდენტს, არის აბსურდი. ისინი არც კი დაინტერესებულან, რა შედეგი გამოიღო ამ რეკომენდაციამ. პრეზიდენტის დღევანდელი  გადაწყვეტილება მანიშნებელია, რომ პრეზიდენტი არ შეიწყალებს მამალაძეს, რადგან სხვა სამართლებლივი ახსნა ამას არ აქვს, ფაქტია, პოლიტიკური ნება არ არსებობს,” – განაცხადა მიხეილ რამიშვილმა. შეგახსენებთ, პრეზიდენტი წინასაახალწლოდ პატიმრებს არ შეიწყალებს. შესაბამისად, საკანში შეხვდება ახალ წელს დაკავებული დეკანოზიც.

სრულიად საქართველოს კათოლიკოს-პატრიარქმა, ილია მეორემ  სამების საკათედრო ტაძარში საკვირაო ქადაგებისას, წმინდა ანგია წინასწარმეტყველის ხსენების დღეს მრევლს მისი სიტყვები გაახსენა. ილია მეორეს თქმით, წმინდა ანგია უკანასკნელი წინასწარმეტყველი იყო, რომელიც ხალხს მიმართავდა: „თქვენ იშენებთ სასახლეებს და ვერ აგიშენებიათ ტაძარი ღვთისაო“. ილია მეორეს განცხადებით, ყველა ადამიანმა სულიერი ტაძრის მშენებლობაზე უნდა იფიქროს. „ჩვენთან არს ღმერთი! დღეს არის ხსენება წმინდისა წინასწარმეტყველისა ანგიასი. წმინდა ანგია უკანასკნელი წინასწარმეტყველია. ის მიმართავდა ებრაელ ხალხს, ისრაელ ხალხს, რომ თქვენ იშენებთ სასახლეებსო და ვერ აგიშენებიათ ტაძარი ღვთისაო. ჩვენ რომ ვაშენებდით ამ წმინდა სამების ტაძარს, შევქმენით ხატები წმინდისა ანგიასი და საოცრად დაგვეხმარა, საოცარი ტაძრები…

“შეწყალების თხოვნა დავწერე გუშინ საღამოს, დაახლოებით 7 საათი იყო, მაგრამ იქ მე ჩემი ბრალი აღიარებული არ მქონდა, რაც იყო თავიდანვე”,- აღნიშნული განცხადება საოკუპაციო რეჟიმის უკანონო პატიმრობიდან გათავისუფლებულმა ვაჟა გაფრინდაშვილმა პრესკონფერენციაზე განაცხადა. „მადლობა ყველას, ვნერვიულობ. არ არის გასაკვირი, არ ვარ მიჩვეული სახალხო გამოსვლებს, ექიმობა ავირჩიე, სადაც უფრო სხვას უსმენ და ნაკლებს ლაპარაკობ“, – განაცხადა ვაჟა გაფრინდაშვილმა. ექიმის განმარტებით, მას პოზიცია არ შეუცვლია და რუს მესაზღვრეებსა და ცხინვალის მილიციის წარმომადგენლებს ეუბნებოდა, რომ მას საქართველოს საზღვარი არ დაუტოვებია, არამედ იმყოფებოდა საქართველოს ოკუპირებულ ტერიტორიაზე. “ჩემი პოზიცია იყო პირველივე დღიდან და არც შემიცვლია და ეს ჩემი…

ოკუპანტების ტყვეობიდან გათავისუფლებულმა ქართველმა ექიმმა, ვაჟა გაფრინდაშვილმა ეროვნულ ბიბლიოთეკაში ბრიფინგ გამართა. ვაჟა გაფრინდაშვილმა ბრიფინგის დასაწყიში ყველას მადლობა გადაუხადა მხარდაჭერისთვის. “დიდი მადლობა ყველას, ცოტას ვნერვიულობ, არ ვარ მიჩვეული სახალხო გამოსვლებს, ჩემი დიქციიდან გამომდინარე ყოველთვის ვერიდებოდი. ერთ-ერთი მიზეზი ეს იყო, რომ ექიმობა ავირჩიე, სადაც უფრო სხვებს უსმენ და უფრო ნაკლებს შენ ლაპარაკობ. დიდი მადლობა ყველას მხარდაჭერისთვის. სამწუხაროდ იქ ნაკლებად მქონდა ინფორმაცია, სულ ორჯერ შევძელი ტელევიზიის ნახვა. ერთხელ იყო ცხინვალის ტელევიზიაში გადაცემა და მცირე ინფორმაციას ვიღებდი ადგილობრივი გაზეთებიდან. ვიცოდი, რომ იქნებოდა მხარდაჭერა, მაგრამ ამხელა მხარდაჭერას ნამდვილად არ ველოდი, – თქვა ვაჟა გაფრინდაშვილმა. ექიმი ვაჟა გაფრინდაშვილი აცხადებს, რომ ცხინვალის…

“სიმართლე ვაჟა ექიმის გათავისუფლების შესახებ, რომლის უშუალო მოწმეც მე ვარ. პაატა ბურჭულაძე მუშაობდა ვაჟა ექიმის გასათავისუფლებლად!”, – ამის შესახებ თბილისის ოპერისა და ბალეტის თეატრის საოპერო დასის მომღერალი, გოჩა დათუსანი სოციალურ ქსელში წერს. მომღერალი ვაჟა გაფრინდაშვილს გათავისუფლებას ულოცავს და ყვება იმას, რაც მას თავად გადახდა და მისი თქმით, არის სიმართლე. “რამდენიმე დღის წინ მოვინახულე ყველასათვის საამაყო ბატონი პაატა ბურჭულაძე. ჩვენი ერთად ყოფნის დროს დაიწყო მართლაც ისტორიული პროცესი: პაატა ბურჭულაძე მუშაობდა ვაჟა ექიმის გასათავისუფლებლად! ვაჟა ექიმის მეუღლე დაუკავშირდა მაყვალა ქასრაშვილს და სთხოვა ცნობილ მომღერალთან ვერონიკა ჯიოევასთან დარეკვა, რათა მას ეშუამდგომლა ვაჟა გაფრინდაშვილის გათავისუფლებისთვის.(ვერონიკა და…

ექიმ ვაჟა გაფრინდაშვილის ძმამ, ლევან გაფრინდაშვილმა ჟურნალისტებს ექიმის გათავისუფლების საკითხთან დაკავშირებით განუცხადა, რომ ვაჟას არაფერი უღიარებია.  “პირველად, დღეს დილას ვნახეთ სახლში. იქ, ნორმალურად ექცეოდნენ, არავითარი ზეწოლა არ ყოფილა. თავს ნორმალურად გრძნობს, ჯანმრთელობის მხრივ მშვენივრად არის. დანარჩენს დაწვრილებით ბრიფინგზე, ალბათ, თვითონ იტყვის. მისი გათავისუფლება, აბსოლუტურად, მოულოდნელი იყო. არავის გავუფრთხილებივართ, წინასწარ არვის არაფერი უთქვამს”, – განაცხადა ლევან გაფრინდაშვილმა. რაც შეეხება ოსური მედიით გავრცელებულ ინფორმაციას, რომ ე.წ პრეზიდენტის ანატოლი თიბილოვის შეწყალების შედეგად გათავისუფლდა პატიმრობიდან ექიმი ვაჟა გაფრინდაშვილი, ექიმის ძმა პასუხობს, რომ მას არაფერი უღიარებია. “მას არაფერი უღიარებია. თვითონ წერილი მისწერა, მაგრამ აღიარება ნამდვილად არ…