დღე: დეკემბერი 3, 2019

ზუგდიდიში, “ერთიანი ნაციონალური მოძრაობის” ოფისთან მმართველი გუნდის მხარდამჭერები აქციას მართავენ. ოფისთან დაპირისპირებაც მოხდა. “ქართული ოცნების” აქტივისტებმა შენობას კვერცხები, ცოცხები და ხელჯოხები ესროლეს. მათ ოფისის მინა ჩაამტვრიეს. მიმდინარე აქციაზე, ერთი პოლიციელი  დაშავდა. მას “ქართული ოცნების” მხარდამჭერის მიერ, ენმ-ის ოფისის მიმართულებით ნასროლი ხელჯოხი მოხვდა.  აქციის მონაწილეებსა და პარტია “ნაციონალური მოძრაობის” ოფისს შორის ამ წუთებში პოლიციის კორდონი დგას.

ცხინვალში უკანონო პატიმრობაში მყოფი ექიმის, ვაჟა გაფრინდაშვილის საქმეზე ე.წ. სასამართლომ არსებითი განხილვა დაიწყო. ექიმის მეუღლე, თამილა ლაფანაშვილი იმედოვნებს, რომ ვაჟა გაფრინდაშვილს ჯარიმის დაკისრების შემდეგ გამოუშვებენ. თამილა ლაფანაშვილის თქმით, თუ ვაჟა ექიმი უახლოეს მომავალში არ გათავისუფლდება, რადიკალურ ზომებს მიმართავენ. “დღესაც ველოდები, ხვალაც ველოდები, მაგრამ, სამწუხაროდ, ჯერ-ჯერობით არ გვაქვს ინფორმაცია. იმედია გადაწყდება, რომ სასჯელი ითვალისწინებს ჯარიმას და შემდეგ გამოშვებას, იმედი გვაქვს, რომ ასე იქნება. ვფიქრობ, უფრო უნდა გავაძლიეროთ ზეწოლა და მოვითხოვოთ ადამიანის უფლებების დაცვა. იმედია, მივიღებთ შედეგს ძალიან სწრაფად, თუ არადა, შემდეგ სხვა ეტაპზე გადავალთ არა თხოვნით, არამედ რადიკალური მოთხოვნით,” – განაცხადა თამილა ლაფანაშვილმა. ექიმის გათავისუფლების…

მცხეთაში, ოპოზიციისა და ხელისუფლების მხარდამჭერები იკრიბებიან. მცხეთის მერიასთან ორი აქცია მიმდინარეობს, ერთს ოპოზიციური პარტიების წარმომადგენლები მართავენ, მეორეს კი „ქართული ოცნების“ მხარდამჭერები. ოპოზიცია და აქტივისტები მსვლელობით “ქართული ოცნების” დეპუტატ დიმიტრი ხუნდაძის სამაჟორიტარო ბიუროსთან მიდიან.  პარალელურად ადგილზე იკრიბებიან მმართველი გუნდის მხარდამჭერებიც, ადგილზე მობილიზებულია პოლიცია.  

საქართველოს პრემიერ-მინისტრი გიორგი გახარია ბოლო დროს ქვეყანაში განვითარებულ პროცესებს გამოეხმაურა და აღნიშნა, რომ ხელისუფლება სამოქალაქო დაპირისპირებას არ დაუშვებს. მისივე თქმით, ძალადობაში ეჭვმიტანილმა ყველა პირმა, ვის მხარესაც არ უნდა იყოს ის, პასუხი უნდა აგოს. „რა თქმა უნდა, არანაირ სამოქალაქო დაპირისპირებაზე საუბარი არ არის და  სახელმწიფო ამას არ დაუშვებს. ეს ერთი, მეორე, ძალადობაში ეჭვმიტანილი ყველა ფიგურანტი, განურჩევლად რომელ მხარეს იყო, უნდა იყოს დასჯილი, ეს არის  სახელმწიფოს ვალდებულება. მესამე, კონტრ აქცია, ეს უკვე პოლიტიკური შეფასებებია და ყველა მხარე აძლევს თავისთვის საინტერესო და  მომგებიან პოლიტიკურ შეფასებას. ჩემთვის ყველაზე მნიშვნელოვანია, რომ ეს არის უაღრესად ემოციური…

“კატეგორიულად ვემიჯნები ყველანაირ ძალადობას, ნამდვილად არ მსიამოვნებს დაპირისპირებები, მგონია, რომ ეს ყველაფერი ხდება მიზანმიმართულად და ამის ორგანიზატორი გახლავთ ოპოზიცია”, – ამის შესახებ დედაქალაქის მერმა, კახა კალაძემ განაცხადა. როგორც კახა კალაძემ აღნიშნა, კატეგორიულად მიუღებელია ახალგაზრდების ერთმანეთთან დაპირპისრება. „რატომ უნდა მოგინდეს, მიხვიდე პარტია „ქართული ოცნების“ ოფისთან და გააპროტესტო, არ არის სხვა ადგილები იმისთვის, რომ გამოთქვა შენი პროტესტი? ეს ყველაფერი მიზანმიმართულად ხდება, რათა მოხდეს დაპირისპირება. ჩვენ ქართველები ვართ და სისხლი გვიდუღს, მაგრამ ეს სისხლის დუღილი ვფიქრობ, სხვა მიმართულებით გამოვიყენოთ და მოვახმაროთ ქვეყნის განვითარებას და არა დაპირისპირებას, ცხვირ-პირის მტვრევას. ყველაფერს აქვს თავისი ფორმა, თუნდაც…