დღე: დეკემბერი 10, 2019

საქართველოს სახალხო დამცველის, ნინო ლომჯარიას შეფასებით, სასჯელაღსრულების დაწესებულებებში ბოლო დროს ე.წ მაყურებლებმა, როგორც პატიმრებზე, ასევე ადმინისტრაციაზე გავლენა განსაკუთრებით გააფართოვეს. მისი თქმით, ციხეში შესვლისას კრიმინალური ავტორიტეტების ამოცნობა მარტივია, რადგან ისინი რიგითი პატიმრებისთვის მითითებების მიცემას, არც სახალხო დამცველის თანდასწრებით ერიდებიან. “ე.წ. მაყურებლები პატიმრებს ეუბნებიან, რომ ისინი მოუგვარებენ პრობლემებს, რომ ამაზე სხვასთან, მათ შორის, სახალხო დამცველთანაც არ უნდა ისაუბრონ”, – განაცხადა სახალხო დამცველმა. ანგარიშში, რომელიც სახალხო დამცველმა დღეს წარმოადგინა, არა მხოლოდ ციხეში ამჟამად მყოფი პატიმრები, არამედ ისინიც მოხვდნენ, რომლებიც უკვე შეიწყალეს. ნინო ლომჯარია მნიშვნელოვან პრობლემად განიხილავს პრეზიდენტთან დაკავშირებულ სკანდალურ გადაწყვეტილებებს, რომელიც მძიმე დანაშაულისთვის მსჯავრდებულების შეწყალებას ეხება.…

“გამოიკვეთა პენიტენციურ დაწესებულებებში არსებული კრიმინალური სუბკულტურა და არაფორმალური მმართველობის ფორმების მანკიერი პრაქტიკა”, – ამის შესახებ სახალხო დამცველმა დღეს გამართულ პრესკონფერენციაზე განაცხადა. ნინო ლომჯარიას განმარტებით, თავისუფლებაშეზღუდულ პირებთან და დაწესებულებების თანამშრომლებთან კომუნიკაციის შედეგად, დადგინდა არაფორმალური მმართველობის სისტემური ხასიათი, რაც კონკრეტული პატიმრების პრივილეგირებულ მდგომარეობაში ჩაყენებასა და დავის გადაწყვეტის არაფორმალური გზების არსებობას ადასტურებს. “სავარაუდოდ, ეს არ არის ის კლასიკური შემთხვევა, რასაც ჰქვია ქურდების მიერ ციხის მართვა. თუმცა შეგვიძლია ჩავთვალოთ, რომ ისინი არიან ერთგვარი მაყურებლები ან არაფორმალური გავლენის მქონე პირები, რომლებსაც ეს ლეგიტიმაცია ციხეში აქვთ სწორედ ციხის ადმინისტრაციასთან და არიან ადამიანები, რომლებიც პატიმრებს ეუბნებიან, რომ ისინი მოუგვარებენ…

„ჩვენ ვიცით უამრავი ნარკოლეარიზატორი სასულიერი პირი, რომელთაგან, ზოგიერთი საკურთხვეელშიც კი ასაღებდა ნარკოტიკს და ეს ცნობილი ფაქტია,“ – ამის შესახებ მღვდელ-მონაზონმა ანდრია სარიამ სარიამ „მედიაცენტრ მთავარში“ გამართულ პრესკონფერენციაზე ისაუბრა. მისი თქმით, ეკლესია მსგავს მძიმე ცოდვებს სათანადოდ ვერ ებრძვის, რაც დაუსჯელობის განცდას აძლიერებს:   „ეკლესია, რა თქმა უნდა, უნდა იბრძოდეს მსგავსი მძიმე ცოდვების წინააღმდეგ, მაგრამ მექანიზმები ბრძოლისა, ცოდვებისადმი დღესდღეობით მორყეულია. ეკლესიის სასამართლო არ ფუნქციონირებს, კომისია არის პირობითად შექმნილი. მძიმე დანაშაულებს ნაკლები ყურადღება ექცევა. ჩვენ ვიცით უამრავი სასულიერო პირი ნარკოლეარიზატორი, რომლებთაგან, ზოგიერთი საკურთხველშიც კი ასაღებდა ამას და ეს ცნობილი ფაქტია,“- განაცხადა ანდრია სარიამ.

მღვდელ-მონაზონი ანდრია სარია მაღალი იერარქიის სასულიერო პირების მხრიდან, დეკანოზ მამალაძის მიმართ დამოკიდებულებას გაწირვის პოლიტიკად აფასებს და აცხადებს, რომ დეკანოზის შეწყალების იმედი არ აქვს. აღნიშნულის შესახებ ანდრია სარიამ „მედიაცენტრ მთავარში“ გამართულ პრესკონფერენციაზე ისაუბრა. როგორც მღვდელ-მონაზონმა აღნიშნა, ქვეყნის პრეზიდენტი უდანაშაულო სასულიერო პირის შეწყალებაზე არ ფიქრობს და მას სხვა პატიმრებთან ათანაბრებს: „მე ვფიქრობ, რომ პრეზიდენტისადმი თხოვნა, საპატრიარქოს მხრიდან, იყო მოსახლეობისთვის მესიჯის გაგზავნა, იყვნენ მშვიდად, რომ თითქოს, საპატრიარქო აკეთებს ყველაფერს ადამიანებისთვის. თუმცა, ჩვენ წლების განმავლობაში არაადამიანურობა ვიხილეთ მაღალი იერარქების მხრიდან, ვიხილეთ ნეგატიური განცხადებები დეკანოზ მამალაძეზე და არც ერთი მხარდამჭერი ნაბიჯი მის მიმართ, – ეს…

რუსეთის ფედერაციის პრეზიდენტმა ვლადიმერ პუტინმა, ნორმანდიული ოთხეულის სამიტის შემდეგ გამართულ პრესკონფერენციაზე, გერმანიის მიერ რუსი დიპლომატების გაძევების საკითხის შესახებაც ისაუბრა. გამოცემა „დოიჩე ველეს“ ინფორმაციით, ვლადიმერ პუტინმა საქართველოს მოქალაქის მკვლელობასთან რუსეთის ხელისუფლების კავშირი უარყო, თუმცა ზელიმხან ხანგოშვილს „ბანდიტი“ და „მკვლელი“ უწოდა და განაცხადა, რომ რუსეთის მოთხოვნას მის ექსტრადირებასთან დაკავშირებით ყურადღება არ მიაქციეს. მისივე მტკიცებით, რუსული მხარე ყველაფერს გააკეთებს იმისათვის, რომ გერმანელ კოლეგებს აღნიშნული მკვლელობის გამოძიებაში დაეხმაროს. “თქვენ გააძევეთ ჩვენი დიპლომატები, ჩვენ გავაძევებთ თქვენსას,” – განაცხადა რუსეთის პრეზიდენტმა. გერმანიის პროკურატურა ბერლინის პარკში მოკლული საქართველოს მოქალაქის, ზელიმხან ხანგოშვილის საქმეში, ჩეჩნურ კვალს ხედავს. მოსკოვი კი…