დღე: დეკემბერი 15, 2019

“ყველა ის კონტაქტები, რაც მქონდა და გამაჩნია, გამოვიყენე იმისთვის, რომ ძალიან აქტიურად მოვითხოვოთ საერთაშორისო თანამეგობრობის ჩართულობა ამ საქმეში”, – ამის შესახებ საქართველოს პრეზიდენტმა, ცხინვალის მარიონეტული რეჟიმის მიერ საოკუპაციო ხაზთან დაკებული ვაჟა გაფრინდაშვილის შესახებ განაცხადა. სალომე ზურაბიშვილმა იმედი გამოთქვა, რომ ამ ახალი წლის პერიოდში მოხერხდება ვაჟა გაფრინდაშვილის გათავისუფლება. “ეს არის ჩვენი რეალური ბერკეტი, რომ გამოვიყენოთ და იმათ იმოქმედონ ჩვენთვის. ძალიან სამწუხაროა, რომ აქამდე ვერ მივაღწიეთ შედეგს, რომელიც არის ექიმის გათავისუფლება. დიდი იმედი მაქვს, რომ ამ შობა-ახალი წლის პერიოდში მაინც მოხერხდება ეს და მინდა აქედან ოჯახს ვუსურვო მხნეობა,”- განაცხადა სალომე ზურაბიშვილმა.  ქართველი…

პრეზიდენტ სალომე ზურაბიშვილის განცხადებით, წინასწარ ვერ იტყვის შეიწყალებს თუ არა ე.წ. ციანიდის საქმეზე მსჯავრდებულ დეკანოზ გიორგი მამალაძეს. პრეზიდენტის თქმით, საკითხის გამო მასზე ზეწოლა არ ხორციელდება. „ვის შევიწყალებ, ამას წინასწარ ვერ გამოვაცხადებ. სია იქნება ერთობლივად გამოცხადებული და ყველას ერთად გავაცნობ ამ სიას. დღეს არ მქონია მეუფე შიოსთან ამაზე საუბარი და მგონი, არავინ ერევა ჩემს გადაწყვეტილებაში. არანაირად არ არის ჩემზე რამე ფორმით ზეწოლა“, – განაცხადა სალომე ზურაბიშვილმა. დეკანოზის, საპატრიარქოს პრესცენტრის ხელმძღვანელის მამა ანდრია ჯაღმაიძის განცხადებით, დეკანოზის შეწყალებასთან დაკავშირებით სინოდმა მნიშვნელოვანი გადაწყვტილება მიიღო და დამატებით განცხადებებს ვერ გააკეთებს.

საქართველოში ევროკავშირის ელჩმა, კარლ ჰარცელმა მმართველი გუნდისა და ოპოზიციის წარმომადგენლების შეხვედრის შემდეგ განაცხადა, რომ დიალოგი იძლევა საუკეთესო შესაძლებლობას, შეიქმნას პლატფორმა, რათა დაიწიოს დაძაბულობამ და პოლარიზაციამ. ​„ბედნიერი ვარ, რომ ორივე მხრიდან ვხედავ პასუხისმგებლიან მიდგომას, რადგან ჩვენ გადავედით მესამე დიალოგ-შეხვედრაზე. ჩემთვის აბსოლუტრად ნათელია, რომ დიალოგი იძლევა საუკეთესო შესაძლებლობას, შეიქმნას პლატფორმა, რათა დაიწიოს დაძაბულობამ და პოლარიზაციამ. მოვიტყუები, თუ ვიტყვი, რომ განხილვა იყო მარტივი. ეს არის ფუნდამენტური საკითხები. არსებობს განგრძობითი ვალდებულება, რომ წავიდეთ წინ“, – განაცხადა კარლ ჰარცელმა. დღეს, ხელისუფლებასა და ოპოზიციას შორის მორიგი შეხვედრა გაიმართა.

საქართველოს პრეზიდენტი, სალომე ზურაბიშვილი ირწმუნება, რომ ჯარზე გაკეთებული განცხადების კონტექსტი არ ეხებოდა საქართველოს შეიარაღებულ ძალებს და იყო სტილისტური ფორმა. „ჩემი გამოსვლა იყო სრულიად კულტურულ სივრცესა და კულტურული ინსტიტუტების მონაწილეობით, რათა შეგვექმნა საკოორდინაციო ცენტრი. არანაირად არ ეხებოდა ეს ჯარს. იყო მხოლოდ სტილისტური ფორმა და ფიგურა, რომელიც იხმარება რიტორიკაში, მაგრამ როგორც ჩანს, ეს ნაკლებად ცნობილია აქ“, – განაცხადა სალომე ზურაბიშვილმა. საქართველოს პრეზიდენტმა, სალომე ზურაბიშვილმა ორბელიანების სასახლეში, სადაც სამეცნიერო საზოგადოების წარმომადგენლებს უმასპინძლა სიტყვით გამოსვლისას განაცხადა: „ჩვენ სხვა არც ჯარი გვაქვს, არც იარაღი და არც გვექნება, არც ის დიდი ეკონომიკური პოტენციალი, რომ უცებ დავიპყროთ…

საპარლამენტო უმრავლესობის წევრის, დიმიტრი ხუნდაძის განცხადებით, ყველა უწყება ჩართულია ვაჟა გაფრინდაშვილის გათავისუფლების საკითხში. როგორც მან აღნიშნა, ჩვენი ერთობა უნდა იყოს გამორჩეული.  „ვითარება რთულია საოკუპაციო ხაზის სიახლოვეს. დაკავებულია ჩვენი მოქალაქე, ჩვენი ექიმი და ჩვენი მეგობარი. ის ჩემი მეგობარია და ჩვენ ერთად გვიმუშავია საოპერაციოში. ექიმებს არ ატყვევებენ, პირიქით, პირობას უქმნიან, რომ იმუშაონ. ექიმებისთვის არ არსებობს საზღვრები. ისინი იცავენ ნებისმიერ ადამიანს და იცავენ ავადმყოფების უფლებებს. ეს ყოველგვარ წესებს სცილდება“, – აღნიშნა დიმიტრი ხუნდაძემ. მისივე თქმით, ვაჟა გაფრინდაშვილის გათავისუფლების საქმეში ჩართულია საერთაშორისო თანამეგობრობა, მათ შორის ჟენევის მოლაპარაკებათა თანათავმჯდომარეები. „ყველა უწყება დაწყებული ადგილობრივით დამთავრებული საერთაშორისო არის ჩართული.…

ცხინვალის საოკუპაციო რეჟიმის მიერ დაკავებული ექიმის, ვაჟა გაფრინდაშვილის მეუღლე, თამილა ლაფანაშვილი ყველა ადამიანს, უპარტიოსა თუ პარტიის წარმომადგენელს, თხოვნით მიმართავს, გაფრინდაშვილთან დაკავშირებით განცხადებების გაკეთებისას სიფრთხილე გამოიჩინონ. „მინდა, მოგმართოთ, ყოველი სიტყვა და ფრაზა, რომელსაც ვამბობთ, რომლითაც გამოვხატავთ მის მხარდაჭერას გინდა აქ, გინდა თბილისში, ინტერვიუებში, ან ჩვენს გამონათქვამებში, ყოველი სიტყვა არის დასაფიქრებელი, რადგან ნებისმიერი შეიძლება, მის საზიანოდ მოტრიალდეს. მინდა, ყველას მადლობა გადაგიხადოთ, ყველა უპარტიოს, პარტიულს, ყველა წარმომადგენელს, გთხოვთ, გაიზიაროთ ეს ჩვენი თხოვნა და ფრთხილი განცხადებები გავაკეთოთ, სანამ ვაჟა გაფრინდაშვილი დაგვიბრუნდება და ისედაც, შემდეგაც, ჩვენი შერიგებისა და ერთად ყოფნისთვის ეს ძალიან მნიშვნელოვანია. ეს აქცია…

ალეკო ელისაშვილისა და მისი მხარდამჭერების ჩოხატაურში ვიზიტს ჩოხატაურისა და ლანჩხუთის მაჟორიტარი დეპუტატი პარლამენტში, ნინო წილოსანი ეხმაურება. “დღეს ბატონი ალეკო ელისაშვილი ესტუმრა ჩოხატაურს. მთელი მისი ნარატივი იყო დეპუტატი მდიდარია და რაიონი ღარიბიო. ვერც ერთ შემთხვევას ვერ ასახელებს, რაიონიდან რამე წამეღოს, პირიქით მიტანის უამრავი, მაგრამ ეს ხომ მას არ აინტერესებს, არც მასავით ლაპარაკით გამდიდრებულა ჩემი ოჯახი. სხვები ქარხნებს ჯართად რომ ჭრიდნენ, მამაჩემი თავისი ჯანმრთელობის ფასად ვაგონმშენებლობას ავითარებდა და მთავრობების რეკეტს უმკლვადებოდა. რაიონი რომ ღარიბია, ალეკო ელისაშვილმა ახლა დაგუგლა, მე ყოველდღიურ რეჟიმში ვხედავ და ვებრძვი ამას. და ჩემი მუშაობა თუ უნდა შეაფასოს, შეადაროს…

თბილისის საკრებულოს წევრი, რომლის ფეისბუქსტატუსსაც ვაჟა გაფრინდაშვილის საკითხზე, საზოგადოებაში დიდი კრიტიკა მოჰყვა, ახალ განცხადებას ავრცელებს. ერეკლე კუხიანიძე პირველ სტატუსში ბრალდებებს ვაჟა გაფრინდაშვილს უყენებს, მეორეში კი იმ მოქალაქეებს აკრიტიკებს, რომელთა გამოხმაურებაც არ მოეწონა. “მთელი დღეა ვაკვირდები უბადრუკ და ზღვარგადასულ სიბინძურეს, რაც წამოვიდა ჩემი მისამართით. კიდევ ერთხელ დავრწმუნდი, თუ რა ღრმა ფსიქიკური აშლილობა სჭირს ჩვენი მოსახლეობის ნაწილს. სამწუხაროდ, ადამიანთა ნაწილი მხოლოდ რეფლექსების დონეზე არსებობს და მოკლებულია უნარს, რაიმე სიღრმის ანალიზი გააკეთოს ჩვენი რეალობის. მოკლედ შევეხები მხოლოდ რამდენიმე ძირითად მომენტს. სამყაროში არსებობს მთელი რიგი კანონზომიერებებისა, რითიც იმართება, ფაქტიურად, ყველაფერი. მათ შორის არის ისეთი რთული სფერო ცხოვრებისა,…

რესპუბლიკის მოედნიდან დუშეთის რაიონის სოფელ ოძისამდე ვაჟა გაფრინდაშვილის ოჯახის წევრები და მხარდამჭერები საავტომობილო მსვლელობით მიემართებიან. აქციას ბაიკერებიც შეუერთდნენ. როგორც ვაჟა გაფრინდაშვილის შვილი, ირინა გაფრინდაშვილი ამბობს, აქცია იქნება მდუმარე, მხოლოდ ოჯახი გააკეთებს მცირე მიმართვას. ექიმი ვაჟა გაფრინდაშვილი უკვე ერთ თვეზე მეტია, ცხინვალის იზოლატორში პატიმრობაში იმყოფება. ექიმი 9 ნოემბერს დააკავეს.

დღეს, 12″00 საათზე, სასტუმრო „შერატონში“ უცხოელი დიპლომატების მონაწილეობით, ხელისუფლებისა და ოპოზიციის წარმომადგენლებს შორის მესამე შეხვედრა გაიმართება. მორიგ შეხვედრაზეც განხილვის მთავარი თემა საარჩევნო სისტემა იქნება. ამ ეტაპზე, უცნობია, კონკრეტულად ვინ დაესწრება დღევანდელ შეხვედრას. პირველი ორი შეხვედრა 30 ნოემბერსა და 8 დეკემბერს შედგა. ხელისუფლების წარმომადგენლები აცხადებდნენ, რომ დიპლომატიურ კორპუსს გაუწიეს ანგარიში და მათ მიერ შეთავაზებულ შეხვედრას დათანხმდნენ.

პარლამენტის ყოფილი თავმჯდომარე ირაკლი კობახიძე მმართველი გუნდის შეთავაზებაზე განმარტებებს აკეთებს და აცხადებს, რომ დესტრუქციულ ოპოზიციას ქვეყნის არასტაბილურობაში გადაყვანის შესაძლებლობა არ უნდა ჰქონდეს. „ეს შეთავაზება არის იმისათვის, რომ ცდუნება არ დარჩეს რაიმე ტიპის დესტაბილიზაციაზე ფიქრის, ვინაიდან,  ასეთ დროს, არის ცდუნება იმის, რომ დესტრუქციულმა ოპოზიციურმა ძალებმა  ქვეყანა არასტაბილურობის რეჟიმში მოაქციონ“, – განაცხადა ირაკლი კობახიძემ. მისივე განმარტებით, 2020 წელს, არჩევნები შერეული სისტემით ჩატარდება, 2024 წლიდან  ქვეყანა გადავა პროპორციულ სისტემაზე და ყოველი შემდეგი არჩევნები პროპორციული საარჩევნო სისტემით გაიმართება და ეს დადგენილია მოქმედი კონსტიტუციით.  „იმისათვის, რომ ცდუნება არ დარჩეს რაიმე ტიპის დესტაბილიზაციაზე ფიქრის, კონსტიტუციის გარდამავალ…