თვე: მარტი 2022

რუსეთ-უკრაინის სამშვიდობო  მოლაპარაკება 3 საათზე მეტია გრძელდება. როგორც უკრაინული მხარე აცხადებს, მთავარი, რასაც ამ მოლაპარაკებისგან ელოდებიან, უსაფრთხოების გარანტიები და ჰუმანიტარული დერეფანია. „მიდის ინტენსიური კონსულტაციები. ჩვენთვის მნიშვნელოვანია რამდენიმე საკითხი. ეს არის უკრაინის უსაფრთხოების საერთაშორისო გარანტიებზე შეთანხმება, ჰუმანიტარული საკითხი და ომის ისე დასრულება, როგორ ეს უკრაინას სჭირდება. კიდევ ერთი პრობლემა, რომელიც სულ უფრო მეტად იზრდება, ომის, სიძულვილისა და ომის წარმოების წესების ესკალაციის პრობლემაა. პირდაპირ ეთერშიც ისმის მოწოდებები ერთი ან მეორე ერის განადგურების თაობაზე, რასაც მივყავართ კონფლიქტამდე“ – აცხადებს მოლაპარაკების ერთ-ერთი მონაწილე, პრეზიდენტ ზელენსკის ოფისის წარმომადგენელი  მიხაილო პოდოლიაკი.

მეტი...

რუსულმა სამხედროებმა უკრაინის ქალაქ მიკოლაივის ადმინისტრაციულ შენობაზე იერიში მიიტანეს. აღნიშნულ ინფორმაციას “ბიბისი” მიკოლაივის საოლქო ადმინისტრაციის ხელმძღვანელის, ვიტალი კიმის განცხადებაზე დაყრდნობით ავრცელებს. კიმის განცხადებით, მოქალაქეების უმეტესობამ შეძლო შენობის დროულად დატოვება. “შენობას რაკეტა მოხვდა და მისი ნაწილი ჩამოიშალა. შენობაში მყოფი ადამიანების უმეტესობამ სასწაულებრივად დააღწიეს თავი, მაგრამ რამდენიმე მშვიდობიანი მოქალაქე დაკარგულად ითვლება. ნანგრევების ქვეშ რამდენიმე ადამიანი რჩება, მაშველები მათ ამოყვანას ცდილობენ”.- აცხადებს ვიტალი კიმი, რომლის პოზიციასაც “ბიბისი” ავრცელებს.

მეტი...

სტამბოლში გამართული მოლაპარაკებების შემდეგ რაუნდზე, თურქეთის პრეზიდენტის რეჯეფ თაიფ ერდოღანის განცხადებით, რუსეთსა და უკრაინას “ლეგიტიმური შეშფოთება“ აქვთ. „შესაძლებელია მივაღწიოთ შეთანხმებას, რომელიც ორივე ქვეყნის ლეგიტიმურ შეშფოთებას გადაჭრის“,- აღნიშნა ერდოღანმა სიტყვით გამოსვლისას დელეგაციების შეხვედრის დაწყებამდე. თურქეთის პრეზიდენტმა ასევე გადასცა თავისი “გულწრფელი მოკითხვა” რუსეთის პრეზიდენტს ვლადიმერ პუტინსა და უკრაინის პრეზიდენტს ვოლოდიმირ ზელენსკის, რომლებსაც მან “ჩემი ძვირფასი მეგობრები” უწოდა.   „ომი უნდა დასრულდეს, ცეცხლი უნდა შეწყდეს“ – თურქეთში მოლაპარაკება დაიწყო

მეტი...

მას შემდეგ რაც ინფორმაცია გავრცელდა, რო რუსეთ-უკრაინის მოლაპარაკებისას უკრაინული დელეგაციის წევრები მოწამლეს, უკრაინის საგარეო მინისტრი მიმართვას ავრცელებს. როგორც დმიტრო კულება აცხადებს, დელეგაციის წევრებმა, შეხვედრის დროს კვებისგან თავი უნდა შეიკავოს. „ყველას, ვინც რუსეთთან მოლაპარაკების მონაწილეა, ვურჩევ არაფერი დალიონ ან ჭამონ შეხვედრის დროს. ასევე, სასურველია, თავი აარიდონ ზედაპირებზე შეხებას. ეს არის მთავარი, ბევრი ინფორმაცია ვრცელდება“ – აცხადებს კულება. გავრცელებული ინფპრმაციით, უკრაინის დელეგაციის 2 წევრი მოიწამლა და ასევე მოწამვლის ნიშნები ჰქონდა რუსეთში მოღვაწე ოლიგარქ აბრამოვიჩს, რომელიც პუტინის პოლიტიკას არ ემხრობა და ომის შეწყვეტის საკითხებში აქტიურად არის ჩართული. თურქეთში, რუსეთში მოღვაწე ოლიგარქი რომან აბრამოვიჩიც…

მეტი...

უკრაინაში მიმდინარე საომარი მოქმედებების პარალელურად, მსოფლიოს ყურადღება დღეს თურქეთისკენაა, სადაც უკრეინულ-რუსული დელეგაციის წევრები უკვე შეიკრიბნენ. ოფიციალური დიალოგის დაწყებამდე, მხარეებს თურქეთის პრეზიდენტმა მიმართა და განაცხადა, რომ ომი უნდა შეწყდეს. „დოლმა ბაღჩეს სასახლეში“ მიმდინარე შეხვედრამ შესაძლოა, უკრაინის ბედი გადაწყვიტოს. შეხვედრის დაწყებამდე, თურქეთის პრეზიდენტი დელეგაციის წევრებს ცალკე შეხვდა. „ომი უნდა დასრულდეს, ცეცხლი უნდა შეწყდეს. თურქეთი შეშფოთებულია იმ პროცესებით, რაც ახლა უკრაინაში ხდება. უკრაინაში შექმნილი ვითარება ძალიან აღელვებს თურქეთს, რომელიც უკრაინის მეგობარი და მეზობელია. თურქეთი მზადაა უზრუნველყოს ყველა საჭირო მხარდაჭერა რუსულ-უკრაინული დელეგაციების მოლაპარაკების გასამარტივებლად” – განაცხადა თურქეთის პრეზიდენტმა. მოწამლეს თუ არა რუსეთ-უკრაინის მოლაპარაკების სამი მონაწილე

მეტი...

„რუსეთის ჯარებმა და შეიარაღებულმა პირებმა, გარკვეული პერიოდის უკან,  პროპაგანდისტულ ვიდეოში მიიღეს მონაწილეობა, სადაც ნათქვამია, რომ მელიტოპოლი აღარ არის უკრაინის ნაწილი. ვიდეო გამოქვეყნდა პრორუსულ ტელეგრამში “ახალი ამბების” არხზე”.- აღნიშნულის შესახებ ინფორმაციას “სიენენი” ავრცელებს. ვიდეომასალაში ჩანს, რომ შეიარაღებული პირები და რუსული ჯარები მელიტოპოლის ცენტრალურ მოედანზე უკრაინის დროშაზე წერენ. „დროშაზე ასევე აწერია “Z” და “V”, რომლებიც შემოსევაში მონაწილე რუსულ სამხედრო მანქანებზე ჩანს” – ნათქვამია “სიენენზე” განთავსებულ ინფორმაციაში. შეგახსენებთ, რომ მელიტპოლი სამხრეთ უნრაინის ნაწილში მდებარეობს და რუსეთის შეჭრის პირველივე დღიდან ოკუპირებულია.

მეტი...

პრეზიდენტმა ვოლოდიმირ ზელენსკიმ ვირტუალურ ვიდეომიმართვაში განაცხადა, რომ იტალია დათანხმდა, გახდეს უკრაინის უსაფრთხოების ერთ-ერთი გარანტორი. „იტალია დათანხმდა, გახდეს უკრაინის უსაფრთხოების ერთ-ერთი გარანტორი გარანტიების ახალი სისტემის შესაბამისად, რომელზეც ჩვენ ახლა ვმუშაობთ“, – აღნიშნა უკრაინის პრეზიდენტმა. უკრაინის პირველი პირის თქმით, 29 მარტს ის გააგრძელებს მსოფლიო ლიდერებთან უკრაინისთვის უსაფრთხოების გარანტიებზე საუბარს.  

მეტი...

ამერიკის პრეზიდენტს პუტინის მიმართ გამოთქმულ საკუთარ პოზიციაზე კომენტარის გაკეთება და განმარტებები მოუწია. ჯო ბაიდენი აცხადებს, რომ ის ისევ ფიქრობს, რომ პუტინის ხელისუფლებაში დარჩენა არ შეიძლება, თუმცა, აქვე დასძენს, რომ პოლიტიკის ცვლილებას არ გულისხმობს და იმეორებს, რომ საკუთარი სიტყვები უკან არ მიაქვს. პრეზიდენტის განცხადებით, მას არც აინტერესებს, რას ფიქრობს მასზე რუსეთის პრეზიდენტი. „არ მაინტერესებს რას ფიქრობს. ის მაინც გააკეთებს იმას, რაც აქვს ჩაფიქრებული. არ არის რაციონალური. მისი ბოლოდროინდელი ქცევის გათვალისწინებით, ხალხმა უნდა გაიგოს, რომ ის აპირებს გააკეთოს ის, რასაც ფიქრობს“ – აცხადებს ჯო ბაიდენი. შეგახსენებთ, რომ პოლონეთში ყოფნისას ჯო ბაიდენმა გააცხადა,…

მეტი...

სისასტიკით გამორჩეული „ვაგნერის“ დაჯგუფების მებრძოლები  უკრაინაში იმყოფებიან. დაქირავებული შეიარაღებული ჯგუფის უკრაინაში ყოფნას ბრიტანეთის თავდაცვის უწყება ადასტურებს. თავდაცვის უწყების ინფორმაციით, საუბარია 1000-ზე მეტ დაქირავებულ მებრძოლზე. შეგახსენებთ, რომ ინფორმაცია უკრაინის მხარემაც გაავრცელა, სადაც აღნიშნული იყო, რომ „ვაგნერის“ დაჯგუფებას პრეზიდენტ ზელენსკის ლიკვიდაცია ჰქონდა დავალებული.  

მეტი...

რუსულ-უკრაინული მოლაპარაკება დღეს, პირისპირ რეჟიმში თურქეთში, კერძოდ კი სტამბულში გრძელდება. უკრაინის საგარეო მინისტრის განცხადებით, უკრაინა არ აპირებს მოლაპარაკების მაგიდასთან  ადამიანებით, მიწებითა და სუვერენიტეტით ივაჭროს. „ჩვენ არ ვვაჭრობთ ადამიანებით, მიწებითა და სუვერენიტეტით. ჩვენი პოზიცია რკინა-ბეტონისაა. ის გამყარებულია საერთაშორისო სამართლით, უკრაინის შეიარაღებული ძალებით, რუსეთის წინაღმდეგ დაწესებული საერთაშორისო სანქციებით, აგრესორისგან თავის დასაცავად უკრაინისთვის გადაცემული იარაღით“, – განაცხადა კულებამ. უკრაინული მხარე დღევანდელ შეხვედრაზე ჰუმანიტარული საკითხის განხილვასა და წარმატებით დასრულებას ელოდება. შეგახსენებთ, რომ ვირტუალური შეხვედრების შემდეგ, ომში ჩართული მხარეები, პირისპირ, დღეს პირველად იკრიბებიან.

მეტი...

რუსი ოლიგარქი რომან აბრამოვიჩი და კიდევ 2 ადამიანი, რომელიც ჩართული იყო რუსეთ-უკრაინის მოლაპარაკებაში, სავარაუდოდ მოწამლეს. აღნიშნულ ინფორმაციას საგამოძიებო მედიაგვერდი “ბელინგქეთი” ავრცელებს. კერძოდ, საუბარია, 3 მარტს გამართული მოლაპარაკების სამ წევრზე, რომლებსაც ერთიდაიგივე სიმპტომები აღენიშნებოდათ. გამოცემის კვლევით, სამივეს ქიმიური იარაღით მოწამვლას ნიშნები ჰქონდა. მათ სიმპტომები კიევში დაბრუნების შემდეგ დაეწყოთ. როგორც საგამოძიებო ჯგუფი წერს, მოლაპარაკებაში ჩართული ჯგუფი მეორე  დღეს კიევიდან ლვოვში, შემდეგ კი – პოლონეთის გავლით სტამბოლში გაემგზავრა, რომ რუსულ მხარესთან არაფორმალური მოლაპარაკებები გაეგრძელებინა. არსებობს მეორე ვერსიაც, რომლის მიხედვითაც, მათ მიმართ  მიკროტალღური დასხივება გამოიყენეს. შეგახსენებთ, რომ აბრამოვიჩი ერთ-ერთი რუსი ოლიგარქი და პუტინის გარემოცვის წევრია,  რომელიც…

მეტი...

ჩეჩნეთის ლიდერი რამზან კადიროვი მარიუპოლშია. ინფორმაციას ჩეჩნეთის წარმომადგენელი ახმეტ დუდაევი ადასტურებს. „ჩვენ მებრძოლებში საბრძოლო სულისკვეთების ამაღლების მიზნით, მარიუპოლში იმყოფება ჩეჩნეთის რესპუბლიკის ლიდერი რამზან კადიროვი, რომელმაც იქ დამატებითი ტექნიკური აღჭურვილობა ჩაიტანა“ , – აცხადებს დუდაევი. შეგახსენებთ, რომ კადიროვმა უკრაინაში ჩეჩენი მებრძოლები დიდი ხნის წინ გაგზავნა და მათ პრეზიდენტ ზელენსკის ლიკვიდაცია ჰქონდათ დავალებული.

მეტი...

„დიდი შვიდეული“  რუსეთს გაზის რუსულ რუბლში შესყიდვაზე უარს ეუბნება. განცხადება გერმანიის ეკონომიკის მინისტრმა რობერტ ჰაბეკმა გაახმოვანა და აღნიშნა, რომ ამ გადაწყვეტილებაში G7-ის წევრი ყველა ქვეყანა ერთხმად დაეთანხმა. „რუბლით გადახდა მიუღებელია. მოვუწოდებთ დაზარალებულ კომპანიებს, არ დაემორჩილონ პუტინის მოთხოვნას“, – განაცხადა მინისტრმა. შეგახსენებთ, რომ  ვლადიმერ პუტინმა დავალება გასცა, „არამეგობრულ ქვეყნებს“ ნავთობი და გაზი მხოლოდ რუსულ რუბლში მიჰყიდონ და შესაბამის უწყებას ერთკვირიანი ვადა მისცა, ხელშეკრულებებში ცვლილების შესატანად. რაც შეეხება „დიდ შვიდეულს“, მის შემადგენლობაში შედიან:  კანადა, საფრანგეთი, გერმანია, იტალია, იაპონია, დიდი ბრიტანეთი და შეერთებული შტატები. რუსეთი ევროპას ბუნებრივი აირით აშანტაჟებს

მეტი...

კრემლის საგარეო მინისტრი სერგეი ლავროვი დასავლელ ლიდერებს „ბანდიტებს“ უწოდებს და საპასუხო ზომებზე საუბრობს. როგორც ლავროვი განმარტავს, რუსი ჩინოვნიკების ქონების კონფისკაცია სხვა არაფერია, თუ არა ბანდიტობა. „დასავლეთის ქვეყნები რუსეთთან მიმართებით პირდაპირ სახელმწიფო „ბანდიტობამდე“ დავიდნენ. საუბარია კერძო ქონების კონფისკაციასა და ფინანსურ-ეკონომიკურ სფეროში არსებულ ვალდებულებებზე უარის თქმაზე. საპასუხოდ, რუსეთში უკვე მზადდება დადგენილება სავიზო ხასიათის ზომების შესახებ, რომელიც შეზღუდავს რუსეთში „არამეგობრული ქვეყნების“ მოქალაქეების შესვლას“ – აცხადებს საგარეო მინისტრი. შეგახსენებთ, რომ დასავლეთმა და ამერიკამ რუსეთს სანქციები დაუწესა, რომელიც ოლიგარქებისა და მათი ოჯახის წევრებისთვის ქონების კონფისკაციას ითვალისწინებს.

მეტი...

რუსეთი არ აპირებს გადათქვას პრეზიდენტის განკარგულება, რომელიც „არამეგობრული ქვეყნებისთვის“ ბუნებრივი აირის თუ სხვა პროდუქტების მიწოდებას მხოლოდ რუსულ რუბლში ითვალისწინებს. როგორც პუტინის პრესსპიკერი განმარტავს, ვინც რუბლზე არ ივაჭრებს, გაზის გარეშე დარჩება. კერძოდ, დახლოებით ერთი კვირის უკან, ვლადიმერ პუტინმა დავალება გასცა, რომ „არამეგობარ ქვეყნებთან“ მხოლოდ რუსულ რუბლზე ივაჭრონ.  აღნიშნულთან დაკავშირებით განცხადება რამდენიმე ევროპელმა ლიდერმა გააკეთა და აღნიშნა, რომ რუბლით ვაჭრობა გამორიცხულია. იგივეს ფიქრობს ამერიკის პრეზიდენტი, რომ რუსეთთან რუბლით ანგარიშსწორება სანქციების დარღვევას ნიშნავს, რაც გამორიცხულია. „არ ვაპირებთ ევროპას ბუნებრივი აირი უფასოდ მივაწოდოთ. ჩვენს ვითარებაში, ევროპული ქველმოქმედება ნაკლებად შესაძლებელია და არც მიზანშეწონილია, ვინც რუბლით…

მეტი...

პრეზიდენტი ზელენსკი ადასტურებს ინფორმაციას, რომ ოკუპანტის ჯარებმა, რომლებმაც ქვეყნიდან რამდენიმე მერი გაიტაცეს, ნაწილი მოკლეს. როგორც პრეზიდენტი ზელენსკი აცხადებს,  უკრაინაში ომის შესახებ რუსეთის მოქალაქეებმა არაფერი იციან. „რუსებმა დაბლოკეს ჩვენი დახმარება, რომლიც მარიუპოლში, მელიტოპოლში, ბერდიანსკში, ხერსონსა და ხარკოვში ჩაგვქონდა. ისინი იტაცებენ მერებს. ზოგიერთი მათგანი კი მოკლეს. ზოგიერთს ვერ ვპოულობთ. ზოგს მივაგენით და ისინი მკვდრები არიან. ზოგიერთი შეცვალეს. ისინი იგივეს აკეთებენ, რაც 2014 წელს დონბასში გააკეთეს. იგივე ხალხი ატარებს იგივე ოპერაციებს. ეს არის იგივე მეთოდები“, – აცხადებს პრეზიდენტი ზელენსკი.  

მეტი...

„რამდენიმე დღის წინ შედგა „ომის პარტიის“ – ნაციონალური მოძრაობის მორიგი ვიზიტი უკრაინაში. როგორც გაირკვა, ვიზიტმა „წარმატებით“ ჩაიარა, რადგან მისი დასრულებისთანავე, უკრაინის ხელისუფლების უმაღლესი თანამდებობის პირებმა ღიად დაიწყეს საუბარი საქართველოში მეორე ფრონტის გახსნისა და უკრაინაში მიმდინარე ომის საქართველოში გადმოტანის მიზანშეწონილობაზე. უკრაინის უშიშროების საბჭოს მდივნის, ალექსეი დანილოვის განცხადება ამის ყველაზე მკაფიო მაგალითი იყო“ – აცხადებს „ქართული ოცნების“ თავმჯდომარის ირაკლი კობახიძე. მისი თქმით, არსებული ფაქტები სწორედ ამაზე მიუთითებს. „ნაციონალური მოძრაობის“ მიერ მოწყობილი ყველა პროვოკაციის უმთავრესი მიზანი უკრაინაში მიმდინარე სამხედრო კონფლიქტში საქართველოს ჩათრევა და საქართველოში მეორე ფრონტის გახსნა გახლდათ. სწორედ ამ მიზანს ემსახურებოდა და…

მეტი...

რუსეთის საგარეო მინისტრი დღეს და ხვალ დაგეგმილ რუსულ-უკრაინულ მოლაპარაკებას წარმატებულ დასასრულს უწინასწარმეტყველებს. თუმცა, ამავდროულად, აღნიშნავს, რას მოიცავს მისთვის ნახსენები სიტყვა „წარმატება“.  „მოსკოვი დაინტერესებულია, რომ მოლაპარაკებები დასრულდეს იმ შედეგებით, რომლითაც რუსეთის მიერ დასახული პრინციპული მიზნების მიღწევა გახდება შესაძლებელი“ – ასე შიფრავს ლავროვი წარმატებულ შედეგს. უფრო ვრცლად კი რუსეთის საგარეო მინისტრი შემდეგ  განმარტებებს აკეთებს: „მიზანი უპირველეს ყოვლისა დონბასში მშვიდობიანი მოქალაქეების მკვლელობების შეჩერებაა, რომელიც 8 წლის განმავლობაში გრძელდება და მთელი პროგრესული დასავლური საზოგადოება ამაზე დუმს. ვხედავ, რომ მოლაპარაკების შესაძლებლობა არსებობს.  პრეზიდენტ ვლადიმერ პუტინსა და უკრაინის პრეზიდენტ ვოლოდიმირ ზელენსკის შორის ახლა შეხვედრის გამართვა კონტრპროდუქტიული…

მეტი...

უკრაინის ვიცე-პრემიერმა ირინა ვერეშჩუკმა განაცხადა, რომ უკრაინის საბრძოლო ზონებიდან ევაკუაცია დღეს არ განხორციელდება. ვიცე-პრემიერმა ჰუმანიტარულ დერეფნებზეც ისაუბრა, რომელთა გახსნაც ჯერჯერობით არ იგეგმება. „ჩვენმა დაზვერვამ ჰუმანიტარული დერეფნების მარშრუტებზე ოკუპანტების შესაძლო პროვოკაციების თაობაზე ინფორმაცია გაავრცელა. შესაბამისად, მოქალაქეების უსაფრთხოების მიზნით, დღეს ჩვენ ჰუმანიტარულ დერეფნებს არ ვხსნით“, – განაცხადა ვერეშჩუკმა.  

მეტი...

გერმანიის კანცლერი კიდევ ერთხელ განმარტავს, რომ ნატო არ აპირებს რუსეთ-უკრაინის ომის პირდაპირი თუ ირიბი მონაწილე გახდეს. როგორც ოლაფ შოლცი აცხადებს, ეს არც იმ შემთხვევაში მოხდება, თუ საქმე ბიოლოგიური იარაღის გამოყენებამდე მივა. „ბიოლოგიური და ქიმიური იარაღის გამოყენება არ უნდა მოხდეს და ამიტომ ჩვენ ყველანი ასე გულწრფელები ვართ ამ საკითხთან დაკავშირებით. ყველაფერს ვაკეთებთ, რომ ვითარებამ აქამდე არ მივიდეს. ნატო არ და ვერ  გახდება ომის მხარე, ეს ნათელია“, – განმარტავს გერმანიის კანცლერმა.

მეტი...