თვე: მარტი 2022

ოკუპანტები უკრაინაში ყველაფერს იპარავენ, რისი შესაძლებლობაც მიეცემათ. დანგრეულ სახლებში შევარდნისა და ნივთების გატანის გარდა, შედიან დაკეტილ მაღაზიებში, სახლებში, საწყობებში და მიაქვთ ყველაფერი, რისი წაღებაც შეიძლება. მათ შორის, უნიტაზები, საბნები, საოჯახო ინვენტარი, პროდუქტები. ამჯერად, ადგილობრივება დააფიქსირეს, როგორ მოიპარეს მათ ტომრებით კარტოფილი, შემოაწყვეს ტანკზე და წაიღეს.

რუსეთ-უკრაინის ე.წ. სამშვიდობო მოლაპარაკება, პირდაპირი შეხვედრის რეჟიმში დღეს, თურქეთში განახლდება. პარალელურად, უკრაინის პრეზიდენტისთვის მიუღებელია, მოლაპარაკების მთავარ თემად „დენაციფიკაცია“, „დემილიტარიზაციის“ საკითხის განხილვა და ამბობს, რომ ასეთ შემთხვევაში, მოლაპარაკებას აზრი არც აქვს. „უკრაინა საერთოდ არ განიხილავს ტერმინებს „დენაციფიკაცია“ და „დემილიტარიზაცია“. არც დავსხდებით მაგიდასთან, თუ სულ რაღაც „დემილიტარიზაციაზე“ ან „დენაზიფიკაციაზე“ ვისაუბრებთ. ჩემთვის ეს აბსოლუტურად გაუგებარია“, – აცხადებ პრეზიდენტი ზელენსკი. ზელენსკი ასევე განმარტავს, რომ დიალოგი და მოლაპარაკება უნდა იყოს შედეგისთვის და არა სიტყვების თამაშისთვის.  

„მთელი ისტორიაა – კავკასია კავკასიაა, ქართველები ქართველები არიან, მოლდოველები – მოლდოველები, უკრაინა კი უკრაინაა. ეს სხვადასხვა ისტორიაა… პუტინი ყველაფერს დაკარგავს, აფხაზეთსაც“ – ეს სიტყვები უკრაინის პრეზიდენტ ვოლოდიმირ ზელენსკის ეკუთვნის. როგორც პრეზიდენტი აცხადებს, გავლენის დაკარგვა ყველა მიმართულებას შეეხება. „პუტინს მრავალვექტორული მიდგომა აქვს რუსეთის საკითხზე, რუსეთის ადგილზე მსოფლიოში, რუსეთის ფედერაციის ლიდერობაზე და ყველა იმაზე, ვინც რუსეთისაგან წავიდა და ვისაც აქვს უფლება, იყოს არა რუსეთი. უკრაინა სახიფათოა ბევრი თვალთახედვით. პირველ რიგში, ეს ეხება რუსული ენის გავლენის დაკარგვას. მან დაკარგა რამდენიმე მილიონი რუსულენოვანი მოსახლეობა. მას სურს, რომ ეს ყველაფერი დააბრუნოს ძალის გამოყენებით. ზუსტად იცის, როგორი…

გაერთიანებული სამეფო საომარ მდგომარეობაში მყოფ უკრაინას  გადასატანი საჰაერო თავდაცვის სისტემების, პირველი ნაკადს უგზავნის. ბრიტანეთის თავდაცვის უწყების ინფორმაციით „სთარსთრიქი“ უკვე უკრაინელების ხელშია. როგორც თავდაცვის მინისტრი ბენ უოლესი აცხადებს, უკრაინელმა სამხედროებმა კომპლექსების გამოყენებაც ისწავლე და მისი მართვა თავისუფლად შეუძლიათ. ინფორმაციისთვის, „სთარსთრიქი“  ვერტმფრენებისა და დაბალ სიმაღლეზე მფრინავი თვითმფრინავების ჩამოსაგდებად გამოიყენება. მას მფრინავი აპარატის  განადგურება ხუთ კილომეტრზე შეუძლია. ამავდროულად, უკრაინის მოთხოვნა ისევ ცის ჩაკეტვა რჩება.

რუსეთის თავდაცვის სამინისტროს ინფორმაციით, აზერბაიჯანის შეიარაღებული ძალები მთიან ყარაბაღში რუსული სამშვიდობო კონტინგენტის პასუხისმგებლობის ზონაში შევიდა. შესაბამისად,  ე.წ. პრეზიდენტმა არაიიკ არუთუნიანმა არაღიარებულ მთიანი ყარაბაღის “რესპუბლიკაში” საომარი მდგომარეობა გამოაცხადა. რუსეთის თავდაცვის სამინისტრო ავრცელებს ინფორმაციას, რომ  აზერბაიჯანის მხრიდან უპილოტო თვითმფრინავებმა დარტყმა მიაყენეს მთიანი ყარაბაღის არმიას. აზერბაიჯანული მხარე კი  მთიან ყარაბაღში კონფლიქტის მხარეებს შორის კონტაქტის ხაზის დარღვევას უარყოფს და აცხადებს, რომ არ არსებობს სახელწოდება „მთიანი ყარაბაღი“.  

საფრანგეთის პრეზიდენტის შეფასებით, ყველას მთავარი ამოცანაა ომის შეჩერება. შესაბამისად, ყველაფერი უნდა გაკეთდეს, რომ ერ მოხდეს ვითარების გამწვავება. „უნდა გაკეთდეს ყველაფერი, რომ სიტუაცია უკონტროლო არ გახდეს. მე ასეთ ლექსიკას არ გამოვიყენებდი, რადგან მე ჯერ კიდევ ვესაუბრები პრეზიდენტ პუტინს. ჩვენ გვინდა შევაჩეროთ ომი უკრაინაში, რომელიც რუსეთმა წამოიწყო, თუმცა შევაჩეროთ ისე, რომ ამ ომში არ ჩავერთოთ და არ მოვახდინოთ ესკალაცია. ეს არის ჩვენი ამოცანა“ – აცხადებს საფრანგეთის პრეზიდენტი. მაკრონის  შეფასებით, მისი მთავარი ამოცანაა, დაიცვას ფრანგები საკუთარ მიწაზე. „ჩემი ვალდებულებაა, როგორც საფრანგეთის პრეზიდენტის, დავიცვა ფრანგები ომისგან ჩვენს მიწაზე. დავუწესოთ სანქციები რუსეთს, რომ ის შეჩერდეს.…

უკრაინა-რუსეთის  სამშვიდობო მოლაპარაკების შემდეგი ეტაპი თურქეთში გაიმართება. ინიციატივა თურქეთის საგარეო მინისტრს ეკუთვნის. შეხვედრის თარიღად კი დასახელებულია 28-30 მარტ. ინფორმაციას უკრაინის მხარის წარმომადგენელი  დავით არახამია ადასტურებს. „გადაწყდა, რომ მოლაპარაკებების მორიგი რაუნდი დელეგაციების მონაწილეობით პირისპირ გაიმართება თურქეთში 28-30 მარტს“, – განაცხადა დავით არახამიამ.  

ფინეთის რკინიგზის კომპანიამ განაცხადა, რომ ქვეყანამ რუსეთიდან სატვირთო მატარებლების მიღება შეწყვიტა. მათი განცხადებით, აღნიშნული გადაწყვეტილება რუსეთის რკინიგზის მიმართ დაწესებულ სანქციებს უკავშირდება. აქედან გამომდინარე, კომპანია ვალდებულია შეზღუდვების პირობები შეასრულოს. ფინეთში რუსეთიდან მიმავალი სატვირთო მატარებლების მიღება დღეს 12:00 საათიდან შეწყდა.

საგარეო საქმეთა სამინისტროს ინფორმაციით, უკრაინაში დაღუპულ ქართველ ჯარისკაცს მომდევნო კვირაში ჩამოასვენებენ. საგარეო უწყების ცნობით, შესაბამისი დოკუმენტაციის მომზადება უკვე დაწყებულია. დავით გობეჯიშვილის ცხედარს კიევის პროზექტურიდან ჯერ პოლონეთში, შემდგომ კი საქართველოში ჩამოასვენებენ. გობეჯიშვილის ოჯახმა არ იცოდა მისი საომარ მოქმედებებში ჩართვისა და უკრაინაში გამგზავრების შესახებ. შეგახსენებთ, რომ, დავით გობეჯიშვილი მეოთხე ქართველი მებრძოლია, რომელიც რუსეთ–უკრაინის ომში დაიღუპა.

ოკუპირებული ტერიტორიებიდან, კერძოდ კი ცხინვალში განთავსებული სამხედრო ბაზიდან სამხედროები უკრაინაში გაგზავნეს. საომარ მოქმედებებში მინაწილეობის მისაღებად რეგიონის მაცხოვრებლებიც გაჰყავთ. ინფორმაცია ცხინვალის ე.წ. პრეზიდენტის, ანატოლი ბიბილოვის პრესსამსახურით ვრცელდება. “ესენი არიან სამხრეთ ოსეთის რესპუბლიკაში განლაგებული რუსეთის ფედერაციის მეოთხე ბაზის სამხედროები, მათ შორის საკონტრაქტო სამსახურში მყოფი სამხრეთ ოსეთის მცხოვრებლები”,-აღნიშნავენ ბიბილოვის პრესსამსახურში. მათივე ინფორმაციით გამგზავრების წინ ე.წ. პრეზიდენტმა სამხედროები თავად მოინახულა.

უკრაინის ვიცე-პრემიერის  ირინა ვერეშჩიუკის განცხადებით, რუსეთს იძულებიღ გაჰყავს ადამიანები უკრაინიდან. მისი ინფორმაციით, უკვე ქვეყანა 40 ათასმა მოქალაქემ დატოვა და ისინი კვაზიდერეფნების საშუალებით, გაურკვეველი მიმართულებით გადაადგილდებიან. „არსებობს მოლოდინი, რომ ძირითადად მოქალაქეებს არ უნდათ „გადარჩენა“ აგრესორი რუსეთის ტერიტორიაზე. შესაბამისად, რუს სამხედროებს ისინი ძალდატანებით გაჰყავთ ოკუპირებული ტერიტორიების შიგნით ან რუსეთში“, – განაცხადა უკრაინის ვიცე-პრემიერმა. მისი ინფორმაციით, კიევიდან დევნილი მოსახლეობა, ბელარუსში გადაჰყავთ.  

„წადით სახლში, ვიდრე სიარული შეგიძლიათ“ – აცხადებს უკრაინის პრეზიდენტი ვიდეომიმართვაში და იმ აქციაზე საუბრობს, რომელიც მშვიდობიანმა მოქალაქეებმა შეიარაღებული ოკუპანტის ჯარების წინააღმდეგ გამართეს. „ყველანი ვიყავით იმ აქციაზე, რომელიც სლავუტიჩში გაიმართა. ყველამ ერთად ვუთხარით ოკუპანტებს: „წადით სახლში, ვიდრე სიარული შეგიძლიათ“. სლავუტიჩში რუს ოკუპანტებს ისეთივე პროტესტით დახვდა, როგორც სხვა ქალაქები. უკრაინა ერთიანია მისწრაფებაში, იცხოვროს თავისუფლად და დამოუკიდებლად, საკუთარი ოცნებებისთვის და არა სხვების ავადმყოფური ფანტაზიებისთვის“, – აღნიშნა პრეზიდენტმა ვიდეომიმართვაში. შეგახსენებთ, რომ სლავუტიჩში, რომელიც დღეს ოკუპანტების ხელშია, მოსახლეობა რუსის ტანკებს დროშებითა და პლაკატებით დაუდგა წინ და იმ მიმართულებისკენ მიუთითეს, სადაც უნდა წავიდნენ.  

დიდი ბრიტანეთი არ აპირებს, ოკუპანტ რუსეთს სანქციები მოუხსნას. ეს მხოლოდ ერთ შემთხვევაში მოხდება. როგორია ბრიტანეთის წინაპირობა, ამის შესახებ ქვეყნის საგარეო საქმეთა მინისტრმა ლიზ ტრასმა „დეილი ტელეგრაფთან“ განმარტა. „სანქციები უნდა მოიხსნას მხოლოდ ცეცხლის შეწყვეტისა და რუსული ჯარის სრულად გაყვანის შემთხვევაში. ასევე უნდა მოხდეს ვალდებულების აღება, რომ აგრესია არ განახლდება. ასევე, უნდა იყოს სანქციების ხელახლა დაწესების შესაძლებლობა, თუ აგრესია გაგრძელდება“ – განაცხადა  საგარეო  მინისტრმა.  

„მე დამიკარგავს შვილი და ვიცი რაოდენ მძიმეა ეს ყველაფერი. პუტინი ფიქრობდა, რომ უკრაინელები ფარ-ხმალს დაყრიდნენ, მაგრამ ეს ასე არ მოხდა, რუსები შეეჯახნენ მებრძოლ უკრაინელებს“ – ასე მიმართა ვარშავაში მყოფმა ჯო ბაიდენმა უკრაინელ ლტოლვილებს და გზავნილი რუსეთის მოსახლეობასაც გაუგზავნა. „დიქტატორი, რომელიც ცდილობს ააშენოს იმპერია, ვერასდროს ჩაკლავს თავისუფლების სურვილს. უკრაინა არასდროს დამარცხდება რუსეთთან. უკრაინელების მიდგომამ გააძლიერა დასავლეთი, რუსეთს სურდა ნატო მის თვალთახედვის არეში არ ყოფილიყო, მაგრამ ახლა უფრო მეტად არის. ის ფიქრობდა, რომ დაამარცხებდა დემოკრატიას. რუსი ხალხი არ არის ჩვენი მტერი. დარწმუნებული ვარ, თქვენ არ გსურთ უდანაშაულო ადამიანების მკვლელობა. მიუღებელია საავადმყოფოების, სამშობიარო…

ამ წუთებში, პოლონეთში მყოფი ჯო ბაიდენი ვარშავის მოედანზე სიტყვით გამოდის და უკრაინელ ლტოლვილებს მიმართავს, როგორც პრეზიდენტი აცხადებს, პუტინს ის არ გამოუვიდა, რა ჩანაფიქრიც ჰქონდა. „ვლადიმირ პუტინია ამ ყველაფერში დამნაშავე. არც იფიქროთ, რომ ნატოს ტერიტორიის ერთ გოჯზე მაინც შემოხვიდეთ. ჩვენ გვაქვს წმინდა ვალდებულება, დავიცათ  ნატოს ტერიტორიები და ეს ეხება ყოველი სანტიმეტრის დაცვას, დღეს სტადიონზე ათასობით უკრაინელ ლტოლვილს შევხვდი, ისინი სვამენ ძალიან მწვავე კითხვას, რა მოუვათ, რა ელით, როგორია მათი ბედი…. ცრემლები მომადგა, ვნახე პატარა ბავშვები. ერთ-ერთმა გოგონამ მითხრა ჩემი ძმა და მამა, იმედი მაქვს, რომ კარგად იქნებიანო. მეუღლეები მამები ძმები დარჩნენ უკრაინაში…

ჯო ბაიდენი ვარშავის მოედანზე, სადაც უკრაინელი ლტოლვილები არიან შეკრებილები, სიტყვით გამოდის. ბაიდენი საბჭოთა კავშირის ნგრევაზე და თავისუფლების ფასზე საუბრობს და აცხადებს, რომ ის დრო არასდროს დაბრუნდება. „ჩვენს თქვენს მხარდამხარ ვართ, ეს არის ჩემი მთავარი გზავნილი“ – ასე მიმართა ბაიდენმა უკრაინელ ლტოლვილებს და კიდევ ერთხელ გაამხნევა. „ნუ შეგეშინდებათ, ეს არის მნიშვნელოვანი სიტყვა, რომელიც პაპმა 30 წლის წინ თქვა. ეს არის სიტყვები, რომელიც ცვლის სამყაროს ეს მესიჯი არის ვარშავისთვის. 1979 წელი ძალიან მნიშვნელოვანი იყო. ყველას უნდა ესმოდეს, რომ მაშინ, 30 წლის წინ იყო საბჭოთა რეპრესიები და ამ მესიჯებმა დასძლია საბჭოთა ძალადობა. პაპმა…

ამერიკის შეერთებული შტატების პრეზიდენტი ჯო ბაიდენი პოლონეთში უკრაინელ ლტოლვილებს შეხვდა, გაესაუბრა, მათ ძირითად  საჭიროებებს გაეცნო და პუტინს ახალი სახელიც დაარქვა – ყასაბი. „პუტინი ყასაბია” – ასე უპასუხა მან ჟურნალისტის კითხვას პუტინთან დაკავშირებით.  ვარშავაში მყოფი ჯო ბაიდენი რამდენიმე წუთში ჯო ბაიდენი პოლონეთში, მოედანზე, სადაც ათასობით ადამიანია შეკრებილი, სიტყვით გამოსვლას გეგმავს.

„არ გაუშვათ შვილები პუტინის დაწყებულ ომში“ – უკრაინის პრეზიდენტის ადმინისტრაციის ხელმძღვანელის მრჩეველმა, ალექსეი არესტოვიჩმა ბრიფინგზე რუს დედებს მიმართა. მისი ინფორმაციით, რუსეთის ხელისუფლება ომში წვევამდელების გაგზავნას ისევ აპირებს. „რუსეთში პირველი აპრილიდან გაწვევის ახალი კამპანია იწყება. როგორც უკრაინის დაზვერვისთვისაა ცნობილი, რუსეთის შეიარაღების ძალებში მნიშვნელოვნად შემცირდა კონტრაქტორების რაოდენობა. იგეგმება წვევამდელების გაგზავნა ფრონტის ხაზზე. მივმართავ რუს დედებს, გაუფრთხილდით თქვენ შვილებს, ნუ გამოუშვებთ მათ უკრაინაში დასახოცად“ – განაცხადა არესტოვიჩმა.

მთელი დღის განმავლობაში, პოლონეთის დედაქალაქ ვარშავაში აქტიური შეხვედრები გრძელდება. ამერიკის შეერთებული შტატების პრეზიდენტი ჯო ბაიდენი ამ დრომდე პოლონეთში იმყოფება, სადაც პოლიტიკურ ლიდერებს ხვდება. პოლონეთში იმყოფება უკრაინის დელეგაციაც. ჯო ბაიდენი უკვე შეხვდა უკრაინის საგარეო საქმეთა მინისტრ დმიტრო კულებასა და თავდაცვის მინისტრ ალექსეი რეზნიაკოვს. პოლონეთში იმყოფება აშშ-ის სახელმწიფო მდივანი ენტონი ბლინკენი და აშშ-ის თავდაცვის მდივანი ლოიდ ოსტინიც, რომლებიც ასევე აქტიურად მონაწილეობენ მოლაპარაკებებში. მხარეებს შორის განსახილველი თემა უკრაინა-რუსეთის ომი და უკრაინისთვის საჭირო დახმარებების მორიგი პაკეტია. მათ შორისაა უკრაინელი ლტოლვილების საკითხი, რომელთა  რაოდენობამ პოლონეთში 2 მილიონს გადააჭარბა.

ბოდბელი ეპისკოპოსი მეუფე იაკობი უკრაინელ ხალხს სოლიდარობას უცხადებს და ამბობს, რომ მის ქვეყანაში რომ ვინმე შემოიჭრას, თავადაც აიღებს იარაღს და იბრძოლებს. „მეც მიომია და ვიცი, რაც არის ომი. ქრისტიანი ადამიანისთვის ომი საშინელებაა. ომში ჰუმანიზმი არ არსებობს. როგორი ადამიანიც არის, ისე იბრძვის. როგორც აღზარდეს, ისე იბრძვის. მეც მიომია და ვიცი, რაც არის ომი. ძალიან განვიცდი არამარტო ჩვენებს, ნებისმიერ ადამიანს, ვისაც ომი შეიწირავს. როგოც სასულიერო პირი, გეუბნებით, რომ სხვა ქვეყნებში წყდება თუ რა იქნება შემდგომ. ჩვენ რომ ვინმემ მოგვაკითხოს ჩვენ არ ვიბრძოლებთ?! მეც ვიბრძოლებ. უკრაინაში პირველ რიგში იბრძვიან იმისთვის, რომ მტერი შეუვარდათ“…

რუსეთ-უკრაინის ომს კიდევ ერთი ქართველი მებრძოლი ემსხვერპლა. დავით გობეჯიშვილი   ირპენთან მიმდინარე შეტაკებას ემსხვერპლა. ინფორმაციას ქართველი მებრძოლის დაღუპვის შესახებ, მისი თანამებრძოლი ადასტურებს.