თვე: თებერვალი 2020

ქვეყანაში პირბადეების დეფიციტია, რასაც სააფთიაქო ქსელების წარმომადგენელთა ნაწილიც ადასტურებს. ამას, კომპანიის წარმომადგენლები პროდუქციაზე გაზრდილი მოთხოვნით, ასევე ჩინეთიდან პროდუქციის მოწოდების შეჩერებით ხსნიან. როგორც „ჯიპისიში“ აცხადებენ, დეფიციტის თავიდან აცილების მიზნით, ერთ მომხმარებელზე ერთ ჯერზე, მაქსიმუმ 20 პირბადეს გასცემენ. კომპანია „ავერსის“ ობიექტებში ამ ეტაპზე პროდუქციის მარაგები არსებობს, თუმცა ბაზებში, საიდანაც აფთიაქები მარაგდება, პირბადეები უკვე აღარ არის დარჩენილი. კომპანიაში აცხადებენ, რომ გაზრდილ მოთხოვნასთან ერთად, დეფიციტი შექმნა იმანაც, რომ ჩინეთიდან, რომელიც საქართველოსთვის პირბადეების ძირითადი მომწოდებელია, პროდუქციის შემოტანა შეჩერებულია. „ავერსში“ აცხადებენ, რომ მუშაობენ ალტერნატიული მომწოდებლების მოძიების მიზნით. კომპანიებში ამბობენ, რომ მათთან პირბადეებზე ფასები არ გაზრდილა და ისინი 18-20 თეთრის ფარგლებში ღირს. ჯანდაცვის მინისტრმა…

ამერიკის შეერთებული შტატების სახელმწიფო მდივანი ირანის ხელისუფლებას მოუწოდებს, კორონავირუსთან დაკავშირებით ინფორმაცია არ დამალოს. „ამერიკის შეერთებული შტატები შეშფოთებულია ინფორმაციით, რომ შესაძლოა ირანის რეჟიმი მნიშვნელოვან დეტალებს მალავდეს. ყველა ქვეყანამ, ირანის ჩათვლით უნდა გაავრცელოს ზუსტი ინფორმაცია კორონავირუსთან დაკავშირებით და ითანამშრომლოს საერთაშორისო ორგანიზაციებთან“ ,- განაცხადა აშშ-ის სახელმწიფო მდივანმა მაიკ პომპეომ. ოფიციალური მონაცემებით, ირანში კორონავირუსით 16 ადამიანია გარდაცვლილი.

“აზერბაიჯანში 23 ადამიანი, კორონავირუსზე არსებული ეჭვის საფუძველზე, კარანტინში მოათავსეს”, – ამის შესახებ აზერბაიჯანის ჯანდაცვის სამინისტროსა და აუცილებელი სამედიცინო დაზღვევის სააგენტოს ერთობლივ განცხადებაში ვკითხულობთ. როგორც განცხადებაშია ნათქვამი, კარანტინში მოთავსებული ადამიანები ირანში იმ ტერიტორიებზე იმყოფებოდნენ, სადაც კორონავირუსია გავრცელებული. “პირველადი შემოწმების შედეგად, ორ მათგანს მაღალი სიცხე აღენიშნებოდა. მათი ჯანმრთელობის მდგომარეობა ნორმალურია. კარანტინის ბოლომდე ექიმები დააკვირდებიან“, – ნათქვამია განცხადებაში. აზერბაიჯანის ჯანდაცვის სამინისტრო მოქალაქეებს მოუწოდებს, დელიკატურად მიუდგნენ პრობლემას და ნუ დაეყრდნობიან სოციალურ ქსელებში აჟიოტაჟის შესაქმნელად გავრცელებულ ინფორმაციებს.

ჯანდაცვის მსოფლიო ორგანიზაცია ყველა ქვეყანას კორონავირუსის წინააღმდეგ მზადყოფნის გააძლიერებისკენ მოუწოდებს. “ახლა ვხედავთ მოვლენების იმ სცენარით განვითარებას, რაზეც რამდენიმე კვირის განმავლობაში ვსაუბრობდით. ვაფრთხილებდით ყველას, ქვეყნები უნდა იყვნენ მზად, რომ ვირუსი მათ კარზე დააკაკუნებს. სამედიცინო პერსონალი უნდა იყოს მზად, უნდა ჰქონდეს გავლილი ტრეინინგი და მოსახლეობის დასაცავად ზომები უნდა იყოს მიღებული“, – განაცხადა ჯანდაცვის მსოფლიო ორგანიზაციის პრესსპიკერმა. კრისტიან ლინდმეიერის თქმით, ბევრ სახელმწიფოს პანდემიის შემთხვევაში, სამოქმედო გეგმა უკვე შემუშავებული აქვს, ნაწილი კი, მოვლენების განვითარების მიხედვით მოქმედებს.

ახალი კორონავირუსი (COVID-19) მსოფლიოს ყოველდღიურად მეტ საფრთხეს უქმნის, დაღუპულთა რიცხვმა უკვე 2 698-ს მიაღწია. საქართველოს დაავადებათა კონტროლის ეროვნული ცენტრი რეკომენდაციებს აქვეყნებს, რომელთა გათვალისწინებაც დაავადების პრევენციისთვის აუცილებელია: ხელები ხშირად დაიბანეთ საპნითა და წყლით ან სპირტის შემცველი ხსნარით, რადგან ის ანადგურებს ხელების ზედაპირზე არსებულ ვირუსებს. ხველისა და ცემინებისას აიფარეთ პირსა და ცხვირზე ერთჯერადი ცხვირსახოცი, ან მოხრილი იდაყვი. ცხვირსახოცი გამოყენებისთანავე დახურულ ურნაში გადააგდეთ და დაიბანეთ ხელები საპნითა და წყლით, ან სპირტის შემცველი ხსნარით. ხველისა და ცემინების დროს პირსა და ცხვირზე ერთჯერადი ცხვირსახოცის ან მოხრილი იდაყვის აფარებით თქვენ ხელს უშლით ვირუსებისა და მიკრობების გავრცელებას. ხველისა და…

ბრიტანული მედიის ინფორმაციით, უხანში 17 დღის ბავშვი, რომელსაც კორონავირუსი დაბადებისას დაუდგინდა, მკურნალობის გარეშე სრულად გამოჯანმრთელდა. პატარა პაციენტი უხანის ბავშვთა სამედიცინო დაწესებულებაში დაბადებიდან მალევე გადაიყვანეს. რადგანაც ახალშობილის დაავადება მსუბუქად მიმდინარეობდა, ექიმებმა გადაწყვიტეს, არ ჩაერიათ ანტიბიოტიკი და საშუალება მიეცათ პაციენტისთვის, ვირუსს თავად გამკლავებოდა.  ახალშობილი ჩინეთში ვირუსისგან გამოჯანმრთელებული ყველაზე პატარა პაციენტია. გოგონა საავადმყოფოდან უკვე გაწერეს.