დღე: თებერვალი 21, 2020

“ლეიბორისტული პარტიის” ოფისში ოპოზიციური პარტიების შეხვედრა დასრულდა. ოპოზიციონერები ხელისუფლებასთან დიალოგის ფორმატში დაბრუნებას არ აპირებენ, თუმცა, მათი გადაწყვეტილებით, დიპლომატებს შეხვდებიან და მათი მეშვეობით გაიგებენ, რას აპირებს ხელისუფლება. “იმ შემოთავაზებას, რაზეც ბოლოს იყო საუბარი, არავინ დაეთანხმება, ამიტომ გაგრძელდება შეხვედრა საერთაშორისო პარტნიორებთან, ვინც ამ მოლაპარაკებაში ჩართულია. მათ ექნებათ ჩვენი ერთიანი პოზიცია და მათი საშუალებით მოხდება საბოლოოდ გარკვევა, არის თუ არა ხელისუფლება მზად რაიმესთვის და გავიგებთ,”- განაცხადა პარლამენტის დამოუკიდებელმა დეპუტატმა ეკა ბესელიამ. პარლამენტის ფრაქცია ”ნაციონალური მოძრაობის” მდივანის, თინა ბოკუჩავას განცხადებით, შემოთავაზების მთავარი პრინციპი პროპორციულობა უნდა იყოს.  “კატეგორიულად მიუღებელია 100/50, რომელსაც ხელისუფლება ვითომ გვთავაზობს, იმიტომ, რომ…

დედაქალაქის მერი კახა კალაძე აცხადებს, რომ ლევან იზორიას გერმანიაში ელჩად დანიშვნას მისი ძმის საქციელთან კავშირი არ აქვს. “რაც შეეხება ლევან იზორიას ელჩად დანიშვნას, ამას მისი ძმის საქციელთან კავშირი არ აქვს. მისი ძმის საქციელი არ იყო ლამაზი და მისაღები, თუმცა ასევე უნდა ვთქვათ ის პრობლემები, რომელიც იზორიას ძმას აქვს. ამიტომ, არ მინდა ამ თემას ბოლომდე შევყვე და განმარტებები გავაკეთო. ვფიქრობ, საზოგადოებამ ყველაფერი კარგად იცის“, – განაცხადა კახა კალაძემ. საქართველოს საგარეო საქმეთა სამინისტრომ გუშინ გაავრცელა ინფორმაცია, რომ გერმანიაში საქართველოს ელჩად ლევან იზორია დაინიშნა.

“ლევან იზორია იყო ძალიან წარმატებული თავდაცვის მინისტრი, საგარეო დაზვერვის სამსახურის ხელმძღვანელი, ეს ისეთი ელჩია, რომელიც გერმანიაში გვჭირდება”, – ამის შესახებ საქართველოს პრემიერ-მინისტრმა, გიორგი გახარიამ ლევან იზორიას გერმანიის ელჩად დანიშვნასთან დაკავშირებით, ჟურნალისტებს განუცხადა. მთავრობის მეთაურის თქმით, ლევან იზორიას განათლება გერმანიაში აქვს მიღებული და ის მაღალი კლასის პროფესიონალია. „ლევან იზორია არის მაღალი კლასის პროფესიონალი. ჩვენ როდესაც კონკრეტულ თანამდებობაზე ვსაუბრობთ, მორალური თვალსაზრისით ნათესავების ქმედებებიდან გამომდინარე ხომ არ ვნიშნავთ ადამიანებს. ადამიანებს ვნიშნავთ იმ პროფესიული ნიშნით, რომელიც მას გააჩნია. ლევან იზორია არის გერმანიაში ნასწავლი, განათლებამიღებული, როგორც მე ვიცი, სამეცნიერო ხარისხი დაცული და არის მაღალი კლასის…

ყველა ის შემთხვევა, როდესაც ფიქსირდება სამართლებრივად დანაშაული, არანაირი მნიშვნელობა არ უნდა ჰქონდეს, ვინ რომელი პარტიული ძალის წარმომადგენელია. პოლიციამ უნდა იმოქმედოს, იმოქმედებს და დარწმუნებული ვარ, რომ მოქმედებს,  – ამის შესახებ საქართველოს პრემიერ-მინისტრმა გიორგი გახარიამ ჟურნალისტის კითხვის საპასუხოდ განაცხადა, რომელიც ბოლო დღეების განმავლობაში „ევროპული საქართველოს“ ოფისთან ახალგაზრდების მიერ გამართულ აქცია ეხებოდა. მთავრობის მეთაურმა ხაზი გაუსვა, რომ ეს არის გამოძიების საქმე და ჟურნალისტებს მოუწოდა,  კითხვის დასმის დროს, პოლიტიკური შეფასებები არ გააკეთონ. „თქვენ კითხვას სვამთ და ამ კითხვას პასუხობთ, ორგანიზებული ხელისუფლების მიერ. ჩემს საცხოვრებელ სახლთანაც მომხდარა ხშირად მსგავსი შემოჭრები, საცხოვრებელ სივრცეში, ჩემი მშობლების, მოხუცებული…

საქართველოს პრემიერ-მინისტრი, გიორგი გახარია ქუთაისში არსებული, პარლამენტის შენობის გაყიდვასთან დაკავშირებით გავრცელებულ ინფორმაციას ადასტურებს. პრემიერი თვლის, რომ შენობა, ქალაქისთვის გაცილებით გაცილებით მნიშვნელოვან ფუნქციას შეიძენს. „ქუთაისის პარლამენტის შენობის გაყიდვას ვაპირებთ. ეს პროცესი ეკონომიკის სამინისტრომ დაიწყო. ქუთაისი სულ მალე იქნება უზარმაზარი საგანმანათლებლო ცენტრი, რომლის მნიშვნელობაც ქალაქისთვის ბევრად უფრო მეტი იქნება, ვიდრე პარლამენტი. გარდა ამისა, პარლამენტის არსებულ შენობას ექნება თავისი დატვირთვა. მან უნდა შეიძინოს ახალი, ეკონომიკურად უფრო მიმზიდველი დატვირთვა. ქუთაისის მომავალი რა შეიძლება და რა უნდა იყოს? განათლება, მედიცინა, ლოგისტიკა და კიდევ ბევრი რამ და არა მხოლოდ და მხოლოდ პარლამენტი“, – განაცხადა გახარიამ. უმრავლესობის…

ბევრი კონკრეტული ადამიანი არსებობს, ვისაც პირადად ვანო მერაბიშვილის მითითებით დევნიდნენ”- ამის შესახებ “მედიაცენტრ მთავარის” პრესკლუბში გამართულ პრესკონფერენციაზეპოლიტიკოსმა, სოფიო ხორგუანმა განაცხადა. ხორგუანი იმ პერიოდს იხსენებს, როდესაც სახელმწიფო მისთვის, “ყრუ კედელი” და “მოძალადე” იყო. “გალელი ექიმი ბიჭი მხოლოდ იმიტომ აწამეს, რომ არ დათანხმდა ყოფილიყო ცრუ მოწმე, ასევე ერთი ახალგაზრდა ბიჭი, რომელმაც ხონის კოლონიაში მოიხადა სამი წელი, მის მიერ არჩადენილი დანაშაულის გამო, ეს იცოდა კოლონიის ხელმძღვანელობამ, მისი საქმე არ წასულა ევროპის სასამართლოში, რადგან დაემუქრნენ სიკვდილით. ძალიან ბევრი ასეთი საქმე შემიძლია გავიხსენო”-განაცხადა სოფიო ხორგუანმა. პოლიტიკოსი თვლის, რომ აღნიშნული ადამიანები დღეს კონკრეტულ საქმეზე არ საუბრობენ მხოლოდ იმიტომ, რომ მორალურად, რთულია…

აგვისტოს ომის დროს ნაომარმა ქვეყანამ მიიღო საერთაშორისო დახმარებები ფინანსური თვალსაზრისით, მერაბიშვილთან დაახლოებული პირების მეშვეობით ეს თანხები გათეთრდა და მიითვისეს, ამ ყველაფერში პირდაპირ მონაწილეობდნენ ვანო მერაბიშვილთან დაახლოებული პირები,ეს ყველაფერი მისი პირადი კონტროლის ქვეშ ხდებოდა”- განაცხადა სოფიო ხორგუანმა. ხორგუანი პოლიტიკური დევნის შემთხვევებსაც იხსენებს. მისი ინფორმაციით მერაბიშვილის პირდაპირი მითითებით ხორციელდებოდა ოპოზიციონერების დევნა. “მერაბ ქათამაძე, რომელიც იყო წიგნის ფესტივალის დამფუძნებელი ჩაუდეს იარაღი და დააპატიმრეს, მხოლოდ იმიტომ, რომ ის იყო ოპოზიციური პარტიის წევრი, ასევე ძმები გუდაძეები გორში, რომლებიც მხოლოდ, იმიტომ, რომ ოპოზიციური პარტიის წევრები იყვნენ გამოაცხადეს კრიმინალებად, ძმები ტერაშვილები კი ტერორისტებად შერაცხეს. ლევან ტერაშვილის სახლიდან კი…

სოფო ქაცარავა, რომელმაც დეპუტატის მანდატი ნოემბერში პროპორციული საარჩევნო სისტემის ჩავარდნის შემდეგ დატოვა, დიდი ბრიტანეთის გაერთიანებულ სამეფოში საქართველოს საგანგებო და სრულუფლებიანი ელჩი გახდა, – ამის შესახებ ინფორმაციას საგარეო საქმეთა სამინისტრო ავრცელებს. შეგახსენებთ, რომ სოფო ქაცარავა არის იმ 12 დეპუტატს შორის, რომლებმაც უმრავლესობის რიგები პროპორციული საარჩევნო სისტემის კენჭისყრის ჩაგდების შემდეგ დატოვეს.  ამის შემდეგ ქაცარავას ხელისუფლების მიმართ კრიტიკული განცხადებები აღარ გაუკეთებია.  დღესვე ცნობილი გახდა, რომ გერმანიაში საქართველოს სრულუფლებიან ელჩად დაზვერვის სამსახურის ყოფილი უფროსი ლევან იზორია დაინიშნა, საბერძნეთში კი – საგარეო საქმეთა მინისტრის ყოფილი მოადგილე დავით დონდუა.