უკრაინის პრემიერ-მინისტრის დენის შმიგალის განცხადებით, უკრაინა მზად უნდა იყოს კრიტიკული ინფრასტრუქტურის წინააღმდეგ რუსული ტერორისტული აქტებისთვის.
„შვიდთვიანი სრულმასშტაბიანი ომის შემდეგ, ყველას ესმის, რომ საქმე გვაქვს ტერორისტულ ქვეყანასთან. ამიტომ, ჩვენ მზად უნდა ვიყოთ რუსული ტერორისტული თავდასხმებისთვის ჩვენს კრიტიკულ ინფრასტრუქტურაზე. ეს, პირველ რიგში, სარაკეტო თავდასხმებს ეხება, მაგრამ ეს არ არის მხოლოდ რისკი“, – განაცხადა შმიგალმა.
შმიგალის თქმით, არსებობს რუსეთის მხრიდან ელექტროენერგიის ინფრასტრუქტურაზე მასობრივი თავდასხმების საფრთხე.
„ამიტომ, პირველ რიგში, ვმუშაობთ კრიტიკული ობიექტების დაცვაზე. ვქმნით ენერგიის ალტერნატიული წყაროების რეზერვებს, ვიდრე სასწრაფო რემონტი გრძელდება. ასეთი რეზერვი უკვე ყალიბდება, ამისთვის ფული ჯერ კიდევ ზაფხულში გამოიყო. სახელმწიფო ყიდულობს – მობილური ქვაბის სახლები და გენერატორები, თანხების ნაწილს ჰუმანიტარული დახმარების სახით ვიღებთ ჩვენი პარტნიორებისგან“, – განაცხადა უკრაინის პრემიერმა.
