კატეგორია: ჯანდაცვა

დღეს თბილისის რესპუბლიკური საავადმყოფოს მედპერსონალი პრემიერმინისტრს, ირაკლი კობახიძეს შეხვდება. ექიმების ნაწილი დაწყებულ რეორგანიზაციასა და შენობის დემონტაჟის გადაწყვეტილებას უკვე ერთ თვეა აპროტესტებს. მათთვის ასევე მიუღებელია ის არგუმენტაცია, რომლითაც მედიკოსებისთვის კომპენსაციების გაცემა ხდება. პროტესტის მონაწილე ექიმების ნაწილი ამბობს, რომ შეუსაბამობაა სამთავრობო დებულებასა და რესპუბლიკურის მიერ მიღებული თუ გამოცემული ბრძანების შინაარსს შორის. ექიმებსა და პრემიერს შორის შეხვედრა 19:00 საათზე, მთავრობის ადმინისტრაციაში გაიმართება.

რესპუბლიკური საავადმყოფოს მედიკოსები პრემიერმინისტრ ირაკლი კობახიძესთან შეხვედრას ითხოვენ. მათ შესაბამისი წერილით მთავრობის ადმინისტრაციას უკვე მიმართეს, თუმცა, პასუხი ჯერჯერობით არ მიუღიათ. ექიმები არ გამორიცხავენ, რომ ხელისუფლების მხრიდან მათი მოთხოვნების იგნორირების შემთხვევაში პროტესტის უკიდურეს ფორმას მიმართონ და შიმშილობა დაიწყონ. რესპუბლიკურის თანამშრომლები ჯანდაცვის სამინისტროს განცხადებასაც პასუხობენ, რომლის მიხედვითაც 350-მდე პირმა საკომპენსაციო პაკეტი აირჩია და შესაბამისი შეთანხმებით დაადასტურა. “167 ექიმია რესპუბლიკურ საავადმყოფოში დასაქმებული. მათგან მხოლოდ ერთეულებმა დაწერეს განცხადება კონტრაქტის შეწყვეტის შესახებ. გუშინ გავრცელდა ტელევიზიით ერთი თანამშრომლის ინტერვიუც, რომელიც დააკმაყოფილეს სამსახურით და კომპენსაციით. აღმოჩნდა, რომ ეს ადამიანი არის დეკრეტულ შვებულებაში და ბოლო 3 წლის განმავლობაში…

ჯანდაცვის სამინისტრო რესპუბლიკური საავადმყოფოს ექიმების პროტესტთან დაკავშირებით განცხადებას ავრცელებს და ამბობს, რომ თანამშრომელთა გარკვეული ჯგუფი, სამწუხაროდ, უარს აცხადებს ნებისმიერი სახის კონსულტაციებსა, თუ შეხვედრაზე. ,,რესპუბლიკური საავადმყოფოს თანამშრომლებთან კონსულტაციები გრძელდება. საზოგადოებისთვის ცნობილია, რომ რესპუბლიკურ საავადმყოფოში, ჯანდაცვის სამინისტროს წარმომადგენლებსა და კლინიკის თანამშრომლებს შორის, შეხვედრები, ყოველდღიურ რეჟიმში იმართება. თუმცა, თანამშრომელთა გარკვეული ჯგუფი, სამწუხაროდ, უარს აცხადებს ნებისმიერი სახის კონსულტაციებსა, თუ შეხვედრაზე. საზოგადოების ინფორმირებისთვის განვმარტავთ, რომ რესპუბლიკური საავადმყოფოს თანამშრომლებზე კომპენსაციების გაცემა გრძელდება. კლინიკის 350-მდე სამედიცინო პერსონალმა და ადმინისტრაციის თანამშრომელმა, სამინისტროს მიერ შეთავაზებული საკომპენსაციო პაკეტი უკვე აირჩია და შესაბამისი შეთანხმებით დაადასტურა. სამედიცინო პერსონალის ნაწილი მუშაობას იმ კერძო სამედიცინო დაწესებულებაში…

ჯანდაცვის სამინისტროში ონკოპაციენტებისა და მათი უფლებადამცველების შეხვედრა დასრულდა. შეხვედრა სამინისტროს მიერ იყო ორგანიზებული, პაციენტებს ჰქონდათ იმედი, რომ მინისტრს ან მის მოადგილეს შეხვდებოდნენ, თუმცა შეხვედრა ჯანმრთელობის ეროვნული სააგენტოს წარმომადგენელმა გამართა. შეხვედრაზე ისაუბრეს, თუ რა გააკეთა უწყებამ ამ წლების განმავლობაში. ვერ დასახელდა თარიღი, როდის შემოვა ქვეყანაში კონკრეტული მედიკამენტები, ასევე, დაფინანსდება თუ არა დამატებით სერვისები. ონკოპაციენტები და მათი ოჯახის წევრები ითხოვენ, გაუქმდეს ონკოპაციენტებისთვის დაწესებული 25 000-ლარიანი ლიმიტი. შეხვედრის კიდევ ერთი დამსწრე ამბობს, რომ ვერ მიიღეს კითხვებზე კონკრეტული პასუხები “ჩვენ არ გვაქვს მოლოდინის რეჟიმისთვის დრო, ამ ადამიანების სიცოცხლისთვის ერთი დღეც კი გადამწყვეტია, ამიტომ ჩვენ ვაგრძელებთ…

15 თებერვალი ბავშვთა ონკოლოგიური დაავადებების საერთაშორისო დღეა. 2023 წელს, სახელმწიფომ, ონკოლოგიური დიაგნოზის მქონე ბავშვების სამკურნალოდ უპრეცედენტო პროგრამა დაიწყო – ყველა ბენეფიციარს, მკურნალობა, როგორც საქართველოში, ისე – ესპანეთის, ისრაელისა და თურქეთის წამყვან, მაღალტექნოლოგიურ სამედიცინო დაწესებულებებში სრულად უფინანსდება. ახლახან, პროგრამა გაფართოვდა 3 ახალი კლინიკა დაემატა – ბენეფიციარებს, მაღალი ხარისხის სამედიცინო მომსახურებას „აჯიბადემის ჰოსპიტალი“, „ლივ ჰოსპიტალი“ და „ჰოსპიტალი მემორიალი“ უკვე აწვდიან. ონკოლოგიური დიაგნოზის მქონე ბავშვების მკურნალობა უკვე 6 კლინიკაშია შესაძლებელი, მათ შორის ისრაელისა და ესპანეთის მაღალტექნოლოგიურ, მრავალპროფილურ სამედიცინო ცენტრებში. ჯანდაცვის სამინისტრო, აქტიურად მუშაობს ევროპის სხვა წამყვან სამედიცინო დაწესებულებებთანაც. ონკოლოგიური დიაგნოზის მქონე ბავშვების საზღვარგარეთ…

ჯანდაცვის სამინისტრო ონკოლოგიური დიაგნოზის მქონე პაციენტების საჭიროებების შესახებ განცხადებას ავრცელებს, რომელშიც ვკითხულობთ, რომ უწყება მათთან შეხვედრებს გეგმავს: „ონკოლოგიური დიაგნოზის მქონე პაციენტების საჭიროებების დაკმაყოფილება და ხარისხიანი სერვისის ხელმისაწვდომობა ჯანდაცვის სამინისტროს ერთ-ერთი პრიორიტეტია. საყოველთაო ჯანდაცვის პროგრამის ფარგლებში, თითოეული ბენეფიციარისთვის, ონკოლოგიური დაავადებების მკურნალობა თანაბრად ხელმისაწვდომია, რისთვისაც უწყებამ, ბოლო წლების განმავლობაში, მნიშვნელოვანი რეფორმები განახორციელა. 2022 წლის ნოემბრიდან, ონკოლოგიური დიაგნოზის მქონე პაციენტების მკურნალობისა (ჰორმონოთერაპია, ქიმიოთერაპია, სხივური თერაპია) და მედიკამენტების წლიური ლიმიტი, ყველა ბენეფიციარისთვის, 25 000 ლარამდე გაიზარდა, პაციენტის თანაგადახდის გარეშე. გასული წლიდან, საქართველოს ყველა მოქალაქისთვის ფინანსდება ქიმიო, ჰორმონო და სხივური თერაპიის, ასევე, ონკოქირურგიის სერვისები. აღსანიშნავია,…

რესპუბლიკური საავადმყოფოსთან ექიმები აქციას მართავენ. მათ ხელი მოაწერეს ერთობლივ წერილს, რომელსაც ახალ პრემიერს, ირაკლი კობახიძეს გაუგზავნიან. შეგახსენებთ, მედიკოსების მოთხოვნაა გაუქმდეს კლინიკის დემონტაჟის გადაწყვეტილება და შემდგომში მისაღები გადაწყვეტილებები მთავრობამ უშუალოდ კლინიკის მედპერსონალის ჩართულობით განიხილოს. „ღია წერილით მივმართავთ ახალ პრემიერმინისტრს, ირაკლი კობახიძეს და ამ ღია წერილს ხელს მოაწერს აქციაზე მყოფი ადამიანების უმრავლესობა და ხვალ გავუგზავნით ბატონ ირაკლის. გაეცნოს დაწვრილებით ჩვენს პრობლემას, მითუმეტეს მან განაცხადა, რომ ჩართულია რესპუბლიკური საავადმყოფოს პრობლემის გადაწყვეტაში და შევახსენოთ ის მდგომარეობა, რა მდგომარეობაც რესპუბლიკურ საავადმყოფოშია და გადავცეთ ჩვენი მოთხოვნა, რომ ნაჩქარები და დაჩქარებული სამთავრობო ბრძანება შეჩერდეს და გაუქმდეს,” –…

  ჯანდაცვის მინისტრმა პარლამენტში ონკოპაციენტებზე ისაუბრა და აღნიშნა რომ მათი ადეული კვლევები სახელმწიფოს მიერ დაფინანსდება. „განსაკუთრებული ყურადღება ეთმობა ონკოლოგიური დიაგნოზის მქონე მოქალაქეების საჭიროებების გათვალისწინებას. გასული წლიდან, საქართველოს ყველა მოქალაქისთვის ფინანსდება ქიმიო, ჰორმონო და სხივური თერაპიის, ასევე ონკოქირურგიის სერვისები. უახლოეს პერიოდში,  ონკოლოგიური დაავადებების მქონე პაციენტებს, ადრეულ კვლევებიც დაუფინანსებს“ – აღნიშნა მინისტრმა. მისვე შეფასებით, მნიშვნელოვანი სიახლეები იქნება ბავშვთა ონკოლოგიის მიმართულებით. „2023 წელს დაწყებული ონკოლოგიური დიაგნოზის მქონე ბავშვების საზღვარგარეთ მკურნალობის პროგრამა, რომლის ფარგლებში ბავშვებისთვის ხარისხიანი და მაღალტექნოლოგიური მომსახურებები იფარება ესპანეთის, ისრაელისა და თურქეთის პარტნიორ 6 კლინიკაში. პროგრამის ამოქმედებიდან დღემდე, პროგრამით ისარგებლა ან მომსახურების პროცესშია,…

პარლამენტთან ონკოლოგიური დაავადებების მქონე პაციენტები და მათი ოჯახის წევრები საპროტესტო აქციას მართავენ. ისინი ითხოვენ, რომ ხელისუფლებამ მათთვის მკურნალობის პროგრამა დააფინანსოს. „ჩვენ ვდგავართ სიცოცხლის სადარაჯოზე” – სკანდირებენ აქციის მონაწილეები.

ინფექციონისტი მაია ბუწაშვილი მედიკამენტებთან დაკავშირებულ მარკეტინგულ ხრიკებზე საუბრობს და ამბობს, რომ იმუნიტეტის გამაძლიერებელი პრეპარატები რეალური არ არის. “პაციენტები ხშირად ითხოვენ, რომ დავუნიშნოთ „იმუნიტეტის გასაძლიერებელი წამლები“. რადგანაც ეს მოთხოვნა არსებობს, შესაბამისად, ამ ტიპის „წამლებიც“ მრავლად არის წარმოდგენილი ჩვენს ფარმაცევტულ ბაზარზე, ხშირად რუსული წარმოების პრეპარატების სახით. სინამდვილეში „იმუნიტეტის გასაძლიერებელი მედიკამენტები“ (იმუნოსტიმულატორები, იმუნომოდულატორები) ძალიან მწირად გაგვაჩნია. ის წამლები, რომლებსაც მიმზიდველად აწერია, რომ აძლიერებენ იმუნურ სისტემას, ხშირად მარკეტინგული ხრიკია, რადგან ადამიანებს ძალიან უყვართ საკუთარ იმუნიტეტზე ზრუნვა. ოღონდ ურჩევნიათ ეს მარტივად, წამლის დალევით მოხდეს და არა რეალურად, ანუ ცხოვრების ჯანსაღი წესის დაცვით, რაც სინამდვილეში ჩვენი…

რესპუბლიკური საავადმყოფოს თანამშრომელთა ნაწილმა საქალაქო სასამართლოში სარჩელი შეიტანა. სარჩელს თან ერთვის საბუთი, რომელსაც კლინიკის 200-მდე თანამშრომელი აწერს ხელს. „შემოვიტანეთ სარჩელი და ვასაჩივრებთ იმას, რასაც ვასაჩივრებდით ბოლო დღეების განმავლობაში. რესპუბლიკური საავადმყოფოს დემონტაჟის შესახებ მთავრობამ სრულიად უსაფუძვლო და სამარცხვინო გადაწყვეტილება მიიღო. ჩვენ გვაქვს თანამშრომლების მიერ ხელმოწერილი საბუთი, რომელიც ერთვის სარჩელს. დაახლოებით 200 თანამშრომელი აწერს ხელს. ჩემი აზრით, პროცესი უკავშირდება ბიზნესინტერესს, რომელიც რესპუბლიკური საავადმყოფოს ტერიტორიასთან დაკავშირებით არსებობს. ეს გახდა საფუძველი უსაფუძვლო გადაწყვეტილების მიღების. მივმართეთ სამართლებრივ ფორმას, მაგრამ არ გამოვრიცხავ პროტესტის რადიკალურ ფორმებსაც, მათ შორის ქუჩის აქციებს, მიტინგს, შიმშილობას. ეს არის ჩვენი მკაფიო რეაქცია…

“მედიაცენტრ მთავარში” „ექიმთა უფლებების დაცვის ასოციაციიის“ ხელმძღვანელის  – სალომე ლოლუას განცხადებას ჯანდაცვის სამინისტრო ეხმიანება. როგორც სამინისტროში განმარტავენ, ოფთალმოლოგიურ ოპერაციებთან დაკავშირებით პრობლემები არ არსებობს. ჯანდაცვის უწყების ინფორმაციით, ფინანსდება შემდეგი დიაგნოზებისთვის საჭირო ქირურგიული ჩარევები: 1.პირველადი ღიაკუთხიანი გლაუკომა 2.სხვა გლაუკომა 3.ბადურის სხვა დაზუსტებული ავადმყოფობები 4.ბადურის გახლეჩები ჩამოცლის გარეშე 5.პირველადი დახურულკუთხიანი გლაუკომა 6.ავადმყოფობების შემდგომი მეორადი გლაუკომა 7.ბადურის ჩამოცლა ბადურის გახევით 8.ტრამვული კატარაქტა 9.ბადურის ტრაქციული ჩამოცლა 10.სხვა ბადურის ჩამოცლა 11.მინისებრი სხეული პროლაპსი 12.რქოვანას წყლული 13.ბადურის სისხლჩაქცევები 14.ჩირქოვანი ენდოფთალმიტი 15.ეჭვი გლაუკომაზე 16.პოსტტრავმული მეორადი გლაუკომა საყურადღებოა, რომ შესაბამისი კატეგორიის ბენეფიციარებს, მთელი წლის განმავლობაში, სრულად დაუფინანსდებათ გლაუკომის სამკურნალო…

,,სავარაუდოდ, დაიწყება თანხის ხელზე აღება, რაც ვერ გაკონტროლდება”. ამის შესახებ „ექიმთა უფლებების დაცვის ასოციაციის” თავმჯდომარემ, სალომე ლოლუამ „მედიაცენტრ მთავარში” განაცხადა. კერძოდ, მან იმ პრობლემებზე ისაუბრა, რომელიც სამშობიარო სახლებს „დიარჯი“ სისტემამ შეუქმნა. როგორც მან აღნიშნა, სამედიცინო პერსონალი გარუკვეველ მდგომარეობაშია, იღებენ პაციენტს და სამედიცინო მომსახურებას უწევენ უფასოდ, ან ძალიან დაბალი ანაზღაურებით. „შემიძლია ვივარაუდო, რომ მალე დაიწყება ხელზე თანხების აღება, რაც ვერ გაკონტროლდება. მაგრამ, ასეთი ექიმების მიმართ სისხლის სამართლის პასუხისმგებლობის საქმე აღიძრება. დარწმუნებული ვარ, ჯანდვის სამინისტრო ასეთ ექიმებს სათანადოდ დასჯის“, – აღნიშნა სალომე ლოლუამ „მედიაცენტრ მთავარში“. მისი თქმით, გამოსავალი მდგომარეობს იმაში, რომ პირველ…

,,უწყება მზად არის რესპუბლიკური საავადმყოფოს პერსონალთან შეხვედრები გააგრძელოს”. ამის შესახებ ინფორმაციას ჯანდაცვის სამინისტრო ავრცელებს. „ჯანდაცვის სამინისტრო მზად არის კლინიკასთან და მის თანამშრომლებთან დაკავშირებით, ამომწურავი და დეტალური ინფორმაციის მიწოდების მიზნით, გააგრძელოს შეხვედრები რესპუბლიკური საავადმყოფოს პერსონალთან. შესაბამისად, რესპუბლიკურ საავადმყოფოში, „სამედიცინო ჰოლდინგის“ ხელმძღვანელობასა და ჯანდაცვის სამინისტროს სპეციალურ სამუშაო ჯგუფთან, 5 თებერვლამდე, ყოველდღიურად, 18:00-დან 19:00 საათამდე, იმართება შეხვედრები. შეხვედრებზე კლინიკასთან და მის თანამშრომლებთან დაკავშირებით, პერსონალს ყველა საკითხის დეტალურად განხილვის შესაძლებლობა აქვს“, – აღნიშნულია განცხადებაში. რესპუბლიკური საავადმყოფოს თანამშრომლებისთვის კომპენსაციებთან დაკავშირებით შეთავაზების პროცესი ოფიციალურად დაიწყო. „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის“ ბაზაზე, ახალი მრავალპროფილური, მაღალტექნოლოგიური…

ინფექციური საავადმყოფოს დირექტორის, თენგიზ ცერცვაძის განცხადებით, გრიპით გარდაცვლილი სამი პირიდან, ორი დასავლეთ საქართველოში გარდაიცვალა. მისივე თქმით,  გარდაცვლილებს ქრონიკული დაავადებები ჰქონდათ. ,,3 გრიპის ვირუსით გარდაცვლილი პირიდან, ორი დასავლეთ საქართველოში გარდაიცვალა, მესამეზე არ მაქვს ცნობები. დაახლოებით 50-60 წელს ასაკს შორის იყვნენ, მაგრამ რისკ ჯგუფს შეადგენდნენ, ქრონიკული დაავადებები ჰქონდათ. საქართველოში არის ყველაზე ნაკლები რიცხვი გარდაცვალების სხვა ქვეყნებთან შედარებით კოვიდიდაც, გრიპითაც და სხვა რესპირაციული ინფექციებით არცერთი გარდაცვალება არ გვქონია. ვაქცინაციით არ ვარ კმაყოფილი, იმიტომ, რომ გაცილებით მეტი რესურსი იყო , საერთოდ საქართველოს მოქალაქეები სკეპტიკურად არიან განწყობილნი ვაქცინაციის მიმართ. იგივე იყო კოვიდის დროს და იგივეა…

რესპუბლიკური საავადმყოფოს მედპერსონალი ჯანდაცვლის სამინისტროსთან აქციას მართავენ. ექიმების მთავარი მოთხოვნა უცვლელი რჩება. აქციაზე შეკრებილები რესპუბლიკური საავადმყოფოს შენობის დემონტაჟის დაუყოვნებლივ შეჩერებას ითხოვენ. მათი განცხადებით, მინისტრთან შეხვედრას არ აპირებენ. ,,ამ ეტაპზე არ ვაპირებთ ( მინისტრთან შეხვედრას), იმიტომ, რომ ჩვენი ძირითადი მოთხოვნა დღეს არის რესპუბლიკურის ნგრევის გადაწყვეტილების შეჩერება ან გაუქმება და მხოლოდ ამ გადაწყვეტილების მიღების შემდეგ ჩვენ ვიფიქრებთ მინისტრთან ან სხვა ოფიციალურ პირებთან შეხვედრაზე. ანუ ჩვენი ძირითადი მოთხოვნა რჩება უცვლელი: გაუქმდეს რესპუბლიკური საავადმყოფოს სრულიად უსაფუძვლო, სამარცხვინო, ნგრევის გადაწყვეტილება,” – აცხადებს მაია სულაქველიძე. ზურაბ აზარაშვილი მზადყოფნას გამოთქვამს, რესპუბლიკური საავადმყოფოს თანამშრომლებს შეხვდეს და მათ კითხვებს…

დღეს, 15:00 საათზე ექიმები რესპუბლიკური საავადმყოფოს დანგრევის გადაწყვეტილებას, ჯანდაცვის სამინისტროსთან გააპროტესტებენ. ცნობილია, რომ აქციის პარალელურად ჯანდაცვის მინისტრმა მედიკოსებთან შეხვედრა დაგეგმა. ექიმები ამბობენ, რომ მინისტრს არ შეხვდებიან, რადგან მათთვის პირველ რიგში მნიშვნელოვანია, გაუქმდეს რესპუბლიკური საავადმყოფოს დანგრევის გადაწყვეტილება. „ეს არის გამაფრთხილებელი აქცია, იმიტომ, რომ შემდეგი აქცია გაიმართება კანცელარიასთან, იმიტომ, რომ მთავრობის გადაწყვეტილებაა ეს და მთავრობამ უნდა გამოასწოროს თავისი შეცდომა. 15:00 საათზე მინისტრთან შეხვედრა გამორიცხულია. საერთოდ რატომ შემოგვთავაზა, როცა იცოდა, რომ აქცია იყო 3 საათზე. მე არ მინდა მკვეთრი სიტყვა ვთქვა. შეხვედრაზე არასდროს უარს არ ვამბობთ, მაგრამ შეხვედრას უნდა ჰქონდეს აზრი. მინისტრთან შეხვედრას დავთანხმდებით იმ…

რესპუბლიკური საავადმყოფოს მედიკოსები პროტესტს უწყვეტ რეჟიმში განაგრძობენ. მედიკოსების მთავარი მოთხოვნა ჯანდაცვის სამინისტროს მიერ მიღებული გადაწყვეტილების შეცვლაა, ამიტომ ისინი ზურაბ აზარაშვილთან შეხვედრას მოითხოვენ. ,,მეხის დაცემაა. არანაირ ლოგიკაში არ ჯდება ასეთი გადაწყვეტილება. ან ქრთამია აღებული, ან შეკვეთაა მიცემული, რომ აქ არ იყოს კლინიკა. პარასკევს ვაპირებთ, რომ მივიდეთ ჯანდაცვის სამინისტროსთან პროტესტის გამოსახატავად. ვითხოვთ, ჯანდაცვის მინისტრთან შეხვედრას”, – აღნიშნა ერთ-ერთმა ექიმმა. მედიკოსების თქმით, მსოფლიოს ისტორიაში პირველი და უპრეცედენტო შემთხვევაა, როდესაც მთავრობა სახელმწიფო კლინიკას აპელაციის გარეშე ხურავს. ,,ტენდერს დაჩქარებულ რეჟიმში ვატარებთო, კომპანია შემოვა, რომელიც მოახდენს ამ კონსტრუქციის ჯერ გამაგრებას და მერე დემონტაჟს დაიწყებსო. ფასადის დემონტაჟზე…

,,რესპუბლიკური საავადმყოფოს თითოეული თანამშრომელი უზრუნველყოფილი იქნება დასაქმების ალტერნატიული შეთავაზებით, თუ ღირსეული კომპენსაციით”. ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს. ,,აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის ბაზაზე, ახალი მრავალპროფილური, მაღალტექნოლოგიური და თანამედროვე სტანდარტების შესაბამისი კლინიკა მოეწყობა, რომელიც ყველა ძირითად სამედიცინო მიმართულებას უზრუნველყოფს. უახლოეს მომავალში, დაიწყება შენობის ფასადის დემონტაჟი, რომელიც მწვავე ავარიულ მდგომარეობაშია. მნიშვნელოვანია, რომ კლინიკაში დასაქმებული სამედიცინო პერსონალის უფლებები იქნება სრულად დაცული. რესპუბლიკური საავადმყოფოს თითოეული თანამშრომელი უზრუნველყოფილი იქნება დასაქმების ალტერნატიული შეთავაზებით, თუ ღირსეული კომპენსაციით. შეთავაზებების პაკეტის მიხედვით, ნებისმიერი თანამშრომელი, რომელიც მხოლოდ რესპუბლიკურ საავადმყოფოშია დასაქმებული, კომპენსაციის სახით, ერთჯერადად, 12…