დღე: მაისი 7, 2023

არარეგისტრირებული ცხოველის ყოლის შემთხვევაში, ჯარიმის გადახდა მოგიწევთ. დაჯარიმდებით იმ შემთხვევაშიც, თუ შინაური ცხოველის გასეირნების წესს დაარღვევთ ან სახლში სათანადო პირობებს არ შეუქმნით. როგორც ცხოველთა მონიტორინგის სააგენტოს ხელმძღვანელმა  გიორგი კობიაშვილმა „მედიაცენტრ მთავარში“ განაცხადა, მონიტორინგის შედეგად, რომელიც პარკებსა და სკვერებში ტარდება, მოსახლეობის ინფორმირებულობის დონე მატულობს. „ჩვენი ქვეითი მონიტორინგის სამსახურის წარმომადგენლები გადაადგილდებიან სხვადასხვა სკვერში და ატარებენ მონიტორინგს. მონიტორინგი ეხება როგორც შინაური ცხოველის მოვლა პატრონობას, ისე, რეგისტრაცია -იდენთიფიკაციას, გასეირნების წესების დაცვას.   ბოლო პერიოდში, მონიტორინგის შედეგად გამოვლინდა რომ ყველა შინაური ცხოველი იყო რეგისტრირებული, რომელიც შეამოწმა ჩვენმა ეკიპაჟმა. მინდა გითხრათ, რომ მონიტორინგმა დადებითი ეფექტი გამოიღო მოსახლეობის…

თბილისში, წერეთლის გამზირის სარეაბილიტაციო სამუშაოებისას, დიდუბის პანთეონის მიმდებარედ, ისტორიული სამარხები აღმოაჩინეს.  პირველადი ინფორმაციით, ეს არის საფლავები, რომელიც  მე-19 საუკუნეს მიეკუთვნება. როგორც თბილისის მერიაში აცხადებენ, შესწავლის და გადაწყვეტილების მიღების პროცესში ჩართულები არიან საქართველოს კულტურული მემკვიდრეობის დაცვის ეროვნული სააგენტოს წარმომადგენლები და არქეოლოგები.  

სოციალურ ქსელში გავრცელებულ ვიდეომასალასთან დაკავშირებით, სადაც არასრულწლოვანს „მარშრუტკის“ მძღოლი სიტყვიერად და ფიზიკურად ავიწროებს, შსს-მ გამოძიება დაიწყო. საუბარია შესაძლო გარყვნილ ქმედებაზე. „მიმდინარე წლის პირველ მაისს, ვანის რაიონულ სამმართველოში მიღებული ოპერატიული ინფორმაციის საფუძველზე, არასრულწლოვნების მიმართ განხორციელებული შესაძლო გარყვნილი ქმედების ფაქტზე დაიწყო გამოძიება. გამოძიების ფარგლებში 1-ელ მაისსვე დაიწყო საგამოძიებო მოქმედებები, მათ შორის კანონიერი წარმომადგენლის – მშობლის თანდასწრებით გამოიკითხნენ არასრულწლოვნები. მომდევნო დღეებში ჩატარდა ასევე არაერთი საგამოძიებო მოქმედება, მათ შორის დამატებით გამოიკითხნენ საქმესთან შემხებლობაში მყოფი პირები, სკოლის მოსწავლეები, სკოლის პედაგოგები, საქმეზე გრძელდება გამოძიება, ტარდება ყველა საჭირო საპროცესო და საგამოძიებო მოქმედება. საქმეზე გამოძიება სსკ-141-ე მუხლის პირველი…

საქართველოს სახალხო დამცველი არასრულწლოვნის მიმართ  სექსუალური ხასიათის ქმედების ამსახველი ვიდეომასალის გავრცელებასთან დაკავშირებით განცხადებას ავრცელებს. ლევან იოსელიანი აცხადებს, რომ ომბუდსმენი აღნიშნულ საქმეს შეისწავლის „6 მაისს, სოციალურ მედიაში გავრცელდა არასრულწლოვანის მიმართ განხორციელებული, სავარაუდო სექსუალური ხასიათის ქმედების ამსახველი ვიდეოკადრები. ამ დროისათვის, სახალხო დამცველის ხელთ არსებული ინფორმაციით, საქმეზე დაწყებულია გამოძიება. სახალხო დამცველი მოუწოდებს საგამოძიებო ორგანოებს დროული და ეფექტიანი რეაგირებისკენ. ამავდროულად, აუცილებელია, ყველა იმ პირის იდენტიფიცირება ვისი მხრიდანაც განხორციელდა არასრულწლოვანის სავარაუდო უფლებადარღვევის ფაქტები. აღნიშნულის პარალელურად, მნიშვნელოვანია, იმ ბავშვის საჭიროებების შეფასება და შესაბამისი ფსიქო-სოციალური სერვისების მიწოდება ვის მიმართაც, სავარაუდოდ, ადგილი ჰქონდა აღნიშნულ ქმედებებს. ამასთან, მოვუწოდებთ ყველა…

გარემოს დაცვისა და სოფლის მეურნეობის სამინისტროს სსიპ ეროვნული სატყეო სააგენტოს რეგიონული სატყეო სამსახურების თანამშრომლებმა, მიმდინარე წლის აპრილის თვეში,  ქვეყნის მასშტაბით, ხე-ტყის უკანონო მოპოვებისა და ტრანსპორტირების 75 ფაქტი გამოავლინეს. ხე-ტყის უკანონოდ მოპოვების ფაქტებიდან, 20  დარღვევა გამოვლენილია კახეთის სატყეო სამსახურის თანამშრომლების მიერ, 2 – ქვემო ქართლის, 1 – მცხეთა-მთიანეთის, 15 – შიდა ქართლის, 19 – სამცხე-ჯავახეთის,  7 – იმერეთის,  9 – გურიის, ხოლო 2  სამართალდარღვევა გამოვლენილია სამეგრელო-ზემო სვანეთის სატყეო სამსახურის თანამშრომლების მიერ. სამართალდარღვევის მიმართ შეადგენილია შესაბამისი დოკუმენტაცია, ავტოსატრანსპორტო საშუალებები დალუქულია  და გადაყვანილია  სააგენტოს „საქმიან ეზოებში“. საქმის მასალები, შემდგომი რეაგირებისთვის, გადაიგზავნა შესაბამის უწყებებში.…