დღე: მაისი 4, 2020

“გარდიანის” ინფორმაციით, საფრანგეთის ერთ-ერთ საავადმყოფოში პნევმონიით მოთავსებული პაციენტების ძველი ნიმუშები ხელახლა გამოიკვლიეს, რითაც დადასტურდა, რომ საავადმყოფოში 27 დეკემბერს „კოვიდ-19“-ით ინფიცირებული პაციენტი მივიდა, რომელიც ახლა უკვე გამოჯანმრთელებულია. საფრანგეთში „კოვიდ-19“-ის პირველი ოფიციალური შემთხვევა თითქმის ერთი თვის შემდეგ გამოვლინდა. „ის 15 დღის განმავლობაში იყო ცუდად და თავისი ორი შვილიც დააინფიცირა, მაგრამ მისი ცოლი, რომელიც სუპერმარკეტში მუშაობს, არ დაავადებულა. ის გაოგნებული იყო და არ იცის, თუ როგორ დაინფიცირდა. მას გაწერის შემდეგ არ უმოგზაურია და მისი ერთდაერთი კონტაქტი მისი ცოლი იყო“, – აცხადებენ საავადმყოფოში. როგორც ადგილობრივი მედია იუწყება, ინფიცირებულის ცოლი ბევრ ჩინელ კოლეგასთან ერთად სუშის…

“დადებითი დინამიკა გვაქვს. ორი-სამი დღეა დაიწყო ჭამა. აქამდე მხოლოდ ხელოვნურად იკვებებოდა. ეს არის თავისთავად დიდი პროგრესი. ასევე აქტიურად ამოძრავებს კიდურებსაც”, – ამის შესახებ საქართველოს პირველი პრეზიდენტის შვილის ცოტნე გამსახურდიას მეუღლემ ანა ჯაბაურმა განაცხადა. მისი ინფორმაციით, ცოტნე გამსახურდია თურქეთში ერთ-ერთი კლინიკის სარეაბილიტაციო ცენტრში გადის მკურნალობას. „ჩვენ კლინიკიდან ცოტნეს გადაყვანა გვინდოდა ევროპის ნეირო-სარეაბილიტაციო ცენტრში. თუმცა კორონვირუსის გამო უარი გვითხრეს. როგორც კი ინფექცია გადაივლის ცოტნეს ევროპაში გადავიყვანთ. მოლაპარაკებას ვაწარმოებთ რამდენიმე კლინიკასთან“, – განაცხადა ანა ჯაბაურმა.

“ევროკავშირმა მსოფლიო მასშტაბით „კოვიდ-19“-ის საწინააღმდეგო ვაქცინის შემუშავებისა და დაავადების მკურნალობისთვის ერთი მილიარდი ევრო გამოყო”, – ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა. ცალკეული ქვეყნები ასევე გამოყოფენ ფინანსებს „კოვიდ-19“-ის ვაქცინისთვის. ნორვეგიის პრემიერ-მინისტრმა, ერნა სოლბერგმა განაცხადა, რომ ქვეყანა ერთ მილიარდ ევროს გამოყოფს, რათა ვაქცინის დისტრიბუცია მსოფლიოს ყველა ქვეყანაში მოხდეს. გერმანიის კანცლერმა ანგელა მერკელმა კი თქვა, რომ გერმანია 525 მილიონ ევროს გამოყოფს ვაქცინის შექმნის პროცესის დასაჩქარებლად და კორონავირუსის სამკურნალოდ. ამასთან, გაერო-ს გენერალური მდივანის, ანტონიო გუტიერეშის განცხადებით, ვაქცინის შექმნის შემთხვევევაში, ის ყველასთვის უნდა იყოს ხელმისაწვდომი.

“მსოფლიოში კორონავირუსის გავრცელების ფონზე 10 000-მდე ადამიანი საქართველოში უკვე დაბრუნდა”, – ამის შესახებ საგარეო საქმეთა სამინისტროს ოფიციალურმა წარმომადგენელმა, ვლადიმერ კონსტანტინიდმა განაცხადა. ვლადიმერ კონსტანტინიდის განმარტებით, საზღვარგარეთ ბევრ ადამიანს აღარ ჰქონდა საშუალება, რომ უბრალოდ, ბინის ქირა გადაეხადა. „შესაბამისად, ჩვენმა საელჩოებმა ადგილზე მოახერხეს მობილიზება და ამ ადამიანებს შესთავაზეს ალტერნატიული საცხოვრებელი ფართები. რა თქმა უნდა, ეს არის საკვები და წყალი, რაც ყველა ადამიანს სჭირდება და ჰუმანიტარული კრიზისების დროს უპირველესია. ეს არის სამედიცინო ხასიათის დახმარებები – მოქალაქეებს, ძირითადად საუბარია ევროპის ქვეყნებზე, ძალიან შეზღუდული აქვთ წვდომა სამედიცინო მომსახურებაზე, რაც შექმნილი ვითარების გამო საავადმყოფოების გადატვირთულობას უკავშირდება. ხშირია…

“ალბათ სჯობს, რომ ვაქცინა იყოს ძალიან კარგად გამოცდილი, კარგად გააზრებული, კვლევის ფარგლებში დიდ პოპულაციაზე დატესტილი და მხოლოდ ამის შემდგომ უნდა მოხდეს მისი გლობალური გამოყენება”, – ამის შესახებ იმუნოლოგ-ალერგოლოგმა ბიძინა კულუმბეგოვმა განაცხადა. „მაგრამ ეს თუ ისევ დარჩა იმ ჩარჩოებში რასაც ვუყურებთ რესპირაციული დაავადებების დროს, მე ვფიქრობ, რომ რაღაც თვალსაზრისით ის სექტემბერ-ოქტომბერში კიდევ მობრუნდეს, მაგრამ ის არ იქნება იმდენად დამაზიანებელი და რთული თუ ჩვენ მომზადებული შევხვდებით. ვაქცინას ბევრი ნიუანსი აქვს. ჩვენ  ფორსირებაზე, მაგრამ აჩქარება ვაქცინასთან მიმართებაში არ იქნება სწორი. თუ გადავხედავთ პრეისტორიულ მონაცემებს ვაქცინის შექმნის მცდელობა იყო მერსის დროს. ეს იყო კორონავირუსის წინა…