დღე: მაისი 19, 2020

პედიატრი, მედიცინის დოქტორი ინგა მამუჩიშვილი მშობლებს ურჩევს, ბავშვები თბილისიდან სოფელში, ან ახლო-მახლო აგარაკზე წაიყვანონ.  ამასთან, პედიატრი მშობლებს ბავშვების ზღვაზე დასასვენებლად წელს წაყვანას არ ურჩევს. „მე წელს ბავშვებს ზღვაზე დასვენებას არ ვურჩევ. არ ვურჩევ მშობლებს ბავშვების წყალში ჩაშვებას, რადგან რამდენიმე დღის წინ იყო ასეთი შემთხვევა, რომ დიზინტერიის სახით განვითარდა COVID19-ი იტალიაში ერთ ბავშვთან. გამოუვლინდა, მხოლოდ დიზინტერიის ნიშნები, დაესვა დიზინტერიის დიაგნოზი. ტესტირებისას სისხლში არ გამოჩნდა კორონავირუსი და და სწორედ განავალის ანალიზის ჩატარების შედეგად დაუდასტურდა მას ახალი COVID19-ი. აქედან გამომდინარე, ვთვლი, რომ ზღვაზე ბავშვების დასვენება ცოტა სარისკოა. თუ ჩვენ არ გვაქვს დამტკიცებული, რომ…

საქართველოში კორონავირუსის ხუთი ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდზე, stopcov.ge-ზე ცოტა ხნის წინ განახლდა. ვებგვერდის ინფორმაციით, ამ დროისთვის საქართველოში ახალი კორონავირუსის 707 შემთხვევაა დადასტურებული. გამოჯანმრთელებულთა რაოდენობა კი, 456-ს შეადგენს. ახალი კორონავირუსის შედეგად, ქვეყანაში 12 პაციენტი გარდაიცვალა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილის, პაატა იმნაძის განცხადებით, თუ მოსახლეობა ვირუსთან თანაცხოვრების წესებს დაიცავს, ზაფხულსა და შემოდგომაზე გართულებებს თავიდან ავიცილებთ. მისივე თქმით, როდესაც საზოგადოებრივი ტრანსპორტის მუშაობა აღდგება, მგზავრისთვის ნიღბის ტარება აუცილებელი იქნება. „საზოგადოებრივ ტრანსპორტში ძირითადი მოთხოვნა იქნება ნიღბის ტარება და სოციალური დისტანცირება, რაც სულაც არაა ადვილი, ამიტომ მიდის მუშაობა, თუ რა გზით შეიძლება მოვახერხოთ პრობლემის გადაჭრა. სამწუხაროდ, მთელი მსოფლიოს სამედიცინო საზოგადოების აზრია ასეთია, რომ როდესაც მომავალი წლის რესპირატორული სეზონი დაიწყება, ანუ როცა აცივდება, მოსალოდნელია, რომ ეს ვირუსი ისევ გააქტიურდეს. თუ ამ დროისთვის რამე ეფექტური სამკურნალო საშუალება…

ბოლნისში, სოფელ მუშევანში კორონავირუსი ხუთ პირს დაუდგინდა. მათი ინფიცირების წყარო ცნობილია და ისინი ამ დრომდე დადასტურებული შემთხვევების კონტაქტები არიან. ამ დასახლებაში 25 აპრილის შემდეგ მკაცრი საკარანტინო რეჟიმი მოქმედებს. ამ დროისთვის, ბოლნისში 156 დადასტურებული შემთხვევაა, მათგან 66 გამოჯანმრთელდა, სამი გარდაიცვალა.

საჩხერის სამედიცინო ცენტრში კოვიდ-19-ით ერთი პაციენტია მოთავსებული. ახალგაზრდა მამაკაცს საზღვარგარეთ მოგზაურობის ისტორია აქვს. კლინიკის დირექტორის მიხეილ ქამუშაძის ინფორმაციით, მისი ჯანმრთელობის მდგომარეობა დამაკმაყოფილებელია. პაციენტი კლინიკაში მეექვსე დღეა მკურნალობს. დაავადებათა კონტროლის იმერეთის სამმართველოს უფროსის გოჩა გიორგიძის თქმით, მამაკაცმა კოვიდ-19 რამდენიმე კვირის წინ დაამარცხა და თვითიზოლაციაში იმყოფებოდა. მას შემდეგ, რაც სიმპტომები ისევ გამოუვლინდა, მისი ბიოლოგიური ნიმუში კვლევისთვის გაიგზავნა და კვლავ დადებითი პასუხი მიიღეს.

“არ გვჭირდება საგანგებო მდგომარეობა და კომენდანტის საათი. ამიტომ ჩვენ მივმართეთ პარლამენტს, რომ ეს შეზღუდვები იყოს გონივრული, ეფექტური და იყოს კონკრეტულ მიზნებზე მიმართული”, – ამის შესახებ პრემიერ-მინისტრმა, გიორგი გახარიამ განაცხადა. „არ დაგავიწყდეთ, მეგობრებო, რომ ევროპის ბევრ ქვეყანაში საგანგებო მდგომარეობა ივლისის ბოლომდე, სექტემბრამდე გახანგრძლივდა. ჩვენ სხვებთან შედარებით COVID-19-ის რისკებს ვმართავთ ეფექტურად, რაც გვაძლევს საშუალებას, რომ ეკონომიკის ასამოქმედებლად გარკვეული ნაბიჯები გადავდგათ“, – განაცხადა გახარიამ. მისი თქმით, ჯერ ადრეა იმაზე საუბარი, რომ საქართველომ ან მსოფლიომ კორონავირუსი დაამარცხა და ეპიდემიოლოგიური მდგომარეობა, დღეს ჩვენგან მოითხოვს გარკვეული შეზღუდვების შენარჩუნებას.​ „შეცდომა არ უნდა დავუშვათ. ერთი რამ უნდა გვესმოდეს, რომ ჩვენი წარმატების ფასი იქნება…

“ეფექტური ვაქცინის შექმნას დიდი დრო იმიტომ სჭირდება, რომ ყველა ასპექტი გათვალისწინებული იყოს. ვაქცინა უნდა იყოს უსაფრთხო, სხვა გვერდით მოვლენას არ უნდა იწვევდეს, ამიტომაა, რომ მის შექმნას დიდი დრო სჭირდება”, – ამის შესახებ ინფექციური საავადმყოფოს ინფექციონისტმა, ალექსანდრე გოგინავამ განაცხადა. „როდესაც ვაქცინა შეიქმნება და მსოფლიო მის ეფექტურობას აღიარებს, ჩვენ უკვე შეგვეძლება ვთქვათ, რომ მას არ ექნება გვერდითი ეფექტები და გაკეთების შემდეგ, ის ადამიანს კორონავირუსისგან მინიმუმ 10 წელი დაიცავს. გამოუცდელი ვაქცინით ადამიანის აცრას არავინ დაიწყებს, ამიტომ როდესაც ვაქცინაცია დაიწყება, ეს იმას ნიშნავს, რომ ამ ვაქცინას ყველანაირი კვლევა გავლილი აქვს“, – აღნიშნა ინფექციონისტმა.