დღე: მარტი 11, 2020

„შემოაღწია კორონავირუსმა ჩვენთან, თუ თავიდან ხდებოდა ლოკალიზება დღეს უკვე გავრცელების საფრთხე გაიზარდა, რადგან შემოაღწიეს პირებმა ვინც დამალეს და დანაშაული ჩაიდინეს ქვეყნის წინაშე“- ამის შესახებ პარლამენტის წევრმა მირიან წიკლაურმა „მედიაცენტრ მთავარის“ პრესკლუბში გამართულ პრესკონფერენციაზე განცხადა. მირიან წიკლაური გაზრდილ რისკებზე საუბრობს და თვლის, რომ ადამიანებმა ვინც ინფექცია დამალეს დანაშაული ჩაიდინეს. მისვე აზრით შედეგების პროგნოზირება ამ ეტაპზე რთულია ვირუსის მაღალი გადადების უნარიანობიდან გამომდინარე. „საფრთხე რეალურია, გავრცელების რისკი გაიზარდა, უნდა დაისაჯოს, ვინც დანაშაული ჩაიდინა და ვირუსი გაავრცელა და უპასუხისმგებლოდ მოიქცა.  ღმერთმა იცის ეს რა შედეგებს მოგვიტანს, ვერ გეტყვით, რომ ეს ვირუსი სიკვდლიანობის მაღალი მაჩვენებლით…

“მქონდა კონსულტაცია განათლების მინისტრის მოადგილესთან და ეს დამოკიდებული იქნება ეპიდსიტუაციის განვითარებაზე ამ კვირის განმავლობაში. შესაბამისად, პრემიერ-მინისტრთან არსებული საბჭო მიიღებს გადაწყვეტილებას არდადეგების გახანგრძლივებასთან დაკავშირებით”, – ამის შესახებ დაავადებათა კონტროლის ცენტრის ხელმძღვანელმა  ამირან გამყრელიძემ სასწავლო პროცესის გადავადებასთან დაკავშირებით განაცხადა. გამყრელიძის ინფორმაციით ზუსტი გადაწყვეტილების შესახებ კვირის ბოლოს გახდება ცნობილი. განათლების, მეცნიერების, კულტურისა და სპორტის სამინისტრომ, ჯანდაცვის უწყებასთან შეთანხმებით, სწავლის პროცესი სკოლები 2 მარტიდან 16 მარტამდე შეწყვიტა. სააღმზრდელო პროცესი ასევე შეწყვეტილია ბაგა-ბაღებში. 16 მარტამდე არ განახლდება უმაღლეს სასწავლებლებშიც. შეგახსენებთ, რომ რომ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უნივერსიტეტებს მოუწოდა, თუ აქვთ ტექნიკური საშუალება,…

გეფას დირექტორი თანამშრომლებს წერილს უგზავნის, რომელშიც ის იტალიიდან დაბრუნების შემდეგ სამსახურში მისვლას „წინდაუხედაობად“ აფასებს და აღნიშნავს, რომ განიცდის ამის გამო შექმნილ სიტუაციას. „გეფას“ დირექტორი იმედს გამოთქვამს, რომ მისი შემთხვევა იქნება მაგალითი სხვებისთვის, გამოიჩინონ მეტი წინდახედებულობა. ამასთან, ის „გეფას“ თანამშრომლებს იტალიაში მისი სტუმრობის შესახებ უყვება, მათ შორის უხსნის, რომ აეროპორტში საბაჟო-კონტროლის გავლისას სიცხის დამწევი მედიკამენტი მიღებული არ ჰქონია. „მინდა მოგმართოთ ბოლო დღეების ყველაზე აქტუალურ თემაზე, როგორც საქართველოში, ასევე მთელ მსოფლიოში და მოგიყვეთ ჩვენი დავირუსების და შემდგომი გავრცელების ამბავი. მე და ჩემი მეგობარი მეუღლეებით და ზრდასრული შვილებით, სულ 8 ადამიანი 23-თებერვალს გავფრინდით…

მთავრობა, ეროვნული ბანკი და კომერციული ბანკები კორონავირუსის გავრცელებით ტურიზმის სექტორზე გამოწვეული ნეგატიური გავლენების შემცირებისთვის კონკრეტულ ნაბიჯებს გადადგამენ „აქცენტები გაკეთდა საბანკო სექტორისა და სახელმწიფოს კონკრეტულ ნაბიჯებზე იმისთვის, რომ მაქსიმალურად შერბილდეს ის ნეგატიური ეკონომიკური გავლენები, რაც შეიძლება პოტენციურად მოჰყვეს ვირუსის გავრცელებას“ – ამის შესახებ შეთანხმება საქართველოს პრემიერ-მინისტრ გიორგი გახარიასა  და კომერციული ბანკების ხელმძღვანელების დღევანდელ შეხვედრაზე შედგა. შეხვედრის ფორმატში განიხილეს ახალი კორონავირუსის ეკონომიკური გავლენები, განსაკუთრებით ისეთ მოწყვლად სექტორებზე ამ ვირუსის მიმართ, როგორიც არის მაგალითად ტურისტული ინდუსტრია. როგორც მთავრობაში აცხადებენ, გადაწყდა, რომ ჩამოყალიბდება ქმედითი სამუშაო მექანიზმი, მთავრობის ეკონომიკური გუნდის, ეროვნული ბანკისა და საბანკო სექტორის…

საქართველოში კორონავირუსით ბავშვის დაინფიცირების პირველი შემთხვევა დაფიქსირდა. ამის შესახებ ჟურნალისტებთან ინფექციური საავადმყოფოს დირექტორმა თენგიზ ცერცვაძემ განაცხადა. დაინფიცირებული 12 წლის მოზარდია, ცერცვაძის განცხადებით, ბავშვი ინფექციურ საავადმყოფოში იმ ჯგუფის წევრებთან ერთად შეიყვანეს, რომლებიც 28 თებერვლიდან თვითიზოლაციაში იმყოფებოდნენ და რომლებსაც ვირუსი განმეორებითი ტესტის შედეგად დღეს დაუდასტურდათ. კორონავირუსის ინფექცია გუშინ გვიან ღამით დაუდასტურდა ბავშვის ოჯახის 4 წევრსაც. ხუთივე მათგანი იმ 8 ადამიანს შორისაა, რომელთა ტესტმაც ვირუსზე დადებითი პასუხი დღეს აჩვენა. ბავშვის დაინფიცირება, საქართველოში კორონავირუსის ნომერ მეორე შემთხვევასთან ერთად იტალიასთან კონტაქტს უკავშირდება. ცნობისთვის, საქართველოში დღეს კორონავირუსის 8 ახალი შემთხვევა დადასტურდა, მათგან ხუთი ადამიანი თვითიზოლაციაში იმყოფებოდა. მათ…