ოკუპირებულ აფხაზეთში კორონავირუსის ახალი შემთხვევები დადასტურდა. დე ფაქტო უწყების ცნობით, გუშინ ჩატარებული 140 ტესტიდან ვირუსი 15 პირს დაუდასტურდა.
ოკუპირებულ რეგიონში საერთო ჯამში ინფიცირების 262 შემთხვევა დაფიქსირდა, მათგან 101 ადამიანი გამოჯანმრთელდა, 4 კი გარდაიცვალა.
დე ფაქტო ხელისუფლების ინფორმაციით, ამ ეტაპზე გუდაუთის საავადმყოფოში 15 ინფიცირებულს მკურნალობენ, მათგან ორი პაციენტის მდგომარეობა მძიმეა.
