წითელ ჯვარში აცხადებენ, რომ ღაზის სექტორში სიტუაცია ჰუმანიტარულ კატასტროფას უახლოვდება.
„დაიცვან მშვიდობიანი მოქალაქეები ღაზაში, რომლებიც ჩარჩენილი არიან, მიუხედავად იმისა, ისინი ცდილობენ ევაკუაციას თუ ადგილზე დარჩენას“,- მოუწოდებს წითელი ჯვრის საერთაშორისო კომიტეტი.
განცხადებაში აღნიშნულია , რომ საომარი მოქმედებები ისრაელის თავდაცვის ძალებსა და „ჰამასს“ შორის დასახლებულ რაიონებში და საავადმყოფოების გარშემო მიმდინარეობს.
„აუტანელი ადამიანური ტრაგედია ვითარდება ჩვენს თვალწინ“, – ნათქვამია განცხადებაში.
