ევროკომისია საქართველოსთვის კანდიდატის სტატუსის მინიჭებას მხარს დაუჭერს. ამის შესახებ The Guardian-ი წერს.
გამოცემის ინფორმაციით, ევროკავშირი უკრაინასა და მოლდოვასთან გაწევრიანების შესახებ მოლაპარაკების ეტაპზე გადავა.
მოლდოვის ვიცე-პრემიერმა ნიკოლა პოპესკუმ განაცხადა, რომ ასეთი ნაბიჯი მისი ქვეყნისთვის ისტორიული ეტაპი იქნება.
,,ეს იქნება ნამდვილად ისტორიული მიღწევა და ნამდვილად ისტორიული შანსი, რათა დავრწმუნდეთ, რომ მოლდოვა გაიმყარებს ადგილს ევროკავშირში”, – განაცხადა პოპესკუმ.
1200 გვერდიანი მოხსენება დღეს გამოქვეყნდება და მისი რეკომენდაციები ევროკავშირის ლიდერებს დეკემბერში საბოლოო ხელმოწერისთვის გაეგზავნებათ.