საბერძნეთის სამხრეთით, მიგრანტების გემის ჩაძირვის შედეგად, სულ მცირე, 79 ადამიანი დაიღუპა. მაშველებმა 100-ზე მეტი ადამიანი გადაარჩინეს.
გადარჩენილები და ოფიციალური პირები ამბობენ, რომ ბორტზე კიდევ ასობით მიგრანტი იმყოფებოდა. გემზე, სულ მცირე, 500-700 ადამიანი იმყოფებოდა.
სანაპირო დაცვამ განაცხადა, რომ ნავი საერთაშორისო წყლებში სამშაბათს გვიან ღამით ევროკავშირის სასაზღვრო სააგენტოს Frontex-ის კუთვნილმა თვითმფრინავმა დააფიქსირა. ბორტზე მყოფთაგან არავის ეცვა სამაშველო ჟილეტი.
ნავი ლიბიიდან იტალიაში მიდიოდა, ბორტზე მყოფთა უმეტესობა კი ახალგაზრა მამაკაცი იყო.
