ირანის მხრიდან ისრაელის მიმართულებით რაკეტების გაშვებასთან დაკავშირებით, ევროკომისიის პრეზიდენტი განცხადებას აქვეყნებს.
„უმკცრესაც ვგმობ ირანის აშკარა და გაუმართლებელ თავდასხმას ისრაელზე. მოვუწოდებ ირანს და მის მარიონეტებს, დაუყოვნებლივ შეწყვიტონ ეს თავდასხმები”, – აცხადებს ევროკომისიის პრეზიდენტი ურსულა ფონ დერ ლაიენი.
ისრაელის ოფიციალური განაცხადებით, ირანმა მისი ტერიტორიის მიმართულებით 300-ზე მეტი დრონი და რაკეტა გაუშვა, მათი 99% მოიგერიეს, მაგრამ იყო მცირე დარტყმები. დაშავებულთა შორის 7 წლის ბავშვია.
ფაქტის დამადასტურებელი ვიდეომასლაც გავრცელდა.