დღე: ივნისი 20, 2022

საქართველოს პარლამენტთან აქცია „შინ ევროპისკენ“ იმართება. ხალხის დიდი ნაკადის გამო, რუსთაველის გამზირზე მოძრაობა პარალიზებულია. ამ წუთებში, ევროკავშირის ჰიმნი ისმის და საქართველოს, ევროკავშირისა და უკრაინის დროშები ფრიალებს. აქციაზე ოპოზიციონერი პოლიტიკოსები, ხელოვანები, სტუდენტები, რიგითი მოქალაქეები იმყოფებიან, რომლებიც აცხადებენ, რომ აქ მხოლოდ ერთი მიზნისთვის მივიდნენ – დაანახონ ევროპას, რომ ქართველი ხალხი ირჩევს ევროპულ მიმავალს. მალე სიტყვით გამოსვლაც დაიწყება.

მეტი...

პატიმრობაში მყოფი მიხეილ სააკაშვილი დღევანდელ აქციასთან დაკავშირებით სოციალურ ქსელში განცხადებას ავრცელებს. როგორც ქვეყნის მესამე პრეზიდენტი წერს, მხოლოდ აქციით არ უნდა შემოიფარგლონ. „მოვუწოდებ ჩემს ყველა თანამებრძოლს და „ნაციონალური მოძრაობის“ მომხრეს, ისევე როგორც ყველა პატრიოტს, არ შემოიფარგლოს დღევანდელი აქციით. ყველა, ვინც მოგვიწოდებს დაველოდოთ რაიმე წყალობას, ვინმეს იძულებას, პრაქტიკულად გვთხოვს მორიგ ჯერზე მოვიტყუოთ თავი. ჩვენი ევროპული მომავლის ბედი ჩვენს ხელშია. ევროპამ მოგვცა დრო წლის ბოლომდე.  იმისთვის, რომ მოხდეს დეოლიგარქიზაცია, ოლიგარქს მთავრობის სახით, მთავარი ინსტრუმენტი უნდა გამოეცალოს. უნდა შეიქმნას ტექნიკური მთავრობა, რომელიც ქართველი ერის ნების გამომხატველ არჩევნებს ევროკავშირის კონტროლის ქვეშ ჩაატარებს“, – წერს სააკაშვილი.…

მეტი...

პარლამენტის თავმჯდომარის განცხადებით, ევროკომისიის მოწოდება პოლარიზაციის შემცირებასთან დაკავშირებით  ოპოზიციამ პირიქით გაიგო. ამის მაგალითად კი დღევანდელი აქცია დაასახელა. „ოპოზიციის ნაწილმა პირველი დასკვნა რაც ამ ყველაფრიდან გამოიტანა, იყო ის, რომ წასულიყო არა დეპოლარიზაციისკენ, არამედ გაეღრმავებინა პოლარიზაცია. გვესმის, ამ აქციის მიზანი რა არის და ამ აქციის ორგანიზატორები ვინ არიან. ამ აქციის ორგანოზატორია „ნაციონალური მოძრაობა“, მისი ახალგაზრდული ფრთა და „სირცხვილია“.  ამ აქციის მიზანი რაც არის ვხედავთ, პირდაპირი მოწოდებაა ხელისუფლების შეცვლის. განცხადებებიც იყო, რომ უნდა გავყაროთ, უნდა გავაგდოთ და ა.შ. მგონი, სოციალურ ქსელს ყველა თვალყურს ვადევნებთ. ევროპა და ევროპული კომისია თავის რეკომენდაციებში ამბობს – იმისთვის, რომ საქართველოს სტატუსი…

მეტი...

,,ამორალური ის არის, რომ საზოგადოებას ყოველდღე უკიჟინებ, რუსული ორცხობილაც კი არ მიირთვას და თუ მიირთმევს, ერის მოღალატეა. ამ დროს, ჩუმად ინახავ ინფორმაციას, რომ მილიონობით რუბლი და ასიათასობით დოლარი ჩამოგდის რუსეთის ფედერაციის ეროვნული ბიუჯეტიდან, – ამის შესახებ საქართველოს პარლამენტის პირველმა ვიცე-სპიკერმა გია ვოლსკიმ ელენე ხოშტარიაზე საუბრისას განაცხადა. მისი თქმით, ელენე ხოშტარიას ოჯახს ,,შავბნელი” გადმორიცხვების შესახებ, ნათელის მომფენი განცხადებები არ გაუკეთებია. „შეიძლება, ამას რაღაც გამართლება და დანიშნულება გააჩნია, შეიძლება, შუაში სოლიკო ვირსალაძეა და მისი შემოქმედებიდან რაღაც ჰონორარი შემოდის, მაგრამ როცა შენ გაქვს გააფთრებული და დუჟმორეული დამოკიდებულება და შეუსაბამო დამოკიდებულებით გააცანი საზოგადოებას თავი,…

მეტი...

პარლამენტის პირველი ვიცე-სპიკერის გია ვოლსკის განცხადებით, ევროკომისიის ერთ-ერთი მთავარი მოთხოვნაა პოლიტიკური ძალების კონსოლიდაცია გარკვეულ საკითხებზე. მისი თქმით, დღევანდელი აქცია და მისი შინაარსი არ იძლევა საფუძველს, რომ ამ მიმართულებით წარმატებაზე ისაუბროს. ,,რასაკვირველია, ევროკომისიამ მიიღო პოლიტიკური გადაწყვეტილება იმ საგანგებო ვითარების გამო, რომელიც უკრაინის მიმართ განხორციელებული გაუგონარი აგრესიის ფონზეა შექმნილი, მაგრამ იმაზე, საუბარი, რომ უკრაინის უბედურების ფონზე ფანჯარა გაიხსნა და არიქა, ამ ფანჯარაში უნდა შევიდეთ ისე, რომ პოლიტიკური ცხოვრება არ იყოს ნორმალურ ჩარჩოში ჩასმული, რასაკვირველია, ეს ადამიანების შეცდომაში შემყვანია. ნებისმიერ საკითხზე ყველას მიმართ ერთნაირი მოთხოვნებია, განსხვავება ის არის, რაც უკრაინაში და უკრაინის გამო…

მეტი...

,,ქართული ოცნების წევრი ნინო წილოსანი,  მოძრაობა “სირცხვილიას” მიერ დღს დაგეგმილ აქციას “შინ ევროპისკენ” ეხმიანება. მისი თქმით, აქციის ორგანიზატორებიმოჩვენებითი აღშფოთებით აპროტესტებენ რატომ უკეთესი შედეგი არ მიიღო საქართველომ. ,,სრულად ვიზიარებ ჩემი თანამოქალაქეების სულისკვეთებას ევროკავშირში გაწევრიანებასთან დაკავშირებით. სრულად ვემსახურები დასავლურ ღირებულებებს და მიხარია, რომ ჩვენ მიერ კონსტიტუციაში გაკეთებული ეს ჩანაწერი, ამის გარანტიაა. ❝მუხლი 78. ევროპულ და ევროატლანტიკურ სტრუქტურებში ინტეგრაცია კონსტიტუციურმა ორგანოებმა თავიანთი უფლებამოსილების ფარგლებში მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად.❞ ამავდროულად, სამწუხაროდ, დღევანდელი აქციის ორგანიზატორებს არაფერი საერთო არ აქვთ ევროპულ ღირებულებებთან. მეტიც, პოლარიზაციას და სიძულვილის ენის…

მეტი...

,,ევროკომისიის დასკვნას მთლიანად პოლარიზაციისთვის იყენებს რადიკალური ოპოზიცია,”- ამის შესახებ  პარტია „ქართული ოცნების“ თავმჯდომარე, ირაკლი კობახიძემ განაცხადა. მისი თქმით,  რადიკალური ოპოზიცია აქციაზე არეულობის მოწყობას შეეცდება, თუმცა მისი თქმით, მათი სცენარი ვერ იქნება წარმატებული. „მათ შორის შეგახსენებთ, რომ 19 აპრილის შეთანხმების დეკლარირებული ამოცანაც იყო პოლარიზაციის  შემცირება, თუმცა ვიდრე დოკუმენტის ანულირება მოხდებოდა, ოპოზიცია მთლიანად პოლარიზაციისთვის იყენებდა. ამ შემთხვევაშიც, ევროკომისიის დასკვნას მთლიანად პოლარიზაციისთვის იყენებს რადიკალური ოპოზიცია. ჩვენ ამას ველოდით, პროგნოზები გვქონდა ამასთან დაკავშირებით, რაზეც არაერთხელ გვისაუბრია. მათ ჰქონდათ გათვლა, რომ ორი ქვეყანა მიიღებდა კანდიდატის სტატუსს, საქართველო არა, ამის შემდეგ უნდა დაწყებულიყო არეულობის სცენარი, რისი პირველი მცდელობაც…

მეტი...

საგაზაფხულო სესიის ბოლო სასესიო კვირის ოთხშაბათს, პლენარულ სხდომაზე, პარლამენტი სამთავრობო პროგრამის შესრულების მიმდინარეობის შესახებ საქართველოს პრემიერ-მინისტრის ყოველწლიურ მოხსენებას მოისმენს. განცხადება აღნიშნულის შესახებ პარლამენტის თავმჯდომარე შალვა პაპუაშვილმა ბიუროს სხდომაზე გააკეთა. პარლამენტის რეგლამენტის შესაბამისად, პრემიერ მინისტრმა სამთავრობო პროგრამის შესრულების შესახებ ყოველწლიური მოხსენება წერილობითი ფორმით პარლამენტს 1-ელ ივნისს გააკეთა.

მეტი...

„ქართული ოცნების“ თავმჯდომარის, ირაკლი კობახიძის განცხადებით, ყველა  პროვოკაციის ავტორი და სულისჩამდგმელი, რომელიც დღემდე განხორციელდა საქართველოში და რომელიც ხელს აძლევდა რუსეთს, არის ელენე ხოშტარია. ,,როდესაც ყალბი ადამიანი გვეუბნება ჩვენ, რომ ის არის ყველაზე მთავარი ანტირუსი საქართველოში, მისთვის მიუღებელია ყოველივე რუსული და ა.შ. და ამ დროს რუსულ ფულს იღებს და ეს მისთვის აბსოლუტურად მისაღებია, ეს სიყალბე, რა თქმა უნდა, აჩენს ძალიან სერიოზულ ეჭვებს. მით უმეტეს, რომ ყველა იმ პროვოკაციის ავტორი და სულისჩამდგმელი, რომელიც დღემდე განხორციელდა საქართველოში და რომელიც ხელს აძლევდა რუსეთს, იყო ელენე ხოშტარია“, – განაცხადა კობახიძემ.

მეტი...

„ყველაფერს ბატონ ივანიშვილს ნუ დავაბრალებთ, ქართველმა ხალხმა მივეცით უფლება“ – აცხადებს პარლამენტის ოპოზიციონერი წევრი კახა ოქრიაშვილი და ოლიგარქის მნიშვნელობაზე საუბრობს. „რას ნიშნავს ოლიგარქია, რას ნიშნავს სიტყვა ოლიგარქი? ოლიგარქია არის მოცემულობა, როცა ქვეყნის ძალიან მნიშვნელოვანი ფინანსურ-ეკონომიკური, სახელისუფლო და მედია რესურსი კონცენტრირებულია ერთი ან რამდენიმე პიროვნების ხელში. 1.     როდესაც ეს რესურსი კონცენტრირება არა რამდენიმე, არამედ ერთი პიროვნების ხელში, ეს არის მონო-ოლიგარქია და ამის კლასიკური მაგალითია შუა საუკუნეების მონარქია. დიახ, ეს არის პასუხი კითხვაზე, არის თუ არა ბიძინა ივანიშვილი ოლიგარქი. ის არის არა უბრალოდ ოლიგარქი, არამედ ერთადერთი ოლიგარქი, რაც იმას ნიშნავს, რომ ბატონი…

მეტი...

ფრაქცია „ნაციონალური მოძრაობის“ დეპუტატის, რომან გოცირიძის განცხადებით, ელენე ხოშტარიას ოჯახის შემოსავლის გამო მასზე თავდასხმა და დამუნათება არის როგორც არასამართლებრივი, ასევე არაზნეობრივი. „საქართველოს ნებისმიერ ბარსა და რესტორანში „ქართული ოცნებისთვის“ საყვარელი მომღერალი კობზონის სიმღერა რომ შესრულდეს, საავტორო უფლებებით ფული კობზონს მიუვა იქ, ორი ინვოისი გამოიწერება – ჯოჯოხეთში, სადაც კობზონია და მეორე მისი მემკვიდრეებისთვის. ნებისმიერი სიმღერა ან დადგმა ამერიკაში იქნება თუ რუსეთში, საერთაშორისო კანონით, თანხები საავტორო უფლების პატრონებთან მიდის. ფული რუსეთიდან შემოვა თუ სხვა ქვეყნიდან, სადაც ეს სპექტაკლები დაიდგა, ეს სამართლებრივად და მორალურად სწორია. საქართველოდან გაზმანოვს ლარები მისდის, ეს სამწუხაროა, მაგრამ არის ნორმა. ხოშტარიას ოჯახის შემოსავლის გამო მასზე…

მეტი...

მმართველი გუნდის განცხადებაზე ელენე ხოშტარიას რუსეთთან კავშირებსა და რუსული ფულის მიღებასთან დაკავშირებით პარლამენტის ოპოზიციონერი დეპუტატი კახა ოქრიაშვილი განცხადებას ავრცელებს. როგორც ოქრიაშვილი აცხადებს, ეს გათვლა გაკეთდა ამომრჩევლის იმ ნაწილზე, რომელიც ნებისმიერ სისულელეს იჯერებს. „ბატონმა ივანიშვილმა, მდინარაძის მეშვეობით, შემოგვთავაზა ნახევარსაათიანი ბრიფინგი, რომელიც ეძღვნებოდა ქალბატონ ელენე ხოშტარიას. ნახევარი საათის განმავლობაში, ვიღებდით ინფორმაციას, რომ ელენე ხოშტარიას, რუსეთის დიდი თეატრიდან, ოფიციალურ საბანკო ანგარიშზე ერიცხება გარკვეული რაოდენობის რუსული რუბლი. ჩვენ, ქართველი ამომრჩეველი, უნდა დავეჭვდეთ, არის თუ არა ხოშტარია რუსეთის ჯაშუში, რადგან რუსეთში ყველაზე პრესტიჟული რუსული ფაკულტეტი აქვს დამთავრებული და თან, თეატრიდან ფულიც ერიცხება. გათვლა კეთდება ამომრჩევლის იმ…

მეტი...

,,ვხედავთ , დაანონსებულ აქციებს ხელისუფლების დამხობასთან დაკავშირებით, თუმცა არავის არაფერი არ გამოუვა, ხელისუფლების ცვლილება ქვეყანაში მოხდება მხოლოდ და მხოლოდ არჩევნების გზით“,- ამის შესახებ  თბილისის მერმა, კახა კალაძემ განაცხადა. მისი თქმით, ხელისუფლება მზად არის, დაასრულოს პოლარიზაცია, თუმცა ამაში მონაწილეობა ოპოზიციამაც უნდა მიიღოს. ,,იმის ილუზია და წარმოდგენა ნამდვილად არ მაქვს, რომ ამ ოპოზიციის პირობებში შესაძლებელია დეპოლარიზაცია. ყველა ოპოზიციურ პარტიაზე არ მაქვს საუბარი, ცხადია, მაგრამ ძალიან დიდი ნაწილი არის ანტისახელმწიფოებრივად განწყობილი პოლიტიკური პარტია, ვისი მთავარი ამოცანა და მიზანი არის, როგორმე შეაფერხონ ჩვენი ქვეყანა, როგორმე შეაჩერონ ქვეყნის წინსვლა და განვითარება. თუმცა ჩვენ, ხელისუფლებამ, საზოგადოებასთან ერთად…

მეტი...

ნაციონალური მოძრაობის“ დეპუტატის, რომან გოცირიძის განცხადებით, დღეს დაგეგმილ აქციას კონკრეტული მიზნები აქვს. მისი თქმით, აქციას უნდა მოჰყვეს მომენტალურად ხელისუფლების ნაბიჯები და შარლ მიშელის დოკუმენტთან შეერთება. „დღევანდელი აქცია ორიენტირებულია კონკრეტულ შედეგზე, 24- ში არსებობს კიდევ შანსი. ამ აქციას უნდა მოჰყვეს მომენტალურად ხელისუფლების ნაბიჯები და პირველ რიგში, ხვალ ხელისუფლებამ უნდა განაცხადოს, რომ უერთდება შარლ მიშელის დოკუმენტს და პირველი კონკრეტული ნაბიჯი უნდა აჩვენოს. ეს არის კონსტიტუციის მიღება მეორე მოსმენით. ასევე უნდა მოჰყვეს პოლიტიკური დევნა და პრეზიდენტის მიერ ნიკა გვარამიას შეწყალება. სიტყვა და საქმე, ორივე შეიძლება განახორციელოს ხელისუფლებამ ამ სამ დღეში. პლუს დღევანდელი გრანდიოზული…

მეტი...

,,მისასალმებელია, რომ პირველად ჩაიწერა ოფიციალურად ევროპული პერსპექტივა, მაგრამ გულდასწყვეტია ის, რომ სტატუსის მიღება ვერ მოხდა,”- ამის შესახებ თბილისის მერმა, კახა კალაძემ განაცხადა. მისი თქმით, საქართველოს ხელისუფლება მზადაა ევროკომისიის რეკომენდაციების შესასრულებლად. „მისასალმებელია ის, რომ ევროპული პერსპექტივა პირველად ჩაიწერა ოფიციალურ დოკუმენტაციაში და დარწუნებული ვარ ამას 23-ში ექნება მხარდაჭერა. რაც შეეხება დათქმებს, რომელიც სამივე ქვეყანას მოგვენიჭა, რა თქმა უნდა, ჩვენ მზად ვართ ყველაფრის შესასრულებლად. როდესაც გადაწყვეტილება იქნება მიღწეული, პირველივე დღიდან დაიწყება კომუნიკაცია, დაიწყება მუშაობა ამ პირობების შესასრულებლად. მისასალმებელია, რომ პირველად ჩაიწერა ოფიციალურად ევროპული პერსპექტივა, მაგრამ გულდასწყვეტია ის, რომ სტატუსის მიღება ვერ მოხდა. და ვიცით, რომ ეს…

მეტი...

პარტია „მოქალაქეების“ ლიდერის ალეკო ელისაშვილის განცხადებით, ელენე ხოშტარიას ადგილზე ყველაფერს ძალიან ნათელს და მკაფიოს გახდიდა. მისი თქმით, რუსულ ფულს ხელს ვერ მოკიდებს. „რაც უფრო რამეს არ ასაჯაროვებ, მით უფრო მეტი კითხვა ჩნდება. კითხვა არის იქ, სადაც რაღაც დახურული და დამალულია. რა თქმა უნდა, ელენე ხოშტარიას ადგილზე ყველაფერს ძალიან ნათელს და მკაფიოს გავხდიდი, რომ დამატებითი მითქმა-მოთქმა არ იყოს. მე წინაპრები სულ მატარებლის გამცილებლები მყავდა. არც სოლიკო ვირსალაძე მყავდა წინაპარი და არც ფული დამრჩენია. ერთი ბაბუა ბორჯომის ხეობაში შეშას ჭრიდა და ყიდდა. არც მისგან დამრჩენია რაიმე. სხვას ჭკუას არ ვარიგებ, მაგრამ რუსულ…

მეტი...

,,ვინმეს თუ ჰგონია, რომ რაიმე პროპაგანდით საზოგადოებას შეცდომაში შეიყვანენ, ძალიან ცდებიან,”- ამის შესახებ  დედაქალაქის მერმა კახა კალაძემ განაცხადა. მისი თქმით, დღეს დაგეგმილი აქცია, „ნაციონალური მოძრაობის“ აქცია. „დღევანდელი აქცია არის „ნაციონალური მოძრაობის“ აქცია. ყველაფერს უნდა დავარქვათ თავისი სახელი. ხალხი ყველაფერს ხედავს, ყველაფერს ხვდება. ვინმეს თუ ჰგონია, რომ რაიმე პროპაგანდით საზოგადოებას შეცდომაში შეიყვანენ, ძალიან ცდებიან. საქართველოს ხელისუფლებამ 2012 წლიდან მოყოლებული ყველაფერი გააკეთა. ყველა წარმატება, ევროპის მიმართულებით, რაც დღეს ქვეყანას გააჩნია, ეს არის ასოცირების ხელშეკრულება, ვიზალიბერალიზაცია, თავისუფალი ვაჭრობა, არის ხელისუფლების გაკეთებული საზოგადოებასთან ერთად, რომელიც დღეს მართავს საქართველოს“, – განაცხადა კახა კალაძემ.

მეტი...

,,როდესაც ცდილობენ,  საქართველოს მოსახლეობის,  მიერ არჩეულ ხელისუფლებას დააბრალონ პრორუსულობა, ამაზე მეტი მავნებლობა, თან მართლაც ისტორიულ პროცესში ხომ არ არსებობს,”- ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ პარტიის ოფისში გამართულ ბრიფინგზე განაცხადა. მისი თქმით, რაღაც მომენტში ქვეყნის ხელისუფლება, მართლა რაღაცას რომ აფუჭებდეს, ამაზე უნდა დახუჭო თვალი. ,,როდესაც ისინი ცდილობენ, რომ საქართველოს მოსახლეობის, ქართული საზოგადოების მიერ არჩეულ ხელისუფლებას დააბრალონ პრორუსულობა, ამაზე მეტი მავნებლობა, თან ამ პროცესში, მართლაც ისტორიულ პროცესში ხომ არ არსებობს, იმიტომ, რომ შენ ასე ალაგებ 10 წელია, რომ ვიღაცას აბრალებ პრორუსულობას, ახლა არ გინდა აქედან გადაუხვიო, ამით ხომ შენ…

მეტი...

„დღეს აქციაზე უნდა წავიდეთ იმიტომ, რომ ევროპა მოვიყვანოთ საქართველოში და მთელ მსოფლიოს, საქართველოს უნდა გავაგონოთ, რომ საქართველო არასდროს ასცდება ევროპული განვითარების გზას. ჩვენ ევროპა საქართველოსთვის გვჭირდება, ჩვენთვის, ჩვენი შვილებისთვის და ჩვენი წინაპრების წინაშე მართლები რომ ვიყოთ,”- ამის შესახებ სტრატეგია აღმაშენებლის“ ლიდერმა გიორგი ვაშაძემ განაცხადა. მისი თქმით, პოლარიზაციის დასრულებაზე მთავარი პასუხისმგებლობა ოპოზიციას არ ეკისრება. „პოლარიზაციის დასრულებაზე მთავარი პასუხისმგებლობა ოპოზიციაზე როგორ უნდა იყოს და როგორ ეკისრება ოპოზიციას მთავარი პასუხისმგებლობა?! ოპოზიციამ „ქართულ ოცნებას“ ბრიუსელში ერთობლივი ვიზიტი შესთავაზა, ასევე გაფართოებული საბჭოს სხდომა. პარლამენტში რომ იყო მობრძანებული ოლიგარქის მსახური ღარიბაშვილი, 7-პუნქტიანი გეგმა ხელში გადავეცით და…

მეტი...

,,ქართული ოცნების” თავმჯდომარე, მამუკა მდინარაძის  განცხადებით, ობიექტური კრიტერიუმების გათვალისწინებით, ევროკომისიის რეკომენდაცია საქართველოზე უსამართლობაა. მისი თქმით, უკრაინისთვის კანდიდატის სტატუსის მინიჭება, რუსეთის სამხედრო აგრესაიმ განაპირობა. ,,როდესაც მოხდა ჩვენი მეგობარი ქვეყნებისთვის კანდიდატის სტატუსის მინიჭება, ეს ძალიან კარგია, რადგან მათთვის ეს იყო სტიმული ამ მძიმე მდგომარეობაში, უკრაინისთვის პირველ რიგში, იმიტომ რომ ძალიან მძიმე მდგომარეობაშია, რუსეთის აგრესია მიდის და ელემენტარული მორალური მხარდაჭერა მაინც სჭირდებოდა ამ ხალხს და მივესალმებით, ასევე, მოლდოვას შემთხვევაშიც, რომელსაც უკრაინის შემდეგ, ყველაზე მძიმედ დაატყდა თავს ომი. საქართველოს შემთხვევაში, თუ ობიექტურ კრიტერიუმებს ავიღებთ, ამ შემთხვევაში შეიძლება დავარქვათ უსამართლო გადაწყვეტილება, თუმცა ევროსაბჭოს ხელმძღვანელმაც პირდაპირ…

მეტი...

„გირჩის“ ლიდერის იაგო ხვიჩიას განცხადებით, ევროკომისიის მიერ გაცემული რეკომენდაციები, არსებულ ვითარებაში ვერ შესრულდება. მისი თქმით, მთავარი რეკომენდაცია ერთპარტიული და ერთპიროვნული მმართველობის დასრულებაა. „გამორიცხულია ეს რეკომენდაციები შესრულდეს ამ პირობებში, რა პირობებშიც ახლა ჩვენ ვართ. იქიდან გამომდინარე, რომ მთავარი რეკომენდაცია, რასაც გვაძლევენ, ერთპარტიული და ერთპიროვნული მმართველობის დასრულებაა. ყველა სხვა სიმპტომი აქედან გამომდინარეობს. ამის დასრულებას სხვა ტიპის აქტივობა, მუშაობა სჭირდება და არა ის, რისთვისაც ახლა ხელისუფლება ან ოპოზიცია მზადაა. გამოსავალია ალტერნატიული იდეის მოფიქრება და ამ იდეის ევროპელებისა და ხალხისთვის შეთავაზება. ამ იდეით უნდა მოხდეს ხელისუფლებაში ერთპიროვნული მმართველობის დასრულება. ჩვენი იდეა უნდა მოვიფიქროთ, საქართველოში…

მეტი...

,,საზოგადოებას ამ დროისათვის ჯერ კიდევ არ მიუღია პასუხი კითხვაზე, რა მოცულობით და დანიშნულებით იღებდა ხოშტარიების ოჯახი მილიონობით რუსულ რუბლს მთელი ამ წლების განმავლობაში, მათ შორის 2008 წლის რუსული ოკუპაციისა და რუსეთ-უკრაინის მიმდინარე ომის დაწყების შემდეგ,”- ამის შესახებ  „ქართული ოცნების“ აღმასრულებელმა მდივანმა, მამუკა მდინარაძემ პარტიის ოფისში გამართულ ბრიფინგზე განაცხადა. მდინარაძის თქმით, ელენე ხოშტარია იყო ყველა იმ პროვოკაციის ერთ-ერთი მთავარი სულისჩამდგმელი, რომლითაც გასულ წლებში რუსეთმა იხეირა. ,,როდესაც ადამიანი საზოგადოებას არწმუნებს, რომ მისთვის ყველაფერი რუსული პრინციპულად მიუღებელია და ამავდროულად რუსულ ფულზე უარს არ ამბობს, ეს სულ მცირე ორმაგი სტანდარტისა და სიყალბის უტყუარი მტკიცებულებაა, თუმცა, ამის…

მეტი...

,,დღეს ჩვენს ქვეყანაში ყველაზე აქტუალურია კითხვა, ვინ ან რა უქმნის საქართველოს ხელოვნურ დაბრკოლებებს ევროინტეგრაციის პროცესში. მაშინ, როდესაც, ევროკომისიის დასკვნაში პირველ პუნქტად მითითებულია დეპოლარიზაცია, ჩვენი ოპოზიციის ნაწილი აქციებისკენ მოუწოდებს ხალხს,”– ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ პარტიის ოფისში გამართულ ბრიფინგზე განაცხადა. მისი თქმით, უკრაინის და მოლდოვას მიმართ რეკომენდაციებში დეპოლარიზაციის პუნქტი არ მოხვედრილა. ,,სხვათა შორის, დეპოლარიზაცია ერთადერთი პუნქტია, რომელიც არც უკრაინის და არც მოლდოვას მიმართ რეკომენდაციებში არანაირი ფორმით არ მოხვედრილა. ამ ფონზე განსაკუთრებულ აქტუალობას იძენს კიდევ ერთი, უფრო კონკრეტული კითხვა: ვინ აკეთებს რუსულ საქმეს ამ ქვეყანაში, ვინ უწყობს ხელს რუსულ პროვოკაციებს,…

მეტი...

„ვინც ამბობს, რომ ომის დაწყებას გვაძალებდა დასავლეთი და ომი არ დავიწყეთ, ის არის ან სასარგებლო იდიოტი ან მიზანმიმართული მტერი და მოღალატე,”- ამის შესახებ „სტრატეგია აღმაშენებლის“ ერთ-ერთმა ლიდერმა, პაატა მანჯგალაძემ განაცხადა.​ პაატა მანჯგალაძე ირაკლი ღარიბაშვილის განცხადებას ეხმიანება, რომლის თანახმადაც, უკრაინას სტატუსი წახალისების მიზნით, ავანსად მისცეს. ,,რეალურია ყველა რეკომენდაციის შესრულება, რომელიც გასცა ევროპულმა კომისიამ, მაგრამ ეს არარეალურია “ქართული ოცნების” პირობებში, რადგან მათ არ სურთ საქართველოს ევროპაში ინტეგრაცია, დეოლიგარქიზაციას მით უმეტეს, ვერ განახორციელებს ოლიგარქი, ამიტომ ჩვენ გვექნება კონკრეტული შეთავაზებები, ოპოზიცია გამოვა კონკრეტული ინიციატივებით, რომლითაც ხელისუფლებას ერთობლივ სამუშაო ფორმატებს შევთავაზებთ. რაც შეეხება იმ სისულელეს…

მეტი...