დღე: ივნისი 18, 2022

უკრაინის პრეზიდენტის ადმინისტრაციის ხელმძღვანელის მრჩეველი, მიხაოლო პოდოლიაკი „ტვიტერში“ განცხადებას ავრცელებს. მისი თქმით, უკრაინამ უნდა მოიგოს ომი და თავისი ტერიტორიები დაიბრუნოს. ,,დღეს დემოკრატიულ სამყაროს აქვს ერთიანი პოზიცია: რუსეთი ვერ მოიგებს ამ ომს. ეს დიდი მიღწევაა, მაგრამ ჩვენი მიზნები უფრო ამბიციურია: უკრაინამ უნდა მოიგოს ომი და თავისი ტერიტორიები დაიბრუნოს. ყველაზე მნიშვნელოვანი ამოცანაა შეიარაღების გაზრდა. პარიტეტულობა არის გამარჯვების გასაღები”,- აღნიშნავს პოდოლიაკი.

უკრაინის პრეზიდენტი, ვოლოდიმირ ზელენსკი მიკოლაევის რეგიონში ჩავიდა.  ზელენსკი ადგილობრივი ადმინისტრაციის წარმომადგენლებს და  საოლქო სამხედრო ადმინისტრაციის ხელმძღვანელს, ვიტალი კიმს შეხვდა. შეხვედრისას, ქალაქში არსებულ ეკონომიკურ მდგომარეობაზე, წყალმომარაგების აღდგენასა და სოფლის მეურნეობაში არსებულ ვითარებაზე ისაუბრეს. ამასთან, ზელენსკიმ ვიტალი კიმს სპეციალური ჯილდო გადასცა.

„ის გენერალური შტაბის წარმომადგენელია? მე ის იანუკოვიჩთან მხოლოდ ​კუნძებზე ვნახე? არ მესმის, რატომ არის ის ახლა ჯარის ხმა“, – ასე ეხმიანება  უკრაინის ეროვნული უსაფრთხოებისა და თავდაცვის საბჭოს მდივანი ალექსეი დანილოვი, მიხაილო პადოლიაკის განცხადებას, რომლის თანახმადაც, უკრაინის თავდაცვის ძალებს სჭირდებათ 1 000 ერთეული 155 მმ-იანი ჰაუბიცა, 300 ერთეული რეაქტიული სარაკეტო სისტემა და 500 ერთეული ტანკი. დანილოვმა პოდოლიაკი გააკრიტიკა და აღნიშნა, რომ ვერ იგებს რატომ აკეთებს პოდოლიაკი ამგვარ განცხადებებს. „უკრაინის შეიარაღებული ძალების მთავარსარდალს, გენერალური შტაბის უფროსს ან თავდაცვის სამინიტროს შეუძლიათ, ოფიციალურად განაცხადონ რუსეთის ფედერაციასთან ომში უკრაინის არმიის საჭიროებების თაობაზე, ამიტომ ზოგიერთი პოლიტიკოსის…

ირლანდიელი დამოუკიდებელი სენატორი ჯერარდ კროგველი, ევროკომისიის გადაწყვეტილებას ეხმიანება, ევროკავშირის წევრობის კანდიდატობაზე საქართველოს მიერ შეტანილ განაცხადთან დაკავშირებით. „მოხარული ვარ უკრაინისა და მოლდოვისთვის ევროკავშირის კანდიდატის სტატუსის ხილვით. თუმცა, რატომ არ მიიღეს საქართველო, ეს ბუნდოვანია. დავივიწყეთ 2008 წლის 8 აგვისტო, როდესაც რუსულმა ძალებმა საქართველოში შეჭრა დაიწყეს. ჩვენ ევროკავშირში მაშინ ისინი მივატოვეთ, რატომ ახლა?“, – წერს „ტვიტერზე“ ირლანდიელი სენატორი. ​​

გერმანიის ბუნდესტაგის წევრის, გიუნტერ კრიხბაუმის განცხადებით,  ევროკომისიის გადაწყვეტილება ევროკავშირის წევრობის კანდიდატობაზე საქართველოს მიერ შეტანილ განაცხადთან დაკავშირებით, სტრატეგიული შეცდომაა. „ფედერალური კანცლერი კიევშია. ეს უფრო ადრე იყო გასაკეთებელი! ბოლოს და ბოლოს ის მხარს უჭერს უკრაინის და მოლდოვას კანდიდატის სტატუსს. თუმცა ის, რომ აღმოსავლეთ პარტნიორობის მესამე ქვეყანა, საქართველო, დაჩაგრული აღმოჩნდა, მძიმე ისტორიული და სტრატეგიული შეცდომაა“, – წერს კრიხბაუმი Twitter-ზე.

უკრაინის ქალაქ კრივი-რიჰზე სარაკეტო თავდასხმა განხორციელდა,- აღნიშნულ ინფორმაციას ქალაქის სამხედრო ადმინისტრაციის ხელმძღვანელი, ალექსანდრ ვილკულმი ავრცელებს. მერის ცნობით, რაკეტები ინგულეცის რაიონში ჩამოვარდა, რასაც წინასწარი მონაცემებით, მსხვერპლი და ნგრევა მოჰყვა.  გავრცელებული ინფორმაციით დაიღუპა ორი ადამიანი.

უკრაინის კულტურისა და საინფორმაციო პოლიტიკის მინისტრი ალექსანდრ ტკაჩენკო, „ევროვიზია 2023“-ის უკრაინიდან სხვა ქვეყანაში გადატანის თაობაზე ევროპის მაუწყებელთა კავშირის გადაწყვეტილების გასაჩივრებას გეგმავს. „უკრაინა არ ეთანხმება ასეთი გადაწყვეტილების მიღების ხასიათს, როდესაც დაგვაყენეს ფაქტის წინაშე სხვა ვარიანტების შესაძლებლობის განხილვის გარეშე. უკრაინაში „ევროვიზია 2023“-ის ჩატარება მძლავრი სიგნალია მთელი მსოფლიოსთვის, რომ ის ახლა ამ სახელმწიფოს უჭერს მხარს. ჩვენ მოვითხოვთ ამ გადაწყვეტილების შეცვლას, რადგან გვჯერა, რომ შევძლებთ შევასრულოთ ყველა ის ვალდებულება, რა აღებული გვაქვს და არაერთხელ აღინიშნა ევროპის მაუწყებელთა კავშირის წინაშე“, – განაცხადა ტკაჩენკომ. აღნიშნულ ფაქტს გამოეხმაურა დიდი ბრიტანეთის პრემიერ-მინისტრის ბორის ჯონსონი, რომლის განცხადებით, „ევროვიზია 2023“…

დიდი ბრიტანეთის პრემიერ-მინისტრი, ბორის ჯონსონი, გუშინ უკრაინაში იმყოფებოდა. ვიზიტის ფარგლებში ჯონსონი ქვეყნის პრეზიდენტს, ვოლოდიმირ ზელენსკის შეხვდა. „სასიცოცხლოდ მნიშვნელოვანია, ვაჩვენოთ ის, რაც ვიცით, რაც სიმართლეა, რომ უკრაინას შეუძლია გაიმარჯვოს და გაიმარჯვებს. ძალიან მნიშვნელოვანია ვაჩვენოთ, რომ ჩვენ მათთან ვართ გრძელვადიან პერსპექტივაში და ვაძლევთ იმ სტრატეგიულ მედეგობას, რაც მათ სჭირდებათ“, – განაცხადა ჯონსონმა.

პარტია „ხალხის მსახურის“ ერთ-ერთის ლიდერის და რუსეთთან ორმხრივ მოლაპარაკებებში უკრაინული დელეგაციის ხელმძღვანელის დავით არახამიამ განცხადებით,  მოლაპარაკები აგვისტოს ბოლოდან გაგრძელდება. ,,გაძლიერებული პოზიციიდან მოლაპარაკებებს აგვისტოს ბოლოდან დავუბრუნდებით. არ გვინდა ჩვენი გეგმების შესახებ საჯაროდ საუბარი, მაგრამ ვფიქრობ, რომ ზოგიერთი მიმართულებით კონტრშეტევაზე გადავალთ“, – განაცხადა არახამიამ.

,,ახლა ეროვნული თანხმობის დროებით მთავრობა რომ გვყავდეს, ზუსტად სამ თვეში ყველა პირობას, რაც წერია დოკუმენტში, შევასრულებდით, მაგრამ „ქართული ოცნების“ პირობებში ცოტა ძნელია ამაზე თავის გამოდება და გარანტიების მიცემა მოქალაქეებისთვის“- ამის შესახებ  „სტრატეგია აღმაშენებლის“ ერთ-ერთმა ლიდერმა, პაატა მანჯგალაძემ განაცხადა. მისი თქმით, თუ საქართველო  შანსს ვერ გამოიყენებს, დიდი ხნით დაიხურება ქვეყნის პერსპექტივა ევროინტეგრაციის მიმართულებით. „გუშინ ძალიან სამწუხარო რამ მოხდა, რადგან ტრიოში, სადაც საქართველო იყო მოწინავე, აღმოჩნდა ბოლო, მაჩანჩალა ადგილზე. მეტიც, 24 ივნისს არის რისკი, რომ საქართველო აქაც ვერ გამაგრდეს და გადავიდეს სომხეთისა და ყაზახეთის ლიგაში. ეს არის ძალიან მძიმე. ეს ნიშნავს, რომ…

რუსეთის საგარეო საქმეთა სამინისტროს პრესსპიკერის, მარია ზახაროვას განცხადებით, უკრაინა რუსეთის სრულმასშტაბიანი შეჭრამდე არსებულ საზღვრებს ვეღარ დაუბრუნდება. ,,უკრაინა, რომელიც მე და თქვენ ვიცით, იმ საზღვრებში, რომელიც ადრე იყო, აღარ არსებობს და აღარასდროს იარსებებს. ეს გარდაუვალია”, – აღნიშნა ზახაროვამ.

უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი ყაზახეთის პრეზიდენტის, ყასიმ-ჟომართ თოყაევის განცხადებას ეხმიანება. პოდოლიაკის განცხადებით, რუსეთი გარიყულ ქვეყნად იქცა, რომელსაც მოკავშირედ მხოლოდ სირია დარჩა. „ყაზახეთის პრეზიდენტმა, ყასიმ-ჟომართ თოყაევმა უარი განაცხადა ლუგანსკისა და დონეცკის „კვაზი ანკლავების“ აღიარებაზე, დამოუკიდებელ სახელმწიფოთა თანამეგობრობის, კოლექტიური უსაფრთხოების ხელშეკრულების ორგანიზაციის არცერთ ქვეყანას არ სურს რუსეთის დანაშაულებში მონაწილეობა. სირია დარჩა კრემლის ერთადერთ მოკავშირედ პოლიტიკურ რუკაზე. პუტინს სურდა რუსეთი ძლევამოსილ ქვეყნად ექცია, მაგრამ ის გარიყულ ქვეყნად აქცია,“-განაცხადა პოდოლიაკმა. ,,ერების თვითგამორკვევის უფლება რეალურად თუ განხორციელდება მსოფლიოში იქნება ქაოსი”- ყაზახეთის პრეზიდენტი

კრაინის ფინანსთა სამინისტროს ცნობით, კანადამ უკრაინის დასახმარებლად დამატებით 733 მილიონი დოლარი გამოყო. სამინისტროს ინფორმაციით, თანხა უკრაინასა და კანადას შორის სასესხო ხელშეკრულების შესაბამისად შეგროვდა და ჰუმანიტარული და სოციალური მიმართულებით დაიხარჯება.  

უკრაინის გენერალური პროკურატურის ინფორმაციით, უკრაინაში რუსეთის სამხედრო აგრესიის შედეგად 323 ბავშვი დაიღუპა, ხოლო დაშავდა 583-ზე მეტი არასრულწლოვანი. ყველაზე მეტი ბავშვი დაზარალდა დონეცკის რეგიონში – 301, ხარკოვის ოლქში – 170, კიევის ოლქში – 116, ჩერნიგოვის ოლქში – 68, ლუგანსკის ოლქში – 54, ხერსონის ოლქში – 52, ნიკოლაევის ოლქში – 48, ზაპოროჟიეს ოლქში – 30, სუმის ოლქში – 17, დედაქალაქში – 16, ჟიტომირის ოლქში -15. რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.

გერმანიის კანცლერის ოლაფ შოლცის განცხადებით, გერმანია აშშ-სა და დიდ ბრიტანეთთან ერთად, უკრაინას მრავალჯერადი გაშვების სარაკეტო სისტემებს და მძიმე შეიარაღებას მიაწვდის. ,,ჩვენ მივაწვდით ანტიბალისტიკურ სისტემას, რომელსაც შეუძლია გადაარჩინოს ოდესა ან კიევი. ასევე გადავწყვიტეთ, დიდ ბრიტანეთთან და შეერთებულ შტატებთან ერთად, რომ მიგვეწოდება მრავალჯერადი სარაკეტო გამშვები მოწყობილობა“, – განაცხადა გერმანიის კანცლერმა.

ყაზახეთის პრეზიდენტის, ყასიმ-ჟომართ თოყაევმა, პეტერბურგის საერთაშორისო ეკონომიკური ფორუმის პლენარულ სესიაზე სიტყვით გამოსვლისას, განაცხადა რომ ერების თვითგამორკვევის უფლება რეალურად თუ განხორციელდება, მსოფლიოში ქაოსს გამოიწვევს. „გამოთვლილია, რომ ერების თვითგამორკვევის უფლება რეალურად თუ განხორციელდება მსოფლიოში, მაშინ 193 სახელმწიფოს ნაცვლად, რომლებიც ამჟამად გაერო-ს წევრები არიან, დედამიწაზე 500-ზე ან 600-ზე მეტი სახელმწიფო გაჩნდება. რა თქმა უნდა, იქნება ქაოსი. ამ მიზეზით, ჩვენ არ ვცნობთ არც ტაივანს, არც კოსოვოს, არც სამხრეთ ოსეთს და არც აფხაზეთს. და, როგორც ჩანს, ეს პრინციპი გავრცელდება კვაზისახელმწიფოებრივ ტერიტორიებზეც, რომლებიც, ჩვენი აზრით, ლუგანსკი და დონეცკი არიან“, – განაცხადა თოყაევმა.

გერმანიის ყოფილი კანცლერის, ანგელა მერკელის განცხადებით, მისმა გადადგომამ შესაძლოა,  უკრაინაში რუსეთის სრულმასშტაბიანი შეჭრის პროვოცირება მოახდინა. „შესაძლოა, ჩემმა გადადგომამ ხელი შეუწყო, ისევე, როგორც საფრანგეთის არჩევნებმა, ავღანეთიდან ჯარების გაყვანამ და „მინსკის შეთანხმებების“ შესრულების შეფერხებამ. აშკარა იყო, რომ მე თანამდებობაზე აღარ ვიქნებოდი, ამიტომ უბრალოდ, უნდა ვთქვა, რომ გასული წლის განმავლობაში კონფლიქტის მოგვარების სხვადასხვა მცდელობებს შედეგი არ მოჰყოლია“, – განაცხადა მერკელმა.

უკრაინის პრეზიდენტი მორიგ ვიდეომიმართვაში კანდიდატის სტატუსთან დაკავშირებით ევროპარლამენტს გადაწყვეტილებას აფასებს და აცხადებს, რომ ეს ისტორიული მომენტია. „ევროკავშირთან სრულფასოვანი ინტეგრაციის დაწყებამდე ერთი ნაბიჯი გვაშორებს. ჩვენ გვაქვს ევროპული კომისიის დადებითი დასკვნა უკრაინის კანდიდატურასთან დაკავშირებით. ეს არის ისტორიული მიღწევა ყველასთვის, ვინც ჩვენი სახელმწიფოსთვის მუშაობს. დარწმუნებული ვარ, უკრაინამ ყველაფერი გააკეთა, რომ გადაწყვეტილება პოზიტიური ყოფილიყო“ – აცხადებს ზელენსკი. მისივე შეფასებით, გადაწყვეტილება, რომელიც ვროკავშირმა მიიღო, მხოლოდ უკრაინას არ მოუტანს სარგებელს. „უკრაინული ღირებულებები ევროპული ღირებულებებია.  ევროკავშირთან ჩვენი დაახლოება მხოლოდ ჩვენთვის არ არის დადებითი. ეს არის უდიდესი წვლილი ევროპის მომავალში მრავალი წლის განმავლობაში“, – აცხადებს პრეზიდენტი ზელენსკი.