დღე: ივნისი 9, 2022

საქართველოს პარლამენტის წევრი კახა ოქრიაშვილი მმართველი პარტიის წევრებს მიმართავს და პარლამენტის დატოვებისკენ მოუწოდებს. „ევროპარლამენტმა მიიღო ვრცელი რეზოლუცია, რომლის მიხედვითაც: 1.     ხელისუფლებისგან მოითხოვეს, ბოლო მოეღოს ჟურნალისტების და მედიის წინააღმდეგ ძალადობას, შევიწროებას, დაშინებასა, ცენზურის ყველა გამოვლინებას და დაუყოვნებლივ გათავისუფლდნენ პოლიტპატიმრები. 2.     ხდება ოპონენტების მოტივირებული დევნა სასამართლოს, ძალოვანი უწყებების, სუს-ის, კრიმინალის და ა.შ. ჩართულობით. 3.     გამოხატეს შეშფოთება იმ დესტრუქციული, ანუ დამანგრეველი როლის გამო, რომელსაც თამაშობს ოლიგარქი ბიძინა ივანიშვილი საქართველოს პოლიტიკასა და ეკონომიკაში და მოუწოდეს საბჭოს და დემოკრატიულ პარტნიორებს, განიხილონ ივანიშვილისთვის პერსონალური სანქციების დაწესების საკითხი, საქართველოში პოლიტიკური პროცესის გაუარესებაში მისი როლის გამო. 4.     შეშფოთებულნი არიან,…

საპარლამენტო ოპოზიციის წარმომადგენელი სალომე სამადაშვილი აცხადებს, რომ მმართველი გუნდის ლიდერს, ირაკლი კობახიძეს დახმარება სჭირდება. მისი შეფასებით, მისი ქმედებებიდან გამომდინარე, ეს ცხადია. „ვფიქრობ, კობახიძეს ადამიანურად, დახმარება სჭირდება. იმდენად არაადეკვატურია მისი განცხადებები, ერთი მეორეზე საოცარ განცხადებებს აკეთებს, რომ რაღაც პრობლემაა. მან ისიც განაცხადა, რომ შეცდომა იყო კანდიდატის სტატუსის მინიჭებაზე განაცხადის შეტანა, რომ, თითქოს, განაცხადის შეტანა აიძულეს „ქართულ ოცნებას“. შემდეგ ამბობს რომ კანდიდატის სტატუსი არაფერს ნიშნავს და ევროპარლამენტი ებრძვის ქართულ სახელმწიფოს. ამ გზავნილების ფონზე ერთი რამის თქმა შეიძლება – კობახიძეს და დანარჩენებს ჭკუა არ მოეკითხება“ – განაცხადა სალომე სამადაშვილმა.

ტექდათვალიერების გაუვლელობაზე სანქციების გამკაცრების პარალელურად, ავტომანქანების გამონაბოლქვის ვიზუალური კონტროლიც იწყება. როგორც პარლამენტში აცხადებენ,  მუშაობენ ჰაერის დაბინძურებასა და ავტოსატრანსპორტო საშუალებებიდან მავნე ნივთიერებების გამონაბოლქვის რეგულირებასთან დაკავშირებული პრევენციული მექანიზმების შემუშავებაზე. „მუშაობა ორ ნაწილად მიმდინარეობს – ერთი მიმართულებაა ტექნიკური ინსპექტირების საკითხების ხარვეზების გამოვლენისა და დარეგულირება.  მეორე მიმართულებაა ვიზუალური გამონაბოლქვი. შევთანხმდით, რომ ეს ორი საკითხი ცალ-ცალკე განიხილება, გამომდინარე იქიდან, რომ ვიზუალური გამონაბოლქვის კონტროლი დამატებით ინსტიტუციურ და მარეგულირებელ ტექნიკური აღჭურვის საკითხებთან არის დაკავშირებული. წინასწარი კონსულტაციების შედეგად,  მთავრობამ  აქტიურად დაიწყო მოსამზადებელი სამუშაოები, რათა განისაზღვროს, როგორ, ვინ და როდის იწყებს  ვიზუალური გამონაბოლქვის კონტროლს“ – აცხადებს მაია ბითაძე. კანონპროექტის ინიცირება საგაზაფხულო სესიის დასრულებამდე…

ავტოტრანსპორტის ტექნიკური დათვალიერების გავლის ვალდებულების შეუსრულებლობის გამო ჯარიმები იზრდება.  ავტოტრანსპორტის ტექნიკური ინსპექტირების გავლის ხარვეზების გამოვლენას, გამკაცრებას  და დარეგულირებას ითვალისწინებს საკანონმდებლო ცვლილება, რომელიც „ადმინისტრაციულ სამართალდარღვევათა კოდექსში“ უნდა განხორციელდეს. პროექტთან დაკავშირებით დღეს გარემოს დაცვისა და ბუნებრივი რესურსების კომიტეტში,  სამუშაო ჯგუფის ფარგლებში იმსჯელეს. ცვლილების მიხედვით, ტექნიკური დათვალიერების გავლის ვალდებულების შეუსრულებლობის გამო ერთხელ დაჯარიმებული ფიზიკური პირი ჯარიმის დაკისრებიდან 30 დღის განმავლობაში თუ არ გაივლის ტექდათვალიერებას, დაეკისრება ჯარიმა – 150 ლარის, ხოლო იურიდიულ პირს – 300 ლარის ოდენობით. იმავე დარღვევის განმეორების შემთხვევაში, თუ ფიზიკური ან იურიდიული პირი 30 დღის განმავლობაში ისევ არ გაივლის ტექდათვალიერებას, ჯარიმის ოდენობა იზრდება…

„საქართველოს სამოქალაქო კოდექსში“ შეტანილი ცვლილებების თანახმად, მარტოხელა დედის და მარტოხელა მამის ტერმინები ახალი რედაქციით ყალიბდება. კერძოდ, მარტოხელა დედა/მარტოხელა მამა არის პირი: რომელსაც ჰყავს 18 წლამდე ასაკის შვილი, თუ ბავშვის დაბადების აქტის ჩანაწერში არ არის შეტანილი ჩანაწერი ბავშვის მეორე მშობლის შესახებ; ჰყავს შვილად აყვანილი 18 წლამდე ასაკის ბავშვი, თუ ბავშვის დაბადების აქტის ჩანაწერში არ არის შეტანილი ჩანაწერი ბავშვის მეორე მშობლის შესახებ; თუკი არასრულწლოვანი შვილის მეორე მშობელი გარდაცვლილია, გამოცხადებულია გარდაცვლილად ან აღიარებულია უგზო-უკვლოდ დაკარგულად და თუკი მისი არასრულწლოვანი შვილის მეორე მშობელს ჩამორთმეული აქვს მშობლის ყველა უფლება და მოვალეობა. ცვლილებები შედის საგადასახადო კოდექსშიც.…

,,ერთადერთი, რასაც ივანიშვილს საქართველოს „კეთილმოსურნე“ შეიძლება ედავებოდეს, ის შეიძლება იყოს, რომ საქართველოს ხელისუფლებამ რუსეთს სანქციები არ დაუწესა და ამით საკუთარი ქვეყანა და ხალხი არ დასაჯა,”- ამის შესახებ, „ქართული ოცნების“ თავმჯდომარემ, ირაკლი კობახიძემ განაცხადა. კობახიძის შეფასებით, სრულიად გაუგებარია, რატომ ედავება ევროპარლამენტი ბიძინა ივანიშვილს პოლიტიკაში ჩართულობას ყოველგვარი არგუმენტისა და მტკიცებულების გარეშე. მისი თქმით, ერთადერთი, რასაც  საქართველოს ,,ედავებოდნენ” არის ის, რომ საქართველო ომში არ ჩაერთო. ,,როდესაც პოლიტიკიდან გასულ ადამიანს ევროპარლამენტის რეზოლუცია პოლიტიკაში ჩართულობას ყოველგვარი არგუმენტისა და მტკიცებულების გარეშე ედავება, ეს ცალკე პრობლემაა. თუმცა, თეორიულად რომც დავუშვათ, რომ ბიძინა ივანიშვილი ჩართულია პოლიტიკაში, გაუგებარია, რას…

„ქართული ოცნების“ თავმჯდომარე, ირაკლი კობახიძე ევროპარლამენტის მიერ მიღებულ რეზოლუციას აფასებს. კობახიძის განცხადებით, რეზოლუციას, რომელიც სააკაშვილისა და გვარამიას განთავისუფლებისკენ მოუწოდებს ხელისუფლებას ,,ჩალის ფასი აქვს”. ,,მსუბუქად ნამდვილად ვერ გამოვეხმაურებით ევროპარლამენტის რეზოლუციის იმ ნაწილს, რომელიც საქართველოს ხელისუფლებას „ჰუმანიტარული მოტივით“ მიხეილ სააკაშვილის საზღვარგარეთ გადაყვანისა და ნიკა გვარამიას განთავისუფლებისკენ მოუწოდებს. განსაკუთრებით შემაშფოთებელია, როდესაც ამგვარ მოწოდებებს ვკითხულობთ რეზოლუციაში, რომელიც მედიის თავისუფლებასა და ადამიანის უფლებებს ეხება. ღმერთმა დაიფაროს საქართველო და ევროკავშირის თითოეული ქვეყანა მედიის თავისუფლებისა და ადამიანის უფლებების იმ სტანდარტისგან, რომელიც 2004-12 წლებში სააკაშვილმა და გვარამიამ დაამკვიდრეს. გამაოგნებელია, როდესაც ევროპარლამენტი მედიის თავისუფლებასთან დაკავშირებულ რეზოლუციაში იმ ადამიანების განთავისუფლებისკენ…

პარტია ,,ლელოს” წევრი სალომე სამადაშვილის განცხადებით, 700 ევროპარლამენტარიდან ვერ მოძებნა ვერც ერთი ადამიანი, ვინც დადებითად შეაფასებდა, ხელისუფლების ქმედებებს. მისი თქმით, რეზოლუციაზე, რომელზეც ევროპარლამენტში გუშინ იმსჯელეს, ბიძგი ნიკა გვარამიას დაკავებამ მისცა. „ევროპარლამენტში ნათლად გამჟღავნდა, რომ „ქართული ოცნება“ არის მატყუარა ხალხისგან დაკომპლექტებული პოლიტიკური გუნდი, რომელიც ქართველ ხალხს უსირცხვილოდ ატყუებს. იმ ხალხმა, ვისაც „ქართული ოცნება“ სისტემატიურად ლანძღავს, თავს ესხმის და ზოგიერთი მათგანი ჩვენი ქვეყნიდან გააგდო, ნათელი განცხადება გააკეთა, რომ საქართველოსთვის კანდიდატის სტატუსის მინიჭებას მხარს უჭერს. „ქართულმა ოცნებამ“ 700 ადამიანში ვერ მოძებნა ვერც ერთი ადამიანი, ვინც იტყოდა, რომ დღევანდელი ხელისუფლება რაიმე პოზიტიურს აკეთებს. პირიქით,…

ფრაქცია „ქართული ოცნების“ თავმჯდომარე მამუკა მდინარაძე მიიჩნევს, რომ პრეზიდენტის საქმეა, შეიწყალებს თუ არა ნიკა გვარამიას. მისი თქმით, თუ ვინმეს აღნიშნული განაჩენი უსამართლობა ჰგონია, მან უნდა გაასაჩივროს შესაბამისი ინსტანციის სასამართლოში „ყველამ უნდა გავითავისოთ ერთი რამ, ეს არ არის ჩვენი საქმე, პრეზიდენტის საქმეა, მაგრამ შეწყალებას ზოგადი დათქმა აქვს. შეწყალება არ არის მესამე, მეოთხე თუ მეხუთე ინსტანციის შემთავსებელი აქტი, რომლის კომპეტენციაც პრეზიდენტს გააჩნია, ანუ, მგონია, რომ რაღაც უსამართლობაა და ახლა პრეზიდენტმა შეიწყალოს. თუ ვიღაცას უსამართლობა ჰგონია, მან უნდა გაასაჩივროს შესაბამისი ინსტანციის სასამართლოში და თუ უსამართლობაა, ეს უნდა გამოსწორდეს, რა თქმა უნდა, ასეთის არსებობის…

,,ქართული ოცნების” აღმასრულებელი მდივანი, მამუკა მდინარაძე  ევროპარლამენტში გამართულ დებატებს ეხმიანება, სადაც საქართველოში მედიის მდგომარეობის შესახებ რეზოლუციაზე იმსჯელეს. მდინარაძის შეფასებით, ხორციელდება საქართველოზე შეტევა და ცდილობენ საქართველოს შეექმნას ხელოვნური ბარიერები . ,,როდესაც ერთი თვის თავზე ევროპელი ჩვენი კოლეგები, ათზე მეტი, სამწუხაროდ, გამოდიან და აბსოლუტურად შებრუნებულ, კატასტროფულ სიტუაციას ხატავენ და ამგვარად უტევენ საქართველოს ხელისუფლებას, იმ რეალობას რომელიც საქართველოში არის და ამ რეალობის საწინააღმდეგო ფეიკს ავრცელებენ, უკვე არა მხოლოდ რაღაც ლოკალურ დონეზე, არამედ ასეთი მაღალი ტრიბუნიდან, ეს არის შეტევა საქართველოზე. რაც შეეხება იმ კითხვას, რა შეიცვალა ამ პერიოდის განმავლობაში, ერთი ადამიანის დაკავება, მაგალითად, შეუძლებელია…

პარტია „ლელოს“ წევრი, სალომე სამადაშვილი ევროპარლამენტში გამართულ დებატებს ეხმიანება, სადაც საქართველოში მედიის მდგომარეობის შესახებ რეზოლუციაზე იმსჯელეს. მისი თქმით, პოლიტიკური პასუხისმგებლობა მთლიანად „ქართულ ოცნებას“ ეკისრება. ,,სწორედ ასეთი ზეწოლა გამოიწვევს გარდამტეხ ცვლილებებს ჩვენს ქვეყანაში. რამდენიმე დღე რჩება დაგაწყვეტილების მიღებამდე, პოლიტიკური პასუხისმგებლობა მთლიანად „ქართულ ოცნებას“ ეკისრება. მართლმსაჯულების პრობლემა, ზეწოლა მედიაზე და რეფორმების ჩაგდება, დამაბრკოლებელი ფაქტორი იქნება და ეს ნათელი გზავნილებია პარტნიორების მხრიდან. ჩვენ ევროპელ კოლეგებში უპრეცენტო ერთსულოვნებაა. ყველაზე კრიტიკულები სწორედ “ქართული ოცნების” ევროპელი პარტნიორები არიან თავის შეფასებებში. „ქართულ ოცნებას“ კონკრეტული ნაბიჯები აქვს გადასადგმელი, საქართველოს ხელისუფლებამ ნათელი გზავნილი უნდა გაუგზავნოს ევროპას, თუ რეალურად სურს…

არასამთავრობო ორგანიზაციები პრეზიდენტს მოუწოდებენ, ვეტო დაადოს „ფარული მიყურადების გაუარესებულ კანონმდებლობას“. მიმართვას ხელს  აწერს  10 არასამათავრობო ორგანიზაცია. ,,2022 წლის 7 ივნისს საქართველოს პარლამენტმა მხარი დაუჭირა საკანონმდებლო ცვლილებებს, რომლის თანახმად მნიშვნელოვნად უარესდება ფარული საგამოძიებო მოქმედებების დროს ადამიანის უფლებათა დაცვის უზრუნველყოფის სტანდარტი. მიღებული კანონი არ შეესაბამება ადამიანის უფლებათა დაცვის საერთაშორისო ნორმებს და ადამიანის უფლებათა დაცვის ევროპული სასამართლოს პრაქტიკას. საკანონმდებლო ცვლილებები არაერთი ხარვეზით ხასიათდება, მათგან განსაკუთრებით აღსანიშნავია ფარული საგამოძიებო მოქმედებების ვადასთან და პირისათვის ფარული საგამოძიებო მოქმედებების შეტყობინებასთან დაკავშირებული ახალი წესები, კერძოდ, ფარული მოსმენები 77 დანაშაულზე შეიძლება უვადოდ განხორციელდეს და რიგი დანაშაულების შემთხვევაში პირმა შესაძლოა…

პარტია ,,ნაციონალური მოძრაობის” წევრი ხატია დეკანოიძე, სალომე ზურაბიშვილს მოუწოდებს, დაუყონებლივ შეიწყალოს ნიკა გვარამია. მისი თქმით, საქართველომ არ დაკარგოს ევროინტეგრაციის შანსი. ,,ეს ორი კვირა უნდა იყოს გამოყენებული, რომ საქართველომ არ დაკარგოს ევროინტეგრაციის შანსი, რომ გათავისუფლდეს ნიკა გვარამია და ამისთვის სალომე ზურაბიშვილის გადაწყვეტილება იქნება ძალიან მნიშვნელოვანი – მოვუწოდებ მას ჩვენი მეგობრების, ყველა იმ ადამიანის სახელით, რომელიც არის საქართველოს მოქალაქე და სურს ევროინტეგრაცია, რომ მიიღოს გადაწყვეტილება 24 ივნისამდე,”- განაცხადა ხატია დეკანოიძემ.

საპარლამენტო უმრავლესობის წევრი ირაკლი ჩიქოვანი ევროპარლამენტში გამართულ დებატებს ეხმიანება, სადაც საქართველოში მედიის მდგომარეობის შესახებ რეზოლუციაზე იმსჯელეს. ჩიქოვანის განცხადებით, საქართველოში არსებული მედია გარემო აბსოლუტურად თავისუფალია და ამას ბევრი, დასკვნა და შეფასებაა მოწმობს. „ეს არის სამწუხარო რეალობა, რომელსაც ვხედავთ. საქართველოში არსებული მედია გარემო აბსოლუტურად თავისუფალია. ბევრი დასკვნა და შეფასებაა, რომელიც პირდაპირ ამბობს, რომ საქართველოს მედია გარემო არის თავისუფალი, არ არსებობს არანაირი წინაღობა, თუმცა ევროპარლამენტარების მიერ გაკეთებული განცხადებები არ არის იმ კონტექსტის გათვალისწინებით, რაც გვაქვს. საქართველოში რა მედია გარემოც იყო 2012 წლამდე და რაც არის დღეს, ცხადი და ნათელი კონტრასტია. არანაირი წინაღობა არ…

საქართველოს პარლამენტის ვიცე-სპიკერი, არჩილ თალაკვაძე ევროპარლამენტში გამართულ დებატებს ეხმიანება, სადაც საქართველოში მედიის მდგომარეობის შესახებ რეზოლუციაზე იმსჯელეს. თალაკვაძის განცხადებით, ნიკა გვარამია და მიხეილ სააკაშვილი კანონმდებლობის სრული დაცვით მიცემული არიან პასუხისგებაში. მისი თქმით, ხელისუფლებამ გააძლიერა დემოკრატიული ინსტიტუტები, დაცულია ადამიანის უფლებები და მედია არის პლურალისტური. „სიმართლე საქართველოს მხარესა, არც ნიკა გვარამიაა თავისუფალი მედია და არც მიხეილ სააკაშვილი დემოკრატიის შუქურა. ეს ადამიანები კანონმდებლობის სრული დაცვით მიცემული არიან პასუხისგებაში. მიგვაჩნია, რომ რეზოლუცია აბსოლუტურად აცილებულია რეალობას, რაც ჩვენს ქვეყანაშია. წლების განმავლობაში ჩვენ გვაქვს როგორც ევროკავშირის, ასევე ევროსაბჭოს და სხვა საერთაშორისო შეფასებები, სადაც საუბარი იყო წლების განმავლობაში, რომ საქართველო ასრულებს…

,,ლელოს“ წევრი, დავით უსუფაშვილი ევროპარლამენტში გამართულ დებატებს ეხმიანება, სადაც საქართველოში მედიის მდგომარეობის შესახებ რეზოლუციაზე იმსჯელეს. უსუფაშვილის თქმით, ასეთი რეზოლუციის მიღება არის სირცხვილი. „ევროპას საქართველოში გვარები და სახელები არ აინტერესებს, არც პოლიტიკური პარტიების დასახელებები და ფერები. მათ აინტერესებთ, დაინახონ, რომ საქართველოს მოსახლეობის ევროპისკენ სწრაფვა ადეკვატურად არის გააზრებული პოლიტიკური კლასის მიერ. პირველ რიგში, ხელისუფლების მიერ და იდგმება სწორი ნაბიჯები. ახლა რას გვეტყვიან „ქართული ოცნების“ პარტიული ლიდერები, რომლებიც ლაპარაკობდნენ იმაზე, რომ ოთხი-ხუთი კრიმინალის მფარველი და ოპოზიციის მიერ მოსყიდული ევროპარლამენტარი აკრიტიკებდა საქართველოს. საქართველოსთვის 400-500 ევროპარლამენტარის პოზიცია რომ დაფიქსირდება, ეს იქნება ძალიან მძიმე. ასეთი მაღალი…

„ნაციონალური მოძრაობის“ წევრის, ხატია დეკანოიძის განცხადებით, საქართველოს შესახებ, პოლიტპატიმრებისა და ჟურნალისტების თაობაზე ასეთი მწვავე მოსმენები არ ყოფილა ევროპარლამენტში. მისი თქმით, მომდევნო ორი კვირა იქნება გადამწყვეტი და უმნიშვნელოვანესი იმისთვის, რომ საქართველოსთვის არ დაიხუროს ევროპის კარი. ,,ყველა ჯგუფის წარმომადგენელი, მათ შორის იმ ჯგუფის წარმომადგენლები, რომელსაც „ქართული ოცნება“ მიეკუთვნება, მძიმედ აკრიტიკებენ საქართველოში პოლიტიკურ მართლმსაჯულებას და განსაკუთრებით, ნიკა გვარამიას დაპატიმრების შემდეგ არსებულ სიტუაციას.  ყველა პოლიტიკური ჯგუფის წარმომადგენელი ხაზს უსვამს იმას, რომ საქართველოს მოქალაქეები იმსახურებენ ევროინტეგრაციას და ღია კარს ევროპაში, მაგრამ ხელისუფლების მიმართ არის უმძიმესი დამოკიდებულება. ყველა ის ადამიანი ვიხილეთ, რომელსაც „ქართული ოცნება“ ყველაზე უფრო…

საქართველოში შვედეთის ელჩის, უკრიკ ტიდესტრომის განცხადებით, ევროინტეგრაცია არის ხანგრძლივი პროცესი და ამ გზაზე, საქართველო უნდა შეეცადოს უფრო ძლიერი ეროვნული ერთიანობის შექმნას. მისი თქმით, საქართველომ მტკიცედ უნდა დაიცვას ევროკავშირის საერთო ღირებულებები. „როგორც იცით, ძალიან მალე ჩვენ ველოდებით დასკვნას ევროპული კომისიისგან, რის შემდეგაც გაიმართება განხილვები ევროკავშირის წევრ ქვეყნებს შორის. დღეს არ მსურს სპეკულირება შედეგებთან დაკავშირებით. ის, რასაც ყოველთვის ხაზს ვუსვამ, არის, რომ: პირველი, ევროინტეგრაცია არის ხანგრძლივი პროცესი, მეორე, რას მოიმოქმედებს საქართველო ამ ხანგრძლივი პროცესის დროს. ჩემი, როგორც მტკიცე მეგობრის რჩევა იქნება, რომ საქართველო შეეცადოს უფრო ძლიერი ეროვნული ერთიანობის შექმნას ზოგადად და ევროინტეგრაციის…

ოპოზიციონერი დეპუტატი, პაატა მანჯგალაძე ევროპარლამენტში გამართულ დებატებს ეხმიანება, სადაც საქართველოში მედიის მდგომარეობის შესახებ რეზოლუციაზე იმსჯელეს. მისი თქმით,  ევროპარლამენტში გაკეთებული განცხადებები კრიტიკული, თუმცა სამართლიანი იყო. ,,ევროპარლამენტში გაკეთებული განცხადებები იყო კრიტიკული, მაგრამ ამავე დროს იყო სამართლიანი. იმედი მაქვს, ამ სამართლიან კრიტიკას გაიზიარებს “ქართული ოცნება” და ამას არ მოჰყვება ჩვენი ევროპელი პარტნიორების ლანძღვა-გინების კამპანია. კრიტიკასთან ერთად საუბარია იმაზე, რომ მაინც უნდა მისცენ კანდიდატის სტატუსი ქვეყანას და “ქართულ ოცნებას” არ უნდა გადავაყოლოთ საქართველო. თუ ასეთი ადვილია ზემოქმედება ევროპარლამენტარებზე, რატომ არ მოახდინა გავლენა თავის პარტნიორ “სოციალ – დემოკრატების” ოჯახზე, რატომ იყვნენ ისინიც კრიტიკულად განწყობილები?! ძალიან…