ვარშავაში საქართველოს 32 წლის მოქალაქე დააკავეს, რომელიც აფთიაქებიდან და მაღაზიებიდან ნაღდ ფულს იპარავდა.
,,ადგილობრივი მაცხოვრებლებისა და ჩვენი მკითხველებისგან გვესმის, რომ ზაბკსა და მარეკში გარკვეული პერიოდის განმავლობაში საქართველოს მოქალაქეთა ბანდები ტრიალებენ”,- წერს zyciepw.pl.
მედიის ცნობით, საქართველოს მოქალაქემ ისარგებლა იმ მომენტით, როდესაც თანამშრომელი უკანა ოთახში იმყოფებოდა, მივიდა დახლს და სალაროდან ბანკნოტების შეკვრა ამოიღო. თუმცა, ფარმაცევტის სწრაფმა რეაქციამ თავდამსხმელი შეაშინა, მან ფული გადააგდო და გაურკვეველი მიმართულებით გაიქცა.
შემთხვევის ადგილზე პოლიცია გამოიძახეს და კამერის ჩანაწერების საფუძველზე შესაძლებელი გახდა ქურდის ზუსტი სურათის დადგენა. ორ საათზე ნაკლებ დროში, 32 წლის საქართველოდან სასურსათო მაღაზიის მახლობლად კვალს მიაკვლიეს. თანამშრომლებმა ის მაშინვე დააკავეს.
მამაკაცი ვოლომინის პოლიციის დაკავების ცენტრში გადაიყვანეს. ამ ტიპის დანაშაულისთვის პოლონეთის სისხლის სამართლის კოდექსი ითვალისწინებს თავისუფლების აღკვეთას 3 თვიდან 5 წლამდე.
