ყოფილი მეუღლის მიერ, სასტიკად მოკლული მარიტა მაზიაშვილის დის განცხადებით, ქალს ნიკოლოზ ლაჩაშვილთან შერიგება არ სურდა და ამის გამო ემუქრებოდა.
,,მარის არ უნდოდა მასთან შერიგება და ამის გამო ემუქრებოდა. მარი რომ დაიკარგა, მატყუებდა, ცოცხალია, რა გატირებსო. მიცნობდა, ისარგებლა იმით, რომ აქ არ ვიყავი და ეს გააკეთა. იცოდა, რისი გამკეთებელიც ვიყავი და იცოდა, რა გავუკეთე, როცა 15 წლის და მომტაცა და გამიუბედურა“,- განაცხადა მაია მაზიაშვილმა.
როგორც მაია მაზიაშვილი “რადიო თავისუფლებასთან” საუბარში აცხადებს, ადვოკატის მიერ გავრცელებული ინფორმაცია, რომ ლაჩაშვილს ფსიქიკურ ჯანმრთელობასთან დაკავშირებული პრობლემები აქვს, ტყუილია.
,,ტყუილია რომ ფსიქიკური პრობლემები ჰქონდა. კი იწვა, მაგრამ იწვა იმიტომ, რომ წამალს იკეთებდა. ამიტომ გაშორდა ჩემი დაც, რომ ხელს არ ანძრევდა, არ მუშაობდა, რომ ცოლ-შვილი გამოეკვება და სულ გაშტერებული დადიოდა. ჩემი გაზრდილი იყო ეგეც და ჩემი დაც. ორივე. დაწერეთ, ყველგან დაწერეთ, რომ მკვლელია და უმკაცრესად უნდა დაისაჯოს” – აცხადებს მაია მაზიაშვილი “რადიო თავისუფლებისთან”.
თბილისში, კაცმა ყოფილი მეუღლე გაგუდა და ხევში გადააგო – დაკავებულია 1 პირი