ილიას სახელმწიფო უნივერსიტეტის პროფესორის, სეისმოლოგ ზურაბ ჯავახიშვილის განცხადებით, მიუხედავად იმისა, რომ თბილისი მაღალი სეისმური რეგიონი არ არის, მჭიდრო დასახლებები, მაღალი შენობები და უხარისხო ნაგებობები სერიოზულ საფრთხეს ქმნის.
„სეისმური საფრთხის მაღალი დონეა კავკასიონის მთავარი ქედი. განსაკუთრებით კი მისი ცენტრალური ნაწილი, სადაც რაჭის მიწისძვრა მოხდა. აღმოსავლეთით კი საკმაოდ აქტიურია კახეთის მხარე და ჯავახეთის ზეგანი. ეს არის მკვეთრად გამოხატული მაღალი სეისმური საფრთხის ზონები. მიუხედავად იმისა, რომ თბილისი სეისმურობით მაღალი რისკის ზონა არის არის, ყურადღებაა მისაქცევი. მჭიდრო დასახლებები, მაღალი შენობები დიდ საფრთხეს ქმნის. ასევე, უხარისხო მშენებლობები“ – აღნიშნა სეისმოლოგმა „მედიაცენტრ მთავართან.“
მისივე თქმით, საქართველოში თურქეთის მსგავსი მიწისძვრა მოსალოდნელი არ არის.
