საქართველოში დღეიდან, 14 იანვრიდან გამოიდარებს და უმეტესწილად მშრალი და უნალექო ამინდი შენარჩუნდება.
როგორც გარემოს ეროვნულ სააგენტოში განმარტავენ, დღის განმავლობაში, დაბლობში ჰაერის ტემპერატურა +11, +16 გრადუსამდე მოიმატებს.
14 იანვარს, დასავლეთ საქართველოშიც უნალექო და ქარიანი ამინდი შენარჩუნდება. ქარის სიჩქარე კი ნელ-ნელა შემცირდება და მას გრიგალის კატეგორია არ ექნება.
რაც შეეხება თბილისს, დღეიდან 20 იანვრამდე თბილისში უნალექო ამინდია მოსალოდნელი. ჰაერის ტემპერატურა ღამის საათებში -3, -5 გრადუსის ფარგლებში დაფიქსირდება, დღისით კი +7, +9 გრადუსამდე მოიმატებს.