დღე: ივნისი 1, 2022

რუსეთის ფედერაციის საბჭოს სპიკერის ვალენტინა მატვიენკოს განცდხადებით, რუსეთი მზადაა, ხელი მოაწეროს კიევთან სამშვიდობო შეთანხმებას. მისი თქმით, მოლაპარაკებების გაგრძელებას კიევი აფერხებს. „ჩვენ გვჭირდება დიპლომატიური, მშვიდობიანი გადაწყვეტილებები, მაგრამ ამას ორი ქვეყნის ნება სჭირდება. ჩვენ მზად ვართ მოლაპარაკებებისთვის, ხელშეკრულების ხელმოწერისთვის, რაც დაასრულებდა სამოქალაქო ომს უკრაინაში და მიგვიყვანდა მშვიდობამდე, მაგრამ ჩვენ ვერ ვხედავთ ასეთ რეაქციას კიევისგან“, – აღნიშნა მატვიენკომ.  

მეტი...

საქართველოს პრემიერ-მინისტრმა, ირაკლი ღარიბაშვილმა პარლამენტს სამთავრობო პროგრამის შესრულების შესახებ მოხსენება წარუდგინა. დოკუმენტში აღნიშნულია, რომ საქართველო ომის დაწყებიდან დღემდე, აგრძელებს უკრაინის მხარდაჭერას. მისი თქმით, საქართველოს მიერ უკრაინისადმი მხარდამჭერი განცხადებების, დეკლარაციებისა და გადაწყვეტილებების რაოდენობამ 260-ს მიაღწია. „ტრადიციულად პრიორიტეტული იყო საქართველოს სტრატეგიულ პარტნიორ უკრაინასთან მჭიდრო დიალოგის შემდგომი განმტკიცება. ამ მიზნით, 2021 წელს გაიცვალა უმაღლესი და მაღალი დონის ვიზიტები. 19-20 ივლისს, ბათუმის საერთაშორისო კონფერენციაში მონაწილეობა მიიღეს უკრაინისა და მოლდოვის პრეზიდენტებმა. უკრაინაში რუსეთის ფედერაციის სრულმასშტაბიანი სამხედრო აგრესიის დაწყების დღიდან, საქართველო მტკიცედ განაგრძობს უკრაინის მხარდაჭერას როგორც პოლიტიკური და დიპლომატიური, ასევე ჰუმანიტარული მიმართულებით. 2022 წლის 22-23 თებერვალს,…

მეტი...

ლუგანსკის რეგიონული სამხედრო ადმინისტრაციის ხელმძღვანელის, სერგეი გაიდაის განცხადებით,  ოკუპანტები სევეროდონცეკის დიდ ნაწილს აკონტროლებენ. მისი თქმით, სამშაბათს თავდასხმები ქალაქის ჩრდილოეთით, სამხრეთითა და აღმოსავლეთით განხორციელდა. ,,რუსები შტურმით იჭრებიან, კონსოლიდირდებიან სევეროდონეცკის ცენტრში, აგრძელებენ ინფრასტრუქტურისა და სამრეწველო ობიექტების განადგურებას და ასევე ანადგურებენ საცხოვრებელ სახლებს ქალაქში და მის გარშემო”,- აღნიშნავს გაიდაი.

მეტი...

უკრაინის პრეზიდენტის , ვოლოდიმირ ზელენსკის განცხადებით, უკრაინა ყოველდღიურად 60-100 ჯარისკაცს კარგავს. მისი თქმით, რთული ვითარებაა ქვეყნის აღმოსავლეთით. „სიტუაცია ძალიან რთულია. ჩვენ ყოველდღიურად ვკარგავთ 60-100 ჯარისკაცს, 500-მდე კი ბრძოლაში იჭრება. ასე ვინარჩუნებთ თავდაცვით ხაზებს“, – განაცხადა ვოლოდიმირ ზელენსკიმ.  

მეტი...

კანადამ რუსეთის 22 მოქალაქეს სანქციების დაუწესა. სანქცირებულ პირებს  შორის ალინა კაბაევაცაა, რომელიც რუსეთის პრეზიდენტის, პუტინის პარტნიორი და ყოფილი ტანმოვარჯიშეა. „ჩვენ მიზანში ვიღებთ ბანკებს, პუტინის რეჟიმთან დაახლოებულ ოლიგარქებს, ისევე როგორც მის, არ ვიცი რა ვუწოდო მას, მის პარტნიორს“, – განაცხადა კანადის საგარეო საქმეთა მინისტრმა მელანი ჯოლიმ. კაბაევას გარდა, სანქციების ახალი რაუნდის სამიზნეს წარმოადგენენ რუსეთის აგრარული ბანკი, Investtradebank და ფონდების მართვის ორი ფირმა. სანქციები აქტივების გაყინვასა და კანადაში შესვლის აკრძალვას გულისხმობს.

მეტი...

გაერო-ში ამერიკის შეერთებული შტატების ელჩის, ლინდა თომას-გრინფილდის განცხადებით, ჯო ბაიდენის ადმინისტრაციამ მკაფიოდ განმარტა, რომ უკრაინას მხოლოდ თავდაცვით იარაღს გადასცემდა. „არ ვაძლევთ არანაირ იარაღს, რომელიც უკრაინელებს საშუალებას მისცემს, რუსეთს უკრაინის შიგნიდან შეუტიონ. პრეზიდენტმა ბაიდენმა ძალიან მკაფიოდ განაცხადა, რომ ჩვენ არ ვაპირებთ ომის მხარე გავხდეთ, თუმცა მხარს დავუჭერთ უკრაინის ძალისხმევას, დაიცვას საკუთარი სუვერენიტეტი და ტერიტორიული მთლიანობა“, – განაცხადა გაერო-ში აშშ-ის ელჩმა.

მეტი...

იტალიის პრემიერ-მინისტრი მარიო დრაგი აცხადებს, რომ უკრაინისთვის ევროკავშირის კანდიდატი ქვეყნის სტატუსის მინიჭებას, იტალიის გარდა ევროკავშირის წევრი არც ერთი დიდი სახელმწიფო მხარს არ უჭერს. პრემიერის ცნობით, ნაკლებად სავარაუდოა უკრაინამ კანდიდატის სტატუსი მიიღოს. ,,მე მხარს ვუჭერ უკრაინის ევროკავშირში გაწევრიანებას, თუმცა კანდიდატის სტატუსის მინიჭებას არ უჭერს მხარს ევროკავშირის არც ერთი დიდი წევრი სახელმწიფო, გარდა იტალიისა. კანდიდატის სტატუსის მიღება ახლა არაა მოსალოდნელი. თუ მკითხავთ, წარმომიდგენია თუ არა, რომ უკრაინა კანდიდატი ქვეყნის სტატუსის მიღებას დაჩქარებულად შეძლებს, დიახ, ასეთი რამ შესაძლებელია და ევროკომისია ამის შესახებ ანგარიშს წარმოადგენს,”- აღნიშნავს მარიო დრაგი.

მეტი...

დიდი ბრიტანეთის პარლამენტმა შესაძლოა, პრემიერ-მინისტრ ბორის ჯონსონს უნდობლობა გამოუცხადოს. გავრცელებული ინფორმაციით,პრემიერს „კონსერვატიული პარტიის“ 41 წევრი უცხადებს უნდობლობას, მათგან 28 პრემიერის დაუყონებლივ გადადგომას ითხოვს. უნდობლობის გამოცხადების მიზეზი წვეულებასთან დაკავშირებული სკანდალია.  საუბარია პრემიერმინისტრის რეზიდენციაში 2020 წელს კოვიდრეგულაციების დარღვევით გამართულ წვეულებებზე. გამოძიების თანახმად, რომელიც პოლიციამ რამდენიმე თვის წინ დაასრულა, 83 პირზე 126 ჯარიმა გამოწერა. ჯარიმა შეეხო ჯონსონს და მის მეუღლესაც. ბორის ჯონსონმა საზოგადოებას ბოდიში უკვე მოუხადა.

მეტი...

თეთრი სახლის პრესსპიკერის, კარინ ჟან-პიერის განცხადდებით, კიევისთვის სარაკეტო სისტემების გადაცემის საკითხს ჯო ბაიდენის ადმინისტრაცია ჯერ კიდევ განიხილავს, მაგრამ ვაშინგტონი უკრაინას შორ რადიუსზე მოქმედ სარაკეტო სისტემებს არ გაუგზავნის. „უპირველეს ყოვლისა, გეტყვით, რომ სისტემების საკითხი ჯერ კიდევ განხილვის საგანია; მაგრამ, როგორც პრეზიდენტმა განაცხადა, ჩვენ არ გავგზავნით შორ რადიუსზე მოქმედ რაკეტებს, ბრძოლის ველს მიღმა გამოყენებისთვის. ახლა რაიმე სპეციფიკური დეტალის თქმა არ შემიძლია“, – განაცხადა პრესსპიკერმა. შეგახსენებთ, რამდენიმე დღის წინ აშშ-ის პრეზიდენტმა, ჯო ბაიდენმა განაცხადა, რომ აშშ არ გეგმავს უკრაინისთვის ისეთი სარაკეტო სისტემების მიწოდებას, რომელსაც რუსეთამდე მიღწევა შეუძლია.  

მეტი...

აშშ-ის პრეზიდენტის ჯო ბაიდენის განცხადებით, ქვეყანა რუსეთ-უკრაინის კონფლიქტში უშუალოდ არ ჩაერთვება, მანამ აშშ-სა და პარტნიორებს თავს არ დაესხმებიან. ამასთან ბაიდენის თქმით, არ ეცდება, უკრაინას ტერიტორიულ დათმობაზე წასვლა აიძულოს. „მიუხედავად იმისა, რომ მე არ ვეთანხმები ბატონ პუტინს და მისი ქმედებები აღმაშფოთებელია, ამერიკის შეერთებული შტატები არ ეცდება მოსკოვში მის ჩამოგდებას. ვიდრე ამერიკასა და პარტნიორებს თავს არ დაესხმებიან, ჩვენ ამ კონფლიქტში უშუალოდ ჩართული არ ვიქნებით, არც უკრაინაში ამერიკელი ჯარისკაცების გაგზავნით, არც რუსეთის ჯარზე თავდასხმით“, – განაცდა ჯო ბაიდენმა. აშშ-ის პრეზიდენტი აღნიშნავს, რომ რუსეთმა უკრაინაში შეჭრის გამო პასუხი უნდა აგოს, სხვა შემთხვევაში, ეს სხვა…

მეტი...

აშშ-ის სახელმწიფო დეპარტამენტის წარმომადგენელის ნედ პრაისის განცხადებით, ამერიკის შეერთებული შტატები, მტკიცედ უჭერს მხარს საქართველოს, უკრაინისა და მოლდოვის ევროპულ მისწრაფებებს. ამასთან, ნედ პრაისმა  საქართველოს, უკრაინისა და მოლდოვის მხრიდან კანდიდატის სტატუსის მიღებასთან დაკავშირებულ  მოლოდინებზე ისაუბრა. „ეს საკითხი აღნიშნულ სამ ქვეყნას და ევროკავშირს ეხება. თუმცა, როგორც სტრატეგიული პარტნიორი, აშშ მტკიცედ უჭერს მხარს საქართველოს, უკრაინისა და მოლდოვის ევროპულ მისწრაფებებსა და ევროპულ ამბიციებს. ჩვენ ამ ქვეყნების გვერდით ვიდექით ამ გზაზე, მათ მიერ დამოუკიდებლობის მოპოვების დღიდან დღემდე და გავაგრძელებთ ამ გზაზე მათ გვერდით დგომას“, – აღნიშნა ნედ პრაისმა.

მეტი...

უკრაინის პრეზიდენტი რუსეთს ულტიმატუმს არ თანხმდება. როგორც პრეზიდენტი ზელენსკი გამოცემა „ნიუსმაქსთან“ აღნიშნა, არსებობს პირობა, რა შემთხვევაშიც რუსები უკრაინელებს ცოცხალს დატოვებენ. „ტერიტორიის დათმობას არ ვაპირებთ. ზოგიერთ ტერიტორიასთან დაკავშირებით არსებობს გარკვეული სირთულეები, მაგრამ მისი  განხილვა შეიძლება. უკრაინა არ დათანხმდება ლუგანსკისა და დონეცკის ტერიტორიის დათმობას. თქვენი  ულტიმატუმი – უნდა დათმოთ თქვენი ტერიტორიის მესამედი და დაგტოვებთ ცოცხალს და მშვიდად, არ არის ის, რაზეც ჩვენ დათანხმება შეგვიძლია“ – აცხადებს პრეზიდენტი ზელენსკი.

მეტი...

პრეზიდენტი ზელენსკი რუსეთისთვის სანქციების მეშვიდე პაკეტს ელოდება. „უკრაინაში გაჩაღებული ომიდან  გამომდინარე, სანქციების ხალ პაკეტზე ვიმუშავებთ. როგორც კი ამუშავებდა რუსეთის წინააღმდეგ დაწესებული სანქციების მეექვსე პაკეტი, დაიწყება მუშაობა მეშვიდე პაკეტზე“ – აცხადებს უკრაინის პრეზიდენტი ვოლოდიმირ ზელენსკი ვიდეომიმართვაში. პრეზიდენტის თქმით, რუსეთმა ხალხი ბრძოლის ჯოჯოხეთში ჩატოვა. „მინდა, მივმართო მათ, ვინც მიუთითებს ჩვენს შეიარაღებულ ძალებს, როგორ უნდა შეტევა და როგორ უნდა განდევნონ მტერი. უკრაინა ყველას აზრს სცემს პატივს, თუმცა, უკრაინა, პირველ რიგში, პატივს სცემს თითოეული ადამიანის სიცოცხლეს. უკრაინა არასდროს მოიქცევა ისე, როგორც რუსეთი იქცევა, როგორც ის ტოვებს ხალხს ბრძოლის ჯოჯოხეთში, მხოლოდ იმიტომ, რომ მოსკოვს რაღაც…

მეტი...